കാറും ബൈക്കും കൂട്ടിയിടിച്ച് രണ്ട് യുവാക്കൾക്ക് ദാരുണാന്ത്യം

കാറും ബൈക്കും കൂട്ടിയിടിച്ച് രണ്ട് യുവാക്കൾക്ക് ദാരുണാന്ത്യം 

ചാത്തന്നൂർ : കാറും ബൈക്കും കൂട്ടിയിടിച്ച് രണ്ട് യുവാക്കൾക്ക് ദാരുണാന്ത്യം പകൽക്കുറി ആയിരവില്ലി സ്വദേശികളായ ഹരികൃഷ്ണൻ(25),ജിതിൻബാബു(25)എന്നിവരാണ് മരിച്ചത്. ഇന്നലെ പുലർച്ചെ ഇന്നലെ പുലർച്ചെ 12.02ന് തിരുവനന്തപുരം - കൊല്ലം ആറ് വരി പാതയിൽ തിരുവനന്തപുരം ഭാഗത്ത് നിന്നും വന്ന കാറിൽ എതിർദിശയിൽ  കൊല്ലം ഭാഗത്ത് നിന്നും  വന്ന ബൈക്ക് ഇടിച്ചാണ് അപകടം ഉണ്ടായത്. ഇടിയുടെ ആഘാതത്തിൽ ഇരുവരും റോഡിലേക്കു തെറിച്ചു വീണു. 

ഒരാൾ സംഭവസ്ഥലത്ത് വച്ചും ഒരാൾ പാരിപ്പള്ളി മെഡിക്കൽ കോളേജിൽ വച്ചും മരിച്ചു. അപകടം കണ്ട് ഓടിക്കൂടിയ നാട്ടുകാർ പോലീസിനെ അറിയിക്കുകയും പോലിസ് എത്തി ആംബുലൻസ് വരുത്തിയാണ് ഇവരെ ആശുപത്രിയിൽ എത്തിച്ചത്. അപകടത്തിൽ ബൈക്ക്  

പൂർണമായി തകരുകയും കാറിനു കേടുപാടുകൾ സംഭവിക്കുകയും ചെയ്‌തു. 

ചാത്തന്നൂർ പോലിസ് പരവൂരിൽ നിന്നും ഫയർഫോഴ്സ് സംഘം എത്തി വാഹനങ്ങൾ റോഡിൽ നിന്നും മാറ്റി ചാത്തന്നൂർ പോലിസ് മേൽനടപടികൾ സ്വീകരിച്ചു പാരിപ്പള്ളി മെഡിക്കൽ കോളേജിലേക്ക് പോസ്റ്റ്‌ മാർട്ടത്തിന് ശേഷം ബന്ധുക്കൾക്ക് വിട്ട് കൊടുത്തു.

ബി. ബി. ഗോപകുമാർ എം എൽ എയുടെ ഓഫീസ് പ്രവർത്തനം ആരംഭിച്ചു

ബി. ബി. ഗോപകുമാർ എം എൽ എയുടെ ഓഫീസ് പ്രവർത്തനം ആരംഭിച്ചു 

ചാത്തന്നൂർ : ബി. ബി. ഗോപകുമാർ എം എൽ എയുടെ ഓഫീസ് ചാത്തന്നൂർ ഊറാംവിള കെ എസ് ആർ ടി സി ഡിപ്പോയ്ക്ക് സമീപം 

ആരംഭിച്ചു..രാഷ്ട്രീയ സ്വയംസേവക സംഘം ദക്ഷിണകേരള പ്രാന്ത പ്രചാരക്  എസ്. സുദർശനൻ ഭദ്രദീപ 

പ്രകാശനം നടത്തി ഉദ്ഘാടനം ചെയ്തു. ബി. ബി. ഗോപകുമാർ എം എൽ എ അധ്യക്ഷത വഹിച്ചു. എൻ എസ് എസ് താലൂക്ക് യൂണിയൻ പ്രസിഡന്റ്‌ ബി. ഐ ശ്രീനാഗേഷ്,

ചിറക്കര ഗ്രാമപഞ്ചായത്ത്‌ വൈസ് പ്രസിഡന്റ്‌ രമ്യമനോജ്‌,

ആർ എസ് എസ് പ്രാന്തിയ കാര്യകാര്യ സദസ്യൻ സി സി. ശെൽവൻ,

പ്രാന്തീയ വ്യവസ്ഥാ പ്രമുഖ് രാജൻ കരൂർ, 

ബി.ജെ.പി വെസ്റ്റ് ജില്ലാ പ്രസിഡന്റ്  എസ്. പ്രശാന്ത്, ജനറൽ സെക്രട്ടറി പ്രകാശ് പാപ്പാടി, മുതിർന്ന ബിജെപി നേതാവും സംസ്ഥാന കൗൺസിൽ അംഗവുമായ മൈലക്കാട് ഗോപാലകൃഷ്ണപിള്ള, ജില്ലാ ട്രഷറർ സി.രാജൻപിള്ള എന്നിവർ സംസാരിച്ചു.

ഫോട്ടോ : രാഷ്ട്രീയ സ്വയംസേവക സംഘം ദക്ഷിണകേരള പ്രാന്തപ്രചാരക്  എസ്. സുദർശനൻ ഭദ്രദീപ 

പ്രകാശനം നടത്തി ഉദ്ഘാടനം ചെയ്യുന്നു 

ദേശീയപാതയിൽ വെള്ളകെട്ട് ശാശ്വത പരിഹാരം ഉണ്ടാവും

ദേശീയപാതയിൽ വെള്ളകെട്ട് ശാശ്വത പരിഹാരം ഉണ്ടാവും 

ചാത്തന്നൂർ : ദേശീയപാത നിർമ്മാണ പ്രവർത്തനങ്ങൾ ആരംഭിച്ച കാലം മുതൽ ചാത്തന്നൂർ നിവാസികൾ അനുഭവിക്കുന്ന ഏറ്റവും പ്രധാനപ്പെട്ട ഒരു പ്രശ്നമായ വെള്ളക്കെട്ടിന് ശാശ്വത പരിഹാരം ഉണ്ടാക്കാൻ ധാരണയായി.

ഇന്നലെ ബി. ബി. ഗോപകുമാർ ജില്ലാ കളക്ടർ ആനിജൂലതോമസ് എന്നിവരുടെ നേതൃത്വത്തിലാണ് സന്ദർശനം നടത്തിയത് 

കഴിഞ്ഞദിവസം ഉണ്ടായ അതിശക്തമായ മഴയിൽ നാശനഷ്ടം ഉണ്ടായ 

കടകൾ, വ്യവസായ സ്ഥാപനങ്ങൾ, വീടുകൾ വെള്ളപൊക്കം മൂലം നാശനഷ്ടം വന്ന സ്ഥലങ്ങൾ എന്നിവ നോക്കി കണ്ട് പരിഹാരം ഉണ്ടാക്കാൻ നിർമ്മാണകമ്പനി അധികൃതർക്ക് നിർദ്ദേശം നൽകി.

കഴിഞ്ഞ ചൊവ്വാഴ്ച്ച ഉണ്ടായ മഴയിൽ 

ചാത്തന്നൂരിലെ നിരവധി വ്യാപാര സ്ഥാപനങ്ങൾ വെള്ളത്തിനടിയിൽ ആവുകയും ജനങ്ങൾക്ക് ഏറെ ബുദ്ധിമുട്ടുകൾ ഉണ്ടാവുകയും ചെയ്തതിനെ തുടർന്നാണ് ജില്ലാ കലക്ടറും എം എൽ എയും  സ്ഥലം സന്ദർശിച്ചത് 

വെള്ളക്കെട്ട് പ്രശ്നം ശാശ്വതമായി  പരിഹരിക്കുന്നതിന്  വിദഗ്ദരിൽ നിന്നും 

സാങ്കേതികമായ ഉപദേശ നിർദ്ദേശങ്ങൾ 

സ്വീകരിച്ചു കൊണ്ട് വെള്ളകെട്ട് ഒഴിവാക്കുന്നതിന് ആവശ്യമായ 

 തുടർപ്രവർത്തനങ്ങൾ നടത്തും 

 ദേശീയപാത അതോറിറ്റിയുമായും നിർമ്മാണകമ്പനി അധികൃതരുമായി ആലോചിച്ചു നടപടികൾ കൈകൊള്ളൂമെന്ന് ബി. ബി. ഗോപകുമാർ എം എൽ എയും ജില്ലാ കളക്ടറും 

പറഞ്ഞു ദേശീയപാത അതോറിറ്റിയുടെ ഉത്തരവാദപ്പെട്ട ഉദ്യോഗസ്ഥന്മാരും പ്രസ്തുത സന്ദർശനത്തിൽ ഒപ്പമുണ്ടായിരുന്നില്ല എന്നത് പരിശോധിക്കുമെന്നും ഇരുവരും പറഞ്ഞു.അസിസ്റ്റന്റ് ക്‌ളക്ടർ എം. ഉഷ,ജില്ലാ പഞ്ചായത്ത്‌ അംഗം അഡ്വ.ആർ.ദിലീപ്കുമാർ, ചാത്തന്നൂർ ഗ്രാമപഞ്ചായത്ത്‌ പ്രസിഡന്റ്‌ ഒ. മഹേശ്വരി, വൈസ് പ്രസിഡന്റ്‌ കവിതദേവി.പി, ചാത്തന്നൂർ പഞ്ചായത്ത്‌ സെക്രട്ടറി ബിനിൽ,

 പഞ്ചായത്ത്‌ അസിസ്റ്റന്റ് എഞ്ചിനിയർ 

ബിപിൻ വിവിധ രാക്ഷ്ട്രീയപാർട്ടി പ്രതിനിധികൾ, 

വ്യാപാരി വ്യവസായ സംഘടന ഭാരവാഹികൾ, പഞ്ചായത്ത്‌ വികസനസമിതി ഭാരവാഹികൾ 

ഗ്രാമപഞ്ചായത്ത്‌ അംഗങ്ങൾ എന്നിവർ ഒപ്പമുണ്ടായിരുന്നു.

@ ദേശീയപാതയിൽ ഉണ്ടാവുന്ന വെള്ളകെട്ടിന് ശാശ്വതപരിഹാരം ഉണ്ടാവും - ജില്ലാ കളക്ടർ 

ചാത്തന്നൂർ : ദേശീയപാതയിൽ ഉണ്ടാവുന്ന വെള്ളകെട്ടിന് ശാശ്വതപരിഹാരം ഉണ്ടാവുമെന്ന് ജില്ലാ ക്‌ളക്ടർ ആനി ജൂല തോമസ് പറഞ്ഞു.മഴ സമയത്ത് 

വെള്ളകെട്ട് ഉണ്ടായ സ്ഥലങ്ങൾ സന്ദർശിച്ച ശേഷം സംസാരിക്കുകയായിരുന്നു.. സമാന രീതിയിൽ മുൻപ് വെള്ളകെട്ട് ഉണ്ടായപ്പോൾ മുൻപോട്ട് വച്ച നിർദ്ദേശങ്ങൾ എല്ലാം നിർമ്മാണകമ്പനി ചെയ്തിട്ടുണ്ട് ഇപ്പോൾ ഉള്ള ന്യുനതകൾ എൻ എച്ച് എ ഐ അധികൃതരുടെ ശ്രദ്ധയിൽപ്പെടുത്തി നിർമ്മാണപ്രവർത്തികൾ ഉടൻ തുടങ്ങുന്നതിനുള്ള നടപടികൾ സ്വീകരിക്കും.

@  ജില്ലാ ഭരണകൂടവുമായി ആലോചിച്ച് ശക്തമായ ഇടപെടൽ നടത്തും ബി. ബി. ഗോപകുമാർ എം എൽ എ 

ജില്ലാ ഭരണകൂടത്തിൻ്റെ നേതൃത്വത്തിൽ ബന്ധപ്പെട്ട എല്ലാ വിഭാഗം ഉദ്യോഗസ്ഥന്മാരെയും പങ്കെടുപ്പിച്ച് കൊണ്ട്    അടിയന്തരയോഗം നേരിട്ട് ചേർന്ന് പ്രശ്നങ്ങൾ ശാശ്വതമായി  പരിഹരിക്കുന്നതിന് ആവശ്യമായ ശക്തമായ ഇടപെടലുകകൾ നടത്തുമെന്ന് ബി. ബി. ഗോപകുമാർ എം എൽ എ അറിയിച്ചു 

@ ഓടയുടെ നിർമ്മാണപ്രവർത്തികൾ ഉടൻ തുടങ്ങും -ഒ. മഹേശ്വരി (ചാത്തന്നൂർ ഗ്രാമപഞ്ചായത്ത്‌ പ്രസിഡന്റ്‌)

ദേശീയപാത അതോറിറ്റി ഓട നിർമ്മാണത്തിന് ചാത്തന്നൂർ ഗ്രാമപഞ്ചായത്തിന് പണം അനുവദിച്ചിട്ടുണ്ട് അതിന്റെ ടെൻണ്ടർ നടപടികൾ പൂർത്തിയായി വരികയാണ് വരും ദിവസങ്ങളിൽ നിർമ്മാണപ്രവർത്തനങ്ങൾ തുടങ്ങും 

@ ഡ്രെയിനേജ് സംവിധാനങ്ങളിലെ തകരാറുകൾ അടിയന്തരമായി പരിഹരിക്കാൻ നടപടി ഉണ്ടാവണം.ജെ. ശശിധരൻ (വ്യാപാരി വ്യവസായ എകോപന സമിതി)

@ ദേശീയപാത അതോറിറ്റി ഉദ്യോഗസ്ഥർ എത്താതിരുന്നതിൽ പ്രതിക്ഷേധം.

ചാത്തന്നൂർ ജംഗ്ഷനിലും സമീപപ്രദേശങ്ങളിലും  വെള്ളക്കെട്ട് മൂലം ദുരിതം അനുഭവിക്കുന്ന പ്രദേശം സന്ദർശിച്ച എം എൽ എയ്ക്കും 

ജില്ലാ കലക്ടർക്കൊപ്പവും 

ദേശീയപാത അതോറിറ്റി ഉദ്യോഗസ്ഥർ എത്താതിരുന്നതിൽ ചാത്തന്നൂർവികസന സമിതി പ്രതിഷേധം രേഖപ്പെടുത്തി.

 ദേശീയപാത  നിർമ്മാണ പ്രവർത്തനങ്ങൾ ആരംഭിക്കുന്നതിനു മുൻപ് ചാത്തന്നൂർ ജംഗ്ഷനിലും സമീപത്തുമായി വെള്ളം ഒഴുകിപ്പോകുന്നതിനുണ്ടായിരുന്ന ഡ്രെയിനേജ്കൾ പൂർണ്ണമായി ഒഴിവാക്കി പകരം ജംഗ്ഷനിൽ കനറാ ബാങ്കിന് സമീപം  സ്ഥാപിച്ച ഡ്രെയിനേജിനു്   മുഴുവൻ വെള്ളത്തെയും ഉൾക്കൊള്ളാൻ കഴിയുന്നില്ലായെന്നതാണ്

വെള്ളക്കെട്ടിന് കാരണമാകുന്ന പ്രധാന ഘടകം.അതുകൊണ്ട്  സർവ്വീസ് റോഡുകളിലും  പ്രധാനഡ്രെയിനേജിലും എത്തിച്ചേരുന്ന വെള്ളം പൂർണ്ണമായി 

തടസ്സമില്ലാതെ ഒഴുക്കി  തോട്ടിലേക്കെത്തിക്കുന്നതിന് നടപടികൾ അടിയന്തിരമായി സ്വീകരിക്കുകയാണ് വേണ്ടതെന്ന് ചാത്തന്നൂർ വികസന സമിതി

ആവശ്യപ്പെട്ടു.

സഹപാഠിയെ സംഘം ചേർന്ന് ആക്രമിച്ചു വിദ്യാർത്ഥിയ്ക്ക് ഗുരുതര പരിക്ക്

സഹപാഠിയെ സംഘം ചേർന്ന് ആക്രമിച്ചു വിദ്യാർത്ഥിയ്ക്ക് ഗുരുതര പരിക്ക് 

@ വിദ്യാർഥികൾക്കിടയിലെ സംഘർഷം ആശങ്കയാകുന്നു

ചാത്തന്നൂർ: സഹപാഠിയെ സംഘം

ചേർന്ന് ആക്രമിച്ചു വിദ്യാർത്ഥി ഗുരുതരാവസ്ഥയിൽ.ചാത്തന്നൂർ എൻ എസ് എസ് ഹയർസെക്കന്ററി സ്കൂളിലെ പ്ലസ് വൺ സയൻസ് വിദ്യാർത്ഥിയായ അഭിനവ്. പി (16)നെയാണ് അതേ സ്കൂളിലെ കോമേഴ്സ് വിഭാഗത്തിലെ പതിനൊന്ന് അംഗ സംഘം 

കഴിഞ്ഞ വെള്ളിയാഴ്ച നാല് മണിക്ക് 

സ്കൂൾ ഗ്രൗണ്ടിൽ വച്ച് ആക്രമണം നടത്തിയത്. സംഭവത്തെ കുറിച്ച് പരിക്കേറ്റ വിദ്യാർത്ഥി പറയുന്നത് ഇങ്ങനെയാണ്. വെള്ളിയാഴ്ച ഉച്ചയോടെ സ്കൂളിൽ വച്ച്

അഭിനവിനെ ഭീഷണിപ്പെടുത്തുകയും തുടർന്ന് വാക്ക് തർക്കം ഉണ്ടാവുകയും പിന്നാലെ സ്കൂൾ വിട്ട് ഗ്രൗണ്ടിൽ കൂട്ടുകാരുമായി നിൽക്കുമ്പോൾ യാതൊരു പ്രകോപനവും കൂടാതെ പതിനൊന്നോളം വരുന്ന സംഘം ആക്രമിക്കുകയായിരുന്നു ഒപ്പമുണ്ടായിരുന്ന കുട്ടികൾ ഓടി രക്ഷപ്പെടുകയായിരുന്നു പോലീസിൽ പരാതി നൽകിയാൽ കൊല്ലുമെന്ന ഭീഷണിപ്പെടുത്തിയ സംഘം പോയതിന് ശേഷം മറ്റ് കുട്ടികൾ എത്തി 

ആക്രമണത്തിൽ അവശനിലയിലായ വിദ്യാർത്ഥിയുടെ ബന്ധുക്കളെ വിളിച്ചു ചാത്തന്നൂരിലെ സ്വകാര്യ ആശുപത്രിയിൽ എത്തിക്കുകയായിരുന്നു. ആക്രമണത്തിൽ 

തലയ്ക്കും മൂക്കിനും ഗുരുതര പരിക്ക് പറ്റിയ വിദ്യാർത്ഥി അപകടനില തരണം ചെയ്തിട്ടുണ്ട് ചാത്തന്നൂർ പോലിസ് കേസെടുത്ത് അന്വേഷണം ആരംഭിച്ചു കുട്ടികളെ കുറിച്ചുള്ള സൂചനകൾ ലഭിച്ചതായി പോലിസ് പറഞ്ഞു 

സംഭവത്തിൽ അധികൃതർ അന്വേഷണം നടത്തി ആവശ്യമായ നടപടി സ്വീകരിക്കണമെന്ന ആവശ്യമാണ് ശക്തമാകുന്നത്.

ശ്രീഭൂതനാഥക്ഷേത്രം ശ്രീഭൂതനാഥപുരം..ചാത്തന്നൂർ

           

   ശ്രീഭൂതനാഥക്ഷേത്രം 

      ശ്രീഭൂതനാഥപുരം..ചാത്തന്നൂർ 

ഭക്തജനങ്ങളെ,

2023 ജൂലായ് മാസം 6-ാം തീയതി ചാത്തന്നൂർ ശ്രീഭൂതനാഥ ക്ഷേത്രത്തിൽ വച്ച് പ്രസിദ്ധ ജൗതിഷികരായ ചേർത്തല 

സതീഷ്കുമാറിൻ്റെയും മാവേലിക്കര കണ്ടിയൂർമന വിഷ്‌ണുനമ്പൂതിരിയുടെയും നേത്യത്വത്തിൽ ക്ഷേത്രം തന്ത്രി ഭൂതക്കുളം നീലമന ഇല്ലം ഉണ്ണികൃഷ്‌ണൻ നമ്പൂതിരിയുടെ സാന്നിദ്ധ്യത്തിൽ നടന്ന അഷ്ട‌മംഗല ദേവപ്രശ്‌നത്തിൻ്റെ പരിഹാരക്രിയകൾ പൂർത്തീകരിക്കുന്നതിന്റെ ഭാഗമായി ബാക്കിവന്ന ദോഷ വിഷയങ്ങൾ പരിഹരിക്കുന്നതിനായി 2026 ജൂലായ് മാസം 11 ന് ജൗതിഷികൻ, വിചാരിച്ച് നടത്തിയ സാന്നിദ്ധ്യാദി അഖില ശുഭാശുഭ പ്രശ്‌നത്തിൽ തെളിഞ്ഞ ദോഷവിഷയങ്ങളുടെ പരിഹാരക്രിയകൾ 2026 സെപ്റ്റംബർ 11, 12, 13 തീയതികളിൽ ദേവീക്ഷേത്രസന്നിധിയിൽ വച്ച് തന്ത്രിമുഖ്യൻ ബ്രഹ്മശ്രീ നീല മന ഇല്ലം ഉണ്ണികൃഷ്‌ണൻ നമ്പൂതിരിയുടെ മുഖ്യകാർമ്മികത്വത്തിൽ നടത്തപ്പെടുകയുണ്ടായി.

ദൈവജ്ഞന്റെയും ക്ഷേത്രം തന്ത്രിയുടെയും നിർദേശമനുസരിച്ച് ശാസ്ത്രവിധിപ്രകാരം സർപ്പക്കാവ് നവീകരിക്കുകയും കാവിലേക്കാവശ്യമായ വൃക്ഷതൈകൾ വച്ചു പിടിപ്പിക്കുന്ന ജോലികൾ തുടർന്ന് വരികയുമാണ്.

സർപ്പദോഷശമനത്തിനും, കുടുംബ റുംബ ഐശ്വര്യത്തിനും സന്താനലബ്ധ‌ിക്കും സന്താനസൗഭാഗ്യ ങ്ങൾക്കും, മാറാരോഗ ദുരിത നിവാരണത്തിനുമായി ദേവപ്രശ്‌ന പരിഹാരക്രിയകളുടെ ഭാഗമായി വിശേ ഷാൽ സർപ്പബലി  25 ന് 

(1202 തുലാം 8) ഞായർ വൈകിട്ട് 7 മണിമുതൽ സർപ്പക്കാവിൽ വച്ച് നടത്തുവാൻ തീരുമാനിച്ചിരിക്കുകയാണ്. നാഗദേവതകളുടെ കോപം ശമിപ്പിക്കാനും പ്രീതി പിടിച്ചു പറ്റാനുമായി അഷ്‌ഠനാഗങ്ങളെ ആവാഹിച്ചെഴുതുന്ന വർണ്ണാഭമായ സർപ്പക്കളവും താന്ത്രിക വിധിപ്രകാര വുമുള്ള മഹാപൂജകളും തന്ത്രിമുഖ്യൻ ഭൂതക്കുളം നീലമനയില്ലത്ത് ബ്രഹ്മശ്രീ കെ. ഉണ്ണികൃഷ്‌ണൻ നമ്പൂതിരി യുടെ മുഖ്യ കാർമ്മികത്വത്തിലും ക്ഷേത്രം മേൽശാന്തി ശ്രീ. എസ്. ജയപ്രകാശ് പോറ്റി, കീഴ്‌ശാന്തി ആർ.അനിൽ കുമാർപോറ്റി എന്നിവരുടെ സഹകാർമ്മികത്വത്തിലും അന്നേ ദിവസം ഉണ്ടായിരിക്കുന്നതാണ്.

സർപ്പബലിയോടനുബന്ധിച്ച് ഭക്ത ജനങ്ങൾക്ക് നൂറും പാലും, സർപ്പ സൂക്ത പുഷ്പാഞ്ജലി, മഞ്ഞൾപ്പൊടി, മഞ്ഞൾ മാല എന്നിവ പ്രത്യേക വഴിപാടായി സമർപ്പിക്കാവുന്നതാണ്.

ഓരോ ഭവനത്തിൽ നിന്നും ഒരു നക്ഷത്രജാതൻ്റെ പേരിലെങ്കിലും നൂറും പാലും വഴിപാടായി സമർപ്പിച്ച് കുടുംബത്തിനും കുടുംബാംഗങ്ങൾക്കും സർവൈശ്വര്യവും രോഗശാന്തിയും ലഭിക്കാനായി പ്രാർത്ഥിക്കണ മെന്ന് അഭ്യർത്ഥിക്കുന്നു.

ഈ പുണ്യ കർമ്മങ്ങളിൽ പങ്കുചേർന്ന് നാഗരാജാവിൻ്റെയും നാഗയക്ഷിയുടെയും പൂർണ്ണ അനു ഗ്രഹം കൈവരിക്കാൻ എല്ലാ ഭക്തജനങ്ങളെയും സാദരം ശ്രീഭൂതനാഥ ക്ഷേത്ര സന്നിധിയിലേക്ക് ക്ഷണിച്ചു കൊള്ളുന്നു.ചാത്തന്നൂർ താഴം ഉണ്ണിമങ്ങാട് മൂലകുടുംബമാണ് സർപ്പബലി വഴിപാടായി സമർപ്പിക്കുന്നത്.

ക്ഷേത്ര ഭരണസമിതിക്ക് വേണ്ടി

പ്രസിഡൻ്റ് വി.വിജയമോഹൻ 

സെക്രട്ടറി ഉണ്ണികൃഷ്ണപിള്ള 

കൊടിമൂട്ടിൽ ഭദ്രകാളിക്ഷേത്രത്തിൽ ഭാഗവത സപ്താഹ യഞജം ഇന്ന് തുടങ്ങും

കൊടിമൂട്ടിൽ ഭദ്രകാളിക്ഷേത്രത്തിൽ ഭാഗവത സപ്താഹ യഞജം 

 ഇന്ന് തുടങ്ങും 

ചാത്തന്നൂർ:പാരിപ്പള്ളി 

കൊടിമൂട്ടിൽ ഭദ്രകാളിക്ഷേത്രത്തിൽ ഇന്ന് 

രാവിലെ അഷ്ടദ്രവ്യ മഹാഗണപതി ഹോമവും ഗജപൂജയും ആനയൂട്ടും നടക്കും. വൈകുന്നേരം 6ന് എൻ. കെ. പ്രേമചന്ദ്രൻ എം പി ഭാഗവത സപ്താഹ യഞജം  ഉദ്ഘാടനം ചെയ്യും ക്ഷേത്രം തന്ത്രി അമ്പലപ്പുഴ എസ് ദാമോദരൻ നമ്പൂതിരി ഭദ്രദീപപ്രകാശനം നടത്തും 29ന് അവസാനിക്കും 

സോഷ്യൽ മീഡിയ കൈകോർത്തു മോക്ഷണം പോയ ബൈക്ക് മണിക്കൂറുക്കകം തിരിച്ചുകിട്ടി

സോഷ്യൽ മീഡിയ കൈകോർത്തു 

മോക്ഷണം പോയ ബൈക്ക് മണിക്കൂറുക്കകം തിരിച്ചുകിട്ടി 

ചാത്തന്നൂർ: സോഷ്യൽ മീഡിയ കൈകോർത്തു ചാത്തന്നൂർ ടൗണിൽ നിന്നും മോക്ഷണം പോയ ബൈക്ക് മണിക്കൂറുക്കകം തിരിച്ചുകിട്ടി.

ഇന്നലെ രാവിലെ ആറ് മണിയോടെ 

ചാത്തന്നൂർ -കട്ടച്ചൽ റോഡിൽ 

ചാത്തന്നൂർ മോഹൻ ഗ്യാസ് ഏജൻസിക്ക് സമീപം വച്ചിരുന്ന ബൈക്ക് 8 മണിയോടെ മോക്ഷണം പോവുകയുണ്ടയി തുടർന്ന് ബൈക്ക് ഉടമ ചാത്തന്നൂർ പോലീസിൽ പരാതി നൽകിയതിന്റെ അടിസ്ഥാനത്തിൽ 

തൊട്ടടുത്ത കടകളിലെ 

സി സി ടി വി പരിശോധനയിൽ ബൈക്ക് മോഷ്ടാവിനെ തിരിച്ചറിയുകയും തുടർന്ന് 

സി സി ടി വി വിഷ്വലുകൾ 

സോഷ്യൽ മീഡിയ വഴി നടത്തിയ പ്രചാരണത്തിൽ ബൈക്കുമായി മോക്ഷ്ടാവ് ചാത്തന്നൂർ എസ് എൻ കോളേജിന് സമീപത്ത് നിൽക്കുന്നതായി 

നാട്ടുകാർ കണ്ടെത്തി തുടർന്ന് 

നാട്ടുകാർ ബൈക്കുമായി നിൽക്കുന്ന 

മോക്ഷടാവിനെ തടഞ്ഞു വച്ച് പോലീസിനെയും ഉടമയെയും വിളിച്ചു വരുത്തി ഏല്പ്പിക്കുകയായിരുന്നു തുടർന്ന് പോലിസ് സ്റ്റേഷനിൽ എത്തിച്ച് ബൈക്ക് ഉടമയ്ക്ക് പരാതി ഇല്ലാത്തതിനെ തുടർന്ന് മോഷ്ടാവിന്റെ മാതാപിതാക്കളെ വിളിച്ചു വരുത്തി താക്കീത് നൽകി വിട്ടയ്ക്കുകയായിരുന്നു.