ശശി തരൂർ ഇഫക്ട് കൊല്ലത്ത് പുതിയ ചേരി രൂപപ്പെടുന്നു.

കൊല്ലം :  ശശി തരൂർ ഇഫക്ട് കൊല്ലത്ത് പുതിയ ചേരി രൂപപ്പെടുന്നു. എ ഐ ഗ്രൂപ്പ് വിത്യാസം ഇല്ലാതെയാണ് പുതിയ ഗ്രൂപ്പിന് നീക്കം തുടങ്ങിയിരിക്കുന്നത്.

പ്രതാപവർമ്മ തബാന്റെ മരണത്തോടെ ഒരു വിഭാഗം കോൺഗ്രസ്‌ നേതാക്കൾ 

 എ ഗ്രൂപ്പ് നേതൃത്വവുമായി അകന്നതോടെ പല തട്ടിലായ ജില്ലയിലെ എ ഗ്രൂപ്പ് നേതാക്കളാണ് തരൂരിന്റെ 

 കീഴിൽ ഒരുമിക്കുന്നത്. നിലവിലെ ഡിസിസി നേതൃത്വത്തിനെതിരായ വികാരമുള്ളവരെയും ഈ കൂട്ടായ്മയിലേക്ക് കൊണ്ടു വരാനുള്ള ശ്രമവും നടക്കുന്നു. കഴിഞ്ഞ ദിവസം ഇക്കൂട്ടർ ചാത്തന്നൂരിൽ ഒരു പ്രമുഖ ഐ ഗ്രൂപ്പ്‌ നേതാവിന്റെ വീട്ടിൽ ഒത്ത് ചേർന്നിരുന്നു. വരും ദിവസങ്ങളിൽ ശശിതരൂരിനെ നേരിട്ട് കണ്ടതിന് ശേഷം ഒറ്റകെട്ടായി മുന്നോട്ട് പോകാനാണ് ഇവരുടെ നീക്കം.

കോൺഗ്രസ് പ്രസിഡന്റ് തിരഞ്ഞെടുപ്പിൽ ജില്ലയിൽ നിന്ന്  കെപിസിസി അംഗങ്ങൾ ശശി തരൂരിന് വോട്ട് ചെയ്തിരുന്നില്ല എങ്കിലും തരൂരിനെ അനുകൂലിക്കുന്നവർ ഇപ്പോൾ സംഘടിതമായ നീക്കത്തിലൂടെ പുതിയ ചേരിക്ക് നീക്കം നടത്തുന്നത്.

@ ഡിസിസിക്കെതിരായ പരാതിയുമായി എ ഗ്രൂപ്പ് 

ഐ ഗ്രൂപ്പിന്റെ പാവയായി ഡി സി സി പ്രസിഡന്റ്‌ മാറിയെന്ന് ആരോപിച്ചു കൊണ്ട് 

എ ഗ്രൂപ്പ്‌ കാരനായ 

ഡിസിസി പ്രസിഡന്റിനെതിരെ എ ഗ്രൂപ്പ് നേതാക്കൾ തന്നെ രംഗതെത്തി കെ പി സി സി യ്ക്കും എ ഐ സി സിയ്ക്കും 

പരാതി നൽകാനുള്ള നീക്കത്തിൽ എ ഗ്രൂപ്പിനുള്ളിൽ  തന്നെ ശക്തമായ എതിർപ്പ് ആണ് ഉയരുന്നത്.

 എ ഗ്രൂപ്പിലെ പ്രതാപവർമ്മ തബാൻ 

വിഭാഗം നേതാക്കൾ ഡിസിസി പ്രസിഡന്റിനെതിരെ കടുത്ത വിമർശനവുമായി രംഗത്തെത്തിയിരിക്കുന്നത്. 

എന്നാൽ പരാതി നൽകാൻ ഗ്രൂപ്പ് തീരുമാനിച്ചിട്ടില്ലെന്ന് ഈ ഗ്രൂപ്പിലെ ഒരു വിഭാഗം പറയുന്നു. ഡിസിസി പ്രസിഡന്റിനോട് എതിർപ്പില്ലെന്നാണ് ഇവരുടെ നിലപാട്.

@ പ്രതാപവർമ്മ തമ്പാന് പിന്നാലെ എ ഗ്രൂപ്പ്‌ നേതൃത്വം അൻസാർ അസീസിന് 

ജില്ലയിൽ എ ഗ്രൂപ്പിലെ ശക്തനായ നേതാവായിരുന്ന പ്രതാപവർമ്മ തമ്പാന്റെ മരണത്തോടെ അദ്ദേഹത്തിന് ഒപ്പം ഉറച്ചു നിന്നവർ അൻസാർ അസീസിന്റെയും സുഭാഷ് പുളിയ്ക്കലിന്റെയും നേതൃത്വത്തിൽ ഒരുമിച്ചു പോകാൻ തീരുമാനിച്ചു ഇതിന്റെ ഭാഗമായി അൻസാർ അസീസ് അടുത്തിടെ എ ഗ്രൂപ്പ്‌ നേതാക്കളുടെ യോഗം വിളിച്ചു കൂട്ടിയിരുന്നു.ജില്ലയുടെ വിവിധ ഭാഗങ്ങളിൽ നിന്നും അൻപതോളം നേതാക്കൾ പങ്കെടുത്തിരുന്നു മുതിർന്ന പല എ ഗ്രൂപ്പ്‌ നേതാക്കളും യോഗത്തിൽ പങ്കെടുത്തതോടെ എ ഗ്രൂപ്പിന്റെ ജില്ലയിലെ പുതിയ നേതൃത്വം അൻസാർ അസീസിൽ കേന്ദ്രീകരിച്ചതോടെ ഒരു വിഭാഗം നേതാക്കൾ പ്രതിക്ഷേധമുയർത്തി രംഗതെത്തി. ഇവരിൽ ഒരു വിഭാഗവും ചാത്തന്നൂരിൽ ഐ ഗ്രൂപ്പ്‌ നേതാവ് വിളിച്ചു കൂട്ടിയ യോഗത്തിൽ പങ്കെടുത്തിരുന്നു.

ശശി തരൂർ വിവാദത്തിൽ എ ഗ്രൂപ്പിന്റെ സംസ്ഥാന നേതൃത്വം പരസ്യമായ നിലപാട് എടുക്കാത്തതും ഈ നീക്കത്തിൽ സഹായകരമായി.

നേരത്തേ അഡ്വ. ഷാനവാസ്ഖാന്റെയും കൊടിക്കുന്നേൽ സുരേഷിന്റെയും 

പ്രതാപവർമ്മ തബാന്റെയും നേതൃത്വത്തിൽ 

നേതൃത്വത്തിൽ മൂന്ന് തട്ടിലായിരുന്ന ജില്ലയിലെ എ ഗ്രൂപ്പ് ഇപ്പോൾ പല തട്ടിലാണ്. ഇവരെ ഏകോപിച്ചു പഴയ എ ഗ്രൂപ്പ് സജീവമാക്കാനുള്ള ശ്രമങ്ങളാണ്

അൻസാർ അസീസ് നടത്തുന്നത്.

 

നിർമ്മാണപ്രവർത്തങ്ങൾ ഒരു സൈഡിൽ നടക്കുമ്പോൾ വേണ്ടത്ര സുരക്ഷാ നടപടികൾ സ്വീകരിക്കാത്തത് മൂലം ദേശിയപാത അപകട മേഖലയായി മാറുന്നു.

നിർമ്മാണപ്രവർത്തങ്ങൾ ഒരു സൈഡിൽ നടക്കുമ്പോൾ വേണ്ടത്ര സുരക്ഷാ നടപടികൾ സ്വീകരിക്കാത്തത് മൂലം ദേശിയപാത അപകട മേഖലയായി മാറുന്നു. അനധികൃത പാർക്കിങ്ങും അമിതവേഗവും ടിപ്പർ ലോറികളുടെ മരണപ്പാച്ചിലുമാണ്  ദേശീയപാതയെ ചോരക്കളമാക്കി മാറ്റുന്നത്. ഇതു തടയാൻ പൊലീസിന്റെയും മോട്ടർവാഹന വകുപ്പിന്റെയും കാര്യമായ പരിശോധന പോലുമില്ല. ഉണ്ടെങ്കിൽ തന്നെ പേരിനു വേണ്ടിയുള്ള പരിശോധനയാണ്. ദേശിയപാതയിലെ പ്രധാന ജംഗഷനുകളിൽ വേണ്ടത്ര പരിശോധനയില്ലാത്തതാണ് അപകടങ്ങൾ കൂടി വരുന്നത്.

റോഡിലൂടെയുള്ള അമിത വേഗം തടഞ്ഞും അനധികൃത പാർക്കിങ് ഒഴിവാക്കിയും പ്രധാന ജംക്‌ഷൻ ജംക്‌ഷനുകൾ വികസിപ്പിച്ചും അപകടങ്ങൾ ഇല്ലാതാക്കാൻ സാധിക്കും. എന്നാൽ ഇതിനു ബന്ധപ്പെട്ട ജനപ്രതിനിധികളോ ഗതാഗത ഉപദേശ സമിതിയോ, പൊലീസ്–മോട്ടർവാഹന വകുപ്പോ തയാറാക്കുന്നില്ല. ഇങ്ങനെ വേണ്ട കാര്യങ്ങൾക്ക് ഇടപെടലുകൾ നടത്താതെ മുൻപോട്ടു പോയാൽ ദേശിയപാതയിൽ അപകടമൊഴിയാത്ത സ്ഥിതി ഉണ്ടാകും. ഇതുണ്ടാകാതിരിക്കാൻ പൊലീസും മോട്ടർവാഹന വകുപ്പും ജനപ്രതിനിധികളും ഗതാഗത ഉപദേശ സമിതിയും ഉണർന്നു പ്രവർത്തിക്കണമെന്നാണ് യാത്രക്കാരുടെ ആവശ്യം.

മാനസിക വിഭ്രാന്തിയുള്ള യുവാവ് യാത്രക്കാർക്ക് ബുദ്ധിമുട്ടുണ്ടാക്കുന്നു.

പരവൂർ: മാനസിക വിഭ്രാന്തിയുള്ള 

യുവാവ് യാത്രക്കാർക്ക് ബുദ്ധിമുട്ടുണ്ടാക്കുന്നു.  പരവൂർ റെയിൽവേ സ്റ്റേഷൻനിലെ രണ്ടാം പ്ലാറ്റഫോമിലെ മൂന്നാമത്തെ കൂരയിലെ ബെഞ്ചിലാണ് ഇദ്ദേഹം കിടക്കുന്നത്.

ഒരു മാസത്തിലധികമായി ആരെങ്കിലും കൊടുക്കുന്ന ഭക്ഷണം കഴിച്ച് മലയാളം സംസാരിക്കുന്ന ഇദ്ദേഹം 

 ഇവിടെ അന്തേവാസിയായിട്ട്.

പലപ്പോഴും യാത്രക്കാർക്ക് നേരെ ആക്രോശിക്കുകുകയും സ്ത്രിജനങ്ങൾക്കു ഉൾപ്പെടെ ശല്യവുമായിട്ടുണ്ട്. പ്ലാറ്റഫോമിലുടനീളം

ഇദ്ദേഹത്തിന്റെ  വസ്ത്രങ്ങൾ ചിതറികിടപ്പുണ്ട്. റെയിൽവേ റെയിൽവേ അധികൃതരോടും മുൻസിപ്പൽ അധികൃതരോടും 

യാത്രക്കാർ ഇക്കാര്യം പലപ്പോഴും പറഞ്ഞുവെങ്കിലും അവർ ഇതിനോട് വിമുഖത പ്രകടിപ്പിക്കുകയാണ്. ജനപ്രതിനിധികളും ഇതിനോട് പ്രതികരിച്ചിട്ടില്ല . ചില സമയങ്ങളിൽ ഇയാൾ മാനസികാസ്വാസ്ത്യം പ്രകടിപ്പിച്ചു കൊണ്ട് ആക്രമസ്ഥനാകാറുണ്ട്  എന്ന് യാത്രക്കാർ പറയുന്നു.

 ഇയാളെ ഇവിടെ നിന്ന് മാറ്റുന്നതിനു

മുൻസിപ്പൽ അധികൃതരോ 

 റെയിൽവേ അധികൃതരോ വേണ്ട നടപടി സ്വീകരിക്കണമെന്നാണ് യാത്രക്കാരുടെ ആവശ്യം 

അപകടകരമായി വീടിന് മുകളിലേക്ക് ചാഞ്ഞു നിൽക്കുന്ന തെങ്ങ് മുറിച്ചു മാറ്റാതെ അയൽകാർ

പരവൂർ : അപകടകരമായി വീടിന് മുകളിലേക്ക് ചാഞ്ഞു നിൽക്കുന്ന തെങ്ങ് മുറിച്ചു മാറ്റാതെ അയൽകാർ അത് കൊണ്ട് തന്നെ മറിയാറായ തെങ്ങു മൂലം ഭീഷണിയിലാണ് ഒരു കുടുംബം.

ചിറക്കര പഞ്ചായത്തിലെ 13ആം വാർഡിൽ, നെടുങ്ങോലം താഴത്തിൽ ഉദയകുമാറും കുട്ടികളും അടങ്ങുന്ന ഒരുകുടുംബത്തിന്റെ ഉറക്കം കെടുത്തുന്നത് കേടായ ഒരു കൊന്ന തെങ്ങാണ് ഓടുമേഞ്ഞ വീടിന് സ്ഥിരമായി തേങ്ങയും മടലും വീണ് മേൽക്കുര തകരുന്നത് സ്ഥിരമായപ്പോൾ

ആദ്യം അയൽക്കാരനായ 

ഉടമയുമായി സംസാരിച്ചെങ്കിലും മുറിച്ചുമാറ്റാണോ മറ്റുപരിഹാരങ്ങൾ കണ്ടെത്താനോ ഉടമ തയാറായില്ല,

തുടർന്ന് പഞ്ചായത്തിൽ പരാതിനല്കിയെങ്കിലും പരിഹരിക്കാൻ അവരും തയാറാകാത്തതിനെ തുടർന്ന്,പഞ്ചായത്ത്‌ ഡെപ്പ്യുട്ടി ഡയറക്ടർ, ജില്ലാ കളക്ടർ, മനുഷ്യാവകാശ കമ്മീഷൻ, ദുരന്തനിവാരണഅതോറിറ്റി തുടങ്ങിയവർക്ക് പരാതി നൽകിയതിനെ തുടർന്ന് ഇവരുടെ ഉത്തരവ് പ്രകാരം  തേങ്ങുമുറിച്ചുമാറ്റാൻ പഞ്ചായത്ത്‌ സെക്രട്ടറിക്ക് ഉത്തരവ് നൽകിയെങ്കിലും നാളിതുവരെ നടപ്പാക്കിയിട്ടില്ല.കാറ്റും മഴയുമുള്ളപ്പോൾ തേങ്ങയടക്കം വീടിനകത്തു വീഴുന്നതുകാരണം, കുട്ടികൾക്ക് പഠിക്കുവാനോ ഉറങ്ങുവാനോ കഴിയുന്നില്ല.പഞ്ചായത്ത് അധികാരികൾ ഉത്തരവുകൾ നടപ്പാക്കിയില്ലെങ്കിൽ മറ്റു നിയമ നടപടികൾ സ്വീകരിക്കാൻ ഒരുങ്ങുകയാണ് നിർദ്ദനരായ ഈകുടുംബം.

ഈ പ്രശ്നത്തിൽ അടിയന്തിര നടപടി സ്വീകരിച്ച് ഉദയകമറിന്റെയും കുടുംബത്തിന്റെയും ജീവനും സ്വത്തിനും സംരക്ഷണം നൽകാണമെന്ന് 

 ബിജെപി നെടുങ്ങോലം ഏരിയാ പ്രസിഡന്റ് റോയി പങ്കുവിളയും ജനറൽ സെക്രട്ടറി സജീവനും ആവശ്യപ്പെട്ടു.

അടിയന്തിരമായി തെങ്ങു മുറിച്ചു മാറ്ററിയില്ലെങ്കിൽ 

ശക്തമായ പ്രതിക്ഷേധപരിപാടികൾ സംഘടിപ്പിക്കുമെന്ന് ബിജെപി ഭാരവാഹികൾ അറിയിച്ചു.

ഫോട്ടോ:അപകടവസ്ഥയിൽ നിൽക്കുന്ന തെങ്ങ്

ഫോട്ടോ : തേങ്ങ വീണ് തകർന്ന നിലയിൽ വീടിന്റെ മേൽക്കൂര 

മികച്ച വിജയം കരസ്ഥമാക്കിയ സോനാ ശിവനെ ആദരിച്ചു

മികച്ച വിജയം കരസ്ഥമാക്കിയ സോനാ ശിവനെ ആദരിച്ചു

 

പരവൂർ : എൻ എസ് എസ്  കരയോഗ യൂണിയനിൽപ്പെട്ട 2832 -)o നമ്പർ പൂതക്കുളം പുനവൂർ  എൻ എസ് എസ് 

കരയോഗത്തിലെ ജന്മനാ കാഴ്ചശേഷി കുറവുള്ള  സോനാ ശിവനെ  യൂണിയൻ സംഘടിപ്പിച്ച പ്രതിഭാ സംഗമത്തിൽ ആദരിച്ചു. 2021-22 ലെ പ്ലസ് ടു പരീക്ഷയിൽ 1200ൽ 1200 മാർക്കും നേടി മികച്ച വിജയം കരസ്ഥമാക്കിയിരുന്നു.

  യോഗത്തിൽ പൊന്നാട അണിയിച്ച്  എൻ എസ് എസ് കൗൺസിൽ അംഗം എം. സംഗീത് കുമാർ ഉപഹാരം നൽകി ആദരിച്ചത്. തുടർന്ന് എല്ലാ വിഷയങ്ങൾക്കും എ പ്ലസ് കരസ്ഥമാക്കിയതിനുള്ള ട്രോഫി എൻ എസ് എസ് 

ഡയറക്ടർ ബോർഡ് അംഗം ജി. തങ്കപ്പൻ പിള്ള നൽകി.യൂണിയൻ പ്രസിഡന്റ് ചാത്തന്നൂർ മുരളി

 അധ്യക്ഷത വഹിച്ചു 

 

*സ്വാമി സത്യാനന്ദ സരസ്വതി മഹാസമാധി ദിനം*

നവംബർ 25

*സ്വാമി സത്യാനന്ദ സരസ്വതി  മഹാസമാധി ദിനം*

ഇന്ന് സ്വാമി സത്യാനന്ദ സരസ്വതി  സമാധി ദിനം. ഹൈന്ദവ നവോത്ഥാനത്തിന്റെ ശംഖധ്വനി മുഴക്കിയ കര്‍മയോഗിയെന്നാണ് അദ്ദേഹം അറിയപ്പെടുന്നത്. നിരീശ്വരവാദവും ഹൈന്ദവവിരുദ്ധതയും മുഖമുദ്രയാക്കിയ കമ്മ്യൂണിസ്റ്റ് പ്രസ്ഥാനങ്ങളും മതപരിവര്‍ത്തനവും ഹിന്ദു വിരുദ്ധ പ്രചാരണവും ജീവിതചര്യയാക്കിയ ഏകദൈവവിശ്വാസികളും ചേര്‍ന്ന് ഹിന്ദു സമൂഹത്തിന്റെ സ്വത്വത്തെ കവര്‍ന്നെടുക്കാന്‍ ശ്രമിച്ച ഒരു കാലഘട്ടത്തിലാണ് സ്വാമികളുടെ ശബ്ദം കൊടുങ്കാറ്റുപോലെ കേരളത്തിന്റെ ഹൃദയഭൂമിയെ ഇളക്കിമറിച്ചത്.

ഹൈന്ദവ നവോത്ഥാനം ഉജ്ജ്വലിപ്പിച്ച നിലയ്ക്കൽ പ്രക്ഷോഭം, കൊട്ടിയൂർ വനഭൂമി കയ്യേറിയും മറ്റ് ഇടങ്ങളിലേയും കുരിശ് കൃഷിക്കെതിരെ സ്വീകരിച്ചു അതിശക്തമായ പോരാട്ട നിലപാടായിരുന്നു അദ്ദേഹം സ്വീകരിച്ചത്. ശിവഗിരി മഠം കൈക്കലാക്കാൻ അന്നത്തെ ഇടതുപക്ഷ സർക്കാരിന്റെ ഒത്താശയോടെ നടന്ന രാഷ്ട്രീയ കുത്സിത ശ്രമങ്ങൾ തകർത്ത് തരിപ്പണമാക്കിയതും സ്വാമിയായിരുന്നു. മതപരിവർത്തനത്തിന് എതിരെ ഉദ്ധരണികൾ ഉദാഹരണമാക്കി നടത്തിയ അതിഗംഭീര പ്രഭാഷണങ്ങൾ... അതും സാധാരണക്കാരന്റെ ഭാഷയിൽ...അത് കേട്ടാൽ എതിരാളികളുടെ തൊലി ഉരിഞ്ഞു പോകുന്ന തരത്തിലായിരുന്നു സ്വാമിയുടെ പ്രഭാഷണങ്ങൾ.

ആലസ്യത്തിലാണ്ടുപോയ ഹൈന്ദവ സമൂഹത്തിന്റെ ഉണര്‍ത്തുപാട്ടായിരുന്നു സ്വാമിയുടെ വാക്കുകള്‍. അത് കൊള്ളേണ്ടിടത്ത് കൊണ്ടു, മുറിവേല്‍പ്പിക്കേണ്ടിടത്ത് മുറിവേറ്റു. ഭൗതികമായി സമസ്ത മേഖലകളിലും കേരളത്തിലെ ഹിന്ദുസമൂഹം പിന്നോട്ടുപോവുകയാണെന്നും ആ നില തുടര്‍ന്നാല്‍ അനതിവിദൂരഭാവിയില്‍ തന്നെ അവര്‍ വെള്ളംകോരികളും വിറകുവെട്ടികളുമായും മാറുമെന്ന് അദ്ദേഹം ദീര്‍ഘദര്‍ശനം ചെയ്തു. നായാടിമുതല്‍ നമ്പൂതിരിവരെയുള്ള ഹൈന്ദവസമൂഹം പരസ്പരം ആലിംഗനം ചെയ്തുനില്‍ക്കുന്ന മനുഷ്യമഹത്വത്തിന്റെ ഉന്നതമായ ചിന്ത അദ്ദേഹം പങ്കുവച്ചപ്പോള്‍ അത് കേരളത്തിന്റെ ഹൈന്ദവ മുന്നേറ്റ ചരിത്രത്തില്‍ നാഴികക്കല്ലായി. ദാര്‍ശനികനായ സ്വാമിജിയെ വിലയിരുത്തേണ്ടത് അവിടെയാണ്.

ഗുരുകടാക്ഷത്തിന്റെ അപൂര്‍വധന്യത ആവോളം ഏറ്റുവാങ്ങിയ സ്വാമി തന്റേതായതെല്ലാം ഹൈന്ദവ സമൂഹത്തിനായി സമര്‍പ്പിക്കുകയായിരുന്നു. ഒരേ സമയം ജ്ഞാനയോഗിയും കര്‍മയോഗിയുമായ ഒരു സംന്യാസി ശ്രേഷ്ഠനായിരുന്നു സ്വർഗീയ സത്യാനന്ദ സരസ്വതിസ്വാമികൾ....

അദ്ദേഹത്തിന്റെ ദീപ്ത സ്മരണകൾക്ക് മുന്നിൽ പ്രണാമങ്ങൾ.....

#SwamySatyanandaSaraswati

*ആരാധനാ സ്വാതന്ത്ര്യ ദിനം -*

നവംബർ 25

*ആരാധനാ സ്വാതന്ത്ര്യ ദിനം -*

*(അങ്ങാടിപ്പുറം തളിക്ഷേത്ര  സമര വിജയദിനം)*

പ്രാചീന കേരളത്തിൽ തളിയാതിരിമാരുടെ ഭരണത്തിൻ കീഴിൽ ഉയർന്നുവന്നവയാണ് തളി ക്ഷേത്രങ്ങൾ. ഇതിൽ പ്രധാനപ്പെട്ട ക്ഷേത്രമായിരുന്നു അങ്ങാടിപ്പുറം തളി ക്ഷേത്രം. അങ്ങാടിപ്പുറം തളി ക്ഷേത്രത്തിന്റെ ധ്വജസ്തംഭത്തിൽ നിന്ന് നോക്കിയിൽ കോഴിക്കോട് തളിയുടെ ധ്വജസ്തംഭം കാണാൻ കഴിയുമായിരുന്നു എന്ന് പഴമക്കാർ പറയുന്നു. അങ്ങാടിപ്പുറം അൽപാകുളം മുതൽ വളാഞ്ചേരി റോഡിൽ കോട്ടപ്പുറം വരെ വ്യാപിച്ചു കിടക്കുന്നതായിരുന്നു ക്ഷേത്ര സങ്കേതം. അൽപാകുളത്തിന് സമീപത്തായിരുന്നു തളിയുടെ ഗോപുരം.1760-1810 കാലഘട്ടത്തിൽ മലബാറിൽ ടിപ്പു നടത്തിയ പടയോട്ടത്തിന്റെ ഫലമായി ഈ ക്ഷേത്രവും തകർക്കപ്പെട്ടതായി കരുതുന്നു. ക്ഷേത്രാവശിഷ്ടങ്ങളുപയോഗിച്ച് കോട്ടപ്പുറത്ത് കോട്ട കെട്ടാനുള്ള ശ്രമം വിജയിച്ചില്ല. കോട്ടപ്പറമ്പ് എ.എം.എൽ.പി സ്കൂളിന് സമീപത്ത് അടുത്ത കാലം വരെ ക്ഷേത്രാവശിഷ്ടങ്ങൾ ഉണ്ടായിരുന്നു. പിന്നീട്  വള്ളുവനാടിന്റെ ഭരണ കേന്ദ്രമായിരുന്ന അങ്ങാടിപ്പുറത്ത് തീരുമാന്ധാംകുന്നിന്റെ വടക്ക് പടിഞ്ഞാറ് ഭാഗത്തായി ഇന്നത്തെ  പാലക്കാട് കോഴിക്കോട്  ദേശീയ പാതക്കരികിൽ ആരാലും ശ്രദ്ധിക്കപ്പെടാതെ ഒരു ക്ഷേത്രാവശിഷ്ടവും ശിവലിംഗവും കാഞ്ഞിരക്കാടുമൂടിക്കിടന്നിരുന്നു. 1967 ൽ കോച്ചാട്ടിൽ ബാലകൃഷ്ണ മേനോന്റെ നേതൃത്വത്തിൽ അങ്ങാടിപ്പുറത്തെ ഭക്തജനങ്ങൾ ചേർന്ന് ക്ഷേത്രപുനരുദ്ധാരണത്തിനായി ഒരു കമ്മിറ്റി രൂപീകരിച്ച് പ്രവർത്തിക്കാൻ തുടങ്ങി. ഇതേ സമയത്ത് തന്നെ ക്ഷേത്ര സ്ഥലം സന്ദർശിച്ച കേളപ്പജി 1968 ഒക്ടോബറിൽ നവരാത്രിക്കാലത്ത് ഭജന നടത്താൻ നിർദ്ദേശിച്ചു. ഒക്ടോബർ 30 ന് ഭജനക്കായി ക്ഷേത്ര സ്ഥലത്ത് പ്രവേശിച്ചു. എന്നാൽ ഇവരെ തടയാൻ മുസ്ലീംങ്ങൾ സംഘടിച്ചെത്തി. പോലീസ് സംഭവ സ്ഥലത്തെത്തി കലക്ടറുടെ അനുമതിയോടെ മാത്രമേ പ്രവേശിക്കാവൂ എന്ന് നിർദ്ദേശിച്ചു. എന്നാൽ ക്ഷേത്രാരാധന നടത്താൻ ആരുടേയും അനുമതിയുടെ ആവശ്യമില്ലെന്ന് ക്ഷേത്ര സമിതി പ്രവർത്തകർ പറഞ്ഞു. എന്നാൽ സമീപത്ത് മുമ്പ് വിഷവൈദ്യശാലയായിരുന്ന സ്ഥലം നിസ്കാര പള്ളിയായി മാറിയിരുന്നു. അവിടത്തെ ആരാധനക്ക് തടസ്സം നേരിടുമെന്ന് മുസ്ലീംങ്ങൾ പറഞ്ഞു. ആര് എതിർത്താലും ഭജന നടത്തുമെന്ന് കേളപ്പജി അറിയിച്ചു. ടി.എൻ ഭരതൻ, സി.പി ജനാർദ്ധനൻ, പി. വാസുദേവൻ എന്നിവരുടെ നേതൃത്വത്തിൽ സംഘത്തിന്റെ സാംഘിക് നടന്നു. അന്ന് സന്ധ്യക്ക് ഭക്തജനങ്ങൾ പങ്കെടുത്ത ഭജന നടന്നു. ഒക്ടോബർ 31 ന് നിരോധനാജ്ഞ നിലവിൽ വന്നു. കേളപ്പജിയുടെ നേതൃത്വത്തിൽ നിരോധനാജ്ഞ ലംഘിച്ചവരെ പോലീസ് അറസ്റ്റ് ചെയ്തു. ഒരു മാസത്തിനുള്ളിൽ പ്രശ്നത്തിന് രമ്യമായ പരിഹാരമുണ്ടാക്കാമെന്ന് അധികാരികൾ അറിയിച്ചെങ്കിലും പിന്നീട് ശിവലിംഗം സർക്കാർ ചുമതലയിൽ തുടരുമെന്ന അറിയിപ്പാണ് ഇവർക്ക് ലഭിച്ചത്.

ഇ.എം.എസ് സർക്കാർ ആരാധനക്ക് ഏർപ്പെടുത്തിയ വിലക്ക് ലംഘിക്കാൻ കേളപ്പജി തീരുമാനിച്ചു. നവംബർ 17 ന് തിരുമാന്ധാംകുന്ന് ഭഗവതിയെ തൊഴുത് പുറത്തിറങ്ങിയ കേളപ്പജിയോടൊപ്പം ആയിരക്കണക്കിന് ഭക്ത ജനങ്ങളും അണിനിരന്നു. മറുവശത്ത് സായുധരായ പോലീസ് സംഘം ക്ഷേത്ര ഭൂമിയെ വലയം ചെയ്തു. കേളപ്പജിയേയും സമരത്തിന് നേതൃത്വം നൽകിയവരേയും പോലീസ് അറസ്റ്റ് ചെയ്തു. സന്ധ്യയോടെ വിട്ടയച്ചു. പിറ്റേ ദിവസവും കേളപ്പജിയുടെ നേതൃത്വത്തിൽ നിരോധനാജ്ഞ ലംഘിച്ചു തലേദിവസത്തേതു പോലെ സന്ധ്യയോടെ വിട്ടയച്ചു. അന്ന് രാത്രി ടി.ബി യിൽ വച്ച് മുഖ്യമന്ത്രി ഇ എം എസ് കേളപ്പജിയോട് സമരത്തിൽ നിന്ന് പിന്തിരിയാനാവശ്യപ്പെട്ടു. തിരിച്ച് നിരോധനാജ്ഞ നീക്കുവാൻ കേളപ്പജി ആവശ്യപ്പെട്ടു. സർക്കാരിന്റെ ധിക്കാരപരമായ നിലപാടിനെതിരെ മൂന്നാം ദിവസത്തെ സമരം ശക്തമാക്കാൻ ഭക്ത ജനങ്ങൾ തീരുമാനിച്ചു. യശോദ മാധവന്റെ നേതൃത്വത്തിൽ 20 സ്ത്രീകൾ സത്യഗ്രഹത്തിന് തയ്യാറായി. നാലാം ദിവസം അറസ്റ്റിന് വഴങ്ങാതിരുന്ന സ്ത്രീകളടക്കമുള്ള സമരക്കാരെ പോലീസ് ബലം പ്രയോഗിച്ച് അറസ്റ്റ് ചെയ്തു.

നവംബർ 21 ന് ക്ഷേത്രം നിലനിൽക്കുന്ന സ്ഥലം പുരാവസ്തു വകുപ്പ് ഏറ്റെടുത്തതായി വകുപ്പ് മന്ത്രി ഇമ്പിച്ചിബാവ പ്രഖ്യാപിച്ചു. പുരാവസ്തു ഡയറക്ടർ സംഭവ സ്ഥലം സന്ദർശിച്ച് ശിവലിംഗം മതിൽ കെട്ടി അടക്കാൻ തീരുമാനിച്ചത് സമരക്കാരെ പ്രകോപിപ്പിച്ചു. സർക്കാർ ഭൂമിയിലുള്ള ക്ഷേത്രത്തിൽ ആരാധന നടത്താൻ അനുവദിക്കില്ല എന്ന് മുഖ്യമന്ത്രി നിലപാടെടുത്തപ്പോൾ പള്ളി സ്വകാര്യ ഭൂമിയിലാണെന്ന ന്യായം കൊണ്ട് ആരാധന അനുവദിച്ചു. നവംബർ 20 ന് സമരം സംസ്ഥാന വ്യാപകമാക്കാൻ തീരുമാനമായി. മറ്റ് സ്ഥലങ്ങളിൽ നിന്നും സത്യാഗ്രഹ സമരത്തിൽ പങ്കെടുക്കാൻ ആളുകളെത്തി. നവംബർ 23 ന് കേളപ്പജി ഉപവാസമാരംഭിച്ചു.  നവംബർ 24 ന് ശിവലിംഗത്തിനു ചുറ്റുമുള്ള മതിൽ പൂർത്തിയായി. മുകളിൽ വാർക്കാനായി സിമന്റും കമ്പിയും കൊണ്ടു വന്ന ലോറി സമരക്കാർ തടയുകയും കാറ്റൊഴിച്ച് വിടുകയും ചെയ്തു. വൈകുന്നേരത്തോടെ ലീലാ ദാമോദരന്റേയും യശോദ മാധവന്റേയും നേതൃത്വത്തിൽ അമ്മമാർ ക്ഷേത്രത്തിലേക്ക് നീങ്ങി. ക്ഷേത്രത്തിൽ കയറി ഭജനയാരംഭിച്ചു. ശിവലിംഗത്തിനു ചുറ്റും കെട്ടിയ മതിൽ നിലംപൊത്തി. പോലീസ് അമ്പരന്നു നിന്നു. സമരക്കാർ പെരിന്തൽമണ്ണ വരെ ആഹ്ലാദ പ്രകടനം നടത്തി. നവംബർ 25 ആരാധനാ സ്വാതന്ത്ര്യ ദിനമായി പ്രഖ്യാപിച്ചു. ആബാലവൃദ്ധം ജനങ്ങൾ ആരാധനയിൽ പങ്കെടുക്കാനായി അങ്ങാടിപ്പുറത്തേക്കൊഴുകി എത്തി. നിരോധനാജ്ഞ ലംഘിച്ചതിനും മാർഗ്ഗ തടസ്സം സൃഷ്ടിച്ചതിനും സ്ത്രീകളടക്കമുള്ളവരെ അറസ്റ്റ് ചെയ്തു. കൂടുതൽ പേർ സമരസ്ഥലത്തേക്ക് എത്തിക്കൊണ്ടിരുന്നു. ഉച്ചക്ക് രണ്ട് മണിയോടെ പെരിന്തൽമണ്ണ മുൻസിഫ് കോടതിയിൽ നിന്നും നിരോധനം നീക്കി കൊണ്ടും ഭക്ത ജനങ്ങൾക്ക് ആരാധനാ സ്വാതന്ത്ര്യം അനുവദിച്ച് കൊണ്ടുമുള്ള ചരിത്ര പ്രസിദ്ധമായ വിധി പുറത്ത് വന്നു. ഉപവാസമവസാനിപ്പിച്ച കേളപ്പജിയെ ആഹ്ലാദാരവങ്ങളോടെ ഭക്തർ ആഘോഷപൂർവ്വം ആനയിച്ചു.

ആധുനിക കേരളചരിത്രത്തിലെ ഒരു നാഴിക കല്ലാണ് കേളപ്പജിയുടെ നേതൃത്വത്തിൽ നടന്ന തളി ക്ഷേത്ര സമരം. ഭാരതത്തിൽ ഹൈന്ദവ സ്വാഭിമാന മുന്നേറ്റത്തിനായി നടന്ന ബഹുജന പ്രക്ഷോഭങ്ങളുടെ കൂട്ടത്തിൽ ഒരു പക്ഷെ ഏറ്റവും ആദ്യം പ്രതിപാദിക്കേണ്ട സമരം. ഇതിനെ തുടർന്ന് കേളപ്പജിയുടേയും മാധവ്ജിയുടേയും പരിശ്രമഫലമായി രൂപം കൊണ്ട ക്ഷേത്ര സംരക്ഷണ സമിതിയുടേയും നേതൃത്വത്തിൽ കേരളത്തിലുടനീളം ആയിരക്കണക്കിന് ക്ഷേത്രങ്ങൾ പുനരുദ്ധാരണം ചെയ്യപ്പെട്ടു.

തളി ക്ഷേത്ര ആരാധനാ സ്വാതന്ത്ര്യത്തിന്റെ അമ്പത്തിനാലാം വാർഷികം ആഘോഷിക്കുന്ന ഈ വേളയിലും ക്ഷേത്രങ്ങൾക്കും ഹൈന്ദവ വിശ്വാസങ്ങൾക്കും എതിരായ കമ്മ്യൂണിസ്റ്റ് ജിഹാദി കൂട്ടുകെട്ട് ശക്തമാണ്. വരുമാനമുള്ള ക്ഷേത്രങ്ങളെല്ലാം പിടിച്ചടക്കുന്ന ദേവസ്വം ബോർഡിന്റേയും വിശ്വാസികളെ മുറിവേൽപ്പിക്കുന്ന ഇടതു സർക്കാരിന്റേയും ഹൈന്ദവ വിരുദ്ധ നയങ്ങൾക്കെതിരെ ശക്തമായ സമരമുഖങ്ങൾ ആരംഭിക്കേണ്ടിയിരിക്കുന്നു. അതിന് തളിക്ഷേത്ര സമരവിജയത്തിന്റെ സ്മരണകൾ ഊർജ്ജം പകരട്ടെ

സോഫ്റ്റ്‌വേർ തകരാർ കാരണം റേഷൻ കടകളുടെ പ്രവർത്തനം സ്തംഭിക്കുന്നത് പതിവായി.

കൊല്ലം: സോഫ്റ്റ്‌വേർ തകരാർ കാരണം റേഷൻ കടകളുടെ പ്രവർത്തനം സ്തംഭിക്കുന്നത് പതിവായി.

 ഇപോസ് മെഷീന്‍ അടിക്കടി തകരാറിലാവുന്നതോടെ റേഷന്‍ വിതരണം അവതാളത്തില്‍. കഴിഞ്ഞ മൂന്നുദിവസമായി പ്രവര്‍ത്തനം ഭാഗികമെന്ന് റേഷന്‍ വ്യാപാരികള്‍. ഒടിപി ഉപയോഗിച്ചുള്ള റേഷന്‍ വിതരണവും ഫലപ്രദമല്ല.കഴിഞ്ഞ

തിങ്കൾ ചൊവ്വ ദിവസങ്ങളിൽ 

 പൂർണമായും നിലച്ച സംവിധാനം ബുധനാഴ്ചയും വ്യാഴാഴ്ചയും 

നില അൽപം മെച്ചപ്പെട്ടെങ്കിലും  വെള്ളിയാഴ്ചയും ശനിയാഴ്ചയും പൂർണ്ണമായും തടസപ്പെട്ടുവെന്ന് 

റേഷൻകടയുടമകൾ പറഞ്ഞു.ഇന്ന് ശരിയാവുമെന്ന പ്രതീക്ഷയിലാണ് വ്യാപാരികൾ.

നിലവിൽ വിവരങ്ങൾ തെളിയാൻ ഒരുതവണ മെഷിനിൽ വിരൽ വെക്കുന്നതിന് പലർക്കും അഞ്ചും ആറും തവണ വിരൽ

അമർത്തേണ്ട സ്ഥിതിയാണ്. സംവിധാനം തകരാറിലായതോടെ പലരും കാത്തുനിന്ന് മട​േങ്ങണ്ടിവരുന്നു. സോഫ്റ്റ്‌വേർ തകരാറിനും റേഷൻകടയുടമകളാണ് നാട്ടുകാരുടെ വഴക്ക് കേൾക്കുന്നത്.

@ നാലുമാസം മുൻപ് വരെ മൂന്നും നാലും കിലോവരെ ലഭിച്ചിരുന്ന ആട്ട ഇപ്പോൾ തീർത്തും കിട്ടാനില്ല. നീല, വെള്ള കാർഡ് ഉടമകൾക്കാണ് നാലുമാസമായി ആട്ട ലഭിക്കാത്തത്. ആളുകൾ കൂടുതലായി ആവശ്യപ്പെടുന്ന പുഴുക്കലരിയുടെ ലഭ്യതക്കുറവും റേഷൻകട ഉടമകളെ കഷ്ടത്തിലാക്കുന്നു. പുഴുക്കലരിയും പച്ചരിയും തമ്മിലുള്ള വിതരണ അനുപാതം മാറ്റണമെന്നാണ് കാർഡ് ഉടമകൾ ആവശ്യപ്പെടുന്നത്.

കൊല്ലം - തിരുവനന്തപുരം തീരപ്രദേശങ്ങളില്‍ തീവ്രവാദ സാന്നിധ്യം

കൊല്ലം : കൊല്ലം - തിരുവനന്തപുരം 

തീരപ്രദേശങ്ങളില്‍ തീവ്രവാദ സാന്നിധ്യം സംശയിക്കുന്നുവെന്ന കേന്ദ്ര

 ഇന്‍റലിജൻസ് റിപ്പോർട്ടിനെ അവഗണിച്ച് കേരള പോലിസ്.കേന്ദ്ര

 ഇന്‍റലിജൻസ് റിപ്പോർട്ടിന്റെ അടിസ്ഥാനത്തിൽ അന്വേഷണം നടത്തി

തീരപ്രദേശത്ത് 

അതീവ ജാഗ്രത നിർദ്ദേശം വേണമെന്ന് നിർദ്ദേശം സ്പെഷ്യൽ ബ്രാഞ്ച് ഉദ്യോഗസ്ഥർ പോലീസിനെ അറിയിച്ചിട്ടും 

തീരപ്രദേശങ്ങളോട് ചേരുന്ന  മേഖലകളില്‍ നിരീക്ഷണം ശക്തമാക്കാനും ദുരൂഹ സാഹചര്യങ്ങളില്‍ കണ്ടെത്തുന്നവയെ കുറിച്ച് അന്വേഷിക്കാനും പോലിസ് ശ്രമിച്ചിട്ടില്ല. പരവൂർ 

 തെക്കുംഭാഗം പൊഴിക്കര കടപ്പുറത്ത് പോപ്പുലർ ഫ്രണ്ടിന്റെയും മറ്റ് തീവ്രവാദി സംഘടനകളുടെയും നേതൃത്വത്തിൽ 

ആയുധ പരിശീലനവും, മയക്കുമരുന്ന് കള്ളകടത്തും നടക്കുന്നുണ്ടുന്നും സ്പെഷ്യൽ ബ്രാഞ്ച് അധികൃതർ റിപ്പോർട്ട് ചെയ്തിട്ടുണ്ട്.കൊല്ലം ജില്ലയിലെ മയ്യനാട് മുക്കം,പരവൂർ തെക്കുംഭാഗം, പൊഴിക്കര തിരുവനന്തപുരം ജില്ലയിലെ 

കാപ്പിൽ, ഇടവ, മേഖലകളിൾ മത്സ്യബന്ധന മേഖലയിൽ ജോലി ചെയ്യുന്ന അന്യസംസ്ഥാന തൊഴിലാളികളെ കേന്ദ്രീകരിച്ചാണ് മയക്കുമരുന്ന് കള്ളകടത്ത് നടക്കുന്നത് എങ്കിൽ പോപ്പുലർ ഫ്രണ്ടിന്റെയും മറ്റ് തീവ്രവാദ സംഘടനകളുടെയും പരിശീലനകേന്ദ്രങ്ങളും ആയുധ സംഭരണ കേന്ദ്രങ്ങളും ഇവിടെയുണ്ട്. തീരദേശമേഖലയിലുള്ള പൊളിഞ്ഞു കിടക്കുന്ന കെട്ടിടങ്ങളിലും മത്സ്യ ബന്ധനത്തിന് ഉപയോഗിക്കുന്ന ഷെഡുകളിലും ഇവർ താവളമുറപ്പിക്കുന്നു. തീരദേശത്ത് 

അനധികൃതമായി ഉയർത്തുന്ന ഉയർത്തുന്ന ബഹുനിലകെട്ടിടങ്ങളുടെയും പണത്തിന്റെ സ്രോതസ് അന്വേഷിക്കണമെന്ന ആവശ്യം  സ്പെഷ്യൽ ബ്രാഞ്ച് ഉദ്യോഗസ്ഥർ റിപ്പോർട്ട് ചെയ്തിട്ടുണ്ട്. അന്വേഷണറിപ്പോർട്ടുകളെയെല്ലാം അവഗണിച്ചു കൊണ്ടാണ് പോലീസും സർക്കാർ സംവിധാനങ്ങളും മുന്നോട്ട് പോകുന്നത് എന്ന് ഉദ്യോഗസ്ഥർ തന്നെ പരാതി പറയുകയാണ്.

@ പരവൂർ തെക്കുംഭാഗം കേന്ദ്രീകരിച്ചു കൊണ്ട് പത്തോളം കുഴൽപണ ഏജന്റുമാരും അവരുടെ സഹായികളും 

മറ്റ് സംവിധാനങ്ങളുമായി കുഴൽപണമാഫിയ പ്രവർത്തനം നടത്തുന്നുണ്ടെന്ന് വർഷങ്ങളായി 

സ്പെഷ്യൽ ബ്രാഞ്ച് റിപ്പോർട്ട് ചെയ്തിട്ടും യാതൊരു അന്വേഷണവും നടത്താൻ പോലിസ് തയ്യാറായിട്ടില്ല. കോഴിക്കോടൻ കുഴൽപണ മാഫിയ സംഘം ഇവിടെ ക്യാമ്പ് ചെയ്തു കൊണ്ടാണ് കുഴൽപണ ഇടപാട് നടത്തുന്നത്. കൊവിഡ് സമയത്ത് മന്ദഗതിയിലായിരുന്ന കുഴൽപണ ഇടപാട് ഇപ്പോൾ പഴയതിലും കൂടുതൽ ഇടപെടുക്കാരുമായി മുന്നോട്ട് പോകുകയാണ് എന്ന് പോലിസ് ഉദ്യോഗസ്ഥർ തന്നെ സാക്ഷ്യപ്പെടുത്തുന്നു.

കെ സ്റ്റോറുകളുടെ ഉത്ഘാടനം വൈകുന്നു

കേരള - സ്റ്റോറുകൾ സജ്ജം ഉത്ഘാടനം വൈകുന്നു

കൊല്ലം : കേരള -സ്റ്റോറുകൾ ജില്ലയിൽ സജ്ജമായി ഉത്ഘാടനം വൈകുന്നു. ഗ്രാമങ്ങളിലെ പഴയ റേഷൻ കടകളുടെ മുഖച്ഛായ അടിമുടി മാറ്റി സ്മാർട്ടാക്കുന്ന കേരള സ്റ്റോറുകൾ അഥവാ കെ സ്റ്റോറുകൾ ജില്ലയിൽ സജ്ജമായിട്ട് മാസങ്ങൾ കഴിഞ്ഞിട്ടും ഉത്ഘാടനം വൈകുകയാണ് എന്ന് റേഷൻവ്യാപരികൾ ആരോപിക്കുന്നു.ജില്ലയിൽ 7റേഷൻകടകളാണ് രൂപമാറ്റം വരുത്തി കെ സ്റ്റോർ ആക്കി മാറ്റുന്നത്. എല്ലാ താലൂക്കിലും ഒരോന്ന് വീതമാണെങ്കിലും കൊട്ടാരക്കരയിൽ 2 എണ്ണമാണ് ഉള്ളത്. റേഷൻ കടകളെ കൂടുതലായി ആശ്രയിക്കുന്ന സാധാരണക്കാർക്കെല്ലാം സന്തോഷം പകരുന്ന പുതിയ പദ്ധതിയാണ്. റേഷൻകടകളുടെ പശ്ചാത്തലസൗകര്യം വിപുലപ്പെടുത്തി സ്മാർട്ട് കാർഡുകളുടെ സഹായത്തോടെ മിനി ബാങ്കിങ്, യൂട്ടിലിറ്റി പേയ്മെന്റ്, ചോട്ടുഗ്യാസ് വിതരണം, മിൽമ ഉത്പന്നങ്ങൾ, സബ്സിഡി സാധനങ്ങൾ ഉൾപ്പെടെയുള്ള ശബരി ബ്രാൻഡ് ഉത്പന്നങ്ങൾ എന്നിവയെല്ലാം ഒരുകുടക്കീഴിലാക്കി കെ - സ്റ്റോറിലൂടെ ജനങ്ങളിലെത്തും. എന്നാൽ സൗകര്യങ്ങൾ കുറഞ്ഞ നമ്മുടെ നാട്ടിലെ റേഷൻ കടകൾക്ക് ഇപ്പറയുന്ന വിധത്തിലെല്ലാം സ്മാർട്ട് ആകാൻ കഴിയുമോ എന്നതാണ് അറിയേണ്ടത്.

@ സ്ഥലപരിമിതിയാണ് പ്രശ്നം 

 

റേഷൻ കടകളുടെ സ്ഥലപരിമിതിയാണ്  പ്രധാന പ്രശ്നം. അരിയും ഗോതമ്പും മണ്ണെണ്ണയും വയ്ക്കാൻ തന്നെ മിക്ക റേഷൻ കടകളിലും സ്ഥലമില്ല. ഓരോ മാസത്തേക്കുമുള്ള അരി എത്തിയാൽ കട തിങ്ങിനിറയും. പിന്നെ ഒന്നിന് മുകളിൽ ഒന്നായി കൂട്ടിയിട്ട അരിച്ചാക്കുകൾ മാത്രം കാണാം. കട ഉടമയ്ക്കും സഹായിക്കും അതിനുള്ളിലൂടെ കഷ്ടിച്ച് നടക്കാനുള്ള സ്ഥലം കിട്ടിയാൽ മഹാഭാഗ്യം. അപ്പോൾ പിന്നെ ഇപ്പറയുന്ന നിത്യോപയോഗ സാധനങ്ങളും ഗ്യാസും പാലുമെല്ലാം എവിടെ കൊണ്ടുവയ്ക്കും എന്നാണ് വ്യാപാരികളുടെ ചോദ്യം.

അരി ഒഴികെയുള്ള മാവേലി സാധനങ്ങളെല്ലാം പാക്ക് ചെയ്താണ് സിവിൽ സപ്ലൈസ് അതാത് റേഷൻ കടകളിലേക്ക് എത്തിക്കുക. അതിനാൽ അവയൊന്നും മൊത്തത്തിൽ സ്റ്റോക്ക് ചെയ്യാൻ റേഷൻ കടയിൽ സ്ഥലം കണ്ടെത്തേണ്ട. സാധനങ്ങൾ പാക്കറ്റിലാക്കേണ്ട പണിയും ഉടമകൾക്കില്ല. 300 ചതുരശ്രയടിയിൽ കൂടുതലുള്ള കടകളിലാണ് നിലവിൽ കെ-സ്റ്റോർ അനുവദിക്കുവെന്നാണ് സർക്കാർ പറയുന്നത്. എന്നാൽ ജില്ലയിലെ റേഷൻ കടകളിൽ അത്രയും സ്ഥലസൗകര്യമുള്ള റേഷൻ കടകൾ വളരെ ചുരുക്കമാണെന്നതാണ് സത്യം. അങ്ങനെയെങ്കിൽ കെ-സ്റ്റോറിനായി റേഷൻ കടയുടമ തൊട്ടടുത്തുള്ള കടമുറി കൂടി കൂട്ടിയെടുക്കുകയോ അല്ലെങ്കിൽ മതിയായ സൗകര്യമുള്ള മറ്റൊരു കെട്ടിടത്തിലേക്ക് റേഷൻ കട മാറ്റുകയോ ചെയ്യേണ്ടി വരും.

@ റേഷൻകട കെ -സ്റ്റോർ ആക്കാൻ സാമ്പത്തികം 

കെ സ്റ്റോർ 

നിലവിലെ റേഷൻ കടകൾ പുതിയ ബോർഡുംവച്ച് നിന്നനിൽപ്പിന് കെ-സ്റ്റോർ ആയി മാറില്ല. ആദ്യം കട അടിമുടി സ്മാർട്ടാകണം. പാൽ ഉൾപ്പെടെയുള്ള ഉത്പന്നങ്ങൾ കേടുകൂടാതെ സൂക്ഷിക്കാൻ റഫ്രിജറേറ്റർ, ചോട്ടു ഗ്യാസ് സൂക്ഷിക്കാൻ പ്രത്യേക ഇടം, അരിയും പഞ്ചസാരയും ഗോതമ്പിനും പുറമേ 13 ഇന സബ്സിഡി സാധനങ്ങൾ ഉൾപ്പെടെയുള്ള നിത്യോപയോഗ സാധനങ്ങൾ വയ്ക്കാൻ പ്രത്യേക ഷെൽഫ് എന്നിവയെല്ലാം പുതുതായി ഒരുക്കണം. കടയുടെ വലിപ്പം കൂട്ടുന്നതിനൊപ്പം രൂപത്തിലും കട കൂടുതൽ വൃത്തിയാകണം. പദ്ധതിയുടെ ഭാഗമായി കടകൾ വിപുലപ്പെടുത്താൻ അഞ്ച് ശതമാനം പലിശനിരക്കിൽ രണ്ട് ലക്ഷം രൂപ വായ്പ സർക്കാർ വാഗ്ദാനം ചെയ്തിട്ടുണ്ട്. എന്നാൽ പഴയ കട സ്മാർട്ടാക്കാൻ പലർക്കും ആ തുക മതിയാകുമോയെന്നതും ചോദ്യമാണ്. ഇനി ചെലവ് അൽപം കുറച്ച് കാര്യങ്ങളെല്ലാം തീർക്കാമെന്ന് വച്ചാൽ നടപടിക്രമങ്ങളെല്ലാം കഴിഞ്ഞ് ബാങ്കിൽനിന്ന് ലോൺ കിട്ടിവരുമ്പോഴേക്കും ഒരുസമയമാകും. കെ-സ്റ്റോറിന് അപേക്ഷിച്ച ലൈസൻസികൾക്ക് പെട്ടെന്ന് കാര്യം നടക്കണമെങ്കിൽ സ്വന്തം കൈയിൽനിന്നുതന്നെ പണം ചെലവാക്കി കട സ്മാർട്ടാക്കേണ്ടി വരും

@ 'സ്വന്തം ഉടമസ്ഥതിയുള്ള തൊട്ടടുത്ത കടമുറികൾ കൂട്ടിചേർത്താണ് കെ-സ്റ്റോറിനായി കട വിപുലപ്പെടുത്തിയത്. ഇതിനായി ഒരുലക്ഷം രൂപയോളം ചെലവായി. ഇനിയും ഏറെ ചെലവുകളുണ്ട്. ജനങ്ങളും റേഷൻ വ്യാപാരികളും വളരെ പ്രതീക്ഷയോടെയാണ് കെ-സ്റ്റോറിനെ നോക്കികാണുന്നത്. പഴയ റേഷൻ കടകളിൽ നിന്ന് വ്യത്യസ്തമായി കെ-സ്റ്റോറിൽ കൂടുതൽ സാധനങ്ങൾ വിറ്റഴിക്കാൻ അവസരമുണ്ട്. ഇതുവഴി നിലവിൽ ലഭിക്കുന്ന തുച്ഛമായ വരുമാനത്തിന്റെ അവസ്ഥമാറി കൂടുതൽ കമ്മീഷൻ ലഭിക്കുമെന്നാണ് പ്രതീക്ഷ. അതുകൊണ്ടുമാത്രമാണ് കൈയിലുള്ള പണമെല്ലാം ചെലവാക്കി കട വിപുലപ്പെടുത്തുന്നത്.

കടയുടെ പ്രവർത്തനം ശരിയായ രീതിയിൽ ആരംഭിച്ചു കഴിഞ്ഞാൽ മാത്രമേ കൃത്യമായി കാര്യങ്ങൾ എങ്ങനെയാണെന്ന് വ്യക്തമാകു. റേഷൻ വിതരണത്തിന് നിലവിലെ ഇ-പോസ് മെഷീൻ മാത്രം മതിയാവില്ല. മാവേലി സാധനങ്ങളുടെ ബില്ലിങ്ങിനായി കമ്പ്യൂട്ടറും വേണം. കടയുടെ തറയും ചുമരിന്റെ പകുതിയോളം ഭാഗവും ടൈൽ ആക്കാനും സിവിൽ സപ്ലൈസ് ഉദ്യോഗസ്ഥർ നിർദേശിച്ചിരുന്നു. ടൈൽ വിരിക്കാനും വലിയ തുക ചെലവായി. കെ-സ്റ്റോറിലേക്ക് മാറാനുള്ള ഒരുവിധം എല്ലാ പണികളും കടയിൽ പൂർത്തിയായതായും 

@ ഇ-പോസ് മെഷീൻ പണിമുടക്കിയാൽ തീർന്നു

ബാങ്കിൽനിന്ന് 5000 രൂപ വരെ പിൻവലിക്കാവുന്ന ഇടപാടുകൾ ഇ-പോസ് മെഷീൻ വഴിയാണ് നടക്കുക. റേഷൻ വിതരണത്തിനിടെ തന്നെ പലപ്പോഴും പണിമുടക്കുന്ന ഇ-പോസ് മെഷീനിൽ ബാങ്കിങ് ഇടപാട് എത്രത്തോളം പ്രായോഗികമാണെന്ന് കണ്ടറിയണം. അടിക്കടി സെർവർ തകരാറിലാകുന്ന ഇ-പോസ് സംവിധാനത്തിന്റെ പ്രശ്നം പരിഹരിക്കാൻ തന്നെ ഇതുവരെ അധികൃതർക്ക് സാധിച്ചിട്ടില്ലെന്ന് റേഷൻ കട ഉടമകൾ പറയുന്നു.

മൂന്ന് കിലോമീറ്റർ ചുറ്റളവിൽ ബാങ്ക്, മാവേലി സ്റ്റോർ എന്നിവ ഇല്ലാത്ത ഗ്രാമപ്രദേശങ്ങളിൽ മാത്രമേ തുടക്കത്തിൽ കെ-സ്റ്റോർ അനുവദിക്കുന്നുള്ളു. അതിനാൽ ഗ്രാമപ്രദേശങ്ങളിലുള്ളവർ ചെറിയ പണമിടപാടിനായി ബാങ്ക് വരെ പോകുന്ന യാത്ര ഒഴിവാക്കി ഇനി റേഷൻ കടയിലേക്ക് പോയാൽ മതി. തുടരെത്തുടരെ ബ്രേക്ക് ഡൗണാകുന്ന ഇ-പോസ് മെഷീൻ ബാങ്കിങ് സേവനത്തിൽ പണി തരില്ലെന്ന് വിശ്വസിക്കുക മാത്രമേ നിവർത്തിയുള്ളു. വൈദ്യുതി, വെള്ളം, ഭൂനികുതി ഉൾപ്പെടെയുള്ള ബില്ലുകൾ അടയ്ക്കാനുള്ള സേവനം ലൈസൻസിയുടെ ഫോൺ വഴിയും ചെയ്യാവുന്നതിനാൽ അതിൽ വലിയ പ്രയാസമുണ്ടാകില്ല. മാവേലി സാധനങ്ങളുടെ ബില്ലിങ്ങിന് പുറമേ അക്ഷയ സേവനങ്ങൾക്കും കമ്പ്യൂട്ടറിനെ തന്നെ ആശ്രയിക്കണം.

@  ഗ്രാമപ്രദേശങ്ങളിലുള്ള റേഷൻ കട ഉടമകൾക്കെല്ലാം കമ്പ്യൂട്ടർ, ഓൺലൈൻ സേവനങ്ങളിലെല്ലാം എത്രത്തോളം പരിജ്ഞാനം ഉണ്ടാകും? പുതിയ സേവനങ്ങളുടെ ഭാഗമായി രണ്ട് ജീവനക്കാരെ അധികമായി റേഷൻ കടകളിൽ ജോലിക്ക് വയ്ക്കാമെന്ന് സർക്കാർ നിർദേശിച്ചിട്ടുണ്ട്. എന്നാൽ അവർക്കുകൂടി കടയുടമ ശമ്പളം നൽകേണ്ടി വരുമെന്നതിനാൽ ഇത് സാധ്യമാകുമോയെന്നും ഉറപ്പില്ല. പഴയ റേഷൻ കടയിൽ നിന്ന് വ്യത്യസ്തമായി കൂടുതൽ സാധനങ്ങൾ വിറ്റഴിക്കുന്നതിലൂടെയും അധിക സേവനം നൽകുന്നതിലൂടെയും കൂടുതൽ കമ്മീഷൻ ലഭിക്കുന്നതിനാൽ ശമ്പളത്തിന് പണം കണ്ടെത്താൻ ലൈസൻസിക്ക് സാധിക്കുമെന്നാണ് സർക്കാർ പക്ഷം. ഒരാളെയെങ്കിലും ജോലിക്ക് വച്ച് സർക്കാർ നിർദേശിച്ച ബാങ്കിങ്, അക്ഷയ സൗകര്യമെല്ലാം മുന്നോട്ടു കൊണ്ടുപോകാമെന്നാണ് കെ-സ്റ്റോർ അനുവദിച്ച് കിട്ടിയ ലൈസൻസികൾ പറയുന്നത്.

@ പോർട്ടബിലിറ്റി റേഷൻ കടകൾക്ക് ഭീഷണി

ഏത് റേഷൻ കടയിൽ നിന്നും റേഷൻ വാങ്ങുവാനുള്ള സംവിധാനമായ പോർട്ടബിലിറ്റി നിലനിൽക്കുന്നത് കൊണ്ട് മറ്റു സേവനങ്ങൾക്ക് വേണ്ടി ഇത്തരം കടയിലെത്തുന്ന ഉപഭോക്താക്കൾ മറ്റു സേവനത്തോടൊപ്പം റേഷൻ സാധനങ്ങളും ഇത്തരം കടകളിൽ നിന്ന് വാങ്ങിയേക്കം. ഇതിന്റെ ഫലമായി പതിനാലായിരം റേഷൻ കടകളിൽ സ്മാർട്ടാക്കി നവീകരിക്കുന്ന ആയിരം കടകളൊഴിച്ചു പതിമൂവായിരം കടകളുടെയും നിലനിൽപ്പ് ഭീഷണിയിലായി മറുമെന്ന് റേഷൻ വ്യാപാരികൾ ഭയപ്പെടുന്നു. റേഷൻ സാധനങ്ങളല്ലാത്ത സോപ്പ്, വാഷിങ്ങ് പൗഡർ തുടങ്ങിയ ഉൽപ്പന്നങ്ങൾ വിൽപ്പന നടത്താനുള്ള ഉത്തരവിന്റെ അടിസ്ഥാനത്തിലാണ് പല കടകളും മുൻകാലങ്ങളിൽ നിലനിന്ന് പോന്നിരുന്നത്. എന്നാൽ പുതിയ സർക്കാർ ഈ ഉത്തരവ് റദ്ദാക്കിയ തീരുമാനം പിൻവലിക്കണമെന്നും. മുഴുവൻ റേഷൻ കടകളും സ്മാർട്ടാക്കി മാറ്റണമെന്നും റേഷൻ വ്യാപാരികൾ ആവശ്യപ്പെടുന്നു.

@ അതേസമയം സ്മാർട്ട് റേഷൻ കട വന്നാൽ അടുത്തുള്ള റേഷൻ കടയുടെ വരുമാനം കുറയുമെന്ന വിമർശനത്തെ എതിർക്കുന്നവരുമുണ്ട്.. ഒറ്റപ്പെട്ട പ്രദേശങ്ങളിൽ പദ്ധതി നടപ്പാക്കുമ്പോൾ ഇത്തരമൊരു പ്രശ്നങ്ങളുണ്ടാകില്ലെന്നാണ് അവരുടെ പക്ഷം. ഗ്രാമപ്രദേശങ്ങളിലുള്ളവർ തൊട്ടടുത്തുള്ള റേഷൻ കട വിട്ട് കൂടുതൽ ദൂരത്തുള്ള സ്മാർട്ട് റേഷൻ കട തേടിപ്പോകാനുള്ള സാധ്യതയില്ലെന്നും മറിച്ചുള്ള വിമർശനങ്ങൾ കൃത്യമായി കാര്യങ്ങൾ മനസ്സിലാക്കാത്തതുകൊണ്ടാണെന്നും കെ-സ്റ്റോർ അനുമതി ലഭിച്ച റേഷൻ കട ഉടമകൾ പറയുന്നു.

@ പദ്ധതി കുറച്ച് കടകളിൽ മാത്രം ഒതുങ്ങരുത് 

ആദ്യഘട്ടത്തിൽ കെ-സ്റ്റോർ അനുവദിക്കുന്നത് ഗ്രാമങ്ങളിലാണെന്ന സർക്കാർ മാനദണ്ഡം നല്ലതാണ്. എന്നാൽ റേഷൻ കട ഉടമകളുടെ രാഷ്ട്രീയം നോക്കാതെ സുതാര്യമായിട്ടാകണം എല്ലാ പ്രദേശങ്ങളിലും കെ-സ്റ്റോർ അനുവദിക്കേണ്ടത്. സംസ്ഥാനത്തെ എല്ലാ റേഷൻ കടകളിലേക്കും എത്രയുംവേഗം പദ്ധതി വ്യാപിപ്പിക്കണം. അല്ലെങ്കിൽ മറ്റു റേഷൻ വ്യാപാരികളുടെ കച്ചവടം കുറയും. ഇത് റേഷൻ കടകളുടെ നിലനിൽപ്പ് പ്രതിസന്ധിയിലാക്കും 

@ ശാസ്ത്രീയമായ പഠനങ്ങളില്ലാതെയാണ് ഇത്തരമൊരു പദ്ധതി സംബന്ധിച്ച തീരുമാനവും പ്രഖ്യാപനവും വന്നത്. റേഷൻ വ്യാപാരികളുമായി യാതൊരു കൂടിയാലോചനയും നടന്നിട്ടില്ല. മന്ത്രിയുടെ പ്രസ്താവനയിലൂടെയാണ് പദ്ധതിയെക്കുറിച്ച് അറിഞ്ഞത്. എങ്കിലും റേഷൻ കടക്കാർക്ക് ലാഭമുണ്ടാക്കാനായി തുടങ്ങുന്ന പദ്ധതിയെ എതിർക്കേണ്ട കാര്യമില്ല. ഇപ്പോഴുള്ള തുച്ഛമായ വേതനം കൊണ്ട് ഒരു കടക്കാരനും പിടിച്ചുനിൽക്കാനാകില്ല. ജീവിതമാർഗം മെച്ചപ്പെടണമെങ്കിൽ വരുമാനം വർധിക്കണം. ഇതിന് സഹായകരമാകുന്ന ഏതു നടപടികളെയും സ്വാഗതം ചെയ്യും. റേഷൻ കട സ്മാർട്ടാകുന്നത് നല്ലതാണെങ്കിലും ഇതെല്ലാം നടപ്പിലാക്കാൻ വലിയ പ്രതിസന്ധിയുണ്ടാകും 

@ പാതിവഴിയിൽ ഉപേക്ഷിച്ചാൽ വലിയ നഷ്ടം

കട സ്മാർട്ടാക്കാനുള്ള പദ്ധതിക്കൊപ്പം റേഷൻ കട നടത്തുന്നവർക്ക് മാന്യമായ മിനിമം വേതനം സർക്കാർ ഉറപ്പാക്കണമെന്ന ആവശ്യവും വ്യാപാരികൾ മുന്നോട്ടുവയ്ക്കുന്നു. കമ്മീഷൻ വ്യവസ്ഥ പുതുക്കി തീരുമാനിച്ച് വ്യാപാരികളെകൂടി ഇതിനൊപ്പം സർക്കാർ സംരക്ഷിക്കണമെന്നാണ് തങ്ങളുടെ ആവശ്യമെന്ന് ഓൾ കേരളാ റീട്ടേയിൽ റേഷൻ ഡീലേഴ്സ് അസോസിയേഷൻ സംസ്ഥാന സെക്രട്ടറി ബേബി തോമസ് പറഞ്ഞു.

സർക്കാർ പറയുന്ന വിസ്തീർണത്തിലുള്ള മുറികളും സൗകര്യങ്ങളുമൊന്നും അധിക റേഷൻ വ്യാപാരികൾക്കും ഉണ്ടാകില്ല. എങ്ങനെയാണ് സർക്കാർ കാര്യങ്ങൾ ഉദ്ദേശിക്കുന്നതെന്ന് വ്യക്തമല്ല. മാറി വന്ന പല സർക്കാരുകളും ഇത്തരത്തിൽ പല സ്കീമുകളും പരീക്ഷിച്ചതാണ്. എന്നാൽ അവയിൽ പലതും പാതിവഴിയിൽ ഉപേക്ഷിച്ചു. സർക്കാർ പറയുന്ന വിധത്തിൽ വലിയ മുറികളും സൗകര്യങ്ങളും ഒരുക്കാൻ വ്യാപാരികൾ ഏറെ പണം മുടക്കേണ്ടതുണ്ട്. കൈയിൽനിന്ന് പണം ചെലവിട്ട് കട പരിഷ്കരിച്ച ശേഷം ഈ പദ്ധതിയും പാതിവഴിയിൽ അവസാനിപ്പിച്ചാൽ വ്യാപാരികൾക്ക് വലിയ നഷ്ടമുണ്ടാക്കും. അതിനാൽ റേഷൻ വ്യാപാരികൾക്ക് ഉപദ്രവമായി മാറാത്ത രീതിയിൽ അവരേയും കൂടി സംരക്ഷിച്ചുകൊണ്ട് പദ്ധതി നടപ്പാക്കണമെന്നും ബ

@ എല്ലാ റേഷൻ കടക്കാർക്കും സ്വാഗതാർഹമായ പദ്ധതിയാണിത്. കെ-സ്റ്റോറിലൂടെ മിനിമം ഇ-സേവന സൗകര്യം ഉറപ്പാക്കുകയാണ് ലക്ഷ്യം. നിലവിൽ 800ലധികം റേഷൻ കടകളിൽ നിന്ന് കെ-സ്റ്റോറിനായി സമ്മതപത്രം ലഭിച്ചു. തുടക്കത്തിൽ ഓരോ ജില്ലയിലും അഞ്ചുവീതം കടകൾ സ്മാർട്ടാക്കും. താത്പര്യം അറിയിച്ച ലൈസൻസികൾക്ക് കടയിലെ അടിസ്ഥാന സൗകര്യങ്ങൾ മെച്ചപ്പെടുത്താൻ ലോൺ നൽകി സർക്കാർ സഹായിക്കും. ആദ്യഘട്ടത്തിൽ വളരെ ഉൾപ്രദേശങ്ങളിലാണ് കെ-സ്റ്റോർ തുടങ്ങുന്നത്. വൈകാതെ അടുത്ത ഘട്ടവും വരും. കടകളുടെ തുടർപ്രവർത്തനങ്ങൾ വിലയിരുത്തിയ ശേഷം നഗരങ്ങളിലേക്ക് വ്യാപിപ്പിക്കുന്ന കാര്യം ആലോചിക്കുമെന്നും ഭക്ഷ്യമന്ത്രി ജി.ആർ അനിൽ പറഞ്ഞു.

@നഗരങ്ങളിലല്ല, നാട്ടിൻപുറങ്ങളിലാണ് സ്മാർട്ട് റേഷൻ കടയുടെ പ്രയോജനം ലഭിക്കുക. നഗരങ്ങളിൽ ആയിരക്കണക്കിന് ബാങ്കും സൗകര്യവും സംവിധാനവുമെല്ലാമുണ്ട്. അതിനാൽ അവിടങ്ങളിൽ റേഷൻ കട സ്മാർട്ടാകേണ്ട വലിയ ആവശ്യമില്ല. പദ്ധതി നടപ്പിലാകുന്നതോടെ ആളുകൾ കൂട്ടത്തോടെ സ്മാർട്ട് റേഷൻ കടകളിലേക്ക് പോകും സാധാരണ റേഷൻ കടകളിൽ കച്ചവടം കുറയുമെന്നെല്ലാമുള്ള ആശങ്കയിൽ അടിസ്ഥാനമില്ല. മറ്റു റേഷൻ കടകളെ ബാധിക്കാത്ത രീതിയിലായിരിക്കും പദ്ധതി ക്രമീകരിക്കുക. റേഷൻ കട ഉടമകളുടെ എല്ലാ ആശങ്കയും സർക്കാർ പരിഹരിക്കുമെന്നും 

@ പൊട്ടിപോയ ശബരി സ്റ്റോർ പാഠം

സംസ്ഥാനത്തെ റേഷൻ കടകളിൽ കുറച്ചുവർഷങ്ങൾക്ക് മുമ്പ് നടപ്പാക്കി പാതിവഴിയിൽ പരാജയപ്പെട്ട പദ്ധതിയാണ് ശബരി സ്റ്റോർ. റേഷൻ കടകൾ വഴി പലവ്യഞ്ജന സാധനങ്ങൾ വിൽക്കാനുള്ള വിപുലമായ പദ്ധതിയായിരുന്നു ഇത്. സർക്കാർ വാഗ്ദാനങ്ങളിൽ വിശ്വസിച്ച് പല റേഷൻ കടകളും ശബരി സ്റ്റോറായി മാറി. എന്നാൽ ആ പദ്ധതിക്ക് കേവലം ഒരുവർഷത്തെ ആയുസ് മാത്രമേ ഉണ്ടായിരുന്നുള്ളു. തുടക്കത്തിൽ പലവ്യഞ്ജന സാധനങ്ങൾ സിവിൽ സപ്ലൈസ് കൃത്യമായി റേഷൻ കടകളിലേക്ക് എത്തിച്ചു നൽകിയെങ്കിലും പിന്നീട് പതിയെ സാധനങ്ങൾ കിട്ടാതായി. ഒരുവർഷം പിന്നിടുമ്പോഴെക്കും ശബരി സ്റ്റോറുകളെല്ലാം പൂട്ടിക്കെട്ടേണ്ടിയും വന്നു.

ഇതിനുസമാനമായി കെ-സ്റ്റോർ പദ്ധതിയും പാതിവഴിയിൽ ഉപേക്ഷിക്കപ്പെടുമോയെന്ന ആശങ്ക റേഷൻ വ്യാപാരികൾക്കുണ്ട്. അന്ന് ശബരി സ്റ്റോർ പരാജയപ്പെട്ടതോടെ മിക്ക വ്യാപാരികളും വലിയ നഷ്ടവും സഹിച്ചു. അതിനാൽ ശബരി സ്റ്റോറിന്റെ ഗതി കെ-സ്റ്റോറിന് ഉണ്ടാകരുതെന്നാണ് വ്യാപാരികൾക്ക് പറയാനുള്ളത്. അതേസമയം പരാജയപ്പെട്ട ശബരി സ്റ്റോറിന്റെ അനുഭവവും പോരായ്മകളുമെല്ലാം ചർച്ചചെയ്തുകൊണ്ടാണ് കെ-സ്റ്റോർ പദ്ധതി തയ്യാറാക്കിയതെന്നാണ് ഭക്ഷ്യമന്ത്രി ജി.ആർ അനിൽ പറയുന്നത്.

@ 45 ക്വിന്റലിന് കമ്മീഷൻ 18,000 രൂപ

ഭക്ഷ്യധാന്യങ്ങളുടെ വിതരണത്തിന് റേഷൻ കടകൾക്ക് വിൽപ്പന നടത്തുന്ന അളവിന് അനുസരിച്ചാണ് സർക്കാർ കമ്മീഷൻ നൽകുന്നത്. 45 ക്വിന്റൽ ഭക്ഷ്യധാന്യങ്ങൾ വിതരണം ചെയ്യുന്ന വ്യാപാരിക്ക് 18,000 രൂപ കമ്മീഷൻ ലഭിക്കും. പിന്നീടുള്ള ഓരോ ക്വിന്റലിനും 150 രൂപവച്ചും നൽകും. ഓരോ മാസവും ശരാശരി 70-75 ക്വിന്റൽ വരെ കച്ചവടം മിക്ക റേഷൻ കടകളിലുമുണ്ടാകും. വിൽപ്പന കുറയുമ്പോൾ ലഭിക്കുന്ന കമ്മീഷനും കുറയും. കടയുടെ വാടകയും സഹായിക്കുള്ള ശമ്പളവും ഈ കമ്മീഷനിൽ നിന്ന് നൽകണം. ഇതെല്ലാം കഴിച്ചാൽ തുച്ഛമായ തുകയേ ലഭിക്കുന്നുള്ളുവെന്ന് വ്യാപാരികൾ ചൂണ്ടിക്കാണിക്കുന്നു. കെ-സ്റ്റോർ വന്നാൽ ഒരുപരിധി വരെ ഈ പ്രശനത്തിന് പരിഹാരമുണ്ടാകുമെന്ന പ്രതീക്ഷയിലാണ് വ്യാപാരികൾ.

പൊഴിക്കര - പമ്പ ബസ്സ് സർവീസ് ഉടൻ ആരംഭിക്കണം - യുവമോർച്ച

പൊഴിക്കര - പമ്പ ബസ്സ് സർവീസ് ഉടൻ ആരംഭിക്കണം - യുവമോർച്ച

പരവൂർ : -വർഷങ്ങളായി അയ്യപ്പഭക്തന്മാർക്ക് ശബരിമല തീർഥാടനത്തിനു ആശ്രയമായ പൊഴിക്കര പമ്പ ബസ് സർവീസ് ആരംഭിക്കണമെന്ന് യുവമോർച്ച പരവൂർ മണ്ഡലം കമ്മിറ്റി ആവശ്യപ്പെട്ടു.

അനേകായിരം അയ്യപ്പ ഭക്തർ ആണ് പൊഴിക്കര, പരവൂർ, ഭൂതക്കുളം, ചിറക്കര എന്നീ പ്രദേശങ്ങളിൽ നിന്നും ബസ്സിനെ ആശ്രയിക്കുന്നത് . ആയതിനാൽ തന്നെഈ മണ്ഡലകാലം തുടങ്ങിയിട്ട്  അത് ഇല്ലാത്ത അവസ്ഥയാണ്  ഇതിനു പരിഹാരം അത്യാവശ്യമായി എടുക്കണമെന്ന് ആവശ്യപ്പെട്ടു ട്രാൻസ്‌പോർട് അധികാരികൾക്ക് യുവമോർച്ച പരവൂർ മണ്ഡലം കമ്മിറ്റി നിവേദനം നൽകുമെന്നും അറിയിച്ചു.മണ്ഡലകാലം തുടങ്ങി 5 ദിവസം കഴിഞ്ഞതിനാൽ എത്രയും പെട്ടന്ന് ഇതിനു തുടർനടപടി എടുക്കണമെന്ന് പൂതക്കുളം അയ്യപ്പസേവസംഘം കൺവീനറും യുവമോർച്ച പരവൂർ മണ്ഡലം വൈസ് പ്രസിഡന്റ് രാമൻ വേക്കുളം, പ്രിയദർശിനി അയ്യപ്പ സേവാസംഘ കൺവീനർ മുകേഷ് പനവിള, അനന്ദു, അരുൺ, ബിബിൻ ബാബു, പ്രശാന്ത്, സുധീഷ്, ജീവൻ എന്നിവർ അറിയിച്ചു

അടിസ്ഥാന സൗകര്യം ഒരുക്കാതെ പബ്ലിക് മാർക്കറ്റ് സ്വകാര്യ വ്യക്തിയുടെ സ്ഥലത്തേക്ക് മാറ്റി പ്രതിക്ഷേധം ശക്തമാകുന്നു.

അടിസ്ഥാന സൗകര്യം ഒരുക്കാതെ പബ്ലിക് മാർക്കറ്റ് സ്വകാര്യ വ്യക്തിയുടെ സ്ഥലത്തേക്ക് മാറ്റി പ്രതിക്ഷേധം ശക്തമാകുന്നു.

ചാത്തന്നൂർ : അടിസ്ഥാന സൗകര്യങ്ങൾ ഒരുക്കാതെ പഞ്ചായത്ത്‌ മാർക്കറ്റ് സ്വകാര്യ വ്യക്തിയുടെ സ്ഥലത്തേക്ക് മാറ്റി പ്രതിക്ഷേധം ശക്തമാകുന്നു. നിലവിലുള്ള മാർക്കറ്റ് 

പഞ്ചായത്ത്‌ ഷോപ്പിംഗ് കോപ്ലക്സ് നിർമ്മിക്കുന്നതിന് വേണ്ടി പൊളിക്കുന്നതിന് വേണ്ടിയാണ് മാർക്കറ്റ് സ്വകാര്യ വ്യക്തിയുടെ സ്ഥലത്തേക്ക് മാറ്റിയത്. ദേശിയപാതയിൽ നിന്നും 

ചാത്തന്നൂർ - കൊട്ടാരക്കര റോഡിൽ കയറുന്നതിനുള്ള ബൈപാസ് റോഡിലുള്ള സ്വകാര്യ വ്യക്തിയുടെ പുരയിടത്തിലേക്കാണ് പഞ്ചായത്ത്‌ മാർക്കറ്റ് മാറ്റി സ്ഥാപിച്ചത്. ഇവിടെ യാതൊരുവിധ അടിസ്ഥാന സൗകര്യവും ഒരുക്കിയിട്ടില്ല എന്ന് മാത്രമല്ല കച്ചവടക്കാർക്ക് വേണ്ട ഷെഡ് പോലും കെട്ടികൊടുക്കാൻ പഞ്ചായത്ത്‌ തയ്യാറായില്ല. കച്ചവടക്കാർ സ്വന്തം നിലയിൽ കെട്ടിയ ഷെഡുകളിൽ കച്ചവടം ആരംഭിച്ചു കഴിഞ്ഞു. മീൻ അടക്കമുള്ള കച്ചവടം നടക്കുന്ന ഇവിടെ 

മലിനജലം ശേഖരിക്കാൻ കുഴികളോ കുടിവെള്ളത്തിനായി കിണറും ശുചി മുറിയോ ഇല്ല  വൈദ്യുതീവത്കരണം നടക്കാത്തത് മൂലം വൈകുന്നേരം അഞ്ച് മണിക്ക് കടകൾ അടച്ച് പോകേണ്ട ഗതികേടിലാണ് കച്ചവടക്കാർ. ഇടുങ്ങിയ റോഡും ബാറും വാഹനങ്ങൾ തലങ്ങും വിലങ്ങും യാത്രചെയ്യുന്ന ഇവിടെ മാർക്കറ്റ് കൂടി എത്തിയതോടെ കൂടുതൽ തിരക്കായി മാറി. അടിയന്തിരമായി സ്വകാര്യചന്തയിൽ അടിസ്ഥാന സൗകര്യം ഒരുക്കണമെന്നാണ് വ്യാപരികളുടെയും നാട്ടുകാരുടെയും ആവശ്യം 

@ നിലവിലുള്ള മാർക്കറ്റ് നില്ക്കുന്ന സ്ഥലത്ത് ഷോപ്പിംഗ് കോംപ്പക്സ് പണിയുന്നതിന് വേണ്ടി പൊളിക്കുന്നത് പുതിയ കെട്ടിടങ്ങൾ. 2019-20കാലത്ത് തൊഴിലുറപ്പ് പദ്ധതിയിൽ ഉൾപ്പെടുത്തി ലക്ഷങ്ങൾ ചിലവഴിച്ചു 

നിർമ്മിച്ച ഗ്രാമിണ ചന്തയ്ക്ക് വേണ്ടിയുള്ള മീൻ വില്പന ശാല,2008-2009കാലഘട്ടത്തിൽ ജനകീയാസസൂത്രണ പദ്ധതിയിൽ ഉൾപ്പെടുത്തി നിർമ്മിച്ച കടമുറികൾ,2001-2002 കാലഘട്ടത്തിൽ നിർമ്മിച്ച 8കടമുറികൾ, കാലപഴക്കം ചെന്ന 6കടമുറികൾ എന്നിവയാണ് പൊളിച്ചു മാറ്റുന്നത്. കൂടാതെ ദേശിയപാതയോരത്ത് പൊളിഞ്ഞു വീഴാറായി അപകടാവസ്ഥയിലുള്ള ഇരുനില കെട്ടിടവും ദേശീയപാത വികസനത്തിന് വേണ്ടി പൊളിച്ചു മാറ്റുന്നുണ്ട്.

@ പ്രശസ്തമായ ചാത്തന്നൂർ ഗ്രാമിണ ചന്ത ഇല്ലാതായി

 പ്രശസ്തമായിരുന്ന ചാത്തന്നൂർ ഗ്രാമിണ ചന്ത ഇല്ലാതായി അതി പുരാതനമായ കാലഘട്ടം മുതൽ പ്രവർത്തിച്ചു വന്നിരുന്ന പാരമ്പരാഗത ഗ്രാമിണചന്ത പ്രതാപം നഷ്ടപ്പെട്ട് ഇല്ലാതായതിൽ അതീവ ദുഖിതരാണ് ചാത്തന്നൂർക്കാർ. ചാത്തന്നൂർ പഞ്ചായത്തിലെ പ്രധാനമായ ഗ്രാമിണ ചന്തയോട് പഞ്ചായത്ത്‌ അധികൃതരുടെ അനാസ്ഥയുടെ അവസാനത്തെ ഉദാഹരണമാണ് ചന്ത യാതൊരു സൗകാര്യവും ഇല്ലാത്ത സ്ഥലത്തു മാറ്റീയത് ഒരു കാലത്ത് കർഷകരുടെ കേന്ദ്രമായിരുന്ന ചന്ത ഇന്നു പൂർണ്ണമായും ഇല്ലാതായി കർഷകർ ഏറെയുള്ള പഞ്ചായത്തിൽ കാർഷിക ഉൽപന്നങ്ങൾ വിൽക്കുന്നതിനും വാങ്ങുന്നതിനും ഏകാശ്രയമായിരുന്നു മുൻപ് ഇവിടം. വിദൂര സ്ഥലങ്ങളിലുള്ള വ്യാപാരികൾ വരെ ഇവിടെയെത്തി കാർഷികോൽപന്നങ്ങൾ ശേഖരിച്ചിരുന്നുവെന്ന് പഴയ തലമുറയിലെ കർഷകർ സാക്ഷ്യപ്പെടുത്തുന്നു.

 

ചാത്തന്നൂരിലും പാരിപ്പള്ളിയിലും പട്ടാപകൽ മോഷണം തമിഴ് നാട് സ്വദേശികളായ കള്ളന്മാരെ മണിക്കൂറുകൾക്ക് അകം പിടികൂടി

ചാത്തന്നൂർ: ചാത്തന്നൂരിലും പാരിപ്പള്ളിയിലും 

പട്ടാപകൽ മോഷണം തമിഴ് നാട് സ്വദേശികളായ കള്ളന്മാരെ മണിക്കൂറുകൾക്ക് അകം പിടികൂടി പോലിസ്. തമിഴ് നാട് മധുര അറപ്പാളയം ചെക്കാടി സ്വദേശി സുരേഷ്, ത്രിച്ചി പെരുമാൾ കോവിൽ സ്വദേശി രാജ്കമൽ എന്നിവരെയാണ് പിടികൂടിയത്.

ഇന്നലെ രാവിലെ 10.30ഓടെ പാരിപ്പള്ളി പാമ്പുറം ഇന്ദ്രനീലത്തിൽ സുനിൽകുമാറിന്റെ വീടിന്റെ ഫ്രണ്ട് വാതിൽ കുത്തിതുറന്ന്  ഇരുപത് പവൻ സ്വർണ്ണവും തുടർന്ന് ചാത്തന്നൂർ പോലിസ് സ്റ്റേഷന് സമീപം

ഏറം കനക മന്ദിരത്തിൽ 

 ബാബുട്ടി എന്ന് വിളിക്കുന്ന ശ്യാംലാലിന്റെ വീട്ടിൽ നിന്നും മൂന്ന് പവൻ സ്വർണ്ണവും മൂന്നരലക്ഷം രൂപയുമാണ് കവർന്നത്. തിരുവനന്തപുരത്ത് നിന്നും മോഷ്ടിച്ച ബൈക്കുമായി  എത്തിയാണ് മോഷണം നടത്തിയത് എന്ന് പോലിസ് പറഞ്ഞു. പാമ്പുറത്തെ ആളില്ലാത്ത വീട്ടിൽ നിന്നും വീടിന്റെ ഫ്രണ്ട് ഡോർ തകർത്തു ഉള്ളിൽ കടന്ന് മറ്റ് ഡോറുകളും പൊളിച്ചു അലമാരയിൽ നിന്നും സ്വർണ്ണം കവരുകയായിരുന്നു. തുടർന്ന് ചാത്തന്നൂരിലെ വീട്ടിൽ നിന്നും ആളില്ലാത്ത സമയത്ത് വീടിന്റെ മുറ്റത്ത് കിടന്ന കോടാലിയെടുത്ത് 

രണ്ടാം നിലയിലുള്ള വീടിന്റെ പ്രധാനവാതിൽ തകർത്തു അലമാരയിൽ സൂക്ഷിച്ചിരുന്ന സ്വർണ്ണവും പൈസയും കവരുകയായിരുന്നു. മോഷണം നടത്തി വീടിന്റെ വെളിയിൽ വച്ചിരുന്ന ബൈക്കിൽ കയറുന്നതിനിടെ വീട്ടുടമസ്ഥാനും ഭാര്യയും വീട്ടിലേക്ക് വരികയായിരുന്നു ഇ സമയം അപരിചിതരായ രണ്ട് പേര് വീടിന്റെ മുന്നിൽ നിൽക്കുന്നത് കണ്ടു പെട്ടെന്ന് മൊബൈൽ ഫോണിൽ ഫോട്ടോ എടുക്കുകയായിരുന്നു ഇതിനിടയിൽ വീടിന്റെ മുകളിൽ കയറിയപ്പോൾ മോഷണം നടന്നതായി കാണുകയും ഉടൻ തന്നെ ഓടി വെളിയിൽ വരുമ്പോൾ മോഷ്ടാക്കൾ കടന്നിരുന്നു. ഇതിനകം തന്നെ മൊബൈലിൽ പകർത്തിയ ഫോട്ടോ സോഷ്യൽമീഡിയയിലും ചാത്തന്നൂർ പോലിസ് മറ്റ് പോലിസ് ഉദ്യോഗസ്ഥർക്ക് കൈമാറുകയും ചെയ്തിരുന്നു. ഇ ഫോട്ടോയിൽ കണ്ടതോടെ തമിഴ്നാട്ടിൽ നിന്നുള്ള കുപ്രസിഡ കള്ളന്മാരാണ് എന്ന് തിരിച്ചറിഞ്ഞതോടെ പോലീസിന്റെ കൈവശമുള്ള മൊബൈൽ നമ്പർ സൈബർ പോലിസ് തിരിച്ചറിയുകയും തമിഴ്നാട്ടിലേക്കുള്ള യാത്രയിലാണ് എന്ന് കണ്ടെത്തിയതോടെ പോലിസ് നടത്തിയ തിരച്ചിലിൽ അച്ചൻകോവിൽ പോലിസ് കള്ളന്മാരെ പിടികൂടുകയായിരുന്നു. ചാത്തന്നൂർ പാരിപ്പള്ളി പോലിസ് കേസെടുത്തു പ്രതികളെ ചാത്തന്നൂർ പോലിസ് സ്റ്റേഷനിൽ എത്തിച്ചു.

 

കൊട്ടിയ ടൗണിൽ നിർമ്മിക്കുന്ന ഡ്രീംസ് മാൾ നിർമ്മാണത്തിൽ ദുരൂഹത

കൊട്ടിയം : കൊട്ടിയ ടൗണിൽ നിർമ്മിക്കുന്ന ഡ്രീംസ് മാൾ നിർമ്മാണത്തിൽ ദുരൂഹത നിലവിലുള്ള കെട്ടിടം കൈമാറാൻ നീക്കം. 

ഇരവിപുരം നിയോജക മണ്ഡലത്തിൽ 

സിപിഎം ഭരിക്കുന്ന നാല് സഹകരണബാങ്കുകളുടെ  കോൺസർഷ്യം രൂപീകരിച്ചു കൊണ്ട് വിവിധ മേഖലയിൽ പ്രവർത്തിക്കുന്ന വ്യാപരികളുടെയും വ്യവസായികളുടെയും പ്രവാസികളുടെയും ഷെയർ എടുപ്പിച്ചു കൊണ്ടാണ് സൊസൈറ്റി ആക്ട് പ്രകാരമാണ് ദേശിങ്ങനാട് റാപ്പിഡ് ഡെവലപ്പ് മെന്റ് ആന്റ് അസിസ്റ്റന്റ്സ് കോ.ഓപ്പറേറ്റിവ് സൊസൈറ്റി എന്ന സ്ഥാപനം പ്രവർത്തിക്കുന്നത് എന്ന് രേഖമൂലം സോസൈറ്റി അധികൃതർ 

പറയുന്നത്. ഉമയനല്ലൂർ സഹകരണബാങ്ക് പ്രസിഡന്റ്‌

ഫതേഹുദ്ധീനാണ് സൊസൈറ്റി പ്രസിഡന്റ്‌. രജിസ്ട്രേഷൻ വകുപ്പിൽ സൊസൈറ്റി ആക്ട് പ്രകാരം രജിസ്ട്രേഷൻ ചെയ്തിട്ടുണ്ടെങ്കിലും സൊസൈറ്റിയുടെ സാമ്പത്തിക സ്രോതസിനെ കുറിച്ച് ഇപ്പോഴും ദുരൂഹത നിലനിൽക്കുന്നതായി സഹകാരികൾ ചൂണ്ടികാട്ടുന്നു. നാല് സഹകരണ ബാങ്കുകളിൽ നിന്നും യാതൊരു ഈടും ഇല്ലാതെയാണ് കോടി കണക്കിന് രൂപ മാൾ നിർമ്മാണത്തിന് വ്യവസായ തുടങ്ങുന്നതിനുള്ള ലോൺ എന്ന നിലയിൽ പൈസയെടുത്തിട്ടുള്ളത് 

സഹകരണ രജിസ്ട്രാറുടെ അനുവാദം ഇല്ലാതെയാണ് സഹകരണ ബാങ്കുകളിൽ നിന്നും ഡയറക്ടർ ബോർഡിന്റെ അനുമതിയോടെ എടുത്തതിൽ ദുരൂഹത നിലനിൽക്കുന്നു. കൂടാതെ  ജില്ലാ ജോയിന്റ് രെജിസ്ട്രാർ അനുമതി വാങ്ങാതെയാണ്  സഹകരണബാങ്കുകളിൽ നിന്നും എടുത്ത ലോൺ തുക കൊണ്ട് ഭൂമി വാങ്ങിയതും കെട്ടിടം നിർമ്മാണം നടത്തുന്നതും. ഭരണ സ്വാധീനം ഉപയോഗിച്ച് കൊണ്ട് എല്ലാ നിയമങ്ങളും കാറ്റിൽ പറത്തി കൊണ്ടാണ് പടുകൂറ്റൻ മാൾ കൊട്ടിയത്ത് പടുത്തുയർത്തുന്നത്. നിർമ്മാണത്തിന്റെ 75ശതമാനം പൂർത്തിയായി മുന്നോട്ട് പോകുമ്പോൾ സഹകരണ ബാങ്കുകളിൽ നിന്നും എടുത്ത ലോൺ തുകകളുടെ തിരിച്ചടവ് ഇപ്പോഴും വഴിമുട്ടി നിൽക്കുകയാണ് 

 പ്രവാസികളുടെ കൈയിൽ നിന്നും വ്യാപരി വ്യവസായികളുടെ കൈയിൽ നിന്നും പിരിച്ചെടുത്ത ഷെയർ തുകകളെ പറ്റിയും കൊട്ടിയം ജങ്ഷനിൽ പ്രവർത്തിക്കുന്ന സൊസൈറ്റി ഓഫിസിൽ പോലും വിവരങ്ങൾ ഇല്ലെന്ന് ഒരു വിഭാഗം സിപിഎം നേതാക്കൾ ആരോപിക്കുന്നു. സൊസൈറ്റിയ്ക്ക് കൊടുത്ത ലോൺ തിരിച്ചടവ് മുടങ്ങിയത് ചൂണ്ടി കാണിച്ചു കൊണ്ട് സഹകരണ ബാങ്കുകളിൽ സംസ്ഥാന സഹകരണവകുപ്പിന്റെ ഓഡിറ്റ് വിഭാഗം നിയമപ്രശ്നം ഉന്നയിച്ചിട്ടുണ്ട്.ഇതിനെ തുടർന്ന് മാൾ കൈമാറാനുള്ള നീക്കമാണ് ഇപ്പോൾ സൊസൈറ്റി അധികൃതർ നടത്തുന്നത് നിരവധി വൻകിട കമ്പനികളുമായി ഇതിനകം തന്നെ ചർച്ചകൾ നടത്തുകയാണ് എന്ന് കമ്പനി അധികൃതർ തന്നെ സമ്മതിക്കുന്നുണ്ട്.  പാർട്ടിയുടെ അനുമതിയോടെ പാർട്ടിയുടെ നേതാക്കൾ തന്നെ നേതൃത്വം കൊടുത്തു സഹകാരികളുടെ പൈസ കൊണ്ട് നിർമ്മിച്ച സ്ഥാപനം കൈമാറാനുള്ള നീക്കത്തിനെതിരെ സിപിഎം നേതാക്കൾ തന്നെ രംഗതെത്തിയിട്ടുണ്ട്.

@സൊസൈറ്റിയുടെ സാമ്പത്തിക ഇടപാടുകളിൽ ദുരൂഹത

ഊറാംഗൽ സൊസൈറ്റിയുടെ മേൽനോട്ടത്തിൽ നിർമ്മാണപ്രവർത്തനം നടക്കുന്ന മാളിൽ സഹകരണ ബാങ്കിലെ ലോൺ കൂടാതെ ഇതിനകം തന്നെ ബിനാമി ഇടപാടിലൂടെയും അല്ലാതെയും കോടി കണക്കിന് രൂപയുടെ ഇടപാടുകൾ നടന്നിട്ടുണ്ട് എന്ന് ചൂണ്ടികാണിക്കുന്നു സോസൈറ്റിയിലെ സാമ്പത്തിക ഇടപാടുകളിൽ ദുരൂഹതയുണ്ടെന്ന് സഹകരണ വകുപ്പ് ഉദ്യോഗസ്ഥർ ചൂണ്ടികാണിക്കുന്നു കൃത്യമായ ഓഡിറ്റിംഗ് നടന്നിട്ടില്ല ജില്ലാ അസിസ്റ്റന്റ് രജിസ്ട്രാറുടെ അനുമതി വാങ്ങാത്തത് മൂലം ഇപ്പോൾ നടക്കുന്ന സാമ്പത്തിക ഇടപാടുകൾ ആരെയും ബോധിപ്പിക്കേണ്ട അവസ്ഥയിലാണ് അത് കൊണ്ട് തന്നെ ഭൂമിയും കെട്ടിടവും കൈമാറ്റം ചെയ്‌താൽ പോലും ബിനാമി ഇടപാടുകാരെ കണ്ടു പിടിക്കാൻ പറ്റില്ല എന്ന് സംസ്ഥാന സർക്കാരിന്റെ ഓഡിറ്റ് വിഭാഗം ചൂണ്ടി കാണിക്കുന്നു ഇവിടെ നടന്ന ഗുരുതരമായ സാമ്പത്തിക ക്രമകേടുകൾ കേന്ദ്ര സാമ്പത്തിക കുറ്റാന്വേഷണ വിഭാഗം അന്വേഷിക്കണമെന്ന ആവശ്യം ശക്തമാകുകയാണ്.

 

@ കശുവണ്ടി ഫെക്ടറി ഭൂമി സിപിഎം കൈവശപ്പെടുത്തിയതിൽ ദുരൂഹത.

"തങ്ങളുടെ ഫെക്ടറി എന്ന പേരിൽ പ്രസദ്ധി നേടിയ കൊട്ടിയം ടൗണിൽ 

ആയിരകണക്കിന് തൊഴിലാളികൾ ജോലി ചെയ്തിരുന്ന ബി.ബി കാഷ്യുസ്

സിപിഎം നേതാക്കളുടെ നിയന്ത്രണത്തിലുള്ള സൊസൈറ്റിയുടെ കൈവശമെത്തിയതിൽ ദുരൂഹതയുണ്ടെന്ന് നാട്ടുകാർ പറയുന്നു.

നല്ല രീതിയിൽ പ്രവർത്തിച്ചു വന്നിരുന്ന ഫെക്ടറി ഒരു സുപ്രഭാതത്തിൽ പൊട്ടി പുറപ്പെട്ട  തൊഴിലാളി സമരത്തെ തുടർന്ന് ഫാക്ടറി തുടർച്ചയായി അടച്ചുപൂട്ടി ഇടുകയും തുടർന്ന് തൊഴിലാളി യൂണിയൻ നേതാക്കളെ സെറ്റ് ചെയ്തു കൊണ്ട് ഫാക്ടറി നിന്ന ഭൂമി സിപിഎം കൈവശപ്പെടുത്തുകയായിരുന്നു.

ജീവിതത്തിൽ പ്രശ്നങ്ങളെ അഭിമുഖീകരിക്കാത്തവരായി ആരും തന്നെ ഉണ്ടാകില്ല...

,

ജീവിതത്തിൽ പ്രശ്നങ്ങളെ അഭിമുഖീകരിക്കാത്തവരായി ആരും തന്നെ ഉണ്ടാകില്ല...

 പ്രവർത്തിക്കുന്നവർക്ക് ഒരുപാട് പ്രശ്നങ്ങളെ തരണം ചെയ്യേണ്ടതുണ്ട്..

  നാം അഭിമുഖീകരിക്കുന്ന പ്രശ്നങ്ങളിൽ നിന്നും നമുക്ക് ഒരുപാട് പാഠം പഠിക്കാൻ ഉണ്ടാകും..

 അത് നമ്മിൽ ആത്മബലം നൽകും..

   പ്രശ്നങ്ങളെ കണ്ട് ഭയന്നോടുന്നവൻ ഓടിക്കൊണ്ടേ ഇരിക്കും...

 പ്രശ്നങ്ങളെ സധൈര്യം നേരിട്ട് മുന്നേറുന്നവൻ നേട്ടങ്ങളുടെ കൊടുമുടികൾ കീഴടക്കും...

 ഏതൊരു സത് പ്രവൃത്തിക്കും മുന്നോടിയായി ഒരു തടസം നേരിടാൻ ഉണ്ടാകും...

  അടച്ചിട്ട ഒരുവാതിൽ തുറന്നാൽ മാത്രമേ പ്രയാസമില്ലാതെ അകത്തേക്ക് പ്രവേശിക്കാൻ സാധിക്കൂ...

 ഈശ്വര വിശ്വാസത്തിൽ ജീവിക്കുന്നവർക്ക് മുന്നിൽ തടസത്തിൻ്റെ വാതിൽ നിങ്ങൾക്കായി തുറന്നു തരാൻ ഒരാള് തീർച്ചയായും ഉണ്ടാകും..

      മനസ്സ് ദുർബലം ആയവർ പെട്ടന്ന് തന്നെ ചെറിയ പ്രശ്നത്തിൽ വ്യാകുലരാകും..

 കാരണം അവരുടെ മനസ്സ് കളങ്കമില്ലാത്തതാണ്...

 നിസ്സാരമായ പ്രശ്നങ്ങൾ എല്ലാം സാരമായി തോന്നുന്നത്  നിർമല മനസ്സിൻ്റെ അവസ്ഥയാണ്....

 പെട്ടന്ന് അവർക്ക് അതിൽ നിന്നും കരകയറാൻ സാധിച്ചു എന്ന് വരില്ല...

 ആരെങ്കിലും നെഗറ്റീവ് ആയി എന്തെങ്കിലും പറഞാൽ ഇക്കൂട്ടർ കൂടുതൽ വിഷമിക്കും..

 

   എന്നാല് സാരമില്ല പോട്ടെ..വിഷമിക്കേണ്ട.എന്നൊക്കെ  പോസറ്റീവ് ആയി പറഞ്ഞ് ആരെങ്കിലും സമാധാനിപ്പിച്ചാൽ  ഇവർ വളരെ വേഗം അതിൽ നിന്നും മോചിതർ ആകുകയും ചെയ്യും...

  കരയുന്നവനെ കരയിക്കാൻ ഒരുപാട് നാവുകൾക്ക് സാധിക്കും..

 സമാധാനിപ്പിക്കാൻ മനസിൽ നന്മയുള്ളവർക്ക് മാത്രമേ സാധിക്കൂ...

      കഠിന മനസും  കളങ്കമില്ലാത്ത നിർമല മനസ്സും പക്ഷി മൃഗാദികൾക്കും സസ്യങ്ങൾക്ക് വരെയും തിരിച്ചറിയാൻ സാധിക്കും..

   ചില ആളുകളെ പട്ടികൾ ഓടിച്ചിട്ട് കടിക്കുന്നത് കാണാം...

ചിലരെ ആകട്ടെ ഒരു പരിചയം ഇല്ലങ്കിലും കണ്ടപാടെ സ്നേഹത്തോടെ വാലാട്ടി സ്നേഹം പ്രകടിപ്പിക്കുന്നു.

 

   .കഠിന മനസ്സ് ഉളളവർ തുളസി ..ചെത്തി പോലുള്ള സസ്യങ്ങളെ സ്പർശിച്ചാൽ അവ ഉണങ്ങി കരിയുന്നതായി കാണുന്നു..

  ചേര് എന്ന് പേരുള്ള ഒരു മരമുണ്ട്  ചില ആളുകൾ അടുത്തുകൂടി പോയാൽ പോലും മേലാകെ പൊള്ളി തടിച്ച് ചിണർത്ത് ചൊറിഞ്ഞു പനി പോലും പിടിക്കും..

 

 മനസിന് നൈർമല്യം ഉള്ളവർക്ക് ഈ വക പ്രശ്നങ്ങൾ ഒന്നും തന്നെ ഉണ്ടാകുന്നില്ല...

  എന്നത് നമ്മുടെ മനസും പ്രകൃതിയും തമ്മിൽ പോലും അത്രയേറെ ബന്ധം ഉണ്ട് എന്നതിനേ സൂചിപ്പിക്കുന്നു....

    ശുദ്ധ മനസിൽ സദാ ഈശ്വരൻ വസിക്കുന്നു...

 പക്ഷേ വാക്കുകൾ ശ്രദ്ധിച്ച് ഉപയോഗിച്ചില്ല എങ്കിൽ ശുദ്ധൻ ദുഷ്ടൻ്റെ ഫലം ചെയ്യും എന്നതും ഉറപ്പാണ്...

    ഇന്ന് ജീവിച്ച്നാളെ ഇല്ലാതെ ആകുന്ന ഭൗതീക വസ്തു മാത്രമാണ് സർവ്വ ചരാചരവും...

  സർവ്വതിനോടും സ്നേഹവും കാരുണ്യവും ക്ഷമയും ആദരവും നൽകാൻ സാധിച്ചാൽ  അവ നമ്മിലേക്ക് തിരിച്ച് കിട്ടുന്ന നന്മ തന്നെയാണ്....

  ഏവരിലും നന്മ ഉണ്ടാകാൻ ഈശ്വരൻ അനുഗ്രഹിക്കട്ടെ.. എല്ലാവർക്കും നന്മകൾ നേരുന്നു..നന്ദി..vasantha tk..thrissilery..ഓം നമഃശിവായ...

ചിറക്കര സർവ്വീസ് സഹകരണ ബാങ്കിൽ സിപിഎം നേതാക്കളുടെ മക്കൾക്ക് പിൻവാതിൽ നിയമനം പ്രതിക്ഷേധമുയർത്തി ഡി വൈ എഫ് ഐ പ്രവർത്തകർ

ചാത്തന്നൂർ: ചിറക്കര സർവ്വീസ് സഹകരണ ബാങ്കിൽ സിപിഎം നേതാക്കളുടെ മക്കൾക്ക് പിൻവാതിൽ നിയമനം പ്രതിക്ഷേധമുയർത്തി ഡി വൈ എഫ് ഐ പ്രവർത്തകർ. ലോക്കൽ കമ്മിറ്റി അംഗം കൂടിയായ ബാങ്ക് മുൻ പ്രസിഡന്റു കൂടിയായ 

മധുസൂദനൻ പിള്ളയുടെ മകൻ അടക്കമുള്ള ആറു പേരെ പാർട്ടി നിർദ്ദേശം അനുസരിച്ചു 

നിയമിച്ചതോടെയാണ് കലാപമുയർത്തി ഡി വൈ എഫ് ഐ നേതാക്കളും. പ്രവർത്തകരും 

രംഗതെത്തിയത്. നിരവധി  യോഗ്യതയുള്ളവർ പരീക്ഷ എഴുതിയിട്ടും അവരെയെല്ലാം  ഒഴിവാക്കിയാണ് പാർട്ടി നേതാക്കളുടെ മക്കൾക്ക് നിയമനം നൽകുന്നത്. ഇതു വഴി ലക്ഷകണക്കിന് രൂപയാണ് സിപിഎം നേതൃത്വം കൈപ്പറ്റിയെന്ന ആരോപണവും ഉയരുന്നുണ്ട്. സി പി എം ചാത്തന്നൂർ ഏരിയ കമ്മിറ്റി ഓഫീസിൽ  ചിറക്കര ലോക്കൽ കമ്മിറ്റി അംഗങ്ങളെ വിളിച്ചു വരുത്തി ജില്ലാ സെക്രട്ടറിയേറ്റംഗം ബി തുളധരകുറുപ്പിന്റെ സാന്നിധ്യത്തിൽ 

 ഏരിയ സെകട്ടറി കെ. സേതുമാധവൻ പങ്കെടുത്ത ലോക്കൽ കമ്മിറ്റിയിലാണ് ഇവരെ നിയമിക്കാൻ തീരുമാന ഉണ്ടായതും പാർട്ടി നിർദ്ദേശം ഭരണസമിതിയെ അറിയിക്കുകയും ചെയ്തതോടെയാണ് നിയമനത്തിന് വഴി തെളിഞ്ഞത്.ഇവിടുത്തെ നിയമനം സംമ്പന്ധിച്ചു  സഹകരണ വകുപ്പിൽ അടക്കം ഇന്റർവ്യൂന് മുൻപ് ഉദ്യോഗാർഥികൾ  പരാതി നൽകിയിരുന്നുവെങ്കിലും യാതൊരു നടപടിയും ഉണ്ടായില്ല. ഇതിനെ തുടർന്ന് ഒരു വിഭാഗം സിപിഎം പ്രവർത്തകർ കലാപകൊടി ഉയർത്തി പാർട്ടി നേതൃത്വത്തിനെതിരെ രംഗത്ത് വന്നിരിക്കുന്നത്. എഴുത്ത് പരീക്ഷയും അതിൽ നിന്നും തിരഞ്ഞെടുക്കപ്പെടുന്നവർക്ക് നടക്കുന്ന ഇന്റർവ്യൂവും പ്രഹസനമാക്കി കൊണ്ടാണ് ചിറക്കര സഹകരണ ബാങ്കിൽ നിയമനം നടന്നിരിക്കുന്നത്.

സഹകരണ മേഖലയിൽ പിൻവാതിലൂടെ നടക്കുന്ന നിയമനങ്ങൾക്ക് ഉദാഹരണമാണ് ഇതിലൂടെ വ്യക്തമാക്കുന്നത് എന്ന് നാട്ടുകാർ ആരോപിക്കുന്നത്.

 

പരവൂർ പൊലീസിൽ വീണ്ടും തൊണ്ടി മുതൽ തിരിമറി. പോക്സോ കേസിലെ പ്രതിയിൽ നിന്നും പിടിച്ചെടുത്ത മൊബൈൽ ഫോണിലാണ് തിരിമറി നടത്തിയിരിക്കുന്നത്

പരവൂർ: പരവൂർ പൊലീസിൽ വീണ്ടും തൊണ്ടി മുതൽ തിരിമറി. പോക്സോ കേസിലെ പ്രതിയിൽ നിന്നും പിടിച്ചെടുത്ത മൊബൈൽ ഫോണിലാണ് തിരിമറി നടത്തിയിരിക്കുന്നത്. ഏതാനും ദിവസങ്ങൾക്കു മുൻപ് പ്രണയം നടിച്ച് പ്രായപൂർത്തിയാകാത്ത പെൺകുട്ടിയെ മാനഭംഗപ്പെടുത്തിയ കേസിൽ തെക്കുംഭാഗം സ്വദേശിയായ യുവാവിനെ കസ്റ്റഡിയിലെടുത്ത് റിമാൻഡ് ചെയ്തിരുന്നു. പ്രതിയിൽ നിന്നും ഇരയുടെ സ്വാകാര്യ ദൃശ്യങ്ങൾ അടങ്ങിയ ഫോൺ കണ്ടെടുത്തിരുന്നു. എന്നാൽ തൊണ്ടി മുതലായ ഫോൺ കോടതിയിൽ ഹാജാരാക്കിയിട്ടില്ല എന്നു മാത്രമല്ല ദൃശ്യങ്ങൾ സ്റ്റേഷനിലെ ഒരു ഉദ്യോഗസ്ഥൻ മായ്ച്ചുകളഞ്ഞതായും അറിയുന്നു.  പരവൂർ പോലീസ് സ്റ്റേഷനിൽ ഇതരത്തിലുള്ള പ്രവർത്തികൾ ആവർത്തിക്കുന്നു.ഏതാനും മാസങ്ങൾക്കു മുൻപും കുട്ടികളുടെ നഗ്ന ദൃശ്യങ്ങൾ ഫോണിൽ സൂക്ഷിക്കുകയും കൈമാറുകയും ചെയ്ത കേസിൽ പിടിയിലായ തെക്കുംഭാഗം സ്വദേശിയിൽ തൊണ്ടി മുതലായി പിടിച്ചെടുത്ത മൊബൈൽ ഫോൺ സ്റ്റേഷനിൽ നിന്നും മോഷണം പോകുകയും അതിനെ തുടർന്നു നിരപരാധികൾ ആയ 9 ഓളം പോലീസ് ഉദോഗസ്ഥരെ പല സ്റ്റേഷനുകളിൽ ട്രാൻസ്ഫർ ചെയ്തിരുന്നു. അന്നത്തെ കേസിലെ ഫോൺ സൂക്ഷിച്ചിരുന്നതും ട്രാൻസ്ഫർ ചെയ്യപ്പെട്ടതുമായ വനിതാ പോലീസ് ഉദ്യഗസ്ഥ മേൽ ഓഫീസിൽ പരാതി കൊടുത്തതിന്റെ അടിസ്ഥാനത്തിൽ കേസിൽ കൊല്ലം ഡിസ്ട്രിക്ട് ക്രൈം ബ്രാഞ്ച് അനേഷണം നടത്തുകയും പ്രതിയായ ഗ്രേഡ് എസ് ഐ സസ്പെൻഷനിൽ ആവുകയും ചെയ്തിരുന്നു. ഇത്തരം സംഭവങ്ങൾ ആവർത്തിക്കപ്പെടുന്നത് പൊലീസ് സേനയോടുള്ള ജനങ്ങളുടെ വിശ്വാസ്യത നഷ്ടപ്പെടുത്തുമെന്നതിൽ സംശയമില്ല.  ഉന്നതാധികാരികൾ ഇടപെട്ട് കുറ്റക്കാർക്കെതിരേ നടപടികൾ സ്വീകരിയ്ക്കണമെന്ന ആവശ്യം പോലീസിൽ ശക്തമാണ്.

ഓട്ടോസ്റ്റാന്റിൽ സി ഐ ടി യു ഗുണ്ടായിസം പട്ടികജാതി വിഭാഗത്തിൽപ്പെട്ട ഓട്ടോറിക്ഷ ഡ്രൈവർക്ക് നേരെ ആക്രമണം

ഓട്ടോസ്റ്റാന്റിൽ സി ഐ ടി യു ഗുണ്ടായിസം പട്ടികജാതി വിഭാഗത്തിൽപ്പെട്ട ഓട്ടോറിക്ഷ ഡ്രൈവർക്ക് നേരെ ആക്രമണം 

ചാത്തന്നൂർ : പാരിപ്പള്ളി മെഡിക്കൽ കോളേജിന് മുന്നിലെ ഓട്ടോസ്റ്റാന്റിൽ സി ഐ ടി യു ഗുണ്ടായിസം പ്രവാസിയായ 

പട്ടികജാതി വിഭാഗത്തിൽപ്പെട്ട ഓട്ടോറിക്ഷ ഡ്രൈവർക്ക് നേരെ നിരന്തര ആക്രമണം. കൊറോണയെ തുടർന്ന് ഉണ്ടായ സാമ്പത്തിക പ്രതിസന്ധിയിൽ ജോലി നഷ്ടപ്പെട്ട്  വിദേശത്ത് നിന്നും വന്ന് ഉപജീവനത്തിനായി ലോൺ എടുത്ത് ഓട്ടോറിക്ഷയുമായി പരിപ്പള്ളി മെഡിക്കൽ കോളേജിന് മുന്നിൽ ഓട്ടോറിക്ഷ ഓടുന്ന അഖിലിനാണ് ഇ ദുരവസ്‌ഥ. അഞ്ചു മാസത്തിന് മുൻപ് എടുത്ത ഓട്ടോറിക്ഷയുടെ പെർമിറ്റ് പാരിപ്പള്ളി മെഡിക്കൽ കോളേജിന് മുന്നിലെ സ്റ്റാന്റ് ആയതിനാൽ അവിടെ ഓട്ടോറിക്ഷയുമായി ഓടാൻ എത്തിയ അഖിലിനെ സി ഐ ടി യു ഗുണ്ടകൾ ആദ്യം കള്ളകേസിൽ കുടുക്കുകയും തുടർന്ന് പോലിസ് അന്വേഷണത്തിൽ കള്ളകേസ് ആണെന്ന് തെളിഞ്ഞതോട് വെറുതെ വിടുകയും തുടർന്ന് ഓട്ടോ സ്റ്റാന്റിൽ ഓടാൻ എത്തിയതോടെ സി ഐ ടി യു ഗുണ്ടകൾ തടയുകയും ആക്രമിക്കുകയും ചെയ്യുകയായിരുന്നു. തുടർന്ന് പാരിപ്പള്ളി പോലീസിൽ പാരാതി നൽകുകയും തുടർന്ന് പോലിസ് ഉദ്യോഗസ്ഥർ സി ഐ ടി യു നെതക്കളെ കാണാൻ ആവശ്യപ്പെടുകയായിരുന്നു. തുടർന്ന് അഖിൽ സി ഐ ടി യു നേതാക്കൾ നാൽപതിനായിരം രൂപ ആവശ്യപ്പെടുകയും ചെയ്തതോടെ അഖിൽ മോട്ടോർ വെഹിക്കിൾ ഉദ്യോഗസ്ഥരെ സമീപിക്കുകയും മോട്ടോർ വെഹിക്കിൾ ഉദ്യോഗസ്ഥർ നടത്തിയ പരിശോധനയിൽ അഖിലിന് ഓടുന്നതിന് തടസം ഇല്ലെന്ന് അറിയിച്ചതിനെ തുടർന്ന് ഓട്ടോയുമായി സ്റ്റാന്റിൽ എത്തിയ അഖിലിനെ വീണ്ടും ആക്രമിക്കുകയും തുടർന്ന് പോലിസ് സ്റ്റേഷനിലും പട്ടികജാതി വകുപ്പിലും പരാതി നൽകുകയായിരുന്നു. തുടർന്ന് പോലിസ് അധികാരികളുടെ നിർദ്ദേശപ്രകാരം ഇന്നലെ സ്റ്റാന്റിൽ യാത്രക്കാരുമായി എത്തിയ അഖിലിന്റെ ആട്ടോ സ്റ്റാന്റിൽ വച്ച് സി ഐ ടി യു ഗുണ്ടകൾ തടയുകയും അഖിലിനെ ആക്രമിക്കുകയും വീട് കയറി 

കൊല്ലുമെന്ന് ഭീഷണിപ്പെടുത്തുകയായിരുന്നു. തുടർന്ന് പാരിപ്പള്ളി പോലീസിൽ പരാതി നൽകി. പാരിപ്പള്ളി മെഡിക്കൽ കോളേജ് പരിസരം കേന്ദ്രീകരിച്ചു കൊണ്ട് സി ഐ ടി യു നേതൃത്വത്തിൽ നടക്കുന്ന ഗുണ്ടായിസത്തിന്റെ പ്രതീകമായി മാറുകയാണ് അഖിൽ വിദേശത്ത് നിന്ന് ജോലി നഷ്ടപ്പെട്ട് ഉപജീവനത്തിനായി ലോൺ എടുത്തു ഓട്ടോറിക്ഷ എടുത്തു അർദ്ധപട്ടിണിയായ കുടുംബത്തെ പോറ്റുവാൻ അഖിൽ സി ഐ ടി യു ഗുണ്ടായിസത്തിന്റെ പ്രതീകമായി മാറുകയാണ്. 8129989575

 

ചിറക്കര ഗ്രാമപഞ്ചായത്ത് കേരളോത്സവം സമാപിച്ചു.

ചിറക്കര ഗ്രാമപഞ്ചായത്ത് കേരളോത്സവം സമാപിച്ചു.

ചാത്തന്നൂർ: ചിറക്കര ഗ്രാമപഞ്ചായത്ത് കേരളോത്സവം സമാപിച്ചു.

സമാപന സമ്മേളനം ചാത്തന്നൂർ എം എൽ എ  ജി. എസ്സ്. ജയലാൽ ഉത്ഘാടനം ചെയ്തു. ചിറക്കര ഗ്രാമപഞ്ചായത്ത് പ്രസിഡന്റ് സി. സുശീലദേവി അധ്യക്ഷത വഹിച്ചു.

ഇത്തിക്കര ബ്ലോക്ക്‌ പഞ്ചായത്ത്‌ പ്രസിഡന്റ്  എൻ. സദാനന്ദൻപിള്ള മുഖ്യപ്രഭാഷണം നടത്തി.ചടങ്ങിൽ വച്ചു

ചിറക്കര ഗ്രാമ പഞ്ചായത്ത്‌ വൈസ് പ്രസിഡന്റ് കെ. ദേവദാസ്

ചിറക്കര ഗ്രാമപഞ്ചായത്തിലെ കലാ കായിക പ്രതിഭകളെ അനുമോദിച്ചു. 

 സിനോജ് നെടുങ്ങോലം (തിരക്കഥകൃത്ത് ), സുമേഷ് ചാത്തന്നൂർ (സിനിമ  സീരിയൽ തിരക്കഥ കൃത്ത്, ഗാനരചയിതാവ് ), ശ്യാം ചാത്തന്നൂർ (സിനിമ സീരിയൽ കോമഡി താരം ), ശർമ്മ നെടുങ്ങോലം (2022 കോമഡി സ്റ്റാർ ജേതാവ് ), അബി ചാത്തന്നൂർ (സിനി കോമഡി താരം ), കുമാരി ആദിത്യ സാബു (ഗായിക ), ഗീതു മോഹൻദാസ് (ഗായിക ),അനിൽദേവ് നെടുങ്ങോലം ( ഗായകൻ ),കുമാരി സീമ  എം. എസ്സ്, (ജില്ലാ ബഡ്സ് കലോത്സവം നാടോടി നൃത്തം ഒന്നാം സ്ഥാനം ),ശ്രീ ഗിരീഷ് കുമാർ (നാഷണൽ മാസ്റ്റേഴ്സ് അത് ലറ്റിക്ക് ഗോൾഡ് മേഡലിസ്റ്റ് ), ആദിത്യൻ. ആർ(നാഷണൽ ബോക്സിങ് ഗോൾഡ് മേഡലിസ്റ്റ്,), സനു വി. എസ്സ് (ജില്ലാ പവർ ലിഫ്റ്റിംഗ് ചാമ്പ്യാൻ ), അമലേന്തു എ. ജെ (നാഷണൽ കബഡി താരം ), ബിബിൻ എം എസ്സ് (നാഷണൽ ബോക്സിങ് താരം,തുടങ്ങിയവരെ അനുമോദിച്ചു.

കേരളോത്സവ കലാമത്സര വിജയികൾക്കുള്ള സമ്മാനദാനം ജില്ലാ പഞ്ചായത്ത്‌ അംഗം എ. ആശാദേവിയും കലാമത്സരങ്ങളുടെ സമ്മാനദാനം ജില്ലാപഞ്ചായത്ത് അംഗം ശ്രീജ ഹരീഷും നിർവഹിച്ചു. ബ്ലോക്ക്‌ പഞ്ചായത്ത്‌ ക്ഷേമകാര്യ സ്റ്റാന്റിങ് കമ്മിറ്റി ചെയർപേഴ്സൺ സി. ശകുന്തള,ഗ്രാമപഞ്ചായത്ത് വികസന കാര്യ സ്റ്റാന്റിങ് കമ്മിറ്റി ചെയർപേഴ്സൺ  മിനിമോൾ ജോഷ്,ക്ഷേമ കാര്യസ്റ്റാന്റിങ് കമ്മിറ്റി ചെയർമാൻ  ബി. സുദർശനൻ പിള്ള,ബ്ലോക്ക്‌ പഞ്ചായത്ത്‌ അംഗം  സനിതാരാജീവ്‌, ഗ്രാമ പഞ്ചായത്ത്‌ അംഗങ്ങളായ പി.സുചിത്ര ദിലീപ് ഹരിദാസൻ, വിനിത ദിപു, എസ്സ്. ജയകുമാർ, മേരിറോസ്, സജില റ്റി. ആർ, കെ. സുജയ് കുമാർ, എസ്സ്. രജനീഷ്, കെ. സുരേന്ദ്രൻ, എൽ. രാഗിണി, എം. ആർ. രതീഷ്, ഗ്രാമപഞ്ചായത്ത് സെക്രട്ടറി ആർ. സുനിൽകുമാർ എന്നിവർ സംസാരിച്ചു.

ഗ്രാമപഞ്ചായത്ത് ആരോഗ്യ വിദ്യാഭ്യാസ സ്റ്റാന്റിങ് കമ്മിറ്റി ചെയർപേഴ്സൺ  സുബി പരമേശ്വരൻ സ്വാഗതവും 

യൂത്ത് കോ കോർഡിനേറ്റർ പി. മനു നന്ദിയും പറഞ്ഞു.

 കേരളോത്സവത്തിൽ ടീം ഇനങ്ങളിൽ ഫുട്ബോൾ (യുവതരംഗം ചിറക്കരത്താഴം ), ക്രിക്കറ്റ് (ഫാസ്ക് പാറയിൽ )കബഡി (റോയൽ ഫ്രണ്ട്‌സ് ചിറക്കരത്താഴം ), വോളിബാൾ (സി ബോയ്സ് നെടുങ്ങോലം ), വടംവലി (ജെന്റിൽ നെടുങ്ങോലം ), ഷട്ടിൽ (യുവധാര പാണിയിൽ ) എന്നിവർ ജേതാക്കൾ ആയി.

മുൻകൂട്ടി പ്രോഗ്രാം ചെയ്തു വച്ച ഒരു സിസ്റ്റമാണ് ജീവിതം... ഇന്ന സമയത്ത് ഇന്നത് നടക്കും എന്നത് ഈശ്വരൻ നമ്മിൽ കുറിച്ചു വച്ചിട്ടുണ്ട്..

മുൻകൂട്ടി പ്രോഗ്രാം ചെയ്തു വച്ച ഒരു സിസ്റ്റമാണ് ജീവിതം...

  ഇന്ന സമയത്ത് ഇന്നത് നടക്കും എന്നത്  ഈശ്വരൻ നമ്മിൽ കുറിച്ചു വച്ചിട്ടുണ്ട്..

 പ്രപഞ്ചത്തിലെ ചരാചരങ്ങൾ എല്ലാം തന്നെ ഒന്നിനോട് ഒന്ന് ബന്ധപ്പെട്ടിരിക്കുന്നു..

 അതിൽ വരുന്ന മാറ്റങ്ങൾ നമ്മിലും മാറ്റം വരുത്തും..

   ഈശ്വരനിൽ ഉറച്ച് വിശ്വസിച്ച് ജീവിച്ചാലും എഴുതപ്പെട്ട വിധിയുടെ ഒരു അംശം നമ്മെ ബാധിക്കും..

    

    കഷ്ട സമയങ്ങളിൽ നമ്മിൽ നെഗറ്റീവ് ചിന്ത ഉണരും..

 സദാ ഈശ്വരനിൽ വിശ്വസിച്ച് ജീവിച്ചാലും സങ്കടങ്ങൾ നമ്മെ വേട്ടയാടാറുണ്ട്...

 ഈശ്വരൻ ദുഖത്തിൽ നമ്മുടെ മനസിൻ്റെ വേദന കുറച്ചു തരും എന്നാലും ദുഃഖം നമ്മിൽ ഭവിച്ഛേ തീരൂ..

  

    എത്ര സൂക്ഷിച്ചാലും വരാൻ ഉള്ളത് വരിക തന്നെ ചെയ്യും...

 ഈശ്വരൻ നിശ്ചയിച്ച് വച്ച കാര്യം ധർമ്മ ദേവത അതാത് സമയങ്ങളിൽ നടപ്പിലാക്കും..

 നല്ലൊരു വ്യക്തിത്വം ആണെങ്കിൽ കൂടിയും  വിധി നടപ്പിലാക്കാൻ  ആത്മാർഥസുഹൃത്ത് പോലും വഴി വയ്ക്കപ്പെടും...

  എഴുതപ്പെട്ട വിധിയിലേക്ക്  എത്തിക്കാൻ ഏതു വഴിയും തിരഞ്ഞെടുക്കപ്പെടും...

    അപ്പോഴാണ് നാം ഈശ്വരനെ കുറ്റപ്പെടുത്തുക...

 ഓരോ ജീവിതവും മുജ്ജന്മത്തിൻ്റെ ബാക്കി പത്രമാണ്...

  ഈ ജന്മത്തിൽ ഒരുജീവിതം അവസാനിക്കും എങ്കിലും കർമ്മ ഫലത്തിൻ്റെ അളവിൽ മാറ്റം വരുന്നില്ല..അത് അതെ അളവിൽ നമ്മുടെ ആത്മാവിൽ കുറിച്ചു വയ്ക്കപ്പെടും...

  അതായത് ഈ ജന്മത്തിലെ കർമ്മഫലം ഈ ജന്മത്തിൽ തന്നെ അനുഭവിച്ച് തീരുന്നില്ല ..

  തീരുമെങ്കിൽ ജന്മനാ വൈകല്യവും രോഗവും പേറി ഒരു ജീവനും പിറവി കൊള്ളില്ലായിരുന്നൂ...

 

    നമ്മുടെ ഇന്നത്തെ കർമ്മം ..സംസ്ക്കാരം  എല്ലാം ആത്മാവിൻ്റെ മറുപിറവിയൂടെ ജാതകം കുറിക്കും...

വരും ജന്മത്തിലെ സംസ്കാരമായി ഭവിക്കും..

  നമ്മുടെ കർമ്മത്തിനു അനുസരിച്ച്  ഈശ്വരൻ ഓരോ കാര്യവും കുറിച്ചു വയ്ക്കും ആത്മാവിൽ...

  പരസ്പരം ബന്ധപ്പെട്ട ജീവനുകൾ തമ്മിലുള്ള കണക്കുകൾ പോലും അതെ അളവിൽ അതു പോലെ തന്നെ നടക്കും.അത് ഈശ്വര ഇച്ഛയാണ്...

 

      മുജ്ജന്മ സംസ്ക്കാരം ഭക്തി ആയിരുന്നു എങ്കിൽ  ..ഈ ജന്മവും അടിയുറച്ച ഭക്തിയിൽ ജീവിതം തുടരും..

  കർമ്മങ്ങൾ എല്ലാം ഈശ്വര അർപ്പിതമായി ചെയ്താൽ കർമ്മ ബന്ധത്തിൽ നിന്നും മോചനം ലഭിക്കും...

  ഈശ്വരനിൽ അർപ്പിച്ച മനസ്സ് ഈശ്വരൻ സ്വീകരിക്കും.

 ദുഃഖ ദുരിതങ്ങളോ വിഷമങ്ങളോ മനസിനെ ബാധിക്കാതെ ഈശ്വരൻ തന്നെ അകറ്റും...

 നിഷ്ക്കാമ ഭക്തിയുള്ള ഹൃദയത്തില് 

 ഏതു കർമ്മവും ഈശ്വരനിൽ തന്നെ സമർപ്പിതമാകും..

 ഒന്നും തൻ്റെ അല്ല..

എല്ലാം ഈശ്വര അവിടുന്ന് നടത്തുന്നു 

എന്ന തിരിച്ചറിവ്  മുക്തി പ്രദാനം ചെയ്യും....

 അവിടെ മുതൽ വിധിയുടെ കണക്ക് മാറ്റി കുറിയ്ക്കപ്പെടും...

 കാരണം അവിടെ ദേഹസ്ഥൻ ഇല്ല...ആത്മാവും പരമാത്മാവും  മാത്രം.

 വിധിക്കപ്പെടുന്നതും കുറിയ്ക്കപ്പെടുന്നതും ഈശ്വരൻ എന്ന പ്രപഞ്ച ശക്തിയിൽ തന്നെ വിലയം പ്രാപിക്കും...

ദേഹസ്ഥൻ മോക്ഷപ്രാപ്തി കൈവരിക്കും... ദേഹസ്ഥൻ സുകൃത ജന്മമായി അറിയപ്പെടും..

 സന്തതി പരമ്പര പോലും സുകൃതം നുകരും..

 ഒരു കാലയളവിന് ശേഷം  പുണ്യാത്മാവായി പുനർജ്ജനിച്ച് സംസ്ക്കാര സമ്പന്നർക്ക് വെളിച്ചമായി ഭവിക്കും...

 ആത്മാവിന് ജനനമോ മരണമോ ഇല്ല....

 കർമ്മ നിവാരണത്തിനായി.. നിയോഗ.. കർത്തവ്യ പൂർത്തീകരണത്തിനായി ദേഹം സ്വീകരിച്ച് കൊണ്ടേ ഇരിക്കും...

 നാമദേഹം ഭൗതികമായ നശ്വര വസ്തു മാത്രം..

  പരമാത്മാവിൻ്റെ അറിവില്ലാതെ ഒരു ഇല പോലും പ്രപഞ്ചത്തിൽ ചലിക്കുന്നില്ല...

 അത് എഴുതപ്പെട്ട നിയതിയുടെ വിധിയാണ്..

എല്ലാവരെയും ഈശ്വരൻ അനുഗ്രഹിക്കട്ടെ.. ഏവർക്കും നന്മകൾ നേരുന്നു..നന്ദി.....ഓം നമഃ ശിവായ....

ജീവിതം എന്നത് വേഷപകർച്ചയാണ്.. നാമറിയാതെ ആടുന്ന നാടകമാണ്

കരഞ്ഞു കൊണ്ട് ജനിക്കുകയും കരയിച്ചു കൊണ്ട് മരിക്കുകയും ചെയ്യുന്ന  ..നാമറിയാതെ നടക്കുന്ന ജനന മരണങ്ങൾക്കിടയിലെ രംഗവേദിയിൽ നടക്കുന്ന  വേഷ പകർച്ഛകളാണ് ജീവിതം....

  നിയതി നിയോഗിക്കുന്ന  വേഷങ്ങൾ ചെയ്തേ തീരു..

 മാറ്റമില്ലാത്ത നിയമമാണ് ജീവിതം...

        ബാല്യം കൗമാരം യൗവനം വാർദ്ധക്യം..

  ഇതാണ് ജീവിതത്തിൻ്റെ വേദികൾ...

   മകനായി സഹോദരനായി ഭർത്താവായി അച്ഛനായി..അപ്പുപ്പനായി  നടനും..!!!

   മകളായി സഹോദരിയായി ഭാര്യയായി അമ്മയായി  ..അമ്മായിയമ്മയായി അമ്മുമ്മയായി നടിയും  ജീവിത വേഷങ്ങൾ ആടി തീർക്കുന്നു...

 ബന്ധങ്ങളിൽ ഉള്ള ബന്ധ ബന്ധനങ്ങൾ വേറെയും ആടി തെളിയേണ്ടതുണ്ട്..

   

      ഈശ്വരൻ നിയന്ത്രിക്കുന്ന ചരടിലെ പാവകളാണ് നാം...

  ചരടിൻ്റെ രണ്ട് അറ്റവും ഈശ്വരൻ്റെ കയ്യിൽ തന്നെയാണ്..അത് അറിയുന്നവർ ഈശ്വര വിശ്വാസത്തിൽ ആത്മ സുഖം നുകർന്ന് ജീവിക്കുന്നു...

      അല്ലാത്തവർ ദേഹ അഹങ്കാരത്താൽ   താനാണ് എല്ലാം എന്ന ചിന്തയിൽ ജീവിക്കുന്നു..

 നാമില്ലങ്കിലും കാലം പ്രകൃതിയുടെ ..ഈശ്വരൻ്റെ നിയന്ത്രണ നിയമങ്ങൾക്ക് അനുസരിച്ചേ  ചലിക്കൂ...

  അതായത് ഞാനില്ലങ്കിൽ ഒന്നും നടക്കില്ല എന്ന അഹങ്കാരം വേണ്ട..

  നാമില്ലങ്കിൽ നമ്മുടെ സ്ഥാനത്ത് മറ്റൊരാൾ വരും... കാര്യങ്ങൾ നടക്കുകയും ചെയ്യുംഅത് ഈശ്വരനിശ്ചയമാണ്...

         വേഷങ്ങളിൽ കയറി വേഷം കെട്ടുന്ന ചില ജീവിതങ്ങൾ ഉണ്ട്...

  ഒരേ സമയം രണ്ടും മൂന്നും വേഷം ആടുന്നവർ..

  ഈശ്വരൻ അവർക്ക് കരുതി വച്ചിരിക്കുന്നത് മികച്ച അവാർഡ് തന്നെ ആയിരിക്കും..

  നാശത്തിൻ്റെ നരക ജീവിതം...

 ആരൊക്കെ ഉണ്ടായാലും  വിശാലമായ ലോകത്ത് ഒറ്റപ്പെട്ട  കാരാഗൃഹ തുല്യമായ വാസം ശിക്ഷയായി അനുഭവിക്കേണ്ടി വരും...

        ഏതു വേഷം ചെയ്യുമ്പോഴും  ഉടമസ്ഥനെ ..നിയതാവിനെ.. രചയിതാവിനേ അനുസരിക്കുന്ന ...സ്മരിക്കുന്ന മനസ്  ഉണ്ടായാൽ   അവൻ തെറ്റ് കൂടാതെ  കിട്ടിയ വേഷം ചെയ്തു തീർക്കും....

          മേൽ പറഞ്ഞവ എല്ലാം ലൗകീക വേഷങ്ങളാണ്.. 

  അതിൽ നിന്നും മാറി ചരിക്കുന്ന  വേഷ പകർച്ചകൾ വേറെയും ഉണ്ട്... ലൗകികതയുടെ മറു വശം..

 ആത്മീയം.

       ആദ്ധ്യാത്മികതയ്ക്ക്  പല കളറിൽ വേഷങ്ങൾ ഉണ്ട്...

   ആത്മീയതയുടെ വേഷം സത്യത്തിൻ്റെ ..ധർമ്മത്തിൻ്റെ ഈശ്വരീയമായതാണ്..

 പക്ഷേ അതിൽ പോലും ഇരു ഭാവം അഭിനയിക്കുന്ന കള്ള നാണയങ്ങൾ ഉണ്ട് എന്നത് ഈശ്വരനെ പോലും നാണിപ്പിക്കുന്ന  സംഗതിയാണ്...

  അതും ഈശ്വരനിശ്ചയം തന്നെ...

 അധർമ്മം ഉണ്ടെങ്കിലേ ധർമ്മത്തിന് ജോലിയുള്ളൂ..

  അസത്യം ഉണ്ടെങ്കിലേ സത്യത്തിന് ജയിക്കാൻ സാധിക്കു...

  ഇരുട്ട് ഉണ്ടെങ്കിൽ മാത്രമേ വെളിച്ചത്തിന് പ്രസക്തിയുള്ളൂ...

          എല്ലാം നല്ലതായാൽ കാലത്തിൻ്റെ  അനിവാര്യത നഷ്ടമാകും...

  പ്രകൃതിക്കും രംഗങ്ങൾ അതാത് സമയത്ത് അവതരിപ്പിക്കേണ്ടതുണ്ട്...

 വസന്തമായും ഗ്രീഷ്മമായും ശിശിരമായും ....

 മഴയായും വെയിലായും..

 ചൂടായും തണുപ്പായും...

 മനുഷ്യൻ്റെ അത്യാഗ്രഹം കൊണ്ട്  പ്രകൃതിക്ക് പോലും മാറ്റം ഭവിച്ചുകൊണ്ടിരിക്കുന്നൂ..

 അതും ഈശ്വരൻ്റെ ഇച്ഛ...

   ഈശ്വര വിശ്വാസം മുറുകെ പിടിക്കുന്ന ആത്മാവു്കൾക്ക് മറ്റൊരു മാറ്റവും വരികയില്ല...

 ഈശ്വരൻ അവരെ നയിക്കും..

 മോക്ഷപ്രാപ്തി വരെ...

എല്ലാവരെയും ഈശ്വരൻ അനുഗ്രഹിക്കട്ടെ..ഏവർക്കും നന്മകൾ നേരുന്നു..നന്ദി..vasantha tk.thrissilery..ഹരേ കൃഷ്ണാ.. ഓം നമഃ ശിവായ...

മെഡിക്കൽ കോളേജിലെ മാലിന്യം ഒഴുകി റോഡിൽ കെട്ടി കിടക്കുന്നു.

മെഡിക്കൽ കോളേജിലെ മാലിന്യം ഒഴുകി റോഡിൽ കെട്ടി കിടക്കുന്നു.

@: പാമ്പുറം- ഐ.ഒ.സി റോഡിൽ കാൽ നടയാത്ര ദുരിതപൂർണ്ണo .

ചാത്തന്നൂർ : പാരിള്ളി സർക്കാർ മെഡിക്കൽ കോളേജിലെ മാലിന്യവും മലിന ജലവും മഴക്കാലമായാൽ ഒഴുകി റോഡിൽ കെട്ടികിടക്കുന്നു.

പാരിപ്പള്ളി പാമ്പുറം - ഐ ഒ സി റോഡിലാണ് മലിന ജലം കെട്ടികിടക്കുന്നത്. 

ഇത് കാൽ നടയാത്ര പോലും ദുരിതപൂർണ്ണമായിരിക്കുന്നു.

ഇന്ത്യൻ ഓയിൽ കോർപ്പറേഷൻ പാരിപ്പള്ളി ബോട്ടിലിങ് പ്ലാന്റിലേ നൂറിലെ ഉദ്യോഗസ്ഥരും , ജീവനക്കാരും,, 

നിരവധി സ്കൂളിലെ വിദ്യാർത്ഥികളും ഉൾപ്പെടെ  പാമ്പുറം, മൈലവിള ഭാഗത്തുള്ളവർക്ക്

കുറഞ ദൂരത്തിൽ പാരിപ്പള്ളി-പരവൂർ റോഡിലെത്താനുള്ള ഏക മർഗ്ഗമാണിത്.

പാരിപ്പള്ളി മെഡിക്കൽ കോളേജിന്റെ പടിഞ്ഞാറ് ഭാഗത്തുള്ള മതിലിൽ ഉണ്ടാക്കിയ വലിയ ദ്വാരത്തിലൂടെയാണ് മലിന ജലം റോഡിൽ ഇറങ്ങി കെട്ടിക്കിടക്കുന്നത്.

റോഡിൽ കെട്ടി നിൽക്കുന്ന ചെളിയും വെള്ളവും ഒഴുകി പോകുവാൻ വർഷങ്ങൾക്ക് മുൻപ് വരെ ഇവിടെ ഓടയും ചാലും ഉണ്ടായിരുന്നതായും. ഇത് വഴിയാണ് മുൻ കാലങ്ങളിൽ റോഡിലെ മഴവെള്ളം ഒഴുകി പോയിരുന്നതെന്നും നാട്ടുകാർ പറയുന്നു.ഓടയും ചാലും സ്വകാര്യ വ്യക്തി പുരയിടം 

രൂപമാറ്റം വരുത്തിയതോടെ ഇല്ലാതായെന്നും നാട്ടുകാർ ആരോപിച്ചു. റോഡിൽ വെള്ളം കെട്ടിക്കിടക്കുന്ന ഭാഗം റോഡ് പൂർണ്ണമായും നശിച്ച അവസ്‌ഥയിലാണ്‌. 

ഇരു ചക്ര വാഹനങ്ങൾ ഉൾപ്പെടെയുള്ള വാഹനങ്ങളുടെ അടിഭാഗം തട്ടി കേടുപാടുകൾ സംഭവിക്കാതെ ഈ റോഡിൽ കൂടി വാഹനങ്ങൾക്ക്  

സഞ്ചരിക്കാൻ പറ്റാതെയായി.

മഴക്കാലത്ത് മെഡിക്കൽ കോളേജ് വളപ്പിൽ നിന്നും ഒഴുകിവരുന്ന

അസഹ്യമായ ദുർഗന്ധം വമിക്കുന്ന മലിന ജലം കെട്ടിക്കിടക്കുന്നത് കൊണ്ട് വിദ്യാർത്ഥികൾ ഉൾപ്പെടെ യുള്ളവരുടെ കാൽ നടയാത്ര 

പോലും ദുരിതപൂർണ്ണമാണ്.

റോഡിൽ കലുങ്ക് നിർമ്മിക്കാനും റോഡിലെ 

വെള്ളം ഒഴുക്കി വീടുവാനും നടപടി സ്വീകരിക്കണമെന്ന് ആവശ്യപ്പെട്ട് നിരവധി നിവേദനങ്ങൾ ഗ്രാമ പഞ്ചായത്ത് അധികൃതർക്ക് നൽകിയെങ്കിലും യാതൊരു പ്രയോജനം ഉണ്ടായില്ലെന്ന് പ്രദേശവാസികൾ പറഞ്ഞു.

സർക്കാർ മെഡിക്കൽ കോളേജിലെ മലിനജലവും, മാലിന്യങ്ങളും മഴക്കാലത്ത് റോഡിലേക്ക് ഒഴുകി വരുന്നത് തടയുന്നതിനും , ഇവ ആശുപത്രി വളപ്പിൽ തന്നെ സംസ്കരിക്കുന്നതിനും 

അധികൃതർ അടിയന്തര നടപടി സ്വീകരിക്കണമെന്ന ആവശ്യം ശക്തമാണ്.

ഫോട്ടോ : പാരിപ്പള്ളി മെഡിക്കൽ കോളേജ് വളപ്പിൽ നിന്നും ഒഴികിവരുന്ന മലിനജലം പാമ്പുറം-ഐ.ഒ.സി റോഡിൽ കെട്ടിക്കിടക്കുന്നു.

രാത്രിയായാൽ കൊട്ടിയത്ത് മലിനജലം ഒഴുക്കി വിടുന്നു.

രാത്രിയായാൽ കൊട്ടിയത്ത് ദേശിയപാതയിൽ 

 മലിനജലം ഒഴുക്കി വിടുന്നു.

കൊട്ടിയം:  രാത്രിയായാൽ കൊട്ടിയത്ത് പുഴപോലെ മലിനജലം ദേശീ യപാതയിലൂടെ ഒഴുകിത്തുടങ്ങും. ഇരുട്ടിന്റെ മറവിൽ ദേശീയപാത യോരത്തെ ഓടയിലേക്ക് ഹോട്ടലു കളിലെയും ലോഡ്ജുകളിലെയും ശൗചാലയമാലിന്യംവരെ തുറന്നു വിടുന്നതാണ് ഈ സാമൂഹിക

വിപത്തിനു കാരണം. അതിഥിതൊഴിലാളികളെ പാർപ്പിക്കുന്ന ചില കേന്ദ്രങ്ങളിൽ നിന്നുൾപ്പടെ മാലിന്യം ഒഴുക്കുന്നത് ദേശീയപാതയോരത്തെ 

ഓടയിലേക്കാണ്. ദേശീയപാതയിലൂടെ കടന്നു പോകുന്ന കാൽനടയാത്ര ക്കാരും 

സമീപവാസികളും കച്ചവടക്കാരുമാണ് ഇതിന്റെ ദുരിതമനുഭവിക്കുന്നത്. ദുർഗന്ധം കാരണം മൂക്കുപൊത്താതെ ഇവിടം കടക്കാനാകില്ല. സ്ഥിരതാമസക്കാരുടെ ദുരിതം പറഞ്ഞറിയിക്കാനുമാകില്ല. രാത്രി 11 കഴിഞ്ഞാൽ ഇരുചക്രവാഹനത്തിലെത്തുന്നവർ

കൊട്ടിയം കടക്കണമെങ്കിൽ ഈ മലിനജലം താണ്ടണം.

കൊട്ടിയത്തു നിന്ന് ഓടയിലൂടെ ഒഴുകിയെത്തുന്ന മലിനജലം ഇ എസ് ഐ ജങ്ഷനിലെത്തുന്നതോടെ റോഡിലേക്ക് ഒഴുകിത്തുടങ്ങും. പിന്നീടങ്ങോട്ട് ഓട അടഞ്ഞുകിട ക്കുന്നതിനാൽ റോഡിലൂടെയാണ് മലിനജലത്തിന്റെ ഒഴുക്ക്. പറക്കുളത്തിനുസമീപമെത്തിയാൽ റോഡിനു മറുവശത്തെ ചാലിലേ ക്കെത്തുന്ന ചപ്പാത്തിൽ ഈ മലിനജലം കെട്ടിക്കിടക്കും. ഇവിടെ മറ്റുവാഹനങ്ങൾ, മാലിന്യം ബൈക്ക് യാത്രക്കാരുടെയും കാൽനടയാത്രക്കാരുടെയും 

മേൽ തെറിപ്പിക്കുന്നത് നിത്യസംഭവമാണ്. ബസ് യാത്രികരും ഇതിന്റെ ദുരിതം പേറണം. നാട്ടുകാർ നിരവധി പരാതികൾ നൽകി. ഇതിനെതിരേ സംഘടിച്ച് പ്രതിഷേധിച്ചു. നിരവധിതവണ പഞ്ചായത്ത് അധികൃത രും ദേശീയപാതാവിഭാഗം ഉദ്യോ ഗസ്ഥരും പോലീസുമൊക്കെ പ്രശ്ന ത്തിൽ ഇടപെട്ടു. ഓടകളുടെ മൂടിതുറന്ന് പലപ്പോഴും പരിശോധന നടത്തി. കക്കൂസ്സിൽനിന്ന് ഓടയിലേക്ക് തുറന്നു 

വച്ചിരിക്കുന്ന കുഴലുകൾ കണ്ടെത്തി. നാട്ടുകാരുടെ കണ്ണിൽ പൊടിയിടാൻ കുഴലുകൾ അടപ്പിച്ചും സ്ഥാപനങ്ങൾ നോട്ടിസ് നൽകിയും അധികാരികൾ നടന്നു. ഏതാനും ആഴ്ചകൾ കഴിയുമ്പോൾ എല്ലാം വീണ്ടും പഴയപടിയാകും. ഇ എസ് ഐ യിൽ ചികിത്സ തേടിയെത്തുന്നവരും ഈ ദുരിതമനുഭവിക്കണം.

എൻ എസ് എസ് കോളേജ്, ലോ കോളേജ് എന്നിവയടക്കം നീരവധി സ്ഥാപനങ്ങളിലേക്കെത്തുന്നതും പോകുന്നതുമായ വിദ്യാർഥികളും അധ്യാപകരും ഇടറോഡിനുകുറുകെ ഒഴുകുന്ന മാലിന്യപ്പുഴ ചാടിക്കടക്കണം. കൊട്ടി യത്ത് യാത്ര അവസാനിപ്പിക്കുന്ന  ബസുകൾ നിർത്തിയിടുന്ന

ഇ എസ് ഐ ജങ്ഷനിൽ 

ത്തന്നെ. അല്പനേരം വിശ്രമിക്കാൻ പോ ലും കഴിയാത്ത സ്ഥിതിയാണ്. പക്ഷേ നാട്ടുകാരുടെ ഈ ദുരിതം അധികാരികൾ മാത്രം കാണുന്നില്ല. ലൈസൻസുകൾ പുതുക്കിനൽകു ന്നതിന് കർശന നിയമങ്ങൾ ഉള്ള പ്പോഴാണ് ഒരു സംവിധാനവുമൊരുക്കാതെ വർഷാവർഷം ഈ സ്ഥാപനങ്ങളെല്ലാം ലൈസൻസുകൾ പുതുക്കിയെടുക്കുന്നത്.

ക്രിസ്മസ് പുതുവര്‍ഷ വിപണി ലക്ഷ്യമിട്ട് കേരളത്തിലേക്ക് സ്പിരിറ്റ് ഒഴുകുന്നു

ക്രിസ്മസ് പുതുവര്‍ഷ വിപണി ലക്ഷ്യമിട്ട് കേരളത്തിലേക്ക് സ്പിരിറ്റ് ഒഴുകുന്നു

കൊല്ലം : ക്രിസ്മസ്, പുതുവര്‍ഷ ഉത്സവവിപണി ലക്ഷ്യമിട്ട് കേരളത്തിലേക്ക് വന്‍തോതില്‍ സ്പിരിറ്റ് ഒഴുക്കുന്നു. തമിഴ്നാട് അതിര്‍ത്തി കേന്ദ്രീകരിച്ച് പ്രവര്‍ത്തിക്കുന്ന ചില മാഫിയാസംഘങ്ങളാണ് സ്പിരിറ്റ് കടത്തി കൊല്ലം ജില്ലയിലെ വിവിധ ഭാഗങ്ങളിൽ എത്തിക്കുന്നത്. തമിഴ് നാട്ടിൽ നിന്നും തിരുവനന്തപുരം കൊല്ലം ജില്ലകളുടെ തീരദേശം വഴി കൊല്ലത്തിന്റെ വിവിധ ഭാഗങ്ങളിൽ പ്രതേകം സജ്ജീകരിച്ച വീടുകളിൽ ശേഖരിക്കുകയാണ് ഇവർ ചെയ്യുന്നത്.

ക്രിസ്തുമസ് ന്യു ഇയർ ആഘോഷവും വരാൻ പോകുന്ന

ഉത്സവകാലയളവില്‍ ഉണ്ടാകുന്ന അനുകൂല സാഹചര്യം മുതലെടുക്കുകയെന്ന ലക്ഷ്യത്തോടെയാണ് കടത്ത് സംഘങ്ങള്‍ സജീവമായിരിക്കുന്നത്. ഇത്തരത്തില്‍ എത്തപ്പെടുന്ന സ്പിരിറ്റ് വ്യാജചാരായമായും, വ്യാജ വിദേശ നിര്‍മ്മിതമദ്യവുമായാണ് വിപണിയില്‍ എത്തുന്നത്. എസ്സന്‍സും നിറങ്ങളും ഉപയോഗിച്ച് വ്യാജ വിദേശനിര്‍മ്മിതമദ്യം ഉത്പാദിപ്പിക്കുന്ന വിദഗ്ദ്ധര്‍ കൊല്ലം ജില്ലയുടെ വിവിധ ഭാഗങ്ങളിൽ ഉണ്ട്. മടത്തറ വനമേഖലയിൽ കാടിനുള്ളിൽ കുടിൽ വ്യവസായമാണിത്.കൊല്ലത്ത് കാപ്പിൽ, പരവൂർ, ചിറക്കരയിലെ പോളച്ചിറ ഏലാ, മാലകായൽ, കുളത്തൂപ്പുഴ, ചവറ തുടങ്ങി നിരവധി സ്ഥലങ്ങളിൽ ഇതിന്റെ സംഭരണ കേന്ദ്രങ്ങൾ ഉണ്ട്. കര്‍ണ്ണാടകയിലെ മൈസൂര്‍, ബെംഗളൂരു - ഹാസ്സന്‍ ഹൈവേയിലെ കോനിങ്ങല്‍ എന്നീ സ്ഥലങ്ങളിലെ വന്‍കിട ഡിസ്റ്റിലറികളില്‍ നിന്നും എടുക്കുന്ന സ്പിരിറ്റ് ഹൊസൂര്‍ വഴി തമിഴ്‌നാട്ടിലെത്തി തൊപ്പൂര്‍ഘട്ട് , ദിണ്ടുകല്‍, ചോളവന്‍ന്താന്‍ വഴി മധുര ഒഴിവാക്കി തിരുമംഗലം വഴി നാമക്കല്‍ എത്തിച്ച് അവിടത്തെ രഹസ്യകേന്ദ്രങ്ങളില്‍ സൂക്ഷിക്കുന്നു. അവിടെ നിന്നും ദിനവും കേരളത്തിലേക്ക് എത്തുന്ന ചരക്ക് വാഹനങ്ങളിൽ കേരളത്തിലേക്ക് കടത്തുകയാണ് ചെയ്യുന്നത്.

സ്പിരിറ്റ് കടത്തുന്നതിന് നിരവധി മാര്‍ഗ്ഗങ്ങളാണ് മാഫിയ ഉപയോഗിക്കുന്നത്. ഇറച്ചിക്കോഴി, മുട്ട, പച്ചക്കറി, ചാണകം എന്നിവ തമിഴ്‌നാട്ടില്‍ നിന്ന് കേരളത്തിലേക്ക് കൊണ്ടുവരുന്നതിന്റെ മറവിലാണ് സ്പിരിറ്റ് കടത്തുന്നത്. 

അടിയില്‍ സ്പിരിറ്റും മുകളില്‍ ഇറച്ചിക്കോഴി, മുട്ട, പച്ചക്കറി, ചാണകം, കെട്ടിടനിർമ്മാണ സാമഗ്രികൾ 

എന്നിവയില്‍ ഏതെങ്കിലും അടുക്കിയാണ് കടത്ത്. ഇറച്ചിക്കോഴി, മുട്ട, പച്ചക്കറി, ചാണകം എന്നിവ ഉപയോഗിച്ച് സ്പിരിറ്റ് കടത്തുന്നത് അതിരാവിലെ രണ്ട് മണിക്കും അഞ്ചുമണിക്കും ഇടയിലുള്ള സമയത്താണ്. തിരുവനന്തപുരം ജില്ലയുടെ  അതിര്‍ത്തിയിലെ തീര പ്രദേശങ്ങളായ മലയടി, പടന്താലുംമൂട്, കന്നുമാംമൂട്, എൈങ്കാമം, കുളപ്പുറം എന്നീ സ്ഥലങ്ങളിലെ ഗോഡൗണുകളില്‍ അതിര്‍ത്തി കടത്തുന്നതിന് വേണ്ടി വന്‍ സ്പിരിറ്റ് ശേഖരം സൂക്ഷിച്ചിരിക്കുകയാണ്. 

ചെങ്കോട്ട വഴി വരുമ്പോൾ ഉണ്ടാവുന്ന

പോലിസ് എക്സൈസ് ചെക്കിങ് ഒഴിവാക്കി കൊണ്ടാണ് തിരുവനന്തപുരം ജില്ലയിലേക്ക് തീരദേശത്തെ അതിർത്തി വഴി കടത്തുന്നത് തിരുവനന്തപുരത്ത് നിന്നും ആഡംബരകാറുകളിലും മിനിബസിലും ഹൈവേയിൽ കൂടി തന്നെ 

റോഡില്‍ തിരക്കേറിയ സമയങ്ങളില്‍ കടത്തുകയാണ്. കൂടാതെ തീരദേശ മേഖലയിൽ കാപ്പിൽ വഴി തീരദേശ റോഡിലൂടെ പരവൂർ എത്തി ജില്ലയിലെ വിവിധ ഭാഗങ്ങളിലേക്ക് പോകുന്നു. പരവൂർ മാത്രം അഞ്ചു സ്ഥലങ്ങളിൽ സ്പിരിറ്റ്‌ സംഭരണ കേന്ദ്രങ്ങളുണ്ട് എന്ന് എക്സൈസ് ഉദ്യോഗസ്ഥർ സാക്ഷ്യപ്പെടുത്തുന്നു.

ചാത്തന്നൂരിൽ വീണ്ടും വ്യാജ ലോട്ടറി ടിക്കറ്റ് കാണിച്ചു ലോട്ടറി വിൽപ്പനക്കാരനിൽ നിന്നും പണം തട്ടി

ചാത്തന്നൂർ : ചാത്തന്നൂരിൽ വീണ്ടും വ്യാജ ലോട്ടറി ടിക്കറ്റ് കാണിച്ചു ലോട്ടറി വിൽപ്പനക്കാരനിൽ നിന്നും 

പണം തട്ടി. കഴിഞ്ഞ ചൊവ്വാഴ്ച്ച രാവിലെ വയലിൽ ക്ഷേത്രത്തിന് സമീപം രാവിലെ 7 മണിയോടെ ലോട്ടറി വിൽക്കാനായി റോഡിൽ കൂടി പോകുമ്പോൾ കറുത്ത കാറിൽ എത്തിയ ആൾ ലോട്ടറി

ഫലം നോക്കാൻ എന്ന വ്യാജേന കാർ നിർത്തി ലോട്ടറി ടിക്കറ്റ് കാണിക്കുകയും ടിക്കറ്റിൽ 5000 രൂപ അടിച്ചതായി കണ്ടതോടെ പൈസ തരാൻ ഇല്ലെന്ന് പറഞ്ഞിട്ടും ടിക്കറ്റും ബാക്കിയുള്ള പൈസയും മതിയെന്ന് പറഞ്ഞു 1400രൂപയുടെ 

40 ടിക്കറ്റ് എടുക്കുകയും 

ബാക്കി 3600 രൂപയുമായി കടക്കുകയായിരുന്നു. തുടർന്ന് 

സമ്മാനത്തുക ലഭിക്കുന്നതിനായി ഏജൻസിയിലെത്തിച്ച ലോട്ടറിയുടെ ബാർകോഡ് പരിശോധിച്ചപ്പോൾ കൃത്രിമമെന്ന് കണ്ടെത്തി.12-)o തീയതി ഞെറുക്കെടുത്ത കാരുണ്യ ലോട്ടറിയുടെ A Z 543533 എന്ന നമ്പർ തിരുത്തി ലോട്ടറി അടിച്ച AZ 543536 ആക്കിയാണ് തട്ടിപ്പ് നടത്തിയത്. കംപ്യൂട്ടറിൽ ബാർകോഡ് സ്കാനർ ഉപയോഗിച്ച് ഫലം നോക്കിയപ്പോൾ നമ്പർ തിരുത്തിയതാണ് എന്ന് കണ്ടെത്തിയതോടെയാണ് ടിക്കറ്റ് തിരുത്തിയതാണ് എന്ന് കണ്ടെത്തിയത്. അസുഖബാധിതനായി സുഖമില്ലാതായതോടെ 

ലോട്ടറി വിൽപ്പന ഉപജീവനമാർഗ്ഗമായി കൊണ്ട് നടക്കുന്ന ചിറക്കര സ്വദേശിയായ സുഭാഷിനെയാണ് ടിക്കറ്റ് തിരുത്തി പറ്റിച്ചത്.

 ഒറ്റനോട്ടത്തിൽ തിരിച്ചറിയാനാവാത്ത വിധമാണ് ലോട്ടറി തിരുത്തി തയ്യാറാക്കിയിരിക്കുന്നത് എന്ന് സുഭാഷ് പറഞ്ഞു  ചാത്തന്നൂർ പോലീസിൽ പരാതി നൽകി പോലിസ് കേസെടുത്ത് അന്വേഷണം ആരംഭിച്ചു.

പോലിസ് സ്റ്റേഷൻ വളപ്പിൽ നിന്നും മണലും, പാറയും കരമണ്ണും മോഷണം ഒത്ത് തീർപ്പാക്കി പോലിസ്

പോലിസ് സ്റ്റേഷൻ വളപ്പിൽ നിന്നും മണലും, പാറയും കരമണ്ണും മോഷണം ഒത്ത് തീർപ്പാക്കി പോലിസ് 

@ ഉന്നത ഉദ്യോഗസ്ഥൻ ഇടപെട്ടതോടെ  തിരികെ എത്തിച്ചു

ചാത്തന്നൂർ: അസി.കമ്മിഷണർ ഓഫീസ് അടക്കം സ്ഥിതിചെയ്യുന്ന ചാത്തന്നൂർ പൊലീസ് സ്റ്റേഷൻ വളപ്പിൽ നിന്ന് പാറയും, മണ്ണും തൊണ്ടി മുതലായ മണലും കടത്തി. ഒരു ഉന്നത ഉദ്യോഗസ്ഥന്റെ ഇടപെടലിനെത്തുടർന്ന് മണിക്കൂറുകൾക്കുളിൽ കടത്തിയ മണ്ണും പാറയും മണലും തിരികെ എത്തിച്ചു. പോലീസുമായി ഉണ്ടായ ധാരണയുടെ അടിസ്ഥാനത്തിൽ പോലിസ് പിടിച്ചെടുത്ത മണൽ കടത്താൻ ഉപയോഗിച്ച ടിപ്പറും ജെ സി ബിയും വിട്ടയച്ചു. പൊലീസിലെ ചിലരുടെ

ഒത്താശയോടെയാണ് മണലും പാറയും കടത്തിയതെന്ന് ആരോപണമുയർന്നിട്ടുണ്ട്. ആഴ്ചകൾക്കു മുമ്പ് ഇതേ രീതിയിൽ ചാത്തന്നൂർ സ്പിന്നിംഗ് മിൽ വളപ്പിൽ നിന്നും തൊട്ടടുത്ത വ്യവസായ വകുപ്പിന്റെ ഭൂമിയിൽ നിന്നും 

നിരവധി ലോഡ് പാറയും മണ്ണും കടത്തിയിരുന്നു. അന്ന് നാട്ടുകാർ പ്രവർത്തകർ ഇടപെട്ട് സിറ്റി പൊലീസ് കമ്മിഷണർക്കും മൈനിംഗ് ആന്റ് ജിയോളജി വകുപ്പിനും പരാതി നൽകിയതോടെയാണ് കടത്ത് അവസാനിച്ചത്. ദിനവും 

നൂറുകണക്കിന് ലോഡ് മണ്ണാണ് ഓരോ ദിവസവും ദേശീയപാത വികസനത്തിന്റെ പേരിൽ മാഫിയ കടത്തുന്നത്. ഇതിന്റെ പരാതികൾ നിലനിൽക്കെയാണ് പോലിസ് സ്റ്റേഷൻ വളപ്പിൽ നിന്നും ദേശിയപാത വികസനത്തിൽ മറവിൽ മണ്ണ് മോഷണം നടത്തുന്ന സംഘം പോലിസ് സ്റ്റേഷൻ വളപ്പിൽ നിന്നും മണ്ണും പാറയും തൊണ്ടി മുതലായ മണലും മോഷ്ടിച്ചത്.

വർഷങ്ങൾക്കു മുമ്പ് ഇത്തിക്കരയിൽ നിന്നും മണൽ കടത്തു കേസുകളിൽ പൊലീസ് പിടിച്ചെടുത്ത് സൂക്ഷിച്ചിരുന്ന തൊണ്ടിമുതലായ 

മണലാണ് നാലു ലോഡോളം കടത്തിയത്.ഇതിന്റെ കേസ് ഇപ്പോഴും പരവൂർ കോടതിയിൽ നടക്കുകയാണ്.

ഇന്നത്തെ വിപണി വില അനുസരിച്ച് ഇതിന് ഒന്നേകാൽ ലക്ഷത്തോളം വിലവരും. ഇതിന് പുറമേ, ദേശീയപാത വികസനവുമായി ബന്ധപ്പെട്ട് പൊലീസ് സ്റ്റേഷന്റെ മതിൽ പൊളിച്ചു മാറ്റിയപ്പോൾ അസ്ഥിവാരത്തിൽ നിന്ന് കിട്ടിയ അഞ്ച് ലോഡോളം പാറയും സ്റ്റേഷൻ പരിസരത്ത് സൂക്ഷിച്ചിരുന്നു. ഒരു വിഭാഗം പോലിസ് ഉദ്യോഗസ്ഥരുടെ സഹായത്തോടെ നടത്തിയ മോഷണം 

നാട്ടുകാരുടെ പരാതിയെ തുടർന്ന് 

ഉന്നത പൊലീസ് ഉദ്യോഗസ്ഥൻ ഇടപെട്ടതോടെ പോലിസ് വാഹനങ്ങൾ പിടിച്ചെടുത്തു തുടർന്ന് സിപിഎം നേതാവുമായി ഉണ്ടാക്കിയ ധാരണയുടെ അടിസ്ഥാനത്തിൽ പാറയും, മണ്ണും മണലും തിരികെ എത്തിച്ച് കടത്തുകാർ തടിതപ്പുകയും പോലിസ് വാഹനങ്ങൾ തിരികെ കൊടുക്കുകയായിരുന്നു.

@നൂറിലേറെ വ്യാജ മൊബൈൽ ഫോണുകൾ

പിടിച്ചെടുത്തവയിൽ നിന്ന് 20 ഓളം എണ്ണം കാണാതായതിന്റെയും ചരിത്രം

 ചാത്തന്നൂർ പൊലീസ് സ്റ്റേഷനുണ്ടെന്ന് ഒരു മുൻ പൊലീസ് ഓഫീസർ സാക്ഷ്യപ്പെടുത്തുന്നു. കസ്റ്റഡിയിൽ എടുക്കുന്നതും അപകടത്തിൽപ്പെടുന്നതുമായ 

 വാഹനങ്ങളിൽ നിന്ന് ബാറ്ററി അടക്കം നഷ്ടമായതിന്റെയും ചരിത്രം 

ചാത്തന്നൂർ പോലിസ് സ്റ്റേഷനിൽ ഉള്ളപ്പോൾ ആണ് പോലിസ് സ്റ്റേഷൻ വളപ്പിൽ നിന്നും പട്ടാപകൽ മണ്ണും, മണലും, പാറയും മോഷണം പോയിരിക്കുന്നത്. 

@ വസ്തു പോലിസ് വകുപ്പിന്റെയും പാറയും മറ്റും മതിൽ പുനർനിർമ്മാണം നടത്തു ബോൾ ഉപയോഗിക്കേണ്ടത് ആണ് എന്ന് ദേശിയപാത അധികൃതർ പറയുന്നു അവിടെ മണ്ണ് എടുക്കാനും പാറ മാറ്റാനും ആരെയും ചുമതലപ്പെടുത്തിയിട്ടില്ല ദേശിയപാതയിൽ നിർമ്മാണപ്രവർത്തികളിൽ കെട്ടിടങ്ങൾ പൊളിക്കാൻ വസ്തു ഉടമകളെ അല്ലാതെ ആരെയും ചുമതലപ്പെടുത്തിയിട്ടില്ല എന്ന് ദേശിയപാത അധികൃതർ പറഞ്ഞു.

@ കമ്പനി അധികൃതർ സബ് കരാർ കൊടുത്തിട്ടില്ല ദേശിയപാതയിൽ നടക്കുന്ന മണ്ണ് മോഷണം അന്വേഷണം നടത്തേണ്ടത് പോലിസ് ആണെന്നും കബനി അധികൃതർ പറഞ്ഞു നിർമ്മാണപ്രവർത്തികൾ നടക്കുന്ന സ്ഥലങ്ങൾ നടക്കുന്ന അനധികൃത പ്രവർത്തികൾ ശ്രദ്ധയിൽപ്പെട്ടിട്ടുണ്ട് അത് പോലീസിൽ പരാതി നൽകുമെന്നും കമ്പനി അധികൃതർ പറഞ്ഞു.

@ ദേശീയപാതയ്ക്കു വിട്ടുകൊടുത്ത സ്ഥലത്തെ മതിലിൽ നിന്ന് ഇളക്കിയെടുത്ത പാറയിൽ പൊലീസിന് അവകാശം ഇല്ലെന്നും അങ്ങനെ കൊടുക്കൽ വാങ്ങലുണ്ടെങ്കിൽ അത് സംസ്ഥാന സർക്കാരും ദേശീയപാത അതോറിട്ടിയും തമ്മിലാകട്ടെ എന്നുമാണ് ചാത്തന്നൂർ അസി.കമ്മിഷണർ ബി.ഗോപകുമാർ പറഞ്ഞു 

ഫോട്ടോ : ചാത്തന്നൂർ പൊലീസ്റ്റേഷൻ വളപ്പിൽ സൂക്ഷിച്ചിരുന്ന മണലും പാറയും കടത്തിയതിൽ ഒരു ഭാഗം തിരിച്ചിറക്കിയ നിലയിൽ

ഐഎൻ ടി യുസിയിൽ ഭിന്നത മുതിർന്ന നേതാവ് എൻ അഴകേശൻ യൂണിയൻ നേതൃത്വസ്ഥാനം രാജി വച്ചു.

കൊല്ലം : ഐഎൻ ടി യുസിയിൽ ഭിന്നത മുതിർന്ന നേതാവ് എൻ അഴകേശൻ യൂണിയൻ നേതൃത്വസ്ഥാനം രാജി വച്ചു. ഐ എൻ ടി യൂ സി നേതൃത്വത്തിലുള്ള ചെത്ത് തൊഴിലാളി യൂണിയന്റെ പ്രസിഡന്റ്‌ സ്ഥാനമാണ് രാജി വച്ചത്. എൻ.അഴകേശന്റെ രാജിയോടെ 

ഐഎൻ ടിയുസി സംസ്ഥാന പ്രസി ഡന്റ് ആർ ചന്ദ്രശേഖരനെതിരെ പടപുറപ്പാടുമായി ഒരു വിഭാഗം മുതിർന്ന

ഐഎൻ ടിയുസി നേതാക്കൾ രംഗതെത്തി. ചന്ദ്രശേഖരന്റെ ജില്ലയായ കൊല്ലം ജില്ലയിൽ നിന്ന് തന്നെ ഐ വിഭാഗത്തിലെ ഇരുപതോളം നേതാക്കൾ ചന്ദ്രശേഖരനെതിരെ രംഗതെത്തി. ഇവരെല്ലാം തന്നെ സംസ്ഥാനത്തെ വിവിധ യൂണിയൻ നേതൃത്വസ്ഥാനത്ത് ഉള്ളവരാണ്. വിവിധ ജില്ലകളിൽ  രൂക്ഷമായ വിഭാഗീയത ആളികത്തി  നിൽക്കുന്ന വേളയിലാണ് പാളയത്തിൽ നിന്ന് തന്നെ പടയൊരുക്കം  നടക്കുന്നത്.

 കാലാകാലങ്ങളിൽ  ആർ. ചന്ദ്രശേഖരനൊപ്പം നിന്നവരും അദ്ദേഹത്തെ ഇപ്പോഴും പ്രസിഡന്റായി കൊണ്ടുവരൂന്നതിലും നിർണായക പങ്കു വഹിച്ചവരുമാണ്  ഇപ്പോൾ രംഗത്തെത്തിയിരിക്കുന്നത്. ഒരുകാലത്ത് കെ. കരുണകാരനൊപ്പം 

നിന്ന ഐ വിഭാഗത്തിന്റെ ശക്തരായ നേതാക്കളാണ് ഇപ്പോൾ പരസ്യമായി രംഗത്ത് വന്നിട്ടുള്ളത്.  കൊല്ലം ജില്ലയിൽ നിന്നു തന്നെയുള്ള ഇ നേതാക്കളും അവർക്കൊപ്പമുള്ള പ്രവർത്തകരും 

ഗുരുതര ആരോപണങ്ങളാണ് സംസ്ഥാന പ്രസിഡന്റിനെതിരെ ഉന്നയിച്ചിട്ടുള്ളത്. വിവിധ തലങ്ങളിൽ ഭാരവാഹികളെ നിച്ഛയിക്കുന്നതിനും ബോർഡുകളിൽ നാമനിർദ്ദേശം നടക്കുബോഴും ഐഎൻടിയുസി നേതൃവുമായി ആലോചിക്കാതെയാണ് 

തീരുമാനം എടുക്കുന്നത് തുടങ്ങി കശുവണ്ടി കോർപ്പറേഷനിലും മറ്റ് പൊതുമേഖല സ്ഥാപനങ്ങളിലും സി ഐ ടി യു അനുകൂല നിലപാടുകൾ എടുത്തു ഐ എൻ ടി യൂ സിയിലെ തൊഴിലാളികളെ ഒറ്റി കൊടുക്കുന്ന നിലപാടിലാണ് ചന്ദ്രശേഖരൻ എന്ന് ഇവർ ആരോപിക്കുന്നു.

കോൺഗ്രസ് സംസ്ഥാന ജില്ലാ പ്രാദേശിക നേതൃത്വവുമായി 

യൂണിയന്റെ നയപരമായ കാര്യങ്ങൾ പോലും ചർച്ച ചെയ്യാറില്ല. സംസ്ഥാനത്തെ  വിവിധ ക്ഷേമനിധി ബോർഡുകളിൽ ഐഎൻടിയുസി കൂടുതൽ പ്രതിനിധികളെ നിശ്ചയി ക്കുന്നത് തോന്നിയത് പോലെ കൂടിയാലോചന ഇല്ലാതെയാണ് നിച്ഛയിക്കുന്നത് എന്ന ആരോപണമാണ് അവസാനമായി ഉയരുന്നത്.  വ്യവസായങ്ങളുമായോ അതിലെ തൊഴിലാളികളുമായി യാതൊരു ബന്ധവും ഇല്ലാത്തവരെ ബോർഡുകളിൽ നോമിനിയായി വയ്ക്കുകയാണ് എന്ന പരാതിയാണ് ഉയരുന്നത്. വർഷങ്ങളായി  ഈ മേഖലയിൽ പ്രവർത്തിക്കുന്നവരെ പാടെ അവഗണിക്കുന്നു. ദീർഘവീക്ഷണം ഇല്ലാതെ സംഘടനയുടെ നിലവിലെ കീഴ് വഴക്കങ്ങൾ  പാടെ അട്ടിമറിച്ചു തുടങ്ങിയ ഗുരുതരമായ ആരോപണങ്ങൾ ഉയരുമ്പോൾ തന്നെ കൊല്ലം ജില്ലയിൽ നിന്നുള്ള ജില്ലാ പ്രസിഡന്റ്‌ അടക്കമുള്ള നേതാക്കൾ ചന്ദ്രശേഖരനെ കൈവിട്ട നിലയിലാണ്. വിവിധ ജില്ലകളിൽ ഐ എൻ ടി യു സി യിൽ രൂക്ഷമായ വിഭാഗീയതയാണ് നിലനിൽക്കുന്നത്. ദേശീയ കള്ളു ചെത്ത് വ്യവസായ തൊഴിലാളി - ഫെഡറേഷൻ ഐഎൻടി - യു സി സംസ്ഥാന പ്രസിഡന്റ്സ്ഥാ നം

എൻ. അഴകേശൻ രാജിവെച്ചതാണ് ഇപ്പോഴത്തെ സംഘടനയുടെ പ്രധാന പ്രതിസന്ധി ആളിക്കത്തിക്കുന്നത്. ഐഎൻടിയുസി സംസ്ഥാന പ്രസിഡന്റ് ആർ ചന്ദ്രശേഖരന്റെ വഴിവിട്ട തീരുമാനങ്ങളിൽ പ്രതിഷേധിച്ചായിരുന്നു രാജി. യു ഡി എഫ് ഭരണകാലത്തു കള്ളൂ വ്യവസായ തൊഴി ലാളി ക്ഷേമനിധി ബോർഡ്  ചെയർമാനായും എൽ ഡി എഫ് കാലത്ത് ബോർഡ് മെമ്പറായും പ്രവർത്തിച്ചു  വന്നിരുന്നു. ഇപ്പോൾ ബോർഡിലെ ഐ എൻ ടി യു സി പ്രതിനിധികളെ നിശ്ചയിച്ചത്. സംഘടനയോടോ, എൻ അഴ കേശനോടോ ആലോചിക്കാതെയാണ്

കോൺഗ്രസിലും  ഐഎൻടിയുസിയിലും വരും ദിവസങ്ങളിൽ എൻ അഴകേശന്റെ രാജി വിവാദം - കൂടുതൽ ചർച്ചകൾക്ക് വഴിവെക്കും. സംസ്ഥാനത്തെ തന്നെ മുതിർന്ന കോൺഗ്രസ്‌ നേതാവ് കൂടിയാണ് എൻ. അഴകേശൻ കെ. കരുണാകരന്റെ അടുത്തയാളും ഐ. ഗ്രൂപ്പിന്റെ കൊല്ലം ജില്ലയിൽ മുതിർന്ന നേതാവുമായ അഴകേശന്റെ രാജി പാർട്ടിയും ഐഎൻടിയുസി

സംസ്ഥാന ജില്ലാ നേതൃത്വവും ഗൗരവമായി കാണുന്നത് എന്ന് കെ പി സി സി പ്രസിഡന്റുമായി ബന്ധപ്പെട്ട വൃത്തങ്ങൾ പറഞ്ഞു. ഇതിനിടയിൽ സംസ്ഥാനത്തെ പ്രമുഖ ഐ എൻ ടി യു നേതാക്കൾ എ ഐ സി സി ജനറൽ സെക്രട്ടറി കെ സി വേണുഗോപാലിന്റെ നിർദ്ദേശപ്രകാരം കൊല്ലത്ത് എത്തി അഴകേശനെ കണ്ടു ചർച്ചകൾ ആരംഭിച്ചു. ഐ എൻ ടി യു സി യിൽ നേതൃത്വമാറ്റം ആവശ്യപ്പെട്ട് ദേശിയ നേതൃത്വത്തെ കാണുവാനാണ് നേതാക്കളുടെ തീരുമാനം.

കോടികൾ മുടക്കി പണിത പാലം ഇപ്പോൾ പൊതുജനത്തിനു കാഴ്ചവസ്തു.

കോടികൾ മുടക്കി പണിത പാലം ഇപ്പോൾ പൊതുജനത്തിനു കാഴ്ചവസ്തു.

കൊല്ലം : കോടികൾ മുടക്കി പണിത

ആശ്രമം ലിങ്ക് റോഡിന്റെ മൂന്നാം ഘട്ടം റോഡ് നിർമ്മാണം പൂർത്തിയായിട്ട് നാല് മാസമായിട്ടും ഉദ്ഘാടകനെയും കാത്ത് കിടക്കുകയാണ്.  കെഎസ്ആർടിസി ഡിപ്പോയുടെ സമീപത്തു നിന്ന് ഓലയിൽക്കടവ് വരെയുള്ള പാലത്തിന്റെ നിർമാണ പ്രവർത്തനങ്ങൾ പൂർത്തിയായിട്ടും പൊതുജനത്തിന്

ഉപയോഗിക്കാനാകാത്ത അവസ്ഥയാണ്.

ഓലയിൽക്കടവിൽ നിന്നു തോപ്പിൽക്കടവ് വരെയുള്ള ഭാഗത്തെ അവസാനഘട്ട നിർമാണ പ്രവർത്തനങ്ങൾക്കു നേരിട്ട അനിശ്ചിതത്വമാണ് പാലം തുറന്നു കൊടുക്കാത്തതിനു പിന്നിലെന്ന് ആരോപണമുണ്ട്.നിലവിലുള്ള സ്കെച്ച് പ്ലാൻ പ്രകാരം അവസാനഘട്ടത്തിൽ പാലം തേവള്ളിപ്പാലത്തിന് അടിയിലൂടെയാണ് കടന്നുപോകുന്നത്. അത് അനുയോജ്യമല്ലെന്ന് കിഫ്ബിയുടെ

എന്ജനിയറിങ്ങ് വിഭാഗം 

നിലപാടെടുത്തതോടെയാണു നാലാം ഘട്ട നിർമാണം അനിശ്ചിതത്വത്തിലായത്, ഈ ഭാഗത്തു റോഡ് മാർക്കിങ് ഉൾപ്പെടെയുള്ള ജോലികൾ പൂർത്തിയാക്കി ഓണത്തിനു മുൻപ് ഉദ്ഘാടനം നടത്താനായിരുന്നു. ഉദ്ദേശിച്ചിരുന്നത് അതിന്റെ പ്രചരണ പ്രവർത്തനങ്ങളുമായി പൊതുമരാമത്ത് വകുപ്പും കോർപ്പറേഷൻ അധികൃതരും സിപിഎം നേതൃത്വവും മുന്നോട്ട് പോയെങ്കിലും കിഫ്‌ അധികൃതർ നാലാംഘട്ടത്തിലെ സ്കെച്ചും പ്ലാനിലും ഉള്ള അനശ്ചിതത്വം നീങ്ങാതെ ഉത്ഘാടനം ചെയ്യണ്ട എന്ന നിലപാട് സ്വീകരിച്ചതോടെ ഉത്ഘാടനം വൈകുകയായിരുന്നു. അത് കൊണ്ട് തന്നെ നാലാം ഘട്ട നിർമാണത്തിലെ അനിശ്ചിതത്വം നീങ്ങാതെ കെഎസ്ആർടിസി മുതൽ ഓലയിൽക്കടവ് വരെയുള്ള ഭാഗം തുറന്നു കിട്ടാനുള്ള സാധ്യത കുറവാണ്. കിഫ്ബി തുകയിൽ കേരള റോഡ്സ് ഫണ്ട് ബോർഡിനാണ് നാലാം ഘട്ടത്തിന്റെ നിർമാണച്ചുമതല.

ഫോട്ടോ : കെ എസ് ആർ ടി സി ഡിപ്പോയ്ക്ക് മുന്നിൽ നിർമ്മാണം പൂർത്തിയായ റോഡ് അടച്ചിട്ടിരുക്കുന്നു.

അനധികൃതമായി വില്പന നടത്തിയ പാചകവാതക സിലിണ്ടറുകൾ പിടിച്ചെടുത്തു

അനധികൃതമായി വില്പന നടത്തിയ 

പാചകവാതക സിലിണ്ടറുകൾ പിടിച്ചെടുത്തു

ചാത്തന്നൂർ : അനധികൃതമായി വിതരണം നടത്തി കൊണ്ടിരുന്ന പാചക വാതക സിലിണ്ടറുകൾ കൊല്ലം താലൂക്ക് സപ്ലൈ ഓഫീസർ ഗോപകുമാറും സംഘവും പിടിച്ചെടുത്തു. 93 സിലിണ്ടറുകളും ഇതു കയറ്റി വന്ന വാഹനവും ഡ്രൈവറെയും കസ്റ്റഡിയിലെടുത്തു. കല്ലുവാതുക്കൽ ജംഗ്ഷന് സമീപം നടയ്ക്കൽ റോഡിൽ ഇന്നലെ പകൽ പന്ത്രണ്ട് മണിയോടെയാണ് സംഭവം.

ഇന്ത്യൻ ഓയിൽ കോർപ്പറേഷന്റെ 50 സിലിണ്ടറുകളും ടോട്ടൽ എന്ന സ്വകാര്യ കമ്പിനിയുടെ 43 സിലിണ്ടറുകളുമാണ് പിക്കപ്പ് വാനിലുണ്ടായിരുന്നത്. വാഹനം ഓടിച്ചിരുന്ന മുഖത്തല കിഴവൂർ സ്വദേശി സജാദ് കസ്റ്റഡിയിലെടുത്ത് പോലീസിന് കൈമാറി. ജില്ലാ സപ്ലൈ ഓഫീസറുടെ നിർദേശപ്രകാരം മഹസ്സർ തയാറാക്കിയ ശേഷം വാഹനം പാരിപ്പള്ളി പോലീസിന് കൈമാറി. സിലിണ്ടറുകൾ  ഐ ഒ സി ഏജന്റിന്റെ ശ്രീരാമപുരത്തെ ഗോഡൗണിലേയ്ക്ക് മാറ്റി. അനധികൃതമായി പാചക വാതക സിലിണ്ടറുകൾ വിതരണം നടന്നു വരുന്നുണ്ടെന്ന് ജില്ലാ കളക്ടർക്ക് പരാതി ലഭിച്ചതിനെ തുടർന്ന് നടത്തിയ അന്വേഷണത്തിലാണ് സിലിണ്ടറുകൾ പിടികൂടിയത്. വാഹനത്തിൽ നിന്നും വ്യാജ ബില്ലുകളും കണ്ടെടുത്തു. കൊട്ടിയത്തേയും അഞ്ചലിലേയും സ്വകാര്യ ഗ്യാസ് ഏജൻസികളുടെ പേരിലുള്ളതാണ് ബില്ലുകൾ. ബില്ലിൽ ജി എസ് ടി രേഖപ്പെടുത്തിയിട്ടില്ല. അംഗീകൃത ഗ്യാസ് ഏജൻസികളുടെ വിതരണ വിലയിൽ നിന്നും മുന്നൂറോളം രൂപ കുറച്ചാണ് ബില്ലിൽ രേഖപ്പെടുത്തിയിട്ടുള്ളതെന്നും താലൂക്ക് സപ്ലൈ ഓഫീസർ പറഞ്ഞു.

തിരുവനന്തപുരം ജില്ലയിലെ മംഗലപുരം, കോരാണി, ചിറയിൻകീഴ്, കല്ലമ്പലം പ്രദേശങ്ങളിൽ വിതരണം ചെയ്യാനാണ് സിലിണ്ടറുകൾ കൊണ്ടുപോയത്. ഏജൻസിയുടെ വിതരണ മേഖലയ്ക്ക് പുറത്ത് വിതരണം ചെയ്യുന്നതും ഒന്നിലധികം കമ്പിനികളുടെ സിലിണ്ടറുകൾ ഒന്നിച്ചു കൊണ്ടുപോകുന്നതും പ്രഥമദൃഷ്ട്യാ നിയമ വിരുദ്ധമാണ്. ഒപ്പം അനധികൃത ബില്ലുകളും അനധികൃത വിതരണവും. കസ്റ്റഡിയിലെടുത്ത സജാദിനെ കോടതിയിൽ ഹാജരാക്കും.

താലൂക്ക് സപ്ലൈ ഓഫീസർ ഗോപകുമാർ, റേഷനിംഗ് ഇൻസ്പെക്ടർമാരായ എസ്. പ്രശാന്ത്, ആർ രഞ്ജു ജേക്കബ്, രജനി ദേവി.എസ്. ഉല്ലാസ് എന്നിവരടങ്ങിയ സംഘമാണ് പാചക വാതക സിലിണ്ടറുകൾ പിടിച്ചെടുത്തത്.