നാട്ടിലിറങ്ങിയ കാട്ട് പന്നിയെ വെടിവച്ച് കൊന്നു

നാട്ടിലിറങ്ങിയ കാട്ട് പന്നിയെ വെടിവച്ച് കൊന്നു 

@കരടിയ്ക്ക് പിന്നാലെ കാട്ടുപന്നിയും പരിഭ്രാന്തരായി കാരംകോട് നിവാസികൾ 

ചാത്തന്നൂർ: രാത്രി വീട്ടുമുറ്റത്തെത്തിയ കാട്ടുപന്നിയെ നാട്ടുകാർ പിടികൂടി 

 വനപാലകരെത്തി വെടിവച്ചുകൊന്നു.

ദേശിയപാതയിൽ കാരംകോട് ശീമാട്ടി ജങ്ഷനുസമീപം ബുധനാഴ്ച രാത്രി 10.30-ഓടെയായിരുന്നു സംഭവം.

വാഹനമിടിച്ച് കാലിന് പരിക്കേറ്റ പന്നി,

ദേശിയപാതയോരത്തുള്ള 

ലളിതൻ വില്ലയിൽ കൈലാസ്‌കുമാറിന്റെ വീട്ടിലേക്കാണ് ഓടിക്കയറിയത്. തുടർന്ന് വീട്ടുമുറ്റത്തുണ്ടായിരുന്ന സാമഗ്രികൾ കുത്തിമറിയ്ക്കുകയും പൈപ്പ് ലൈനിന് തകരാറുണ്ടാക്കുകയും ചെയ്തു.

ശബ്ദംകേട്ട്  വീട്ടുകാർ 

പുറത്തിറങ്ങിയപ്പോഴാണ് കാട്ടുപന്നിയാണെന്ന് മനസ്സിലായത്. തുടർന്ന് വീട്ടുകാർ നാട്ടുകാരെ വിളിച്ചു കൂട്ടുകയും പോലീസിനെ വിവരമറിയിക്കുകയും ചെയ്യുകയും 

ഇതിനിടയിൽ നാട്ടുകാരുടെ നേതൃത്വത്തിൽ പന്നിയെ പിടിച്ചുകെട്ടി വനംവകുപ്പിൽ വിവരമറിയിച്ചു.അഞ്ചൽ ഫോറസ്റ്റ് ഡിവിഷനിലെ ഫോറസ്റ്റ് ഓഫീസർ സജുവിന്റെ നേതൃത്വത്തിലെ സംഘമെത്തിയാണ് ഉത്തരവുപ്രകാരം പന്നിയെ വെടിവച്ച് കൊന്നത്. തുടർന്ന് പ്രത്യേക വാഹനത്തിൽ

കൂട്ടിലാക്കി കൊണ്ടുപോയി. എസ് എഫ് ഒ. രാജേഷ്, റിസർവ് ഫോറസ്റ്റ് വാച്ചർ ബിജി സദാശിവൻ, അസിസ്റ്റന്റുമാരായ മനോജ്, പ്രമോദ് എന്നിവരും സംഘത്തിലുണ്ടായിരുന്നു.
ശീമാട്ടി കുരിശുംമൂടിനുസമീപം രണ്ടാഴ്ചക്കു മുൻപ് വാഹനമിടിച്ച് കാട്ടുപന്നി ചത്തിരുന്നു. കല്ലുവാതുക്കൽ

പഞ്ചായത്തിലെ വേളമാനൂരെ 

മലയോരമേഖലയിൽ കാട്ടുപന്നിശല്യം ഏറി വരുന്നതായി പരാതി നിലനിൽക്കെയാണ് കാട്ടുപന്നി നാട്ടിലിറങ്ങിയത്.കുറച്ചു നാൾ മുൻപാണ് ഇ പ്രദേശത്ത് കരടിയെ കാണുകയും ആ കരടിയെ നാവായികുളത്ത് നിന്നും പിടികൂടിയിരുന്നു.അതിന് പിന്നാലെയാണ് കാട്ടുപന്നികളെയും ഇവിടെ നിന്ന് പിടികൂടിയിരിക്കുന്നത്. ഇതോടെ പരിഭ്രാന്തിയിലാണ് നാട്ടുകാർ.

ഫോട്ടോ: നാട്ടുകാരുടെ നേതൃത്വത്തിൽ കെട്ടിയിട്ട കാട്ടുപന്നിയെ വനംവകുപ്പ് വെടിെവച്ച് കൊല്ലുന്നു.