മഴയിലും കാറ്റിലും പെട്ട് വീടിന്റെ മേൽക്കൂര പൂർണമായും തകർന്നു വീണു

കൊട്ടിയം: വെളളിയാഴ്ച വൈകിട്ടുണ്ടായ മഴയിലും കാറ്റിലും പെട്ട് വീടിന്റെ മേൽക്കൂര പൂർണമായും തകർന്നു വീണു.സംഭവ സമയം വീട്ടിലുണ്ടായിരുന്ന വൃദ്ധയായ വീട്ടമ്മ പരിക്കേൽക്കാതെ രക്ഷപെട്ടു. മയ്യനാട് പഞ്ചായത്തിലെ ഇരുപതാം വാർഡിൽ ഉമയനല്ലൂരിലായിരുന്നു സംഭവം.ഉമയനല്ലൂർ ജംഗ്ഷനടുത്ത് ക്ഷേത്രം റോഡിന് സമീപം തെങ്ങുവിള വീട്ടിൽ സരസ്വതിയമ്മയുടെ വീടിന്റെ മേൽക്കൂരയാണ് തകർന്നു വീണത്. ഒരു വശത്തെമേൽക്കൂര വീഴുന്ന ശബ്ദം കേട്ട് ഇവർ പുറത്തേക്ക് ഓടി മാറിയതിനാൽ അപകടത്തിൽ നിന്നും തലനാരിഴയ്ക്ക് രക്ഷപെടുകയായിരുന്നു    

ചിത്രം: തകർന്ന വീട്.