ഒരു രാജ്യത്തെ മുഴുവൻ കട്ടുമുടിക്കാൻ ഉണ്ടാക്കിയ ഏർപ്പാടായിരുന്നു അടിയന്തരാവസ്ഥ.

ഒരു രാജ്യത്തെ മുഴുവൻ കട്ടുമുടിക്കാൻ ഉണ്ടാക്കിയ ഏർപ്പാടായിരുന്നു അടിയന്തരാവസ്ഥ. നീതിന്യായവ്യവസ്ഥയെ അട്ടിമറിച്ച് അധികാരം നെഹ്റുക്കുടുംബത്തിൽ ഉറപ്പിച്ച ജനാധിപത്യക്കശാപ്പ്. ഇവരാണ് പോലും ജനാധിപത്യത്തിൻറെ കാവൽക്കാർ!!! ഭ്രാന്ത് പിടിച്ച ഒരു മകൻറെ ജല്പനങ്ങൾക്ക് കൂട്ടുനിന്ന്, അവൻറെ കാൽപന്തുകളിക്ക് ഒരു രാഷ്ട്രത്തെ മുഴുവൻ വിട്ടുകൊടുത്തതാണോ ജനാധിപത്യ സംരക്ഷണം? മക്കൾക്ക് കളിപ്പാട്ടമായി രാജ്യത്തെയും പോലീസ് സംവിധാനങ്ങളെയും എല്ലാം ഇട്ടുകൊടുത്ത് രാജ്യം തന്റെ തറവാട്ടുസ്വത്താണ് എന്ന മട്ടിൽ അഹങ്കാരത്തോടെ ജനതയെ മുഴുവൻ അടിച്ചമർത്തിയതിനെയാണ് കോൺഗ്രസ് രാഷ്ട്രീയം എന്നു പറയുന്നത്. എന്നിട്ട് ഇന്ന് ജന്തർമന്ദറിലും രാജ്യത്തിൻറെ മറ്റ് ഇടങ്ങളിലും കിടന്ന് അലമുറയിട്ട് ജനാധിപത്യസംരക്ഷണം എന്നുപറയാൻ ലജ്ജയില്ലാത്തത് നെഹ്റു പാരമ്പര്യത്തിന്റെ മഹത്വംകൊണ്ടാണോ? മാനസികരോഗം വന്നാൽ മക്കളെ ആശുപത്രിയിലാക്കി ചികിത്സിക്കുകയാണ് വേണ്ടത്. അതിനുപകരം ഒരു ജനതയെ മുഴുവൻ ചവിട്ടിക്കൂട്ടുകയായിരുന്നില്ല ചെയ്യേണ്ടിയിരുന്നത്. എന്നിട്ട് ഇപ്പോൾ അതിൻറെ ന്യായീകരണങ്ങളും ഏറ്റുപറച്ചിലും എന്ന വ്യാജേന വീണ്ടും വരുന്നത് നാടിനെ രക്ഷിക്കാനോ ജനാധിപത്യവും നീതിന്യായസംവിധാനവും നിലനിർത്താനോ അല്ല. വിദേശ ചാരസംഘടനകൾക്ക് ഒറ്റുകൊടുക്കാനുള്ള ഹീനമായ രാഷ്ട്രീയമാണ്. ഏതാണ്ട് 1990കൾവരെ സോവിയറ്റ് യൂണിയൻറെ കൂലിക്കാരെപ്പോലെ ആയിരുന്നു കോൺഗ്രസ് ഭരണാധികാരികളിൽ പലരും. അവർ മേടിച്ച് കൂലിയുടെയും കുടുംബ സ്വത്ത് വർദ്ധിപ്പിച്ചതിന്റെയും കണക്കുകൾ ഒക്കെ മിത്രോഖിൻ ആർക്കൈവ്സിലൂടെ പുറത്തുവന്നിട്ടുണ്ട്. അതുകൊണ്ട് വ്യാജമായ ആരോപണങ്ങളും വിലകെട്ട മുദ്രാവാക്യങ്ങളുമായി ഇനി കോൺഗ്രസ് കുടുംബം ഭാരതീയരെ വഞ്ചിക്കാൻ പുറപ്പെടരുത്!

സർക്കാർ ഓഫീസുകളിൽ പൊതുജനസേവനം കടലാസിൽ മാത്രം; ഓൺലൈൻ സംവിധാനങ്ങൾ വന്നിട്ടും ദുരിതം മാറുന്നില്ല

സർക്കാർ ഓഫീസുകളിൽ പൊതുജനസേവനം കടലാസിൽ മാത്രം; ഓൺലൈൻ സംവിധാനങ്ങൾ വന്നിട്ടും ദുരിതം മാറുന്നില്ല

വിരൽത്തുമ്പിലെന്ന്ചാത്തന്നൂർ: തദ്ദേശ സ്വയംഭരണ സ്ഥാപനങ്ങളിലും റവന്യൂ വകുപ്പിലും സേവനങ്ങൾ കൂടുതൽ വേഗത്തിലും സുതാര്യവുമാക്കാൻ ഓൺലൈൻ സംവിധാനങ്ങൾ നടപ്പാക്കിയെങ്കിലും സാധാരണക്കാരുടെ ബുദ്ധിമുട്ടുകൾക്ക് പരിഹാരമാകുന്നില്ല. 'സേവനങ്ങൾ വിരൽത്തുമ്പിൽ' എന്ന അധികൃതരുടെ അവകാശവാദം കടലാസിൽ മാത്രമായി ഒതുങ്ങുകയാണെന്നും ആവശ്യങ്ങൾക്കായി ഇപ്പോഴും സർക്കാർ ഓഫീസുകൾ നിരന്തരം കയറിയിറങ്ങേണ്ട അവസ്ഥയാണ്.നിരവധി സേവനങ്ങൾ ഓൺലൈനായി ലഭ്യമാണെന്ന് അധികൃതർ അവകാശപ്പെടുമ്പോഴും ആവശ്യങ്ങൾക്കായി ഓഫീസുകൾ കയറിയിറങ്ങേണ്ട അവസ്ഥയിലാണ് 

പൊതുജനങ്ങൾ. ഓൺലൈൻ അപേക്ഷ സമർപ്പിച്ചിട്ടും തുടർനടപടികൾ അറിയാൻ ഓഫീസുകളെ ആശ്രയിക്കേണ്ടിവരുന്നു. അപേക്ഷകളിലെ ചെറിയ പിഴവുകൾ തിരുത്തുന്നതിനും ആവശ്യമായ രേഖകൾ സമർപ്പിക്കുന്നതിനും പലതവണ ഓഫീസിലെത്തേണ്ട സാഹചര്യമുണ്ട്. ഇന്റർനെറ്റ് സൗകര്യങ്ങൾ പരിമിതമായ ഗ്രാമീണ മേഖലയിലുള്ളവർക്കും സാങ്കേതിക പരിജ്ഞാനമില്ലാത്ത സാധാരണക്കാർക്കുമാണ് ഈ സംവിധാനം ഏറ്റവും വലിയ തിരിച്ചടിയാകുന്നത്.

റവന്യു വകുപ്പിൽ  ഭൂനികുതി അടയ്ക്കുന്നതിനുള്ള കാലതാമസം, പോക്കുവരവ് നടപടികളിലെ താമസം, വിദ്യാഭ്യാസ ആവശ്യങ്ങൾക്കുള്ള വിവിധ സർട്ടിഫിക്കറ്റുകൾ ലഭിക്കുന്നതിലെ ബുദ്ധിമുട്ടുകൾ, ഡിജിറ്റൽ സർവേയും എൻ്റെ ഭൂമി പോർട്ടലുമായി ബന്ധപ്പെട്ട പരാതികളുമാണ് ഉയരുന്നത്. തദ്ദേശ സ്വയം ഭരണസ്ഥാപനങ്ങളിൽ  പൊതുജനങ്ങൾക്ക് ആവശ്യമായ അടിസ്ഥാനസൗകര്യങ്ങൾക്കായി ജനങ്ങൾ ഗ്രാമപഞ്ചായത്ത്‌ അംഗങ്ങളുടെ പുറകെയാണ്. പൊതുജനങ്ങൾക്ക് സഹായം നൽകുന്നതിനായി വിവിധ ഓഫീസുകളിൽ ഒരുക്കിയിട്ടുള്ള ഫ്രണ്ട് ഓഫീസ് സംവിധാനങ്ങളും പലപ്പോഴും പ്രതീക്ഷിച്ച രീതിയിൽ പ്രവർത്തിക്കുന്നില്ലെന്ന പരാതികളുണ്ട്. അപേക്ഷകളുടെ നിലവിലെ സ്ഥിതി അറിയുന്നതിനും വിവിധ ആവശ്യങ്ങൾക്കായി ബന്ധപ്പെട്ട ഉദ്യോഗസ്ഥരെ കണ്ടെത്തുന്നതിനും പൊതുജനങ്ങൾ പ്രയാസപ്പെടുന്നു.

ഓൺലൈൻ സേവനങ്ങൾ നടപ്പാക്കുന്നതോടൊപ്പം അവ കാര്യക്ഷമമായി പ്രവർത്തിക്കുന്നുണ്ടെന്ന് ഉറപ്പാക്കേണ്ട ഉത്തരവാദിത്വവും ഭരണസംവിധാനത്തിനുണ്ട്. അപേക്ഷകൾ സമയബന്ധിതമായി തീർപ്പാക്കുക, പൊതുജനങ്ങൾക്ക് വ്യക്തമായ നിർദേശങ്ങൾ നൽകുക, ഓഫീസുകളിൽ സഹായകേന്ദ്രങ്ങൾ കാര്യക്ഷമമാക്കുക തുടങ്ങിയ നടപടികൾ അനിവാര്യമാണ്. സാങ്കേതികവിദ്യയുടെ പേരിൽ ജനങ്ങളെ വലയ്ക്കുന്ന രീതി അവസാനിപ്പിച്ച് സർക്കാർ സേവനങ്ങൾ യഥാർത്ഥത്തിൽ ജനസൗഹൃദമാക്കണമെന്ന ആവശ്യം ശക്തമാകുകയാണ്.

@ റവന്യൂ വകുപ്പുമായി ബന്ധപ്പെട്ട സേവനങ്ങളിലാണ് ഏറ്റവും കൂടുതൽ പരാതികൾ ഉയരുന്നത് ഓൺലൈൻ സംവിധാനം വഴി ഭൂനികുതി അടയ്ക്കുന്നതിലും പോക്കുവരവ് നടപടികൾ പൂർത്തിയാക്കുന്നതിലും വലിയ കാലതാമസമാണ് നേരിടുന്നത്

@  ഡിജിറ്റൽ സർവേയുമായി ബന്ധപ്പെട്ട പരാതികളും 'എന്റെ ഭൂമി' പോർട്ടലിലെ സാങ്കേതിക തകരാറുകളും വസ്തു ഉടമകളെ വലയ്ക്കുന്നു

@  വിദ്യാർഥികൾക്ക് ആവശ്യമായ വിവിധ സാക്ഷ്യപത്രങ്ങൾ സമയബന്ധിതമായി ലഭിക്കാത്തത് ഉപരിപഠനത്തെപ്പോലും ബാധിക്കുന്നു.

@ പൊതുജനങ്ങളെ സഹായിക്കാനായി വിവിധ ഓഫീസുകളിൽ ആരംഭിച്ച ഫ്രണ്ട് ഓഫീസ്  സംവിധാനങ്ങൾ പലയിടത്തും പേരിനു മാത്രമാണ് പ്രവർത്തിക്കുന്നത്. അപേക്ഷകളുടെ ഇപ്പോഴത്തെ സ്ഥിതി  അറിയാനോ ബന്ധപ്പെട്ട ഉദ്യോഗസ്ഥരെ കണ്ടുമുട്ടാനോ സഹായികൾ ലഭിക്കുന്നില്ലെന്ന് പരാതിയുണ്ട്.

@ അപേക്ഷകളിൽ സമയബന്ധിതമായി തീർപ്പുകൽപ്പിക്കുക.

@ സംശയനിവാരണത്തിന് വ്യക്തമായ നിർദേശങ്ങളും ഹെൽപ്പ് ലൈൻ സംവിധാനങ്ങളും ഒരുക്കുക.

@ ഓഫീസുകളിലെ സഹായകേന്ദ്രങ്ങൾ  കാര്യക്ഷമമാക്കുക.

മൂരി ലീഗേ... പോത്ത് ലീഗേ..

മൂരി ലീഗേ... പോത്ത് ലീഗേ..

യു.ഡി.എഫി ലെ രണ്ടാമത്തെ വലിയ കക്ഷിയായ മുസ്ലിംലീഗിന്റെ കാര്യത്തിൽ, പാലത്തിന് പകരം തിരഞ്ഞെടുപ്പ് ചിഹ്നമായ കോണിയാണ്. കഴിഞ്ഞ അഞ്ച് പതിറ്റാണ്ടിലേറെയായി കോൺഗ്രസ് മുന്നണിയിൽ ഉറച്ചു നിൽക്കു ന്ന മൂരിലീഗിന്റെ കോണിയിലും ചവിട്ടിക്കയറിയാണ് യു.ഡി.എഫ് 2024ലെ പാർലമെന്റ് തിരഞ്ഞെടുപ്പിൽ 20ൽ 18സീറ്റം തൂത്തുവാരിയതും, കഴിഞ്ഞ നിയമസഭാ തിരഞ്ഞെടുപ്പിൽ 102 സീറ്റോടെ അധികാരത്തിൽ വന്നതും. അഞ്ച് മന്ത്രിമാരുമായി കേരളത്തിലെ ഭരണചക്രം തിരിക്കുന്നതിൽ പ്രധാന പങ്കു വഹിക്കുന്ന മൂരിലീഗി‌ന് ലോക്സഭയിലും രാജ്യസഭയിലും എം.പിമാരുണ്ട്.

ഇതൊക്കെയാണെങ്കിലും മൂരിലീഗിനെ 

ദേശീയ തലത്തിൽ ഉയർത്തിക്കാട്ടാൻ കോ ൺഗ്രസ്നേതൃത്വത്തിന് പേടിയാണ്.

.ബി.ജെ.പി പേടി തന്നെ കാരണം. വയനാട് പാർലമെന്റ് സീറ്റിൽ രാഹുൽ ഗാന്ധിയും, തുടർന്ന് പ്രിയങ്കാഗാന്ധിയും മത്സരിച്ചപ്പോൾ ഉപയോഗിച്ച മൂരിലീഗിന്റെ പച്ചക്കൊടിയാണ് പാകിസ്ഥാന്റെ കൊടിയായി ബി.ജെ.പി ഉത്തരേന്ത്യയിൽ പ്രചരിപ്പിച്ചത്. അതിനാൽ, വയനാട്ടിൽ രാഹുൽഗാന്ധി പങ്കെടുത്ത റാലിയിൽ മൂരിലീഗിന്റെ കൊടി ഒഴിവാക്കിയതായും കേട്ടു. വോട്ടർപട്ടിക ക്രമക്കേടിൻ്റെ പേരിൽ മുഖ്യ തിരഞ്ഞെടുപ്പ് കമ്മിഷണർ ഗ്യാനേഷ് കുമാറിനെതിരെ കോൺഗ്രസ് നേതൃത്വത്തിൽ നടക്കുന്ന ഇന്ത്യ മുന്നണിയുടെ പ്രക്ഷോഭത്തിൽ മൂരിലീഗിനെ തഴയുന്നതും ബി.ജെ.പി യെ പേടിച്ചാണത്രെ.

രാഷ്ട്രപതിക്ക് നിവേദനം സമർപ്പിക്കാൻ അനുവാദം തേടിയുള്ള പ്രതിപക്ഷത്തി ന്റെ കത്തിൽ ലീഗ് നേതാവിന്റെ പേരില്ല. നിവേദനം സമർപ്പിക്കാൻ പോയ 

സംഘത്തിൽ മൂരിലീഗ് നേതാവ് ഇ.ടി.മുഹമ്മദ് ബഷീർ 

ഉൾപ്പെട്ടിരുന്നെങ്കിലും, ആദ്യത്തെ കത്തിൽ പേരില്ലാതിരുന്നതിനാൽ രാഷ്ട്രപതിഭവനി ലേക്കുള്ള പ്രവേശനം തടഞ്ഞു. പിന്നീട് 

 ഡൽഹിയിൽ പ്രതിപക്ഷം നടത്തിയ മഹാറാലിയിൽ ലീഗുകാരും പങ്കെടുത്തതാണ്. പക്ഷേ, ലീഗിന്റെ ഒരു നേതാവിനെപ്പോലും പ്രസംഗത്തിന് ക്ഷണി ക്കാൻ ഗണ്ടികോൺഗ്രസും ആർജ്ജവം കാണിച്ചില്ല. 'കാര്യം കഴിയുമ്പോൾ കമ്മാളൻ പുറത്ത്..

NB: .പാലം കടക്കുവോളം നാരായണ,പാലം കടന്നാൽ പിന്നെ കൂരായണ'.

'

പാരിപ്പള്ളി ഐ ഒ സിയിൽ സുരക്ഷാ വീഴ്ച കാർ ഇടിച്ചുകയറ്റി ഭീകരാന്തരീഷം സൃഷ്ടിച്ചു രണ്ട് പേര് അറസ്റ്റിൽ

പാരിപ്പള്ളി ഐ ഒ സിയിൽ 

സുരക്ഷാ വീഴ്ച കാർ ഇടിച്ചുകയറ്റി ഭീകരാന്തരീഷം സൃഷ്ടിച്ചു  രണ്ട് പേര് അറസ്റ്റിൽ 

ചാത്തന്നൂർ : പാരിപ്പള്ളി ഐ ഒ സി പ്ലാന്റിലേക്ക് കാർ ഇടിച്ചുകയറ്റി ഭീകരാന്തരീഷം സൃഷ്ടിച്ച രണ്ട് പേര് അറസ്റ്റിൽ.പരവൂർ  കൂനയിൽ പുലിക്കുളത്ത് കിഴക്കതിൽ വീട്ടിൽ ഷിബു രാജിന്റെ മകൻ ഷിനു രാജ് ( 28),പൂതക്കുളം ഈഴംവിള കല്ലുവിള വീട്ടിൽ 

 ശിശുപാലന്റെ മകൻ .ജയൻ (47) 

എന്നിവരെയാണ് പാരിപ്പള്ളി പോലിസ് സംഭവ സ്ഥലത്ത് നിന്നും അറസ്റ്റ് ചെയ്തത്.

കഴിഞ്ഞ വെള്ളിയാഴ്ച രാത്രി 8.30 ഓടെയാണ് സംഭവം.

അതീവ സുരക്ഷാ മേഖലയായ ഐ ഒ സി പ്ലാന്റിൽ പാചകവാതകം നിറച്ച ബുള്ളറ്റ് ടാങ്കറുകളും സിലിണ്ടറുകൾ നിറച്ച ടാങ്കർ ലോറികളും നിർത്തിയിടുന്ന മേഖലയിലേക്കാണ് കാർ ഓടിച്ചു കയറ്റിയത്. പ്ലാന്റിൽ കയറിയപ്പോൾ നിയന്ത്രണം വിട്ട കാർ ടാങ്കറുകളിൽ  ഇടിച്ചെങ്കിലുംവാതകച്ചോർച്ചയുണ്ടാകാത്തതിനാൽ വൻ ദുരന്തം ഒഴിവായി.. പാചകവാതകവുമായി പ്ലാന്റിലെത്തിയ ഇരുപതോളം ബുള്ളറ്റ് ടാങ്കറുകൾ യാർഡിൽ പാർക്ക് ചെയ്തിരിക്കെയാണ് കാർ അതിവേഗത്തിൽ സുരക്ഷാ മേഖലയിലേക്ക് പാഞ്ഞുകയറിയത്.കാർ യാർഡിൽ കയറിയുടൻ തന്നെ സെക്ക്യരിറ്റി ജീവനക്കാർ ഗേറ്റ് അടക്കുകയായിരുന്നു തുടർന്ന് നിയന്ത്രണം വിട്ട കാർ 

 പ്ലാന്റിന്റെ ഗേറ്റിലും തുടർന്ന് ടാങ്കറുകളിലും 

മതിലിലും ഇടിച്ചു അര മണിക്കൂറോളം ഭീകരാന്തരീക്ഷം സൃഷ്ടിക്കുകയായിരുന്നു അപ്പോഴേക്കും കാറിന്റെ ചില്ല് പൊട്ടി കാർ ബുള്ളറ്റ് ടാങ്കറിൽ ഇടിച്ചു നിന്നു.

കാർ ഇടിച്ചുവെങ്കിലും ടാങ്കറുകളുടെ വാൽവുകൾക്ക് കേടുപാടുകൾ സംഭവിക്കാത്തതിനാൽ പാചകവാതക ചോർച്ചയുണ്ടായില്ല. അപകടത്തെത്തുടർന്ന് പ്ലാന്റിൽ പരിഭ്രാന്തി പരന്നു അപകട സൈറൺ മുഴങ്ങി  സുരക്ഷാ ജീവനക്കാർ കാറിലുണ്ടായിരുന്നവരെ പിടികൂടി പാരിപ്പള്ളി പൊലീസിന് കൈമാറി.

സംഭവസമയത്ത് ഇവർ മദ്യലഹരിയിലായിരുന്നുവെന്ന് മെഡിക്കൽ പരിശോധനയിൽ തെളിഞ്ഞതായി 

പൊലീസ് അറിയിച്ചു തുടർന്ന് പാരിപ്പള്ളി പോലിസ് കേസെടുത്ത് പ്രതികളെ കോടതിയിൽ ഹാജരാക്കി റിമാന്റ് ചെയ്തു.

രാഷ്ട്രീയത്തിനപ്പുറം വിദ്യാഭ്യാസത്തിനും സാമൂഹിക പുരോഗതിക്കും വേണ്ടി ജീവിതം സമർപ്പിച്ച നേതാവാണ് ആർ. ശങ്കർ -ജി. സുധാകരൻ എം എൽ എ

രാഷ്ട്രീയത്തിനപ്പുറം വിദ്യാഭ്യാസത്തിനും സാമൂഹിക പുരോഗതിക്കും വേണ്ടി ജീവിതം സമർപ്പിച്ച നേതാവാണ് ആർ. ശങ്കർ - ജി. സുധാകരൻ എം എൽ എ 

ചാത്തന്നൂർ : രാഷ്ട്രീയത്തിനപ്പുറം വിദ്യാഭ്യാസത്തിനും സാമൂഹിക പുരോഗതിക്കും വേണ്ടി ജീവിതം സമർപ്പിച്ച നേതാവാണ് മുൻകേരളമുഖ്യമന്ത്രി ആർ. ശങ്കർ എന്ന് ജി. സുധാകരൻ എം എൽ എ പറഞ്ഞു ചാത്തന്നൂർ എസ് എൻ ഡി പി യൂണിയന്റെ ആർ. ശങ്കർ അനുസ്മരണ സമ്മേളനം ഉദ്ഘാടനം ചെയ്യുകയായിരുന്നു അദ്ദേഹം. മികച്ച ഭരണാധികാരി, വിദ്യാഭ്യാസ വിചക്ഷണൻ, സാമൂഹിക പരിഷ്കർത്താവ് എന്നീ നിലകളിൽ വ്യക്തിമുദ്ര പതിപ്പിച്ച ആർ. ശങ്കറിനെപ്പോലൊരു നേതാവിന്റെ അഭാവം ഇന്നും കേരള രാഷ്ട്രീയത്തിൽ പ്രകടമാണ്. കോൺഗ്രസ് പാർട്ടിയിൽനിന്നുള്ള ആദ്യ കേരള മുഖ്യമന്ത്രിയെന്ന പ്രത്യേകതയും നിയമസഭയിൽ അവിശ്വാസപ്രമേയത്തിലൂടെ അധികാരം നഷ്ടപ്പെട്ട ആദ്യ മുഖ്യമന്ത്രിയെന്ന രാഷ്ട്രീയ ചരിത്രവുമുള്ള അപൂർവ്വം നേതാക്കളിൽ ഒരാളാണ് ആർ. ശങ്കർ അദ്ദേഹത്തിന്റെ വിദ്യാഭ്യാസരംഗത്തെ സംഭാവനകളാണ് ആർ. ശങ്കറിന്റെ ഭരണകാലത്തെ പ്രധാന സവിശേഷതകളെന്നും അദ്ദേഹം പറഞ്ഞു. എസ്.എൻ.ഡി.പി യോഗത്തിന്റെ ജനറൽ സെക്രട്ടറിയായും പ്രസിഡന്റായും ദീർഘകാലം പ്രവർത്തിച്ച അദ്ദേഹം കേരളത്തിന്റെ വിവിധ ഭാഗങ്ങളിൽ നിരവധി വിദ്യാഭ്യാസ സ്ഥാപനങ്ങൾ സ്ഥാപിക്കുന്നതിന് നേതൃത്വം നൽകി. പിന്നാക്ക വിഭാഗങ്ങൾക്ക് വിദ്യാഭ്യാസ അവസരങ്ങൾ ലഭ്യമാക്കുന്നതിൽ അദ്ദേഹത്തിന്റെ ഇടപെടലുകൾ നിർണായകമായി എന്നും അദ്ദേഹം പറഞ്ഞു. വിധവകൾക്കും വയോധികർക്കും പെൻഷൻ നൽകുന്നതിനുള്ള പദ്ധതികൾ, സർക്കാർ ജീവനക്കാർക്ക് വീട്ടുവാടക അലവൻസ് അനുവദിക്കൽ തുടങ്ങിയ നടപടികളും അദ്ദേഹത്തിന്റെ ഭരണനേട്ടങ്ങളാണ്. എന്നാൽ ആർ. ശങ്കറിന്റെ രാഷ്ട്രീയ ജീവിതത്തിലെ അധികാരനഷ്ടം ഇന്നും ചർച്ച ചെയ്യപ്പെടുന്ന വിഷയമാണ് എന്നും ജി. സുധാകരൻഎം എൽ എ പറഞ്ഞു.യൂണിയൻ പ്രസിഡന്റ് ബി.ബി. ഗോപകുമാർ എംഎൽഎ ചടങ്ങിൽ അധ്യക്ഷത വഹിച്ചു.യൂണിയൻ അസിസ്റ്റന്റ് സെക്രട്ടറി കെ നടരാജൻ, വനിതാ സംഘം യൂണിയൻ പ്രസിഡന്റ് ചിത്ര മോഹൻദാസ്, സെക്രട്ടറി ബീന പ്രശാന്ത് യൂണിയൻ കൗൺസിൽ അംഗങ്ങളായ കെ. ചിത്രാഗതൻ, ആർ. ഗാന്ധി,വി.പ്രശാന്ത് എന്നിവർ സംസാരിച്ചു യൂണിയൻ സെക്രട്ടറി കെ. വിജയകുമാർ സ്വാഗതവും വൈസ് പ്രസിഡന്റ് ഡി. സജീവ് നന്ദിയും പറഞ്ഞു.

.

പാരിപ്പള്ളി മെഡിക്കൽ കോളേജ് സംഘർഷം എസ് എഫ് ഐ ജില്ലാ പ്രസിഡന്റ്‌ അറസ്റ്റിൽ

പാരിപ്പള്ളി മെഡിക്കൽ കോളേജ് സംഘർഷം എസ് എഫ് ഐ ജില്ലാ പ്രസിഡന്റ്‌ അറസ്റ്റിൽ 

ചാത്തന്നൂർ : പാരിപ്പള്ളി മെഡിക്കൽ കോളേജ് കാബസിൽ നടന്ന 

കേരള ആരോഗ്യ സർവകലാശാല ദക്ഷിണ മേഖല കലോത്സവത്തിനിടയിലുണ്ടായ സംഘർഷം എസ് എഫ് ഐ ജില്ലാ പ്രസിഡന്റ്‌ അറസ്റ്റിൽ.

എസ്എഫ്ഐ കൊല്ലം ജില്ലാ പ്രസിഡന്റ്റ് അസ്‌ലം ഷാജഹാനെയാണ് പാരിപ്പള്ളി പൊലീസ് അറസ്റ്റ് ചെയ്തു. കലോത്സത്തിന്റെ സമാപനസമ്മേളനത്തിനിടയിൽ ഉണ്ടായ 

സംഘർഷത്തിൽ തിരുവനന്തപുരം മെഡിക്കൽ കോളജിലെ 18ലധികം വിദ്യാർഥികൾക്ക് പരിക്കേറ്റിരുന്നു. എസ് എഫ് ഐ, ഡി വൈ എഫ് ഐ സിപിഎം പ്രവർത്തകരായ 24 പേർക്കെതിരെ വധശ്രമത്തിന് കേസെടുത്തിട്ടുണ്ട് 

സംഘർഷവുമായി ബന്ധപ്പെട്ട് നേരത്തെ അറസ്റ്റിലായ പ്രദേശവാസികളായ 

നാല് പ്രതികളെ കോടതി റിമാൻഡ് ചെയ്‌തിരുന്നു ഇതിന് പിന്നാലെയാണ് ഇപ്പോൾ എസ് എഫ് ഐ ജില്ലാ പ്രസിഡന്റ്‌ തന്നെ അറസ്റ്റിലായിരിക്കുന്നത് മെഡിക്കൽ കോളേജിലെ വിദ്യാർത്ഥികളെ 

 പുറത്ത് നിന്നുള്ളവർ പ്രകോപനം കൂടാതെ വിദ്യാർഥികളെ അക്രമിച്ചുവെന്നാണ് എഫ്ഐആർ. ഹോക്കി സ്റ്റിക്കും ക്രിക്കറ്റ് ബാറ്റും ഉപയോഗിച്ചായിരുന്നു അക്രമം. നടത്തിയത് എന്ന് എഫ് ഐ ആറിൽ പറയുന്നു. ഇന്നലെ കൊല്ലത്ത് നിന്നും അറസ്റ്റിലായ അസ്‌ലം ഷാജഹാനെ പാരിപ്പള്ളിയിൽ കൊണ്ട് വരാതെ വൻ പോലിസ് സന്നാഹത്തോടെ 

പരവൂർ സർക്കിൾ ഓഫിസിൽ എത്തിച്ചു കോടതിയിൽ ഹാജരാക്കി റിമാന്റ് ചെയ്യുകയായിരുന്നു.

കൊടിമൂട്ടിൽ ഭദ്രകാളി ക്ഷേത്രത്തിലെ നവീകരണ പ്രവർത്തനങ്ങൾക്ക് ഇന്ന് തുടക്കം കുറിച്ചു

കൊടിമൂട്ടിൽ  ഭദ്രകാളി ക്ഷേത്രത്തിലെ  നവീകരണ പ്രവർത്തനങ്ങൾക്ക് ഇന്ന് തുടക്കം കുറിച്ചു 

ചാത്തന്നൂർ : പാരിപ്പള്ളി കൊടിമൂട്ടിൽ  ഭദ്രകാളി ക്ഷേത്രത്തിലെ  നവീകരണ പ്രവർത്തനങ്ങൾക്ക് ഇന്ന് തുടക്കം കുറിച്ചു . സ്ഥപതി വേഴപ്പറമ്പ് പരമേശ്വരൻ നമ്പൂതിരിപ്പാടിൻ്റെ സാന്നിധ്യത്തിൽ ക്ഷേത്രശിൽപ്പി മൂവാറ്റുപുഴ ശിവൻ ആചാരി ആദ്യശിലയിൽ ഉളിക്കുത്ത് ചടങ്ങ് നടത്തി. ക്ഷേത്ര നവീകരണ യജ്ഞ സംഘാടക സമിതി ചെയർമാൻ കെ. പ്രവീൺ കുമാർ ജനറൽ കൺവീനർ ജയശ്ചന്ദ്രൻചാനൽവ്യൂ, ക്ഷേത്രയോഗം ട്രസ്റ്റ് പ്രസിഡൻ്റ് ബി. രവീന്ദ്രൻ, വൈസ് പ്രസിഡൻ്റ് എസ് പ്രസേനൻ, ട്രസ്റ്റ് സെക്രട്ടറി പ്രകാശൻ കളത്തറ, ക്ഷേത്ര മേൽ ശാന്തി ശ അനിൽ ലക്ഷ്മണൻ ശാന്തി തുടങ്ങിയവർ ചടങ്ങുകൾക്ക് നേതൃത്വം നൽകി.