പൊതുകിണറും കുടിവെള്ള വിതരണത്തിനുള്ള ഉപകരണങ്ങളും സംരക്ഷണമില്ലാതെ നശിക്കുന്നു

പൊതുകിണറും കുടിവെള്ള വിതരണത്തിനുള്ള ഉപകരണങ്ങളും 

സംരക്ഷണമില്ലാതെ നശിക്കുന്നു

ചാത്തന്നൂർ: പൊതുകിണറും കുടിവെള്ള വിതരണത്തിനുള്ള ഉപകരണങ്ങളും നശിക്കുന്നു തിരിഞ്ഞു നോക്കാതെ പഞ്ചായത്ത്‌ അധികൃതർ. ചാത്തന്നൂർ ഗ്രാമപഞ്ചായത്ത്‌ മാബള്ളികുന്നം വാർഡിൽ ചേനമത്ത് ക്ഷേത്രത്തിന് സമീപം നിർമ്മിച്ചിട്ടുള്ള പൊതുകിണറും അതിനോട് അനുബന്ധിച്ചു ശുദ്ധജലവിതരണത്തിനായി ലക്ഷങ്ങൾ ചിലവഴിച്ചു നിർമ്മിച്ച സോളാർ പാനലും സോളാറിൽ പ്രവർത്തിക്കുന്ന മോട്ടോർ അതിനോട് അനുബന്ധിച്ചുള്ള 

ഇലക്ട്രിക് ഉപകരണങ്ങളും സംരക്ഷണമില്ലാതെ നശിക്കുകയാണ് 

സോളാർപാനൽ പൂർണ്ണമായും നശിച്ചു കഴിഞ്ഞു മോട്ടോർ തുരുമ്പെടുത്ത് പ്രവർത്തനക്ഷമമല്ലാതെയായി 

 പൊതുജനങ്ങൾക്ക്‌ ഉപയോഗിക്കാൻ നിർമ്മിച്ച ടാങ്ക് നശീകരണപാതയിലാണ്.

സോളാർ പാനൽ വഴി മോട്ടോർ പ്രവർത്തിപ്പിക്കാനുള്ള ഇലക്ട്രിക്ക്‌ പാനൽ തൊട്ടടുത്ത പുരയിടത്തിൽ മാറ്റി വച്ചിരിക്കുകയാണ്.പൈപ്പുകളെല്ലാം അറുത്ത് മാറ്റി ഉപയോഗ ശൂന്യമായി മാറി. രൂക്ഷമായ കുടിവെള്ള ക്ഷാമം അനുഭവപ്പെടുന്ന പ്രാദേശത്ത് പൊതുജനങ്ങൾക്ക്‌ ഉപയോഗ പ്രദമായി ഉപയോഗിക്കേണ്ട പൊതുകിണറും ലക്ഷങ്ങൾ ചിലവഴിച്ചു നിർമ്മിച്ച

കുടിവെള്ള വിതരണത്തിനുള്ള ഉപകരണങ്ങളും 

സംരക്ഷണമില്ലാതെ നശിക്കുമ്പോൾ ജനങ്ങൾ കുടിവെള്ളത്തിനായി നെട്ടോട്ടമോടുകയാണ് പഞ്ചായത്ത്‌ പ്രസിഡന്റിന്റെ വാർഡ്‌ ആയിട്ട് പോലും

കുടിവെള്ള വിതരണത്തിനുള്ള ഉപകരണങ്ങൾ അറ്റകുറ്റപണികൾ നടത്തി കുടിവെള്ളവിതരണം നടത്താൻ ഇത് വരെ പഞ്ചായത്ത്‌ അധികൃതർ തയ്യാറായിട്ടില്ല. അറ്റകുറ്റപണികൾ നടത്തി കുടിവെള്ളവിതരണം പുന:സ്ഥാപിക്കണമെന്നാണ് 

നാട്ടുകാരുടെ ആവശ്യം.

ഫോട്ടോ:പൊതുകിണറും അനുബന്ധ ഉപകരണങ്ങളും