കായലിൽ ജലനിരപ്പ് ഉയർന്നു വീടുകളിൽ വെള്ളം കയറി
@ പുനർനിർമാണം നടക്കുന്ന പരവൂർ പൊഴിക്കര ചീപ്പിന്റെ ഷട്ടറുകൾ അടഞ്ഞുകിടന്നതും, കായലിൽ മണ്ണു കയറി നിറഞ്ഞതും, കടലിലേക്ക് വെള്ളം ഒഴുകി പോകുകയും കയറുകയും ചെയ്യുന്ന ഭാഗത്ത് മണ്ണ് കയറി കര രൂപപ്പെട്ടതുമാണ് പരവൂർ കായലിൽ വെള്ളപ്പൊക്കത്തിന് കാരണമായത്. ഇത്തിക്കരയാറ്റിൽ നിന്നും വെള്ളം ക്രമാതീതമായി കായലിൽ വന്നിറങ്ങിയതും ഒരു കാരണമായി. കായലിന് അരികിലെ വീടുകളിൽ വെള്ളം കയറുന്നതറിഞ്ഞ് സ്ഥലത്തെത്തിയ കൊല്ലം തഹസീൽദാർ ശശിധരൻ പിളള, പരവൂർ വില്ലേജ് ഓഫീസർ ലിജു എന്നിവരുടെ നേതൃത്വത്തിലുള്ള റവന്യൂ സംഘം സ്ഥലത്തെത്തുകയും ഇറിഗേഷൻ വകുപ്പ് അധികൃതരെ വിവരം അറിയിക്കുകയും ചെയ്തു.വിവരമറിഞ്ഞ് സ്ഥലത്തെത്തിയ ഇറിഗേഷൻ വകുപ്പ് അസി. എക്സിക്യൂട്ടീവ് എഞ്ചിനിയർ ഗിരി ലാൽ, അസി.എഞ്ചിനിയർ ശ്രീലാൽ എന്നിവരുടെ നേതൃത്വത്തിലുള്ള സംഘം പൊഴിക്കര ചീപ്പിന്റെ മൂന്ന് ഷട്ടറുകൾ എടുത്തു മാറ്റുകയും മണ്ണുമാന്തിയന്ത്രം ഉപയോഗിച്ച് കായൽ വെള്ളം ചീപ്പ് വഴി കടലിലേക്ക് ഒഴുകുന്ന ഭാഗത്തെ മണ്ണ് നീക്കം ചെയ്യുവാൻ നടപടികൾ സ്വീകരിക്കുകയും ചെയ്തു. തഹസീൽദാർ ശശിധരൻ പിള്ള സ്ഥലത്ത് ക്യാമ്പ് ചെയ്താണ് പ്രവർത്തനങ്ങൾക്ക് നേതൃത്വം നൽകുന്നത്.
No comments:
Post a Comment