നാടൻ മബഴം എത്തുന്നില്ല ഉണർവില്ലാതെ മാബഴവിപണി

കൊല്ലം : നാടൻ മബഴം എത്തുന്നില്ല 

ഉണർവില്ലാതെ മാബഴവിപണി 

മാമ്പഴസീസൺ ആയിട്ടും വിപണിയിൽ മന്ദതയാണ് എന്ന് കച്ചവടക്കാർ പറയുന്നു. നാടൻ മാമ്പഴം ഇത്തവണ വിപണിയിൽ എത്താത്തതാണ് വിപണിയിൽ കച്ചവടം കുറയാനുള്ള കാരണം.അന്യസംസ്ഥാനങ്ങളിൽ നിന്നും വിദേശത്ത് നിന്നും മാമ്പഴം എത്തുന്ന മാമ്പഴമാണ് വിപണിയിൽ ധാരാളമായി ഉള്ളത്.അത് കൊണ്ട് തന്നെ വിലയും ഉണർന്ന് തന്നെ.

കൊറോണ മൂലം കഴിഞ്ഞ രണ്ട് വർഷം മാബഴ വിപണിയിൽ ഉണ്ടായിരുന്ന കച്ചവടക്കാർ മറ്റ് കച്ചവടങ്ങളിലേക്ക് മാറിയതും കാലം തെറ്റി വന്ന മഴയും മാങ്ങ കുറയുന്നതിന് കാരണമായി.റംസാൻ കാലമായിട്ടും മാർക്കറ്റുകളിൽ എത്തിയ മാമ്പഴം വാങ്ങാൻ പോലും ആളുകളില്ലാത്ത സ്ഥിതിയാണെന്ന് കച്ചവടക്കാർ പറയുന്നു. മഴയ്ക്ക് മുമ്പേയാണ് മാമ്പഴത്തിന്റെ പ്രധാനകച്ചവടം. ജില്ലയിൽ പുനലൂർ കൊട്ടാരക്കര, കടയ്ക്കൽ ചടയമംഗലം 

 മേഖലകളിലൊക്കെയാണ് താരതമ്യേന മാങ്ങ കൂടുതലായി ഉണ്ടാവാറുള്ളത്. മാർച്ച്, ഏപ്രിൽ, മേയ് മാസങ്ങളിലാണ് കൂടുതലായി കച്ചവടം നടക്കുന്നത്. മഴ തുടങ്ങിയാൽ മാങ്ങയ്ക്ക് പെട്ടെന്ന് പുഴുക്കുത്തുവരാൻ തുടങ്ങും. വിലയും കുറയും.കൊളമ്പി, അരിയുണ്ടൻ, കർപ്പൂര, കിളിചുണ്ടൻ  ചേലൻ, മൂവാണ്ടൻ, നീലൻ പോലുള്ള നാടൻ ഇനങ്ങൾക്ക് സാധാരണ ആവശ്യക്കാർ കൂടുതലാണ്. മാങ്ങ പാട്ടത്തിനെടുത്ത് വിൽക്കുന്നവരാണ് ഏറെയും. സ്ഥിരം പാട്ടമെടുക്കുന്നവർപോലും ഇത്തവണ കച്ചവത്തിനിറങ്ങിയില്ല. കൊവിഡായതിനാൽ മാങ്ങ പറിക്കാനും വിൽപ്പനയ്ക്കുമൊക്കെ പ്രയാസവും ഉണ്ടായി. ‘കഴിഞ്ഞവർഷം തീരെ കച്ചവടമില്ലായിരുന്നു. കൊല്ലം ടൗൺ,

കരുനാഗപ്പള്ളി 

 ഭാഗങ്ങളിലാണ് മാങ്ങ കൂടുതലായും വിറ്റിരുന്നത്. ഇത്തവണയും ഒന്നുമില്ല’ കൊല്ലം കമ്പോളത്തിലെ 

 മാമ്പഴക്കച്ചവടക്കാർ പറയുന്നു.

@ മാമ്പഴം വാങ്ങാൻ ആളില്ല

രണ്ട് വർഷം നീണ്ട് നിന്ന 

കൊവിഡും ലോക്‌ഡൗണുമെല്ലാം വിപണിയെ തകർത്തു വിപണിയുണർന്നപ്പോൾ 

ഇപ്പോൾ  മാമ്പഴം വാങ്ങാൻ ആളില്ലെന്നാണ് കച്ചവക്കാർ പറയുന്നത്.

കൊറോണ വരുന്നതിന് മുൻപ് ഉണ്ടായിരുന്ന കച്ചവടത്തിന്റെ 

പകുതിപോലും കച്ചവടമില്ല.

പട്ടണ പ്രദേശങ്ങളിൽ 

ഉന്തുവണ്ടികളിലാണ് മാമ്പഴം കൂടുതലായി വിറ്റിരുന്നത്. അത് തീരെയില്ല.ഗ്രാമപ്രദേശങ്ങളിൽ 

 നിന്നൊക്കെ നാടൻ മാമ്പഴം എത്താറുണ്ടായിരുന്നു. ‘എല്ലാദിവസവും സ്റ്റാൾ തുറക്കും. നാടനും മറുനാടനുമൊക്കെ ഉണ്ട്. പക്ഷേ കച്ചവടമില്ലെന്ന് 

വ്യാപാരികൾ പറയുന്നു..

മൂവാണ്ടൻ (60 രൂപ), അൽഫോൻസ (102), കിളിച്ചുണ്ടൻ (100), സിന്ദൂർ (69), ബംഗനപ്പള്ളി (77), സപ്പോട്ട, കല്ലാമ്മ(60)

എന്നിങ്ങനെ യായിരുന്നു കഴിഞ്ഞദിവസത്തെ (50)വില. ഏറെ രുചിയുള്ള ഗുദാദത്ത് മാമ്പഴം (102) എന്നിങ്ങനെയാണ് വില.

സഖാവ് ബൃന്ദാ സഖാത്തി കോടതിയില്‍ നിന്നുള്ള ഒരു കടലാസും പൊക്കിപ്പിടിച്ച് ഓടിവരുന്നതു കണ്ട് ഞെട്ടി ഞാൻ

നമസ്തെ 🙏

 സഖാവ് ബൃന്ദാ സഖാത്തി കോടതിയില്‍ നിന്നുള്ള ഒരു കടലാസും പൊക്കിപ്പിടിച്ച് ഓടിവരുന്നതു കണ്ട് ഞെട്ടി. കെ-റെയിലിനെതിരെയുള്ള സ്റ്റേയുമായാണോ സഖാത്തിയുടെ വരവെന്ന് ഭയന്നു നില്ക്കുമ്പോഴാണ് പുതിയ പൊളിറ്റിക്കല്‍ സെക്രട്ടറിയായ പീഡന സഖാവിന്റെ സമാശ്വാസ വാക്കുകള്‍ കേട്ടത്. ബൃന്ദ സഖാത്തി കേരളത്തിലേക്കല്ല, ജഹാംഗീര്‍ പുരിയിലേക്കാണ് ഓടുന്നത് എന്നു കേട്ടപ്പോള്‍ മുഖ്യന്‍ പിണറായി സഖാവിന് ശ്വാസം നേരെ വീണു. സഖാത്തിയുടെ കയ്യില്‍ പാര്‍ട്ടി കോണ്‍ഗ്രസ്സില്‍ വന്നപ്പോള്‍ ഉപഹാരമായി കിട്ടിയ കെ-റെയില്‍ മഞ്ഞ പെയിന്റടിച്ച കോണ്‍ക്രീറ്റ് കുറ്റി വല്ലതും ഉണ്ടോ എന്നറിയാന്‍ വിജയന്‍ സഖാവ് ചാനല്‍ വാര്‍ത്തയിലേക്ക് സൂക്ഷിച്ചു നോക്കുകയാണ്. കേരളത്തില്‍ സ്വന്തം പുരയിടത്തില്‍ സമാധാനമായി കഴിയുന്നവരെ പുറത്താക്കിക്കൊണ്ടാണ് ഇടത് സര്‍ക്കാര്‍ മഞ്ഞ കുറ്റി നാട്ടി കയ്യേറ്റം നടത്തിയത്. ഭൂമി കയ്യേറി കുറ്റി നാട്ടിയതിനെതിരെ സമരം ചെയ്തവര്‍ക്കെതിരെ പോലീസ് മര്‍ദ്ദനം അഴിച്ചുവിടുന്നു – ബൂട്ടിട്ട് ചവിട്ടലും സ്ത്രീകളെ കയ്യേറ്റം ചെയ്യലും കുട്ടികളെ ഭീകരാന്തരീക്ഷത്തില്‍ നിര്‍ത്തി മാനസികമായി പീഡിപ്പിക്കലുമൊക്കെ പച്ചക്കാണ് നടത്തിയത്. യച്ചൂരിയും ബൃന്ദയും ഭര്‍ത്താവ് പ്രകാശുമെല്ലാം വിജയന്‍ സഖാവിന്റെ, കെ-റെയിലിന്റെ പേരിലുള്ള കയ്യേറ്റത്തിനു ചുകപ്പന്‍ താത്വികപരിവേഷം നല്‍കുകയായിരുന്നു. കെ-റെയിലിന്റെ പേരില്‍ പാര്‍ട്ടി നല്‍കിയ ചെമ്പന്‍ വ്യാഖ്യാനമാണ് ജഹാംഗീര്‍ പുരിയിലെ അനധികൃത കയ്യേറ്റക്കാരുടെ കാര്യത്തിലും പാര്‍ട്ടിക്കുള്ളത്. രണ്ടു സ്ഥലത്തും വികസനത്തിന്റെ സ്വാദ് അറിയാനും അറിയിക്കാനുമുളള ത്വരയാണ് പാര്‍ട്ടിക്കുള്ളത്. അതിനകത്തെ വൈരുദ്ധ്യാത്മക ഭൗതികവാദം മനസ്സിലാവാത്തവരോട് ഒന്നേ പറയാനുള്ളു – ഈ പാര്‍ട്ടിയെക്കുറിച്ച് നിങ്ങള്‍ക്ക് ഒരു ചുക്കുമറിയില്ല.

ഏതായാലും ഹനുമാന്‍ ജയന്തി ഘോഷയാത്രയ്ക്കുനേരെ കല്ലേറും അക്രമവും ഉണ്ടായപ്പോള്‍ അവിടേക്ക് ഓടി വരണമെന്നും കുഴപ്പക്കാര്‍ക്കെതിരെ പ്രതികരിക്കണമെന്നും സഖാത്തിക്ക് തോന്നിയില്ല. ഒരു മതേതര രാഷ്ട്രീയക്കാരന്‍ പോലും കല്ലേറേറ്റവരെ ആശ്വസിപ്പിക്കാനോ മതഘോഷയാത്ര ആക്രമിച്ചവരെ തള്ളിപ്പറയാനോ തയ്യാറായില്ല. കാരണം ഘോഷയാത്രക്ക് കല്ലെറിഞ്ഞവര്‍ റോഹിംഗ്യ കുടിയേറ്റക്കാരായ മുസ്ലിങ്ങളാണ്. നാളുകള്‍ക്കകം അതേ ജഹാംഗീര്‍ പുരി ‘മതേതര’ക്കാരുടെ തീര്‍ത്ഥാടന നഗരിയായി മാറി. കോണ്‍ഗ്രസ്, ഇടത്, തൃണമൂല്‍ തുടങ്ങി ഞാഞ്ഞൂല്‍ മുതല്‍ മൂര്‍ഖന്‍ പാമ്പു വരെ എല്ലാ ഇനം മതേതരക്കാരും അങ്ങോട്ട് വണ്ടി കയറി. കാരണവും അതു തന്നെ – ജഹാംഗീര്‍ പുരി റോഹിംഗ്യന്‍ മുസ്ലിങ്ങളുടെ കയ്യേറ്റ കേന്ദ്രമാണ്. കെ-റെയില്‍ കയ്യേറ്റം കേരളത്തിലെ ഇടതുസര്‍ക്കാര്‍ നടത്തിയപ്പോള്‍ കുറ്റി നാട്ടിയ മണ്ണിന്റെ ഉടമസ്ഥന് ഒരു കടലാസും നല്‍കിയിരുന്നില്ല. അവരുടെ ഭൂമിക്കും പരിസര പ്രദേശത്തും ബാങ്ക് വായ്പ പോലും കിട്ടാത്ത അവസ്ഥ ഉണ്ടായിട്ടും വികസനത്തിന്റെ സ്വാദ് ആസ്വദിക്കാത്തവര്‍ എന്ന് അവരെ അധിക്ഷേപിക്കുകയാണ് മുഖ്യന്‍ ചെയ്തത്. അന്യന്റെ സ്വത്തില്‍ അധികാരത്തിന്റെ തിണ്ണബലത്തില്‍ കയ്യേറ്റം നടത്തുന്ന കേരള നയം ശരി. അതുപോലെ ജഹാംഗീര്‍ പുരിയില്‍ പൊതുസ്ഥലം കയ്യേറി മതത്തിന്റെ തിണ്ണബലത്തില്‍ മറ്റുള്ളവരുടെ മതസ്വാതന്ത്രവും സഞ്ചാര സ്വാതന്ത്ര്യവും തട്ടിത്തെറിപ്പിക്കുന്നതും ശരി. അതായത് ബൃന്ദാ സഖാത്തിയുടെ പാര്‍ട്ടി കയ്യേറ്റക്കാര്‍ക്കൊപ്പമാണ് – കേരളത്തിലായാലും ദല്‍ഹിയിലായാലും

ആർ.ശങ്കർ; ചരിത്രത്തിൽ മഹാമുദ്ര പതിപ്പിച്ച ധിഷണാശാലി

ആർ.ശങ്കർ; ചരിത്രത്തിൽ മഹാമുദ്ര പതിപ്പിച്ച ധിഷണാശാലി 

ആർ.ശങ്കറിന്റെ113-ാം ജന്മദിനം ഇന്ന്.

ധിഷണാശക്തിയും ഭാവനയും കർമ്മ കുശലതയും കൊണ്ട് ആധുനിക കേരള ചരിത്രത്തിൽ മഹാമുദ്ര പതിപ്പിച്ച മഹാനായ ആർ.ശങ്കറിന്റെ സ്മരണ ജ്വലിക്കുന്ന 113ാം ജന്മദിനമാണിത്.

'സംഘടനകൊണ്ട് ശക്തരാകുക, വിദ്യകൊണ്ട് സ്വതന്ത്രരാകുക' എന്ന ഗുരുദേവ സൂക്തങ്ങൾ ജീവിതദർശനമാക്കി,​ പിന്തള്ളപ്പെട്ട വലിയൊരു ജനസമൂഹത്തിന് അറിവിന്റെ വെളിച്ചവും കരുത്തുറ്റഭരണത്തിലൂടെ എന്നും നിലനിൽക്കുന്ന ഒട്ടേറെ സംഭാവനകളും കാഴ്ചവച്ച ധിഷണാശാലി. കൃതജ്ഞതാ നിർഭരമായി നമുക്കദ്ദേഹത്തെ നമിക്കാം.

അദ്ധ്യാപകൻ, അഭിഭാഷകൻ, കരുത്തനായ രാഷ്ട്രീയ - സാമൂഹ്യനേതാവ്, വിദ്യാഭ്യാസവിചക്ഷണൻ, ഭരണാധികാരി, വാഗ്മി തുടങ്ങിയ വിശേഷണങ്ങൾക്ക് അനുയോജ്യനായ അപൂർവവ്യക്തിത്വം.

മുഖ്യമന്ത്രിയെന്ന നിലയിൽ മാത്രമല്ല എസ്.എൻ.ഡി.പിയോഗം ജനറൽ സെക്രട്ടറി, സ്​റ്റേ​റ്റ് കോൺഗ്രസിന്റെ പ്രസിഡന്റ് എന്നീ സ്ഥാനങ്ങളിലിരുന്നപ്പോഴും ആർ.ശങ്കറിന്റെ സംഭാവനകൾ നിസ്തുലമാണ്.

'കെട്ടുതേങ്ങയും പിടിയരിയും ' മൂലധനമാക്കി ആർ.ശങ്കർ പടുത്തുയർത്തിയത് കൊല്ലം എസ്.എൻ.കോളേജ് മാത്രമല്ല, പിന്നാക്കക്കാരെ കൈപിടിച്ചുയർത്തിയ വലിയൊരു വിദ്യാഭ്യാസശൃംഖലയാണ്.

1938 ൽ സ്​റ്റേ​റ്റ് കോൺഗ്രസിന്റെ നിയമനിഷേധ സമരത്തിൽ പങ്കെടുത്ത് ജയിലിലാകുമ്പോൾ ആർ.ശങ്കറിന് മുപ്പത് വയസ് ! സെൻട്രൽ ജയിലിൽ സഹതടവുകാരനായിരുന്ന പത്രാധിപർ കെ.സുകുമാരൻ ആർ.ശങ്കറിന്റെ ഗാംഭീര്യത്തെക്കുറിച്ച് ഇങ്ങനെയെഴുതി - ''അരോഗദൃഢഗാത്രനായിരുന്ന ആ യുവകോമളൻ എല്ലാവരുടെയും ശ്രദ്ധയാകർഷിച്ചിരുന്നു. പ്രഭാതവേളകളിൽ കുളികഴിഞ്ഞ് ജയിൽ വസ്ത്രങ്ങളണിഞ്ഞ് വട്ടത്തൊപ്പിയും വെച്ച് ജയിൽ പുള്ളികളുടെ നമ്പർ കൊത്തിയ ബന്തിങ്ങ ചരടിൽ കോർത്ത് നെഞ്ചത്തണിഞ്ഞ് ഒരുകൈയിൽ കുശച്ചട്ടിയും മറുകൈയിൽ കൊച്ചട്ടിയുമായി കഞ്ഞി വാങ്ങാൻ രാജപ്രൗഢിയോടെ,തലയെടുപ്പോടു കൂടി ശങ്കർ നടന്നുനീങ്ങുന്ന കാഴ്ച ഒന്ന് കാണേണ്ടതായിരുന്നു''

1959 ൽ ആർ.ശങ്കർ കെ.പി.സി.സി. പ്രസിഡന്റാകാനിടയായ സാഹചര്യവും അദ്ദേഹത്തിന്റെ പ്രവർത്തനശൈലിയും ഇന്നത്തെ കോൺഗ്രസ് നേതാക്കൾ ഹൃദിസ്ഥമാക്കേണ്ടതാണ്. അവിഭക്ത കമ്മ്യൂണിസ്​റ്റ് പാർട്ടി ഭരിക്കുമ്പോൾ സംഘടനാശക്തി ക്ഷയിച്ച് നാഥനില്ലാത്ത അവസ്ഥയിലായിരുന്നു കോൺഗ്രസ്. വാർഡ്, മണ്ഡലം കമ്മി​റ്റികൾ ശിഥിലമായിരുന്നു. സംസ്ഥാനമാകെ കമ്മി​റ്റികൾ പുന:സംഘടിപ്പിക്കാൻ എൺപത് ഫുൾടൈം പ്രവർത്തകരെ ആർ.ശങ്കർ നിയമിച്ചു. മ​റ്റ് രാഷ്ട്രീയകക്ഷികളുമായി ഐക്യമുണ്ടാക്കാൻ നീക്കം തുടങ്ങി. കോൺഗ്രസിന് അധികാരത്തിലേക്ക് മടങ്ങിവരാൻ വഴിയൊരുക്കിയ ഐക്യമുന്നണി സംവിധാനം ആവിഷ്‌കരിച്ചത് ആർ.ശങ്കറാണ്. അദ്ദേഹത്തെ ഉചിതമായി സ്മരിക്കാൻ കോൺഗ്രസ് നേതാക്കൾ തയ്യാറാവുന്നുണ്ടോ?​.

ആർ.ശങ്കർ ധനകാര്യമന്ത്രിയായിരുന്നപ്പോഴാണ് ഇന്ത്യയിലാദ്യമായി വിധവാപെൻഷനും വാർദ്ധക്യപെൻഷനും ഏർപ്പെടുത്തിയത്. ജീവനക്കാർക്ക് വീട്ടുവാടക അലവൻസ് അനുവദിച്ചതും അദ്ദേഹത്തിന്റെ കാലത്തായിരുന്നു.ആർ.ശങ്കറിന്റെ ക്രാന്തദർശിത്വം സർവകലാശാലകളിൽ വലിയ പരിഷ്‌കാരങ്ങൾക്ക് വഴിവെച്ചു. ബിരുദ കോഴ്‌സിന് വിദ്യാർത്ഥികളെ പ്രവേശിപ്പിക്കാൻ,​ അശാസ്ത്രീയമായ പ്രീ - യൂണിവേഴ്‌സി​റ്റി കോഴ്‌സ് എടുത്തുമാ​റ്റി രണ്ടുകൊല്ലത്തെ പ്രീഡിഗ്രി കോഴ്‌സ് കൊണ്ടുവന്നത് ആർ.ശങ്കറാണ്. സംസ്‌കൃതവിദ്യാഭ്യാസം സർവകലാശാലതലത്തിൽ ഉൾക്കൊള്ളിച്ചതും സംസ്‌കൃതാദ്ധ്യാപകർക്ക് ഇതര അദ്ധ്യാപകരുടെ പദവി നൽകിയതും അദ്ദേഹത്തിന്റെ ഭരണകാലത്താണ്.

1944 ഡിസംബർ 20 ന് എസ്.എൻ.ഡി.പി യോഗം ജനറൽ സെക്രട്ടറിയായി തിരഞ്ഞെടുക്കപ്പെട്ട ശങ്കറിനെ സമുദായത്തിന്റെ വിദ്യാഭ്യാസ പിന്നാക്കാവസ്ഥ ഏറെ അലട്ടി. 1941ലെ സെൻസസ് റിപ്പോർട്ട് പ്രകാരം ഈഴവസമുദായത്തിൽ നിന്ന് ഉന്നതവിദ്യാഭ്യാസം നേടുന്നത് 499 വിദ്യാർത്ഥികൾ മാത്രമായിരുന്നു. സമുദായാംഗങ്ങൾക്ക് ഉന്നതവിദ്യാഭ്യാസമില്ലെന്ന കാരണത്താൽ ഉദ്യോഗങ്ങൾ നിഷേധിക്കപ്പെട്ടു.

ഈഴവരാദി ജനവിഭാഗങ്ങളുടെ ദയനീയാവസ്ഥ എസ്.എൻ.ഡി.പി യോഗത്തിന്റെ വാർഷികസമ്മേളനത്തിൽ ആർ.ശങ്കർ ചൂണ്ടിക്കാട്ടി. കൊല്ലത്ത് ഒന്നാംഗ്രേഡ് കോളേജ് സ്ഥാപിക്കാനുള്ള ശങ്കറിന്റെ ശ്രമഫലമായി കോളേജ് സ്ഥാപിക്കാൻ സർക്കാർ 27 ഏക്കർ 10 സെന്റ് ഭൂമി ദീർഘകാല പാട്ടവ്യവസ്ഥയിൽ അനുവദിച്ചെങ്കിലും കോളേജ് സ്ഥാപിക്കാൻ 15 ലക്ഷം രൂപ കണ്ടെത്തുക അസാദ്ധ്യമായിരുന്നു. പാവങ്ങളുടെയും പണക്കാരുടെയും വീട്ടിൽ അദ്ദേഹം നേരിട്ടെത്തി സംഭാവന ചോദിച്ചു. പാവപ്പെട്ടവരിൽനിന്ന് അരിയും ഭക്ഷ്യസാധനങ്ങളും വാങ്ങി. കൊല്ലം എസ്.എൻ. കോളേജിന്റെ പിറവി കേരളത്തിന്റെ സാമൂഹ്യവിദ്യാഭ്യാസ മേഖലയിൽ വലിയ ചലനങ്ങൾ സൃഷ്ടിച്ചു. വലിയൊരു കുതിച്ചുചാട്ടത്തിന് വഴിയൊരുക്കി 13 ഉന്നതവിദ്യാഭ്യാസ സ്ഥാപനങ്ങളും മൂന്ന് സ്‌കൂളുകളും അക്കാലത്ത് സ്ഥാപിക്കപ്പെട്ടു. ആതുരസേവന രംഗത്തേക്കുള്ള കാൽവയ്പ്പായി ശങ്കേഴ്‌സ് ഹോസ്പി​റ്റലും.

സ്വന്തം സമുദായത്തിന് ഉന്നതവിദ്യാഭ്യാസ സ്ഥാപനങ്ങൾ വാരിക്കോരി നൽകിയെന്ന ആരോപണത്തെത്തുടർന്ന് മ​റ്റു സമുദായങ്ങൾക്കുണ്ടായ നീരസമായിരുന്നു അദ്ദേഹത്തിന് മുഖ്യമന്ത്രിക്കസേര നഷ്‌ടമാകാൻ കാരണം.

കഴിഞ്ഞ കാൽനൂ​റ്റാണ്ടിനുള്ളിൽ 23 കോളേജുകളും 28 സ്‌കൂളുകളും കൂടി സമുദായത്തിന് കൈവന്നെങ്കിലും മാറിമാറി വരുന്ന മന്ത്രിസഭകളും വോട്ടുബാങ്ക് ലക്ഷ്യമാക്കി ആനുകൂല്യങ്ങൾ വാരിക്കോരി നൽകുന്ന രാഷ്ട്രീയ നേതൃത്വവും പുറംതിരിഞ്ഞ് നിന്നതിനാൽ പിന്നാക്കക്കാരുടെ അവസ്ഥ ഇന്നും മെച്ചമല്ല. പലപ്പോഴും സമ്പത്തിന്റെ കുറവുകൊണ്ട് നമ്മുടെ കുട്ടികൾക്ക് പഠിക്കാൻ കഴിയുന്നില്ല. മറ്റു സമുദായങ്ങൾക്ക് പഠിക്കാനും പഠിപ്പിക്കാനുമുള്ള സ്ഥാപനങ്ങളുണ്ട്. ചില സമുദായങ്ങൾക്ക് സർക്കാരിനുള്ളതിനെക്കാൾ മൂന്നിരട്ടി സ്ഥാപനങ്ങളുണ്ട്. ന്യൂനപക്ഷങ്ങൾക്കും പിന്നാക്കക്കാരിലെ പിന്നാക്കക്കാർക്കും പരിവർത്തിത ക്രിസ്ത്യാനികൾക്കും സ്‌കോളർഷിപ്പുണ്ട്. ഈഴവ വിഭാഗത്തിന് ഒരു സ്‌കോളർഷിപ്പുമില്ല. സർക്കാർ എയ്ഡഡ് കോളേജുകളും ബാച്ചുകളും തരാതിരുന്നപ്പോൾ നമ്മൾ സ്വാശ്രയകോളേജ് തുടങ്ങി. എന്നാൽ ഫീസുകൊടുത്ത് പഠിക്കാൻ പണമില്ലാത്തവർ വിദ്യാഭ്യാസരംഗത്ത് നിന്നും ഒഴിഞ്ഞുമാറുകയാണ്.

1965ലെ നിയമസഭാ തിരഞ്ഞെടുപ്പിൽ ആ​റ്റിങ്ങലിൽനിന്ന് മത്സരിച്ചപ്പോഴും 67ൽ പാർലമെന്റ് തിരഞ്ഞെടുപ്പിൽ ചിറയിൻകീഴിൽ നിന്ന് മത്സരിക്കാനൊരുങ്ങിയപ്പോഴും സവർണന്യൂനപക്ഷ ലോബി സംഘടിതമായി ആർ.ശങ്കറെ ആക്രമിച്ചു.

എസ്.എൻ.കോളേജ് സ്ഥാപിക്കാൻ കൊല്ലം കന്റോൺമെന്റ് മൈതാനത്തോട് ചേർന്നുള്ള ഭൂമി പാട്ടത്തിന് ലഭിക്കാൻ ദിവാനായിരുന്ന സർ സി.പി.യെ നേരിൽക്കണ്ടത് വലിയ അപരാധമായി സമുദായത്തിലെ ചിലർ ചിത്രീകരിച്ചു. സർ.സി.പി.യുടെ 'ചെരുപ്പ് നക്കി'യെന്ന് വിളിച്ച് ചില അധമന്മാർ അദ്ദേഹത്തെ ആക്ഷേപിച്ചു.

സമുദായാംഗങ്ങളുടെ ഉന്നമനത്തിനുള്ള പ്രവർത്തനങ്ങൾ തകർക്കാൻ യോഗനേതൃത്വത്തിനെതിരെ ഇപ്പോൾ നടക്കുന്നതുപോലെ നുണക്കഥകളും കഴമ്പില്ലാത്ത ആരോപണങ്ങളും ഉന്നയിച്ച് ആ മഹാനെ തളർത്താൻ ശ്രമമുണ്ടായി. കോളേജിന്റെ നേട്ടം ധനികർക്ക് മാത്രമായിരിക്കുമെന്ന് ദുഷ്പ്രചരണം നടത്തി. കോളേജിന് വേണ്ടിയുള്ള ഉത്‌പന്നപിരിവ് പൊളിക്കാനും സമുദായത്തിനുള്ളിൽ നിന്നുതന്നെ ശ്രമമുണ്ടായി.

ദുഷ്ടശക്തികളുടെ എതിർപ്പുകൾ ആർ.ശങ്കർ വകവെച്ചില്ല.1954ൽ യോഗത്തിന്റെ 51ാം വാർഷിക റിപ്പോർട്ടിൽ അദ്ദേഹം പറഞ്ഞു. ''യോഗത്തിന്റെ സുദീർഘമായ ചരിത്രം പരിശോധിച്ചാൽ സംഘടനയെയും യോഗം പ്രവർത്തനങ്ങളെയും പ​റ്റി ആക്ഷേപം പുറപ്പെടുവിച്ചവർ എല്ലാക്കാലത്തും ഉണ്ടായിരുന്നെന്ന് കാണാം. ഗുരുവിന്റെ മഹാസന്ദേശങ്ങൾ പ്രവൃത്തിയിൽ കൊണ്ടുവരുന്നതിനായി വമ്പിച്ച പ്രതിബന്ധങ്ങളോട് പടവെട്ടി സഹോദരപ്രസ്ഥാനവുമായി മുന്നിട്ടിറങ്ങിയ ശ്രീ കെ.അയ്യപ്പന് സഹിക്കേണ്ടിവന്ന ആക്ഷേപങ്ങളും അവഹേളനങ്ങളും എത്ര ഭയങ്കരമായിരുന്നു. സഞ്ചാരസ്വാതന്ത്ര്യവും ക്ഷേത്രപ്രവേശനവും സമ്പാദിക്കുന്നതിനായി ശ്രീ.ടി.കെ.മാധവന്റെ നേതൃത്വത്തിൽ സംഘടിപ്പിക്കപ്പെട്ട പ്രക്ഷോഭങ്ങൾ പല സമുദായ പ്രമാണിമാരുടെയും നിശിതമായ വിമർശനങ്ങൾക്കും എതിർപ്പുകൾക്കും വിധേയമായി. രാഷ്ട്രീയ സ്വാതന്ത്ര്യപ്രാപ്തിക്കായി ശ്രീ.സി.കേശവന്റെ നേതൃത്വത്തിൽ യോഗം നിവർത്തനപ്രക്ഷോഭത്തിൽ പങ്കെടുത്ത കാലത്തും ഇതുപോലുള്ള വമ്പിച്ച എതിർപ്പുകളും വിമർശനങ്ങളുമുണ്ടായിട്ടുണ്ട്. സ്വാർത്ഥമാത്ര പ്രേരിതങ്ങളായിരുന്ന എതിർപ്പുകളെ യോഗവും നേതാക്കളും എല്ലാക്കാലത്തും അതിജീവിച്ചിട്ടുണ്ടെന്നും നാം മറന്നുകൂടാ''.

നിക്ഷിപ്തതാത്‌പര്യക്കാരുടെ സംഘടിത ആക്രമണം നിരന്തരമായി നേരിട്ടാണ് നിലവിലെ യോഗനേതൃത്വം രജതജൂബിലിയിലേക്ക് കടന്നത്.എതിർപ്പുകളെ അതിജീവിച്ച് സമുദായത്തിന് ആത്മാഭിമാനം പകരാനും വിദ്യാഭ്യാസരംഗത്ത് നേട്ടങ്ങൾ കൈവരിക്കാനും സമാനതകളില്ലാത്ത ക്ഷേമപ്രവർത്തനങ്ങളുമായി മുന്നോട്ടുപോകാനും കഴിഞ്ഞതിന് പിന്നിൽ മഹാനായ ആർ.ശങ്കറുടെ വാക്കുകൾ പകർന്ന ആത്മവിശ്വാസവും ആത്മ ധൈര്യവുമാണുള്ളത്.

ഇഷ്ടികക്കമ്പനികൾ വിടവാങ്ങുന്നു

ഇഷ്ടികക്കമ്പനികൾ വിടവാങ്ങുന്നു

കൊല്ലം :  കൊല്ലത്തിന്റെ പരമ്പരാഗത വ്യവസായ മേഖലയുടെ നട്ടെല്ല് ആയിരുന്ന 

ഇഷ്ടിക കമ്പനികൾ മൺമറയുന്ന കാഴ്ചയാണ് കണ്ട് കൊണ്ടിരിക്കുന്നത്.

1990മുതൽ ഇങ്ങോട്ട് 2010വരെ

 ഇഷ്ടികക്കമ്പനികളുടെ സുവർണകാലമായിരുന്നു.ലൈസൻസ് ഉള്ളതും ഇല്ലാത്തതുമായ 

നൂറ് കണക്കിന് ഇഷ്ടിക കമ്പനികളാണ് ജില്ലയിൽ ഉണ്ടായിരുന്നത്.

പതിനായിരകണക്കിന് 

കുടുംബങ്ങൾ നേരിട്ടും ഇരട്ടിയിലധികം കുടുംബങ്ങൾ പരോക്ഷമായും ഈ വ്യവസായത്തെ ആശ്രയിച്ചുകഴിഞ്ഞിരുന്നു. ഗ്രാമങ്ങളിൽ പലഭാഗങ്ങളിലായി ഭൂമി വാടകയ്ക്കെടുത്ത് വയലിൽവെച്ചുതന്നെ ഇഷ്ടിക നിർമിക്കുന്നതും വ്യാപകമായി ഉണ്ടായിരുന്നു ഹോളോബ്രിക്സ് കമ്പനികളുടെ വരവ് 

ഇഷ്ടിക കമ്പനികളുടെ നടുവൊടിച്ചു കൂടാതെ കളിമൺക്ഷാമവും ഇഷ്ടികനിർമാണമേഖലയുടെ തകർച്ചയ്ക്ക് പ്രധാനകാരണമായി. പലകമ്പനികളും ഇപ്പോൾ പ്രവർത്തിക്കുന്നത് ഇതരസംസ്ഥാനങ്ങളിൽനിന്ന് കളിമൺ ഇറക്കുമതിചെയ്താണ്‌. ഇത് നഷ്ടത്തിനിടയാക്കുന്നു. ഡാമുകളിൽ അടിഞ്ഞുകൂടിയ ചെളിയുപയോഗിച്ച് ഇഷ്ടിക നിർമിക്കാനുള്ള പദ്ധതിയുണ്ടെങ്കിലും അധികൃതരുടെ ഭാഗത്തുനിന്ന് ഇതുവരെയായും യാതൊരു നടപടിയും ഉണ്ടായിട്ടില്ല.

ഓട്ടുകമ്പനികൾ മിഴിപൂട്ടിയതുപോലെ പതിയെ ഇഷ്ടികക്കമ്പനികളും അരങ്ങൊഴിഞ്ഞുതുടങ്ങി. ഇന്ന് ജില്ലയിൽ വിരലിൽ എണ്ണാവുന്ന 

കമ്പനികളാണുള്ളത്. 

അതിൽപലതും പൂട്ടലിന്റെ വക്കിലും. മൊത്തം തൊഴിലാളികളുടെ എണ്ണം നിലവിൽ 500ൽ താഴെ അതും അന്യസംസ്ഥാന തൊഴിലാളികളും. ഭിത്തി കെട്ടാൻ വെട്ടുകല്ലും ചുടുകട്ടയും മാത്രമായിരുന്ന കാലം മാറി. വിവിധ കമ്പനികൾ വ്യത്യസ്ത തരത്തിലുള്ള കട്ടകൾ വിപണിയിലെത്തിക്കുന്നുണ്ട്. വീടിന്റെ നട്ടെല്ലാണ് ഭിത്തികൾ. ചെലവ് കുറവ് മാത്രം നോക്കിയല്ല കട്ട തിരഞ്ഞെടുക്കേണ്ടത് എന്ന് ഇഷ്ടിക നിർമ്മാണ കമ്പനി ഉടമകൾ പറയുന്നു.

@ ഇഷ്ടികനിർമാണം

വീടിന്റെ നട്ടെല്ലാണ് ഭിത്തികൾ. ചെലവ് കുറവ് മാത്രം നോക്കിയല്ല കട്ട തിരഞ്ഞെടുക്കേണ്ടത് എന്നത് കൊണ്ട് തന്നെ ചുടുകട്ടയ്ക്ക് ഇപ്പോഴും പ്രിയമേറുന്നു.

കളിമണ്ണ് പാകപ്പെടുത്തി യന്ത്രമുപയോഗിച്ച് 22 സെൻറിമീറ്റർ നീളത്തിൽ മുറിച്ചെടുക്കുന്നു. തുടർന്ന് നീര് വാർന്നശേഷം ചൂളയിൽ ചുട്ടെടുക്കുന്നു. ഒരു ഇഷ്ടിക തയ്യാറാകാൻ പന്ത്രണ്ടുദിവസമെടുക്കും. സിമൻറുകട്ടകളെ അപേക്ഷിച്ച് താപം വഹിക്കാനുള്ള കഴിവാണ് ഇഷ്ടികയ്ക്കുള്ള പ്രധാന ഗുണം. ഒപ്പം തണുപ്പം.ഇപ്പോൾ ഭിത്തി കെട്ടാൻ വെട്ടുകല്ലും ചുടുകട്ടയും മാത്രമായിരുന്ന കാലം മാറി. വിവിധ കമ്പനികൾ വ്യത്യസ്ത തരത്തിലുള്ള കട്ടകൾ വിപണിയിലെത്തിക്കുന്നുണ്ട്.

@ ഇന്റർലോക്ക് കട്ടകളുടെ വരവ് 

ഇഷ്ടികയും ഹോളോബ്രിക്സ് കട്ടകളും ഇപ്പോൾ ഇന്റർലോക്ക്‌ കട്ടകൾക്ക് വഴി മാറി ഇപ്പോൾ കെട്ടിട നിര്‍മാണത്തിൽ സമയലാഭത്തിനായി ഇന്റർ ലോക് കട്ടകൾക്ക് പ്രിയമായി. ഇ കട്ടകൾ ലോക് ചെയ്ത് അടുക്കി വച്ച് ഭിത്തി വേഗത്തിൽ കെട്ടിത്തീർക്കാം. മണ്ണിലും സിമന്റിലുമായി ഇന്റർലോക് ബ്ലോക്കുകൾ വിപണിയിലുണ്ട്. മണലും സിമന്റും ഒട്ടും വേണ്ട. ഒറ്റനില വീടുകൾക്കും. മുകളിൽ ഒരു നിലകൂടി പണിയാൻ തുടങ്ങുന്നവർക്കും അഭികാമ്യം. മണ്ണിന്റെ ഇന്റർലോക് കട്ടകൾ മഴ തട്ടുന്നത് ഭിത്തി പോടിഞ്ഞ് ഇളകാൻ കാരണമാകും. അത് പ്ലാസ്റ്ററിങ് നിർബന്ധമാക്കുന്നു. ചെലവ് കുറച്ച് വീട് പണിയുന്നവർ ഇന്റർ ലോക്ക് കട്ടകളെ ആശ്രയിക്കുന്നു.

@ വെട്ട് കല്ല് കിട്ടാനില്ല

ഭൂമിയിൽ ഉറപ്പുള്ള സ്ഥലങ്ങളിൽ നിന്നും വെട്ടിയെടുക്കുന്ന വെട്ട് കല്ല്  സർക്കാർ നിയമങ്ങൾ കടുപ്പിച്ചതോടെ മൺമറഞ്ഞു പോകുകയാണ്.

കഴിഞ്ഞ പതിനഞ്ച് വർഷമായി വിപണി കീഴടക്കിയവനാണ് സിമന്റ് ബ്ലോക്ക്/ സോളിഡ് കോൺക്രീറ്റ് ബ്ലോക്ക്. വെട്ടുകല്ലിനെ അപേക്ഷിച്ച് എപ്പോഴും ലഭ്യമാണ് എന്ന ഒറ്റക്കാരണം കൊണ്ടു തന്നെ വെട്ടുകല്ലിന് പകരക്കാരനായി രംഗപ്രവേശനം ചെയ്തു. ഉൾഭാഗം പൊള്ളയായ കോൺക്രീറ്റ് ഹോളോ ബ്ലോക്കും വിപണിയിലുണ്ട്.

റോഡ് കയ്യേറി ഫ്രൂട്സ് വ്യാപാരം യാത്രകാർക്ക് ഭീഷണിയായി മാറുന്നു.

റോഡ് കയ്യേറി ഫ്രൂട്സ് വ്യാപാരം യാത്രകാർക്ക് ഭീഷണിയായി മാറുന്നു.

കൊട്ടിയം: കൊട്ടിയം ജംഗഷനിൽ ദേശിയ പാതയോരത്ത് റോഡ് കയ്യേറി ഫ്രൂട്സ് വ്യാപാരം യാത്രകാർക്ക് ഭീഷണിയായി മാറുന്നു.ദേശീയപാതയുടെ വടക്ക് ഭാഗത്ത്  തിരുവനന്തപുരം

ഭാഗത്തേക്ക് പോകേണ്ട ബസുകൾ നിർത്താൻ നാഷണൽ ഹൈവേ ബസ് ബേയ്ക്കായി സ്ഥാപിച്ചിരിക്കുന്ന സ്ഥലം കൈയ്യേറിയാണ് ഫ്രൂട്സ് വ്യാപാരം നടത്തുന്നത്. റോഡ് സൈഡിൽ ട്രാഫിക്കിനായി ഉപയോഗിക്കുന്ന

 പോലിസിൻ്റെ ബാരിക്കേഡുകളും

ബൈക്കുകൾ നിരത്തിവച്ച് കൊണ്ടാണ് 

ഫ്രൂട്ട്സ്സ് വ്യാപാര സ്ഥാപനത്തിൻ്റെ റോഡ്  കൈയ്യേറ്റം. തിരുവനന്തപുരം ഭാഗത്തേക്ക് ഭാഗത്തേക്ക് പോകുന്ന ഫാസ്റ്റ് സൂപ്പർഫാസ്റ്റ് ഓർഡിനറി ബസുകൾ കൂടാതെ അഞ്ചൽ, ചാത്തന്നൂർ, ഓയൂർ, പരവൂർ ഭാഗത്തേക്ക് പോകുന്ന ബസുകളും കൂടാതെ സിറ്റി സർവീസ് ബസുകളും അടക്കം നൂറ് കണക്കിന് ബസുകൾ ദിവസവും വന്ന് പോകുന്ന ഇവിടെ ഒരേ സമയം അഞ്ചും ആറും ബസുകൾ യാത്രക്കാരെ കയറ്റിയിറക്കുന്ന സ്ഥലമാണിത്.

ഫാസ്റ്റ് സൂപ്പർഫാസ്റ്റകൾ അനേകം സ്ഥലങ്ങളിലേക്ക് പോകേണ്ട കെ.എസ് ' ആർ 'ടി സി, സ്വകാര്യ ബസുകളാണ് മിനിറ്റുകളുടെ വ്യത്യസത്തിൽ ഇവിടെ വന്ന് പോകുന്നത്. ഇവിടെയാണ് 

ബൈക്കുകളും പ്ലാസ്റ്റിക് ബാസ്കറ്റുകളും ഉപയോഗിച്ച് തടസങ്ങൾ സൃഷ്ടിച്ചു കൊണ്ട് കച്ചവടം നടത്തുന്നത്.ഇത് മൂലം 

ബസുകൾ ഒതുക്കി നിർത്താനും ആളിനെയിറക്കാനും പറ്റില്ലെന്ന് ബസ് ഡ്രൈവർമാർ ആരോപിക്കുന്നു.പലപ്പോഴും സൂപ്പർ ഫാസ്റ്റ് ബസുകൾ റോഡിൽ നിർത്തി ആളിനെയിറക്കേണ്ട അവസ്ഥയാണ് 

  പോലീസിൻ്റെ ശ്രദ്ധയിൽപ്പെട്ടാൽ ഡ്രൈവർമാർ ഫൈൻ ഒടുക്കേണ്ട അവസ്ഥയാണന്നും സ്വകാര്യ ബസ് ജീവനക്കാരും പറയുന്നു.പോലീസിനോടും പരാതി പറഞ്ഞിട്ടും കാര്യമില്ലായെന്ന് നാട്ടുകാർ ആരോപിക്കുന്നു.

റോഡിൽ തടസങ്ങൾ സൃഷ്ടിച്ചിരിക്കുന്ന ബൈക്ക് യാത്രകാർക്കെതിരെ കേസ് എടുക്കുകയും യാത്രക്കാർക്ക് ബുദ്ധിമുട്ടുണ്ടാകുന്ന രീതിയിലുള്ള വസ്തുക്കൾ എടുത്തു മാറ്റണമെന്നാണ് നാട്ടുകാരുടെ ആവശ്യം.

അപകടങ്ങൾ ഉണ്ടാകുന്നതിന് അവസരം നൽകാതെ ഈ ബസ് ബേയിലെ കയ്യേറ്റത്തിനെതിരെ പോലിസ് ശക്തമായി നടപടി സ്വീകരക്കണമെന്നും ആവശ്യം ഉയരുകയാണ് 

ഫോട്ടോ:ബസ് ബേ കൈയ്യേറി വച്ചിരിക്കുന്ന സാധനങ്ങളും ബൈക്കുകളും 

അനധികൃത കരമണ്ണ് ഖനനം പ്രതിക്ഷേധവുമായി നാട്ടുകാർ

അനധികൃത കരമണ്ണ് ഖനനം പ്രതിക്ഷേധവുമായി നാട്ടുകാർ 

ചാത്തന്നൂർ: ജിയോളജിയുടെ പാസ് ദുരുപയോഗം ചെയ്തു കൊണ്ട് അനധികൃത കരമണ്ണ് ഖനനവുമായി

കരമണ്ണ്മാഫിയ പ്രതിക്ഷേധവുമായി നാട്ടുകാർ. ചിറക്കര പഞ്ചായത്തിലെ എസ് എൻ കോളേജ് - വിമല സെൻട്രൽ സ്കൂൾ റോഡിൽ സംസ്കൃതി കലാകേന്ദ്രത്തിന് സമീപമുള്ള

ഒരേക്കറോളം വരുന്ന ഭൂമിയിൽ നിന്നാണ് ആയിരകണക്കിന് ലോഡ് മണ്ണ് മാറ്റിയത്.

 വീട് വയ്ക്കുന്നതിന് വേണ്ടിയുള്ള അഞ്ചു സെന്റ് വസ്തുവിൽ നിന്നും മണ്ണ് മാറ്റുവാൻ ജിയോളജിയിൽ നിന്നും അനുവദിച്ച പാസ് ഉപയോഗിച്ചാണ് ഒരേക്കർ ഭൂമിയിൽയിൽ നിന്നും ആയിരകണക്കിന് ലോഡ് മണ്ണ് നീക്കം ചെയ്തത്.ബാംഗ്ലൂരിൽ സ്ഥിരമായി താമസിക്കുന്ന തിരുവനന്തപുരം സ്വദേശിയുടെ പ്രമാണമടക്കമുള്ള രേഖകൾ ഹാജരാക്കി ചിറക്കര പഞ്ചായത്തിന്റെയും വില്ലേജ് അധികൃതരുടെയും ഒത്താശയോടെയാണ് 

മണ്ണ് ഖനനം ചെയ്യുന്നത്. എല്ലാ ചട്ടങ്ങളും ലംഘിച്ചു കൊണ്ട് സമീപ വസ്തുകൾക്കും റോഡിനും ഭീഷണിയായി മാറിയതോടെ നാട്ടുകാരും

സംസ്കൃതി കലാകേന്ദ്രം പ്രവർത്തകരും പരാതിയുമായി രംഗതെത്തിയെങ്കിലും പെർമ്മിറ്റ് ഉണ്ടെന്ന് കള്ളം പറഞ്ഞു കൊണ്ട് പോലീസിനെയും നാട്ടുകാരെയും കബളിപ്പിച്ചു കൊണ്ട് ഖരമണ്ണ് ഖനനം തുടർന്ന്  ഇത് സംബന്ധിച്ച് കലാകേന്ദ്രം പ്രവർത്തകർ രേഖമൂലം പരാതി പഞ്ചായത്തിനും, വില്ലേജിനും, ജിയോളജി വകുപ്പിനും കളക്ടർക്കും പരാതി നൽകിയതിന്റെ അടിസ്ഥാനത്തിൽ 

 പോലിസ് എത്തി രേഖകൾ പരിശോധന നടത്തി ജിയോളജിയുടെ വ്യാജപാസും മറ്റ് രേഖകളും പിടിച്ചെടുക്കുകയും 

ജെസിബിയും ടിപ്പർ ലോറികളും 

പിടിച്ചെടുക്കുകയും കേസ് എടുക്കുകയും ചെയ്തതോടെ കലാകേന്ദ്രം പ്രവർത്തകർക്ക് എതിരെ വധഭീഷണിയുമായി കരമണ്ണ് മാഫിയ രംഗതെത്തി. ജിയോളജി വകുപ്പ് അധികൃതർ യാതൊരു പരിശോധനയും നടത്താതെ പാസ് അനുവദിക്കുകയും ഒരു ദിവസം 15ലോഡ് എന്ന കണക്കിൽ മൂന്ന് ദിവസം 45ലോഡ് എന്ന പെർമിഷന്റെ അടിസ്ഥാനത്തിലാണ് ആയിരകണക്കിന് ലോഡ് മണ്ണ് മാറ്റിയത്. ചിറക്കര ഗ്രാമപഞ്ചായത്തിലെ സിപിഎം നേതൃത്വത്തിന്റെ മൗനാനുവാദത്തോടെ നടത്തിയ പഞ്ചായത്ത്‌ വില്ലേജ് അധികൃതർ പഞ്ചായത്തിനും ഭൂവുടമയ്ക്കെതിരെ നടപടിയെടുക്കാതെ ഒളിച്ചുകളിക്കുകയാണ് എന്ന് നാട്ടുകാർ ആരോപിക്കുന്നു.

@ അനധികൃത കരമണ്ണു ഖനനം നടത്തിയ ഭൂവുടമയ്ക്ക് എതിരെ നിയമനടപടി സ്വീകരിക്കണം - സംസ്‌കൃതി കലാവേദി

നിയമങ്ങൾ എല്ലാം കാറ്റിൽ പറത്തി അനധികൃത കരമണ്ണ് ഖനനം നടത്തിയ

ഭൂവുടമയ്ക്ക് എതിരെ നിയമനടപടി സ്വീകരിക്കണമെന്ന് കാരംകോട് സംസ്‌കൃതി കലാവേധി പ്രവർത്തകർ പറഞ്ഞു. സമീപ വസ്തുക്കൾക്ക്‌ ഭീഷണിയായി ചട്ടം ലംഘിച്ചു കൊണ്ടാണ് ഇവിടെ കരമണ്ണ് ഖനനം നടത്തിയിരിക്കുന്നത്. ഇവിടെ പൂർവ്വസ്ഥിതിയിലാക്കുന്നതിനുള്ള നടപടികൾ സ്വീകരിക്കണമെന്നും

സംസ്‌കൃതി കലാവേധി പ്രവർത്തകരായ

രാജേഷ് മുല്ലശ്ശേരിയിൽ,

ശ്യംകുമാർ പി കെ, രാജൻ പിള്ള എന്നിവർ പറഞ്ഞു.

ഫോട്ടോ:നിയമങ്ങൾ കാറ്റിൽ പറത്തി കരമണ്ണ് ഖനനം നടത്തിയ ഭൂമി.

അനധികൃത കോൺക്രീറ്റ് മിക്സിങ് പ്ലാന്റിന്റെ യാതൊരു രേഖകളും ചിറക്കര പഞ്ചായത്തിലില്ല.

അനധികൃത കോൺക്രീറ്റ് മിക്സിങ് പ്ലാന്റിന്റെ യാതൊരു രേഖകളും ചിറക്കര പഞ്ചായത്തിലില്ല.

ചാത്തന്നൂർ:  കോൺക്രീറ്റ് മിക്സിങ്ങ് പ്ലാന്റ് അനധികൃതമെന്ന്  ചിറക്കര പഞ്ചായത്ത്‌ അധികൃതർ നടപടി വേണമെന്ന ആവശ്യം ശക്തമാകുന്നു.

ചിറക്കര പഞ്ചായത്തിലെ പോളച്ചിറ ഏലായോട് ചേർന്ന് മീനാട് ഏലായിൽ പ്രവർത്തിക്കുന്ന അനധികൃത കോൺക്രീറ്റ് മിക്സിങ് പ്ലാന്റിന്റെ യാതൊരുവിധ രേഖകളും ചിറക്കര പഞ്ചായത്തിലില്ല. വ്യവസായ വകുപ്പിന്റെ അനുമതിയോടെയാണ് ഇവിടെ ലൈസൻസ് ഇല്ലാതെ പ്രവർത്തിക്കുന്നത് എന്നാണ് പഞ്ചായത്ത്‌ അധികൃതർ പറയുന്നത്. സാധാരണ വ്യവസായ സ്ഥാപനം തുടങ്ങേണ്ട നടപടിക്രമങ്ങൾ ഒന്നും തന്നെ കോൺക്രീറ്റ് പ്ലാന്റ് സ്ഥാപിക്കുമ്പോൾ ഉണ്ടായിട്ടില്ല. യാതൊരുവിധ അപേക്ഷ പോലും പഞ്ചായത്തിൽ നൽകിയിട്ടില്ല വളരെയേറെ പാഴക്കമുള്ള യന്ത്രസാമഗ്രികളാണ്‌ പ്ലാന്റിൽ ഉപയോഗിച്ചിരിക്കുന്നത്. എവിടെ നിന്നോ പൊളിച്ചു കൊണ്ട് വന്ന സെറ്റിൽമെന്റ് പ്ലാന്റ് ആണ് ഇവിടെ ഉപയോഗിച്ചിരിക്കുന്നത് അത് കൊണ്ട് തന്നെ യാതൊരുവിധ സുരക്ഷിതത്വവും പ്ലാന്റിന് ഇല്ലായെന്ന് തൊഴിലാളികൾ തന്നെ സാക്ഷ്യപ്പെടുത്തുന്നു. മലിനീകരണ നിയന്ത്രണ ബോർഡിന്റെ അനുവാദവും ഇ പ്ലാന്റിന് ഇല്ല കോൺക്രീറ്റ് പ്ലാന്റ് ഉണ്ടാക്കുമ്പോൾ ഉള്ള നടപടി ക്രമങ്ങൾ ഒന്നും തന്നെ പാലിച്ചിട്ടില്ലായെന്ന് പഞ്ചായത്ത്‌ അധികൃതർ തന്നെ സാക്ഷ്യപ്പെടുത്തുന്നു.തൊഴിലാളികൾക്കോ യന്ത്ര സാമഗ്രികൾക്കോ യാതൊരു സുരക്ഷാ പരിശോധനയും നടന്നിട്ടില്ല ഫയർഫോഴ്സ് അധികൃതരുടെ സുരക്ഷാപരിശോധനയും നടന്നിട്ടില്ല അത് കൊണ്ട് തന്നെ പ്ലാന്റിന്റെ പ്രവർത്തനം അനധികൃതമാണെന്ന് നാട്ടുകാർ ആരോപിക്കുന്നു.

എഴുന്നൂറ്‌ വർഷമായി കത്തുന്ന കെടാവിളക്ക്

700 വർഷമായി കത്തുന്ന കെടാവിളക്ക്

തെലങ്കാനയിലെ കരിംനഗർ ജില്ലയിലെ ഗംഭീറൊപേട്ടയിലെ ശ്രീ സീതാരാമ സ്വാമി ക്ഷേത്രത്തിലെ 700 വർഷം പഴക്കമുള്ള കെടാവിളക്ക് നൂറ്റാണ്ടുകളായി ഭക്തരെ ആകർഷിയ്ക്കുന്നു.  എണ്ണയിൽ കത്തിയ്ക്കുന്ന വിളക്ക് ഒരിയ്ക്കലും അണയ്ക്കാറില്ല. 

1314-ൽ കാകതീയ രാജവംശത്തിലെ അവസാനത്തെ ഭരണാധികാരിയായിരുന്ന പ്രതാപ രുദ്രഡുവാണ് ശ്രീ സീതാരാമ സ്വാമി ക്ഷേത്രം പണികഴിപ്പിച്ചതെന്ന് ക്ഷേത്രത്തിൽ സ്ഥിതി ചെയ്യുന്ന മണിയിൽ എഴുതിയിരിയ്ക്കുന്ന ലിഖിതങ്ങൾ പറയുന്നു. നന്ദദീപം കെടാവിളക്ക് അണയാതിരിയ്ക്കാൻ അന്നത്തെ ഭരണാധികാരികൾ 

പ്രത്യേകം ശ്രദ്ധിച്ചിരുന്നു. പ്രജകളിൽ നിന്ന് പിരിച്ചെടുത്ത നികുതി ഉപയോഗിച്ചാണ് ഭരണാധികാരികൾ വിളക്ക് കത്തിയ്ക്കാൻ എണ്ണ വാങ്ങിയിരുന്നതെന്ന് ചരിത്രകാരന്മാർ പറയുന്നു. രാജാക്കന്മാരും രാജ്യവും ഇല്ലാതായതോടെ പട്ടണത്തിൽ നിന്നുള്ള വിശ്വാസികൾ എണ്ണ കൊടുക്കാൻ തുടങ്ങി.

പിന്നീട് നന്ദദീപത്തിനുള്ള എണ്ണ ജീവിതകാലം മുഴുവൻ കൊടുക്കാമെന്ന് ഗംഭീറൊപേട്ടയിലെ രാമുലുവും ഭാര്യ പ്രമീളയും വർഷങ്ങൾക്ക് മുമ്പ് ഉറപ്പുനൽകി, ഇപ്പോഴും അത് തുടരുന്നു. എല്ലാ കൊല്ലവും ക്ഷേത്രത്തിന് മുന്നിൽ മനോഹരമായി നിർമിച്ച 16 തൂണുകളുള്ള കല്യാണ മണ്ഡപത്തിൽ 

ശ്രീരാമന്റേയും സീതാദേവിയുടേയും വിവാഹം ആഘോഷിയ്ക്കാറുണ്ട്. 

ദേശീയപുരസ്കാര നിറവിൽ വീണ്ടും മുഖത്തല ബ്ലോക്ക് പഞ്ചായത്ത്

ദേശീയപുരസ്കാര നിറവിൽ വീണ്ടും മുഖത്തല ബ്ലോക്ക് പഞ്ചായത്ത്

കൊട്ടിയം:. മുഖത്തല ബ്ലോക്ക് പഞ്ചായത്തിന് കേന്ദ്രസർക്കാർ ഏർപ്പെടുത്തിയ ദീനദയാൽ ഉപാധ്യായ പഞ്ചായത്ത്  ശക്തി കരൺ പുരസ്കാരം ലഭിച്ചു.  സംസ്ഥാനത്തെ ബ്ലോക്ക് പഞ്ചായത്തുകളിൽ ഒന്നാം സ്ഥാനം ലഭിച്ച മുഖത്തല ബ്ലോക്ക് പഞ്ചായത്തിന് ദേശീയ പഞ്ചായത്ത് ദിനത്തിന്റെ സംസ്ഥാനതല ഉദ്ഘാടനത്തിൽ വച്ച് തദ്ദേശസ്വയംഭരണ വകുപ്പ് മന്ത്രി എം വി ഗോവിന്ദൻ മാസ്റ്റർ മുഖത്തല ബ്ലോക്ക് പഞ്ചായത്തിന് സമ്മാനിച്ചു. കണ്ണൂർ പാപ്പിനിശ്ശേരി പഞ്ചായത്തിൽ വച്ചാണ് ചടങ്ങ് സംഘടിപ്പിച്ചത്. കോവിഡ് പ്രതിരോധ പ്രവർത്തനത്തിൽ  പ്രാദേശിക സർക്കാരുകൾക്ക് മാതൃകയായി സംസ്ഥാനത്ത് ആദ്യമായി സെക്കൻഡ് ലൈൻ ട്രീറ്റ്മെന്റ് സെന്റർ രൂപീകരിക്കുകയും, ജലസംരക്ഷണ മേഖലയി ലും, മഹാമാരി കാലത്ത് കൂടുതൽ തൊഴിലവസരങ്ങൾ സൃഷ്ടിക്കുന്നതിനും, ദാരിദ്ര്യ ലഘൂകരണ മേഖലയിലും, ഉൽപ്പാദന മേഖലയിലും, കാതലായ ഇടപെടലുകൾ നടത്തിയത് വഴി  ബ്ലോക്ക് പഞ്ചായത്തിന് ശ്രദ്ധേയമായ ഈ അംഗീകാരം നേടാൻ കഴിഞ്ഞു. പദ്ധതി രൂപീകരണത്തിൽ  2020-21ൽ സംസ്ഥാനത്ത് മൂന്നാംസ്ഥാനവും ജില്ലയിൽ ഒന്നാം സ്ഥാനവും നേടി. പദ്ധതി വിഹിതം 116.8 ശതമാനം ചെലവഴിക്കാൻ കഴിഞ്ഞത് മുഖത്തല ബ്ലോക്ക് പഞ്ചായത്തിലെ സമസ്തമേഖലയിലും ഉള്ള ഇടപെടലുകൾ വ്യക്തമാക്കുന്നതാണ്. സംസ്ഥാന ഗവൺമെന്റിന്റെ മിഷൻ പ്രോഗ്രാമുകളുടെ അടിസ്ഥാനത്തിൽ പദ്ധതി വിഹിതം  ഏറ്റവും അനുയോജ്യമായ രീതിയിൽ മേഖല വിഭജനം നടത്തുന്നതിൽ ദീർഘവീക്ഷണത്തോട് കൂടിയ ഇടപെടലുകൾ നടത്തുവാൻ സാധ്യമായ താണ് രണ്ടാം പ്രാവശ്യവും ദീൻദയാൽ അവാർഡും, സ്വരാജ് ട്രോഫി അവാർഡും ബ്ലോക്ക് പഞ്ചായത്തിന് നേടാൻ കഴിഞ്ഞത്. ഭവന നിർമ്മാണ മേഖലയിൽ 2.80 കോടി രൂപ ചെലവഴിച്ചതിന് പുറമേ,  ഉൽപ്പാദന മേഖലയിൽ തൊഴിലധിഷ്ഠിത പദ്ധതികളെ പ്രോത്സാഹിപ്പിക്കാൻ കഴിഞ്ഞതും, ശുചിത്വ പദ്ധതികൾ   ഗ്രാമീണ മേഖലയിൽ ഇടപെടലുകൾ നടത്താൻ കഴിഞ്ഞതും, ക്ഷീരമേഖലയിൽ 50 കുടുംബശ്രീ വനിതകൾക്ക് കറവപ്പശുക്കളെ നൽകാൻ കഴിഞ്ഞത് വഴി  പാൽ ഉൽപ്പാദന മേഖലയിലും, തൊഴിൽമേഖലയിലും വൻ നേട്ടം കൈവരിക്കാൻ കഴിഞ്ഞത് ബ്ലോക്ക് പഞ്ചായത്ത് ഭരണസമിതിയുടേയും ഉദ്യോഗസ്ഥരുടെയും ആത്മാർത്ഥമായ ഇടപെടലുകളും നിർവ്വഹണ ചാരുതയും ഒന്നുകൊണ്ടുമാത്രമാണ്. ദേശീയ പുരസ്കാരം 25 ലക്ഷം രൂപയും പ്രശംസാപത്രവും മുഖത്തല ബ്ലോക്ക് പഞ്ചായത്ത് പ്രസിഡന്റ് ബി. യശോധ, ബ്ലോക്ക് പഞ്ചായത്ത്  സെക്രട്ടറി ജോർജ്ജ് അലോഷ്യസ്, ബ്ലോക്ക് പഞ്ചായത്ത് വൈസ് പ്രസിഡന്റ്, എച്ച് ഹുസൈൻ, ക്ഷേമകാര്യ സ്റ്റാൻഡിങ് കമ്മിറ്റി ചെയർമാൻ, എം സജീവ്, മെമ്പർ സന്ധ്യ ബിജു, ജോയിന്റ് ബി ഡി.ഒ രതി കുമാരി, ശാലിനി, തുടങ്ങിയവർ ഏറ്റുവാങ്ങി.  

ഫോട്ടോ : ദീനദയാൽ ഉപാധ്യായ പഞ്ചായത്ത് ശക്തി കരൺ പുരസ്കാരം മുഖത്തല ബ്ലോക്ക് പഞ്ചായത്ത് പ്രസിഡന്റിന്റെ നേതൃത്വത്തിൽ ഏറ്റു വാങ്ങുന്നു.

മീനാട് ഏലായ്‌ക്ക് സമീപം അനധികൃത കോൺക്രീറ്റ് മിക്സിങ് പ്ലാന്റ്

മീനാട് ഏലായ്‌ക്ക് സമീപം അനധികൃത 

കോൺക്രീറ്റ് മിക്സിങ് പ്ലാന്റ് 

ചാത്തന്നൂർ : പരിസ്ഥിതി ദുർബല പ്രദേശമായ ചിറക്കര ഗ്രാമപ്പഞ്ചായത്തിലെ നെടുങ്ങോലം പടിഞ്ഞാറ് വാർഡിൽ മീനാട് ഏലായ്ക്ക് സമീപം പ്രവർത്തിക്കുന്ന അനധികൃത 

കോൺക്രീറ്റ് മിക്സിങ് പ്ലാന്റിനെതിരെ പ്രതിക്ഷേധം ശക്തമാകുന്നു.

നെൽവയൽ നികത്തിയ ഭൂമിയിൽ ബന്ധപ്പെട്ട അധികൃതരുടെ യാതൊരുവിധ അനുമതിയും വാങ്ങാതെയാണ് പ്ലാന്റ് പ്രവർത്തിക്കുന്നത്.

പഞ്ചായത്തിന്റെ പോലും അനുമതിയില്ലാതെ പ്ലാന്റ് പ്രവർത്തിക്കുന്നതിന് സർക്കാർ പറഞ്ഞിട്ടുള്ള ഒരുവിധ മാനദണ്ഡങ്ങളും പാലിക്കാതെയാണ് തണ്ണീർത്തടങ്ങൾ ഉൾപ്പെടുന്ന പോളച്ചിറ ഏലായോട് ചേർന്ന്  മീനാട് പ്രദേശത്ത് നിലം നികത്തിയ ഭൂമി വാടകയ്ക്കെടുത്ത്‌ പ്രദേശവാസികൾപോലും അറിയാതെ മിക്സിങ് പ്ലാന്റ് പ്രവർത്തിക്കുന്നത്.

ചിറക്കര പഞ്ചായത്തിലെ  പരിസ്ഥിതിലോല പ്രദേശങ്ങളിൽ തണ്ണീർത്തടങ്ങളും നെൽവയലുകളും നികത്തി നിർമ്മാണപ്രവർത്തങ്ങൾ നടത്തുന്നതിന് ചിറക്കര പഞ്ചായത്ത്‌ ഭരിക്കുന്ന ഇടത്പക്ഷവും ഒരു വിഭാഗം ഉദ്യോഗസ്ഥരും കൂട്ട് നിൽക്കുകയാണ് എന്ന് പരിസ്ഥിതി പ്രവർത്തകർ ആരോപിക്കുന്നു.

വൻകിട വ്യവസായസ്ഥാപനങ്ങൾ തുടങ്ങാൻ അനധികൃത സഹായങ്ങളും ഒത്താശകളും ചെയ്തുനൽകുന്ന പഞ്ചായത്ത് ഭരണസമിതിക്കെതിരേ ശക്തമായ പ്രതിക്ഷേധമാണ് ഉയരുന്നത്.

@ സ്ഥാപിച്ചിരിക്കുന്ന പഴയ പ്ലാന്റ്

വയൽ നികത്തിയ പുരയിടത്തിൽ വെള്ളകെട്ടായ പ്രദേശത്ത് മറ്റൊരു സ്ഥലത്ത് നിന്നും പൊളിച്ചു കൊണ്ട് വന്ന പഴയ പ്ലാന്റ് യാതൊരു സുരക്ഷാ മാന:ദണ്ടവും പാലിക്കാതെയാണ് സ്ഥാപിച്ചിരിക്കുന്നത്. പോളച്ചിറ ഏലായോട് ചേർന്ന് കിടക്കുന്ന മീനാട് ഏല പരിസ്ഥിതി ലോല പ്രദേശമാണ് കൂടാതെ പോളച്ചിറ ഏലായിലും മറ്റും വെള്ളം ഉയരുമ്പോൾ ഇത്തിക്കരയാറ്റിലേക്ക് 

 വെള്ളം ഒഴുകി പോകേണ്ട തോടിനോട് ചേർന്നാണ് ഇത് നിർമ്മിച്ചിരിക്കുന്നത്. കോൺക്രീറ്റ് വേസ്റ്റ് തോട്ടിലേക്കും മറ്റും തള്ളുകയാണ്ഇവർ യാതൊരുവിധ സുരക്ഷാമാന:ദണ്ടങ്ങളും പാലിക്കാതെയാണ് പ്ലാന്റ് പ്രവർത്തനം നടത്തുന്നത് എന്ന് നാട്ടുകാർ ആരോപിക്കുന്നു 

ഫോട്ടോ: അനധികൃത പ്ലാന്റ് 

പ്രധാനമന്ത്രി ഉജ്ജ്വൽ യോജന" പദ്ധതിപ്രകാരം വീട്ടമ്മമാർക്ക് സൗജന്യ ഗ്യാസ് കണക്ഷൻ നൽകി

പ്രധാനമന്ത്രി ഉജ്ജ്വൽ യോജന" പദ്ധതിപ്രകാരം വീട്ടമ്മമാർക്ക് സൗജന്യ ഗ്യാസ് കണക്ഷൻ നൽകി

കൊട്ടിയം: കേന്ദ്രസർക്കാരിന്റെ 

"പ്രധാനമന്ത്രി ഉജ്ജ്വൽ യോജന" പദ്ധതിപ്രകാരം വീട്ടമ്മമാർക്ക് സൗജന്യ ഗ്യാസ് കണക്ഷനോടൊപ്പം ഗ്യാസ് സിലിണ്ടറും സ്റ്റൗവും നൽകി.

ആദിച്ചനല്ലൂർ ഗ്രാമപഞ്ചായത്ത് തഴുത്തല ഒന്നാം വാർഡിലെ  ഗ്യാസ് കണക്ഷൻ ഇല്ലാത്ത ബി പി എൽ റേഷൻ കാർഡ് ഉടമകളായ വീട്ടമ്മമാർക്കാണ് സൗജന്യമായി ഗ്യാസ് കണക്ഷനോടൊപ്പം ഗ്യാസ് സിലിണ്ടറും സ്റ്റൗവും നൽകിയത്.

 ബിജെപി ചാത്തന്നൂർ മണ്ഡലം പ്രസിഡന്റും തഴുത്തല ഒന്നാം വാർഡ് മെമ്പറുമായ ശ്യാം പ്രവീൺ പദ്ധതി ഉത്ഘാടനം ചെയ്തു. ബൂത്ത് പ്രസിഡന്റ് പ്രജേഷ് അധ്യക്ഷത വഹിച്ചു.

കൊട്ടിയം ഏരിയ പ്രസിഡന്റ് കൊട്ടിയം സുനിൽ,  മണ്ഡലം സെൽ  കോഡിനേറ്റർ രാജേഷ്, കർഷകമോർച്ച ജില്ലാ കമ്മിറ്റി അംഗം വേണുഗോപാൽ, ബി എം എസ് കൊട്ടിയം ഏരിയ പ്രസിഡന്റ് പാലത്തറ മണി, ബിജെപി കൊട്ടിയം ഏരിയസെക്രട്ടറി രോഹിണി, തഴുത്തല ആഞ്ജനേയ ഗ്യാസ് ഏജൻസി പ്രൊപ്രൈറ്റർ നന്ദകുമാർ, തഴുത്തല ഒന്നാം ബൂത്ത് ജനറൽ സെക്രട്ടറി ശ്യാംലാൽ, ബൂത്ത് ഭാരവാഹികളായ സതീശൻ,  ശിവജി, മുകേഷ്, പ്രസാദ്, ബേബി എന്നിവർ പങ്കെടുത്തു.

ഫോട്ടോ:ഗ്യാസ് കണക്ഷൻ ബിജെപി ചാത്തന്നൂർ മണ്ഡലം പ്രസിഡന്റും ഗ്രാമ പഞ്ചായത്ത്‌ അംഗവുമായ ശ്യാംപ്രവീൺ വിതരണം ചെയ്യുന്നു.

ഡോക്ടർമാരെ നിയമിക്കാൻ നടപടി വേണം - ബൈജു ലക്ഷ്മാൺ

ഡോക്ടർമാരെ നിയമിക്കാൻ നടപടി വേണം - ബൈജു ലക്ഷ്മാൺ 

പാരിപ്പള്ളി മെഡിക്കൽ കോളേജ് ആശുപത്രിയിലെ ഡോക്ടർമാരുടെ കുറവു പരിഹരിക്കൻ മന്ത്രി വന്ന് പോയിട്ടും നടപടിയൊന്നുമായില്ല. ജില്ലയിൽ സർക്കാർ മേഖലയിലുള്ള ഒരേയൊരു ഡയാലിസിസ്‌ കേന്ദ്രമായ ഇവിടെ വൃക്കരോഗവിദഗ്ധനില്ല.

ഡയാലിസിസ് ടെക്നീഷ്യന്മാരും കുറവാണ്. ഡെപ്യൂട്ടേഷൻ വ്യവസ്ഥയിലെങ്കിലും ഒരു വൃക്കരോഗവിദഗ്ധനെ നിയമിക്കണമെന്ന്‌ ആവശ്യമുയർന്നെങ്കിലും നടന്നിട്ടില്ല.

ന്യൂറോളജി, ന്യൂറോ സർജറി, പീഡിയാട്രിക് സർജറി, ഓങ്കോളജി വിഭാഗങ്ങളും പ്രവർത്തനം തുടങ്ങിയിട്ടില്ല. കോവിഡ് ബ്രിഗേഡിലേക്ക് താത്കാലികാടിസ്ഥാനത്തിൽ 20 ഡോക്ടർമാരെ  നിയമിക്കാൻ അനുമതി ലഭിച്ചെങ്കിലും നിയമനം നടന്നിട്ടില്ല അടിയന്തിരമായി സ്പെഷ്യലിറ്റി ഡോക്ടർമാരെ നിയമിക്കാൻ ഉള്ള നടപടി സ്വീകരിക്കണം

ബൈജു ലക്ഷ്മൺ (വിദ്യാഭ്യാസ ആരോഗ്യ. സ്റ്റാന്റിംഗ് കമ്മിറ്റി ചെയർമാൻ കല്ലുവാതുക്കൽ ഗ്രാമപഞ്ചായത്ത്‌)

രൂപമാറ്റംവരുത്തി വാഹനങ്ങൾ പറപറക്കുന്നു

രൂപമാറ്റംവരുത്തി വാഹനങ്ങൾ പറപറക്കുന്നു

   

കൊല്ലം : വാഹനങ്ങളുടെ അംഗീകൃത രൂപഘടനയിൽ മാറ്റംവരുത്തുന്ന പ്രവണത വർധിച്ചുവന്നിട്ടും പരിശോധന നടത്താതെ അധികാരികൾ.

ഇരുചക്രവാഹനങ്ങളിലാണ് ഈ പ്രവണത വ്യാപകമാകുന്നത്.

ഇത്തരം വാഹനങ്ങളുടെ നമ്പർ പ്ലേറ്റും അക്ഷരങ്ങളും മറച്ചുവെക്കു

കയും ഡിസൈൻ ചെയ്യുന്നതും മൂലം പൊതുജനങ്ങൾക്കും പോലീസിനും കാണാൻ പറ്റുകയില്ല. അത് കൊണ്ട് തന്നെ ഇത്തരം ബൈക്കുകൾ മോഷണത്തിനും മറ്റ് കുറ്റകൃത്യങ്ങൾക്കും ഉപയോഗിക്കുന്നു വില കൂടിയ ബൈക്കുകൾ ആയതിനാൽ ആരും ശ്രദ്ധിക്കുകയില്ല.രൂപമാറ്റം നിയമലംഘനമാണെന്ന് അറിയുന്നതിനാൽ തന്നെ മടക്കിവെക്കാവുന്ന നമ്പർ പ്ലേറ്റ് ഉപയോഗിക്കുന്നതും വർധിച്ചിട്ടുണ്ട്. ഈ നമ്പർ ക്യാമറയിൽ കൃത്യമായി പതിയില്ല.

നമ്പർ പ്ലേറ്റിന്റെയും അതിലെ എഴുത്തിന്റെയും വലിപ്പം കുറച്ചുകൊണ്ടും കബളിപ്പിക്കുന്നുണ്ട്. 

ബുള്ളറ്റ്, സ്പോർട്‌സ് ബൈക്ക് ഗണത്തിൽപ്പെട്ട ഇരുചക്രവാഹനങ്ങളിൽ രജിസ്‌ട്രേഷൻ കഴിഞ്ഞാലുടൻ സൈലൻസർ മാറ്റി വൻശബ്ദമുള്ള സൈലൻസർ ഘടിപ്പിച്ചു കൊണ്ടാണ് ഇത്തരം വാഹനങ്ങൾ പറപറക്കുന്നത്.

രൂപമാറ്റംകൊണ്ട് അമിതശബ്ദത്തിനു പുറമേ വൻതോതിൽ പുകവമിപ്പിക്കുകയും ചെയ്യും. സാധാരണ 100 സി സി യുള്ള ഇരുചക്രവാഹനങ്ങളിൽപ്പോലും ഇത്തരത്തിലുള്ള രൂപമാറ്റം വരുത്തിയാണ് തെരുവിലിറക്കുന്നത്.

രൂപമാറ്റം വരുത്തുന്നത്. ഈ വാഹനങ്ങളുടെ ശേഷിക്ക് താങ്ങാൻ കഴിയാത്തതിനാൽ അപകടങ്ങൾ ക്ഷണിച്ചുവരുത്തുന്നുണ്ട്.

കൂടാതെ ഹെഡ്‌ലൈറ്റ് മാറ്റുന്നതാണ് മറ്റൊരു പ്രശ്നം. എതിരേവരുന്ന വാഹനങ്ങൾ ഓടിക്കുന്നവരുടെ കണ്ണഞ്ചിപ്പിക്കുന്നതരത്തിലുള്ള ലൈറ്റുകളാണ് മാറ്റിഘടിപ്പിക്കുന്നത്. ഇതും അപകടങ്ങൾക്ക് വഴിയൊരുക്കും.

പിടിക്കപ്പെടുന്ന 

പല കേസുകളിലും വലിയ പിഴയാണ് ചുമത്തുന്നത്. നിയമവിരുദ്ധമായ രൂപമാറ്റം വരുത്തിയാൽ 5000 രൂപയാണ് പിഴ. രൂപമാറ്റത്തിന്റെ എണ്ണം കൂടുമ്പോൾ പിഴയും കൂടും പക്ഷേ പരിശോധന വഴിപാടായി മാറും തോറും ഇത്തരത്തിലുള്ള വാഹനങ്ങളുടെ എണ്ണവും കൂടുകയാണ്‌ 

@ കുട്ടി ബൈക്ക് യാത്രക്കാർ പായുന്നു; പരിശോധനയില്ലാതെ പോലീസും  ഗതാഗതവകുപ്പും 

 

അപകടഭീഷണി ഉയർത്തി കുട്ടി ബൈക്കുയാത്രക്കാർ നിരത്തുകളിൽ പായുന്നു. ഗതാഗതനിയമങ്ങൾപോലും കൃത്യമായി അറിയാതെ മറ്റ് യാത്രക്കാർക്ക് അപകടഭീഷണി ഉയർത്തിയാണ് ഇവർ ചീറിപ്പായുന്നത്.

12 നും 17 നും ഇടയിലുള്ള കുട്ടികൾ ബൈക്കുകളിലും സ്കൂട്ടറുകളിലും അമിതവേഗത്തിൽ പായുന്നത് നിരത്തുകളിലെ നിത്യകാഴ്ചയാണ്. അതും മൂന്നുപേർ ചേർന്ന് പോകുന്നതാണ് ഇവരുടെ ഹരം. സാഹസികമായും ഉച്ചത്തിൽ പാട്ടുകൾ പാടിയും എതിരേവരുന്ന യാത്രക്കാരെ മുൾമുനയിൽ നിർത്തിയുമാണ് ഇവരുടെ പോക്ക്. ലൈസൻസോ മതിയായ രേഖകളോ ഇല്ലാതെയാണ് യാത്ര. അച്ഛനും അമ്മയും വീട്ടിലില്ലാത്ത സമയത്തും അവരെ തെറ്റിദ്ധരിപ്പിച്ചുമാണ് ഇവർ വാഹനങ്ങളുമായി നിരത്തുകളിലിറങ്ങുന്നത്. ചില രക്ഷിതാക്കൾ ഇവർക്ക് കൂട്ടാണെന്ന ആക്ഷേപവുമുണ്ട്. കുട്ടി ബൈക്ക് യാത്രക്കാർ ചീറിപ്പാഞ്ഞിട്ടും മോട്ടോർ വാഹനവകുപ്പും പോലീസും അറിഞ്ഞമട്ടില്ല.

കരയോഗം ഭാരവാഹികൾ ചുമതലയേറ്റു

കരയോഗം ഭാരവാഹികൾ ചുമതലയേറ്റു 

ചാത്തന്നൂർ: ചാത്തന്നൂർ താഴം

ശ്രീ ഭൂതനാഥവിലാസം   എൻ എസ് എസ് കരയോഗത്തിന്റെ പുതുതായി തെരഞ്ഞെടുക്കപ്പെട്ട ഭരണസമിതി അംഗങ്ങൾ യൂണിയനിലെ ആചാര്യ സ്മൃതിമണ്ഡപത്തിൽ പുഷ്പാർച്ചന നടത്തി  ചുമതലയേറ്റു.

കരയോഗം പ്രസിഡന്റ് എസ്. സുരേഷ് കുമാറിന്റെ മേൽനോട്ടത്തിൽ നടന്ന ചടങ്ങിൽ താലൂക്ക് യൂണിയൻ പ്രസിഡന്റ് ചാത്തന്നൂർ മുരളിയുടെ

സാന്നിധ്യത്തിൽ 

പുഷ്പാർച്ചനക്ക് ശേഷം പ്രതിജ്ഞയെടുത്ത് ചുമതലയേറ്റു.

 യൂണിയൻ കമ്മിറ്റി അംഗം ബി. ഐ. ശ്രീനാഗേഷ്, യൂണിയൻ സെക്രട്ടറി റ്റി. അരവിന്ദാക്ഷൻ പിള്ള, എൻ എസ്എസ് ഇൻസ്പെക്ടർ എസ്. ശ്രീജിത്ത് എന്നിവർ പങ്കെടുത്തു. കരയോഗം ഭരണസമിതി അംഗങ്ങളായി എസ്. സുരേഷ്‌കുമാർ (പ്രസി), സി.പ്രഭാകരൻ പിള്ള  ( വൈസ് പ്രസി ),ജി.  സുരേഷ് ബാബു (സെക്ര), ജി. സുനിൽകുമാർ (ജോയിന്റ് സെക്ര), ബി.സതീഷ് കുമാർ (ഖജാൻജി), ആർ.സാബു,കെ.ഹരിലാൽ,ആർ. രവീന്ദ്രൻ,കെ. പ്രദീപ്,ജി. ശ്രീകുമാർ,ആർ. സതീഷ് കുമാർ,  കെ. ഉണ്ണികൃഷ്ണ പിള്ള,  (യൂണിയൻ പ്രതിനിധി), ജയാഗീതൻ(എൻ എസ് എസ് 

ഇലക്ട്രറൽ റോൾ മെമ്പർ )തുടങ്ങിയവരെ തിരഞ്ഞെടുത്തു

ഫോട്ടോ:കരയോഗം ഭാരവാഹികൾ സത്യപ്രതിജ്ഞ ചെയ്തു ചുമതല ഏൽക്കുന്നു.

സൗകര്യങ്ങളേറെ ഉണ്ടായിട്ടും അവ നടപ്പാക്കാൻ സാധിക്കാതെ ധർമസങ്കടത്തിലാണ് നെടുങ്ങോലം രാമറാവു മെമ്മോറിയൽ താലൂക്ക് ആശുപത്രി

പരവൂർ: സൗകര്യങ്ങളേറെ ഉണ്ടായിട്ടും അവ നടപ്പാക്കാൻ സാധിക്കാതെ ധർമസങ്കടത്തിലാണ് നെടുങ്ങോലം രാമറാവു മെമ്മോറിയൽ താലൂക്ക് ആശുപത്രി. ആശുപത്രിയിൽ ജനറേറ്റർ ഉണ്ടെങ്കിലും ഫലത്തിൽ ഇല്ലെന്നാണ് ആക്ഷേപം. കറണ്ട് പോയാൽ എക്സ്റേ പോലും എടുക്കാൻ സാധിക്കാത്തത് രോഗികളെ ഏറെ പ്രതിസന്ധിയിലാക്കുന്നു. നിലവിൽ സ്ഥാപിച്ചിട്ടുള്ള ജനറേറ്ററിന് എക്സ്റേ യൂണിറ്റും മറ്റ് സംവിധാനങ്ങളും പ്രവർത്തിപ്പിക്കാനുള്ള പ്രവർത്തനക്ഷമത ഇല്ല. അപകടമോ മറ്റും സംഭവിച്ച് ആശുപത്രിയിൽ എത്തുന്നവർ എക്സ്റേ എടുക്കുന്നതിനായി പരവൂരോ മറ്റേതെങ്കിലും സ്ഥലത്തേക്കോ പോകേണ്ട സ്ഥിതിയാണ്. മുറിവ് പറ്റി ആശുപത്രിയിൽ എത്തിക്കുന്നവരെയും കറണ്ടില്ലെങ്കിൽ മൊബൈൽ ഫ്ലാഷിന്റെ വെളിച്ചത്തിൽ വേണം പരിശോധിക്കാൻ. പലപ്പോഴും രോഗികളും ആശുപത്രി ജീവനക്കാരും തമ്മിൽ വാക്കേറ്റവും ഉണ്ടായിട്ടുണ്ട്. ഐസിയു, ഓപ്പറേഷൻ തിയറ്റർ, ലാബ് എന്നിവിടങ്ങളിലേക്കുള്ള വൈദ്യുതി ജനറേറ്ററിൽ നിന്നും ലഭിക്കുന്നുണ്ട്. വാർഡുകളിൽ ഓരോ ലൈറ്റും ഫാനും മാത്രമാണ് ജനറേറ്ററിൽ പ്രവർത്തിക്കുന്നത്. 2022-23 വർഷത്തെ ബജറ്റ് നിർദേശങ്ങളിൽ താലൂക്ക് ആശുപത്രിക്ക് പുതിയ ജനറേറ്റർ സംവിധാനവും ഒപ്പം ട്രാൻസ്ഫോമറും അനുബന്ധ സൗകര്യങ്ങളും പരാമരർശിച്ചിട്ടുണ്ട്.

               ആശുപത്രിയിലെ മോർച്ചറി പണിമുടക്കിയിട്ട് 6 മാസത്തോളം ആയിട്ടും അതിനും നടപടിയില്ല. നാല് ഫ്രീസറുകളാണ് മോർച്ചറിയിലുള്ളത്. നാലിനും കൂടി രണ്ട് കംപ്രസറുകളും. കഴിഞ്ഞ ഒക്ടോബറിലാണ് അവസാനമായി മോർച്ചറിയിൽ മൃതദേഹം സൂക്ഷിച്ചത്. ഇടിമിന്നലിൽ തകരാറിലായ ഫ്രീസറുകൾ അറ്റകുറ്റപ്പണി നടത്താൻ ഫണ്ടില്ലെന്നാണ് ആശുപത്രി അധികൃതരുടെ വിശദീകരണം. തകരാർ പരിഹരിക്കണമെങ്കിൽ ഒരുലക്ഷം രൂപയോളം വേണ്ടിവരും. രണ്ട് ഫ്രീസറുകൾ പൂർണമായും പ്രവർത്തനരഹിതമാണ്. മറ്റ് രണ്ടെണ്ണം ഏതുനിമിഷവും പ്രവർത്തനരഹിതമാകാൻ സാധ്യത ഉള്ളതിനാൽ ഉപയോഗിക്കാറില്ല. പാരിപ്പള്ളി മെഡിക്കൽ കോളജിലും മറ്റ് ആശുപത്രികളിലുമാണ് നിലവിൽ മൃതദേഹങ്ങൾ എത്തിക്കുന്നത്.

               പൂതക്കുളം, ചിറക്കര, കല്ലുവാതുക്കൽ, ചാത്തന്നൂർ എന്നീ പഞ്ചായത്തുകളിൽ നിന്നും പരവൂർ നഗരസഭയിൽ നിന്നും ദിനംപ്രതി ഏറെ നിർധനരായ രോഗികളാണ് ആശുപത്രിയിൽ ചികിത്സയ്ക്കായി എത്തുന്നത്. സൗകര്യങ്ങൾ ഏറെ ഒരുക്കാനുള്ള ചുറ്റുപാട് ഉണ്ടായിട്ടും ഇപ്പോഴും വികസനമില്ലാത്ത നിലയിലാണ് ആശുപത്രിയുടേത്. കാഷ്വൽറ്റി ഡോക്ടറുടെ സേവനവും ലഭ്യമല്ല. കൂടുതൽ ഡോക്ടർമാരുടെ സേവനം ഉറപ്പാക്കണമെന്നാണ് നാട്ടുകാരുടെ ആവശ്യം.

∙∙

പൊലീസിനും ബുദ്ധിമുട്ട്

നെടുങ്ങോലം താലൂക്ക് ആശുപത്രിയിലെ മോർച്ചറി പ്രവർത്തനരഹിതമായത് പൊലീസിനു ഏറെ ബുദ്ധിമുട്ടാകുന്നു. കടലിൽ നിന്നും കായലിൽ നിന്നും ലഭിക്കുന്നതും തീവണ്ടി തട്ടി മരണപ്പെടുന്ന അജ്ഞാത മൃതദേഹങ്ങളും സൂക്ഷിക്കുന്നതിന് സ്റ്റേഷൻ പരിധിയിലുള്ള നെടുങ്ങോലം താലൂക്ക് ആശുപത്രി ആയിരുന്നു ഉത്തമം. എന്നാൽ നിലവിൽ പാരിപ്പള്ളി മെഡിക്കൽ കോളജ് ആശുപത്രിയിലോ കൊല്ലത്തോ മൃതദേഹം എത്തിക്കേണ്ട സ്ഥിതിയാണ്.

∙∙

മഴയിലും കാറ്റിലും പെട്ട് വീടിന്റെ മേൽക്കൂര പൂർണമായും തകർന്നു വീണു

കൊട്ടിയം: വെളളിയാഴ്ച വൈകിട്ടുണ്ടായ മഴയിലും കാറ്റിലും പെട്ട് വീടിന്റെ മേൽക്കൂര പൂർണമായും തകർന്നു വീണു.സംഭവ സമയം വീട്ടിലുണ്ടായിരുന്ന വൃദ്ധയായ വീട്ടമ്മ പരിക്കേൽക്കാതെ രക്ഷപെട്ടു. മയ്യനാട് പഞ്ചായത്തിലെ ഇരുപതാം വാർഡിൽ ഉമയനല്ലൂരിലായിരുന്നു സംഭവം.ഉമയനല്ലൂർ ജംഗ്ഷനടുത്ത് ക്ഷേത്രം റോഡിന് സമീപം തെങ്ങുവിള വീട്ടിൽ സരസ്വതിയമ്മയുടെ വീടിന്റെ മേൽക്കൂരയാണ് തകർന്നു വീണത്. ഒരു വശത്തെമേൽക്കൂര വീഴുന്ന ശബ്ദം കേട്ട് ഇവർ പുറത്തേക്ക് ഓടി മാറിയതിനാൽ അപകടത്തിൽ നിന്നും തലനാരിഴയ്ക്ക് രക്ഷപെടുകയായിരുന്നു    

ചിത്രം: തകർന്ന വീട്.

പാരിപ്പള്ളി മെഡിക്കൽ കോളേജിന്റെ സമീപത്ത് താമസിക്കുന്നവർ വീട്ടിലും മാസ്ക് ധരിക്കും.

ചാത്തന്നൂർ:  പാരിപ്പള്ളി 

മെഡിക്കൽ കോളേജിന്റെ സമീപത്ത്  താമസിക്കുന്നവർ വീട്ടിലും മാസ്ക് ധരിക്കും. കൊവിഡ് ജാഗ്രതയാണെന്നു കരുതിയെങ്കിൽ തെറ്റി, തോട്ടിൽ

നിന്നുള്ള അതിരൂക്ഷമായ ദുർഗന്ധം സഹിക്കാനാവാതെ മാസ്ക് ധരിച്ച്‌ പോകുന്നതാണ്.

മെഡിക്കൽ കോളേജിന്റെ കക്കൂ‌സുകളിൽ നിന്നും ടാങ്കുകളിലേക്ക്‌ പോകുന്ന പൈപ്പുകൾ പൊട്ടിയൊഴുകുന്നത് മൂലമുള്ള 

 ദുർഗന്ധം കാരണം 24 മണിക്കൂറും മൂക്കുപൊത്തി കഴിയേണ്ട അവസ്ഥയിലാണ്‌ സമീപത്തുള്ള വീട്ടുകാരും, ഹോസ്റ്റലിലും ക്വർട്ടേഴ്സ് പരിസരത്തും താമസിക്കുന്നവരും.

ദുർഗന്തത്തിൽ നിന്നും 

 രക്ഷതേടിയാണ് രാത്രിയും പകലും മാസ്ക് ധരിക്കുന്നത്. മിക്കപ്പോഴും ചീമുട്ടയുടെ ഗന്ധമാണ് ഇവിടെ നിന്ന് ഉയരുന്നത്. ചിലപ്പോൾ മലമൂത്രത്തിന്റെ നാറ്റവും ഉണ്ടാവുന്നു. ചിലനേരങ്ങളൽ പറഞ്ഞറിയിക്കാൻ പറ്റാത്തവിധമുള്ള അതിരൂക്ഷ ദുർഗന്ധമാണ് എന്ന് നാട്ടുകാരും രോഗികളും മെഡിക്കൽ കോളേജ് സ്റ്റാഫുകളും ആരോപിക്കുന്നു. മെഡിക്കൽ കോളേജിന്റെ പടിഞ്ഞാറ് ഭാഗത്തുള്ള പൊതുവഴിയിലൂടെ മൂക്ക് പൊത്താതെ നടക്കാൻ പറ്റില്ല.ഒക്സിജൻ പ്ലാന്റ്സമീപം കക്കൂസ് മാലിന്യം തോട് പോലെയാണ് ഒഴുകുന്നത്. ഇന്റേൺസ് ഹോസ്റ്റലിന്റെ പരിസരത്ത് ഒരു ചെറിയ മാലിന്യകുളം തന്നെ രൂപപ്പെട്ടു കഴിഞ്ഞു. കൂടാതെ 

ജീവനക്കാരും ഡോക്ടർമാരും താമസിക്കുന്ന ക്വാർട്ടേഴ്‌സ് പരിസരത്ത്

ദുർഗന്ധം കാരണം പലരും വാടക വീടുകലിലേക്ക് മാറി 

കാന്റീനിൽ നിന്നുള്ള മലിനജലവും ടാങ്കുകൾ നിറഞ്ഞും പൈപ്പ് പൊട്ടിയും ഒഴുകുകയാണ്കൂടാതെ 

മെഡിസിൻ സ്റ്റോർ പരിസരത്ത് മലിനജലത്തിൽ ചവിട്ടി വേണം സ്റ്റോറിൽ നിന്നും മരുന്നുകൾ മാറ്റാൻ ഔട്ട്‌ പേഷ്യന്റ് വിഭാഗത്തിലെ മൂന്ന് നിലകളിലെ ബാത്ത് റൂം പൈപ്പുകൾ ഒരേ പോലെ പൊട്ടി ഒഴുകുകയാണ് ഒരു തുള്ളി വെള്ളം പോലും ടാങ്കിലേക്ക് ഒഴുകുന്നില്ല.രോഗികളുടെ 

വാർഡിന്റെ പിറകിലെ പൈപ്പുകൾ പൊട്ടി ഒഴുകിയിട്ട് ഒരു മാസം പിന്നിടുകയാണ് ഇവിടെ രോഗികൾ മൂക്ക് പൊത്തിയിട്ടും കാര്യമില്ല.  ആശുപത്രി വളപ്പിൽ പലയിടത്തും 

മുട്ടൊപ്പം ഉയരത്തിലാണ് മലിനജലം കെട്ടി നിൽക്കുന്നത്.ഗുരുതരമായ ആരോഗ്യപ്രശ്നങ്ങള്‍ക്ക് വഴിതെളിക്കുന്ന കക്കൂസ് മാലിന്യമടക്കമുള്ള മലിനജല പ്രശ്നത്തിന് അടിയന്തിര നടപടി സ്വീകരിക്കണമെന്ന് ഡോക്ടർമാർ തന്നെ ആവശ്യപ്പെടുന്നു.

മാലിന്യവും ദുർഗന്ധവും ഒഴിവാക്കാൻ നടപടി വേണമെന്നാവശ്യപ്പെട്ട് മെഡിക്കൽ കോളേജ് അധികൃതർക്ക്‌ നാട്ടുകാർ നിവേദനം നൽകിയിട്ടും ഇതേവരെ ഫലപ്രദമായ നടപടിയായില്ല എന്ന് മാത്രമല്ല ധിക്കാരപരമായ സമീപനവുമായി അധികൃതർ മുന്നോട്ട് പോകുകയാണ്. പാരിപ്പള്ളി മെഡിക്കൽ കോളേജിന്റെ വിവിധ ഭാഗങ്ങളിൽ പൈപ്പുകൾ പൊട്ടി കക്കൂസ് മാലിന്യം ഒഴുകിയിട്ടും നടപടിയെടുക്കാത്ത മെഡിക്കൽ കോളേജ് അധികൃതരുടെ നടപടിയിൽ ശക്തമായ പ്രതിഷേധമാണ് ഉയരുന്നത്.

@ആശുപത്രിപരിസരത്ത് കൊതുക് പടയും ഈച്ചയും ദുർഗന്തവും കാരണം രോഗികളും കൂട്ടിരിപ്പുകാരും ബുദ്ധിമുട്ട് അനുഭവിക്കുകയാണ് രോഗികളെ കൊണ്ട് വരുന്ന വാഹനങ്ങൾ ഇപ്പോൾ പാർക്കിങ് ഗ്രൗണ്ടിൽ പാർക്ക് ചെയ്യാതെ റോഡ് സൈഡിൽ പാർക്ക് ചെയ്യുകയാണ് മെഡിക്കൽ കോളേജ് ആശുപത്രിയിൽ ചികിത്സയ്ക്ക് എത്തിയാൽ മറ്റൊരു അസുഖം ഫ്രീയായി ലഭിക്കുമെന്ന് ജനങ്ങൾ പറയുന്നു ഇതെല്ലാം കൊണ്ട് തന്നെ പലരും മെഡിക്കൽ കോളേജ് ആശുപത്രിയെ ഉപേക്ഷിക്കുകയാണ് 

@ കിണറുകളും ജലസ്രോതസുകളും 

പോലും മലിനമാകുന്നു

 മെഡിക്കൽ കോളേജ് പരിസരത്തെ 

മാലിന്യംമൂലം സമീപപ്രദേശങ്ങളിലെ വീടുകളിലെ കിണറുകളും ജലസ്രോതസുകളും 

മലിനമായി  മാലിനജലവും 

ദുർഗന്ധവും കാരണം ഇവിടെ താമസിക്കാൻ പറ്റാത്ത അവസ്ഥയാണ്. 

മഹിള മോർച്ച അംഗനവാടി ടീച്ചർമാരെയും ആശാവർക്കർമാരെയും ആദരിച്ചു

മഹിള മോർച്ച  അംഗനവാടി ടീച്ചർമാരെയും ആശാവർക്കർമാരെയും ആദരിച്ചു

ചാത്തന്നൂർ: മഹിള മോർച്ച ചാത്തന്നൂർ മണ്ഡലം കമ്മിറ്റിയുടെ ആഭിമുഖ്യത്തിൽ 

അംഗനവാടി ടീച്ചർമാരെയും ആശാവർക്കർമാരെയും ആദരിച്ചു

ബിജെപി നടത്തുന്ന 

 "സാമൂഹ്യനീതി പാക്ഷികം "എന്ന

പരിപാടിയുടെ ഭാഗമായി 

വിവിധങ്ങളായ സാമൂഹിക സേവന പ്രവർത്തനങ്ങൾ നടത്തുന്നതിന്റ ഭാഗമായി "പ്രധാനമന്ത്രി പോഷൺ അഭിയാൻ" പദ്ധതിയോട് അനുബന്ധിച്ചാണ് 

 അംഗനവാടി ടീച്ചർമാരെയും ആശാവർക്കർമാരെയും ആദരിക്കുകയും കുട്ടികൾക്ക് മധുര പലഹാരങ്ങൾ വിതരണം ചെയ്യുകയും ചെയ്തു..ചാത്തന്നൂർ മണ്ഡലത്തിലെ ചിറക്കര പഞ്ചായത്തിൽ, വടക്കേ മുക്ക് നെടുങ്ങോലം പടിഞ്ഞാറ് അംഗനവാടിയിൽ വച്ച് നടന്ന ചടങ്ങിന് 

ചാത്തന്നൂർ മണ്ഡലം പ്രസിഡന്റ് ശ്യാംപ്രവീൺ ഉദ്ഘാടനം ചെയ്തു.

മഹിളാമോർച്ച മണ്ഡലം പ്രസിഡന്റ്‌ സുനിത അധ്യക്ഷത വഹിച്ചു.

 അംഗനവാടി ടീച്ചർമാരായ ലതിക കുമാരി.പി(  അംഗനവാടി നമ്പർ 122, നെടുങ്ങോലം പടിഞ്ഞാറ് ) , റീജ.എസ് ( അംഗനവാടി നമ്പർ 109, പൂതവിള  ), ആശാ പ്രവർത്തക അനിത.R ( വാർഡ് 16, നെടുങ്ങോലം പടിഞ്ഞാറ് )എന്നിവരെ ആദരിച്ചു. മണ്ഡലം ജനറൽ സെക്രട്ടറി നവീൻ ജി കൃഷ്ണ,  മഹിളാമോർച്ച മണ്ഡലം ജനറൽ സെക്രട്ടറി ഷീജ ചാത്തന്നൂർ, വൈസ് പ്രസിഡന്റ് ശകുന്തള, ട്രഷറർ അംബിക എന്നിവർ നേതൃത്വം നൽകി.

ഫോട്ടോ:മഹിളാമോർച്ചയുടെ നേത്രത്വത്തിൽ നടന്ന പരിപാടി 

ടോറസ് ലോറി മറിഞ്ഞു ക്ളീനർക്ക്‌ ദാരുണാന്ത്യം

ടോറസ് ലോറി മറിഞ്ഞു ക്ളീനർക്ക്‌ ദാരുണാന്ത്യം

ചാത്തന്നൂർ: ടോറസ് ലോറി മറിഞ്ഞു ക്ളീനർക്ക്‌ ദാരുണാന്ത്യം ഡ്രൈവർ പരിക്കുകളോടെ രക്ഷപെട്ടു. തമിഴ്നാട് കൊല്ലംകോട് ചക്കിനട സ്വദേശി വിജിൽ(35)ആണ് മരിച്ചത് ഡ്രൈവർ തമിഴ്നാട് സ്വദേശി എഡ് വിൻ ജോസ് പരിക്കുകളോടെ രക്ഷപെട്ടു. ഇന്നലെ പുലർച്ചെ 4.45ന് മീനാട് കിഴക്ക് തെങ്ങുവിള ഹോളോബ്രിക്സിൽ തമിഴ് നാട് അoബൂരിയിൽ നിന്നും ചിപ്സുമായി വന്ന ലോറിയാണ് മറിഞ്ഞത്. ലോഡ് ഇറക്കുന്നതിനായി പിറക് വശത്തെ ബോഡി ഉയർത്തുന്നതിനിടെ ലോറി ഒരു സൈഡിലോട്ട് മറിയുകയായിരുന്നു.ഓടി മാറാൻ ശ്രമിക്കുന്നതിനിടയിൽ ലോറിയുടെ ബോഡിയ്ക്കടിയിൽപ്പെട്ടാണ് വിജിൽ മരിക്കുന്നത്. റോഡിൽ നിന്നും താഴ്ചയിൽ സ്ഥിതിചെയ്യുന്ന കമ്പനിയാണിത്. തറ നിരപ്പല്ലാതെ ഒരു സൈഡിലോട്ട് ചരിഞ്ഞു കിടക്കുന്ന പ്രദേശത്ത് വാഹനം നിർത്തി ബോഡി പൊക്കി ലോഡ് ഇറക്കിയതാണ് അപകടകാരണമെന്ന് കരുതുന്നതായി പോലിസ് പറഞ്ഞു.അപകടത്തിൽ ലോറിയുടെ ബോഡിയുടെ അടിയിൽപ്പെട്ട ക്ളീനറുടെ മൃതദേഹം പോലീസും പരവൂരിൽ നിന്നുള്ള ഫയർഫോഴ്സ് സംഘവും എത്തി പുറത്തെടുക്കുകയായിരുന്നു. തുടർന്ന് മൃതദേഹം പാരിപ്പള്ളി മെഡിക്കൽ കോളേജിലേക്ക് മാറ്റി പരിക്കേറ്റ ഡ്രൈവർ ആശുപത്രിയിൽ ചികിത്സയിലാണ്. കൂടുതൽ അന്വേഷണം നടന്നു വരികയാണ് മരിച്ചയാളുടെ മൃതദേഹം പോസ്റ്റ്‌ മാർട്ടത്തിന് ശേഷം ബന്ധുക്കൾക്ക്‌ വിട്ട് കൊടുത്തു.

ഫോട്ടോ: മറിഞ്ഞു കിടക്കുന്ന ടോറസ് ലോറി 

പാരിപ്പള്ളി മെഡിക്കൽ കോളേജിൽ കാത്ത് ലാബ് ഉണ്ട് ചികിത്സ കിട്ടണമെങ്കിൽ അധികൃതർ കനിയണം

പാരിപ്പള്ളി മെഡിക്കൽ കോളേജിൽ കാത്ത് ലാബ് ഉണ്ട് ചികിത്സ കിട്ടണമെങ്കിൽ അധികൃതർ കനിയണം 

   

ചാത്തന്നൂർ :പാരിപ്പള്ളിയിലെ സർക്കാർ മെഡിക്കൽ കോളേജ് ആശുപത്രിയിൽ

എട്ടുകോടി ചെലവഴിച്ച് പാരിപ്പള്ളി ആശുപത്രിയിൽ നിർമാണം തുടങ്ങിയ കാത്ത്‌ ലാബ്  പണി പൂർത്തിയാക്കി. പ്രവർത്തനം ആരംഭിച്ചുവെങ്കിലും രോഗികളെ പ്രവേശിപ്പിക്കാൻ ഡോക്ടർമാർക്ക് 

ഇപ്പോഴും മടിയാണ് കാത്ത് ലാബ് പൂർണസജ്ജമായി മാസങ്ങൾ കഴിഞ്ഞിട്ടും ഹൃദ്രോഗബാധിതർക്ക് ചികിത്സ കിട്ടണമെങ്കിൽ കടമ്പകളെറെയാണ്. സ്റ്റാഫുകൾ കനിയണം ഡോക്ടറുടെ വീട്ടിൽ പോയി കാണണം തുടങ്ങിയ ചടങ്ങുകൾ ഏറെയാണ് എന്ന് രോഗികൾ പറയുന്നു. 

മുടങ്ങിക്കിടന്ന കാർഡിയോളജി ഒ പി ഒ പുനരാരംഭിച്ചിട്ടും പൂർണ്ണതോതിൽ പ്രവർത്തനം ആരംഭിച്ചിട്ടില്ല.

ചൊവ്വ, വ്യാഴം ദിവസങ്ങളിൽ രാവിലെ 7.30 മുതലാണ് കാർഡിയോളജി 

ഒ പി പ്രവർത്തിക്കുന്നത്.

എന്നാൽ മെഡിസിൻ ഒ പി ക്കൊപ്പം ഒരുഭാഗത്തുമാത്രമാണിത് പ്രവർത്തിക്കുന്നതെന്നും ഇവിടെനിന്ന്‌ റഫർ ചെയ്യുന്നവരെ മാത്രമാണ് നോക്കുന്നതെന്നും പരാതിയുയരുന്നു

തിരുവനന്തപുരം മെഡിക്കൽ കോളേജ്‌ ആശുപത്രിയിൽനിന്ന്‌ മൂന്ന് സീനിയർ റെസിഡന്റുമാരെ ജോലിക്രമീകരണവ്യവസ്ഥയിൽ നിയമിക്കാൻ ആരോഗ്യവകുപ്പ് ഉത്തരവിറക്കിയിരുന്നെങ്കിലും ഇതുവരെ ഇവരെ ഉൾപ്പെടുത്തി കാത്ത് ലാബ് പൂർണ്ണതോതിൽ പ്രവർത്തിപ്പിക്കാൻ നടപടിയുണ്ടായിട്ടില്ല. എല്ലാ ഭൗതികസാഹചര്യങ്ങളുമുണ്ടായിട്ടും മെ‌ഡിക്കൽ കോളേജ്‌ ആശുപത്രിയിൽ കാത്ത്‌ ലാബ് പ്രവർത്തനം തുടങ്ങാത്തത് സ്വകാര്യ ആശുപത്രികളെ സഹായിക്കാനാണെന്ന ആക്ഷേപവും ഉയരുന്നുണ്ട്. ന്യൂറോ സർജന്റെ സേവനവും ആശുപത്രിയിൽ ലഭ്യമായിട്ടില്ല. വഴിപാട് പോലെയാണ് ന്യുറോ ഡിപ്പാർട്ട്മെന്റ് പ്രവർത്തിക്കുന്നത്.

ദേശീയപാതയിൽ കടമ്പാട്ടുകോണംമുതൽ മേവറംവരെയുണ്ടാകുന്ന വാഹനാപകടങ്ങളിൽപ്പെടുന്നവരെ ഇവിടേക്ക്‌ കൊണ്ടുവരുന്നുണ്ടെങ്കിലും പ്രാഥമിക പരിചരണംപോലും നൽകാൻ ജില്ലാ മെഡിക്കൽ കോളേജ്‌ ആശുപത്രിയിൽ സംവിധാനമില്ലാത്ത അവസ്ഥയാണ്. അധികൃതരുടെ അനാസ്ഥ കാരണം നിലവിലുള്ള സംവിധാനംപോലും ഉപയോഗപ്പെടുന്നില്ല.

രാത്രിയിൽ അത്യാഹിത വിഭാഗത്തിലെത്തുന്ന ഭൂരിഭാഗം കേസുകളും തിരുവനന്തപുരത്തേക്ക് റഫർ ചെയ്യുകയാണ്. കോവിഡ് ചികിത്സയ്ക്ക് ഏറെ പ്രശസ്തിയാർജിച്ച ആശുപത്രിയിൽ പക്ഷേ, തീവ്രഹൃദ്രോഗബാധയുമായി എത്തുന്ന  രോഗികൾക്ക് പൂർണമായ പരിചരണമൊരുക്കാൻ ഇപ്പോഴും മെഡിക്കൽ കോളേജിന് 

കഴിയുന്നില്ല. കോടികൾ മുടക്കി സജ്ജമാക്കിയ കാത്ത് ലാബിന്റെ പ്രവർത്തനം പൂർണ്ണതോതിൽ പ്രവർത്തിക്കാൻ അധികൃതർ നടപടിയെടുക്കണമെന്നാണ് ജനം ആവശ്യപ്പെടുന്നത്

പാരിപ്പള്ളി മെഡിക്കൽ കോളേജിലെ ഔട്ട്‌ പേഷ്യന്റ് വിഭാഗം താളം തെറ്റി രോഗികൾ ചികിത്സ കിട്ടാതെ മടങ്ങുന്നു

ചാത്തന്നൂർ: പാരിപ്പള്ളി മെഡിക്കൽ കോളേജിലെ ഔട്ട്‌ പേഷ്യന്റ് വിഭാഗം താളം തെറ്റി രോഗികൾ ചികിത്സ കിട്ടാതെ മടങ്ങുന്നു. മെഡിക്കൽ കോളേജിൽ എത്തുന്ന രോഗികളുടെ എണ്ണം കൂടിയിട്ടും സംവിധാനമൊരുക്കാതെ മെഡിക്കൽ കോളേജ് അധികൃതർ.ഔട്ട്‌ പേഷ്യന്റ്

ഒരു രോഗിക്ക് ചികിത്സ ലഭിക്കണമെങ്കിൽ ടോക്കൺ എടുക്കാൻ  വെളുപ്പിന് അഞ്ചു മണിക്ക് എത്തണം.

ക്യു നിന്ന് സെക്യുരിറ്റിയുടെ കൈയിൽ നിന്നും ടോക്കൺ കിട്ടിയാൽ തന്നെ രാവിലെ 7.30നാണ് ഒ. പി കൗണ്ടറിൽ നിന്നും ഒ. പി ടിക്കറ്റ് ലഭിച്ചു തുടങ്ങാൻ അപ്പോഴേക്കും അഞ്ഞൂറിലധികം ടോക്കൺ വിതരണം ചെയ്തു കഴിഞ്ഞിരിക്കും ഒ. പി യുടെ പരിസരം രോഗികളെ കൊണ്ട് നിറഞ്ഞിരിക്കും.അഞ്ചു കൗണ്ടർ ഉള്ള 

പാരിപ്പള്ളി മെഡിക്കൽ കോളേജിലെ ഒ പി വിഭാഗത്തിൽ രാവിലെ പ്രവർത്തിക്കുന്നത് രണ്ട് കൗണ്ടർ മാത്രം.. അഞ്ചു കൗണ്ടർ ഉള്ള സ്ഥാനത്താണ് രണ്ട് കൗണ്ടർ പ്രവർത്തിക്കുന്നത്. അഞ്ചു കൗണ്ടർ പ്രവർത്തിക്കുന്ന സ്ഥാനത്താണ് രാവിലെ ഒന്നോ രണ്ടോ സ്റ്റാഫുകൾ എത്തി കൗണ്ടർ പ്രവർത്തനം നടത്തുന്നത്.ആയിരകണക്കിന് രോഗികൾ വരുന്നിടത്ത് ഒന്നോ രണ്ടോ കൗണ്ടർ പ്രവർത്തനം നടത്തിയാൽ  എങ്ങനെ ഡോക്ടർമാരെ കാണും എന്നാണ് രോഗികൾ ചോദിക്കുന്നത്.

@ സ്പെഷ്യലിറ്റി ഒ. പിയിൽ എത്തുന്നവർക്ക്‌ ചികിത്സ നിഷേധിക്കുന്നു.

സ്പെഷ്യലിറ്റി ഒ. പിയിൽ നിശ്ചിത ആൾക്കാരെ മാത്രമാണ് ഡോക്ടർമാർ നോക്കുക അത് ആഴ്ചയിൽ മൂന്ന് ദിവസം മാത്രം, രണ്ട് ദിവസങ്ങളിൽ മാത്രം ഉള്ള ഒ. പിയുമുണ്ട് 

അത് കൊണ്ട് തന്നെ സ്‌പെഷ്യാലിറ്റി ഒ. പിയിലേക്കുള്ള ടോക്കണും ഒ. പി ടിക്കറ്റുകളും എല്ലാം മെഡിക്കൽ കോളേജിലെ ഒരു വിഭാഗം 

ഉദ്യോഗസ്ഥർ തന്നെ രാവിലെ കൈവശപ്പെടുത്തും. അത് കൊണ്ട് തന്നെ സാധാരണക്കാരന് മെഡിക്കൽ കോളേജിലെ സ്പെഷ്യലിറ്റി ഒ. പിയിൽ ചികിത്സ നിഷേധിക്കുകയാണ് എന്ന് രോഗികൾ ആരോപിക്കുന്നു.

ഗൈനകോളജി വിഭാഗത്തിൽ 

നിറഗർഭിണികൾ പോലും മണിക്കൂറോളം ക്യു നിൽക്കേണ്ട അവസ്ഥ പലരും ചികിത്സ കിട്ടാതെ മടങ്ങുന്നുണ്ട്.

@ഔട്ട്‌ പേഷ്യന്റ് വിഭാഗത്തിൽ കൈയൂക്ക് ഉള്ളവൻ കാര്യക്കാരൻ 

ഒ പി കൗണ്ടറിന്റെ നാല് സൈഡും കസേരകൾ നിരത്തിയിട്ട് ഉണ്ടെങ്കിലും ആ കസേരകൾ നിറഞ്ഞു കവിഞ്ഞു ജനങ്ങൾ നിൽക്കുകയാണ് വരുന്നത് എല്ലാം രോഗികൾ ആയത് കൊണ്ട് ആരും തന്നെ മറ്റൊരാൾക്ക്‌ വേണ്ടി എണ്ണീറ്റ് കൊടുക്കാറില്ല.ഒന്ന് തൊട്ട് കൊടുക്കേണ്ട ടോക്കൺ പലപ്പോഴും പത്ത് തൊട്ട് അൻപത് വരെയാണ്  കൊടുത്തു തുടങ്ങുകയെന്ന് സ്ഥിരമായി എത്തുന്ന രോഗികൾ പറയുന്നു ഫോൺ കോൾ വരുന്നത് അനുസരിച്ചു ടോക്കൺ മാറ്റും മുൻകൂട്ടി പറഞ്ഞു വരുന്നവർക്ക്‌ കൗണ്ടറിൽ മുൻഗണനയും കിട്ടുമെന്ന് രോഗികൾ കുറ്റപ്പെടുത്തുന്നു.ഔട്ട്‌ പേഷ്യന്റ് വിഭാഗത്തിൽ സ്പ്ളിറ്റ് എ സിയും ഫാനും ഉണ്ടങ്കിലും അതൊക്കെ പ്രവർത്തിക്കണമെങ്കിൽ സെക്യുരിറ്റി 

ഉദ്യോഗസ്ഥർ തന്നെ വിചാരിക്കണം.ജന്നലുകൾ തുറന്നിട്ട്‌ അഡ്ജസ്റ്റ് ചെയ്യുകയാണ് ഉദ്യോഗസ്ഥർ യതാ സമയം സർവീസ് ചെയ്യാത്തത് മൂലം എ സി കൾ പ്രവർത്തനരഹിതമാണെന്ന് സെക്യുരിറ്റി ഉദ്യോഗസ്ഥർ തന്നെ സാക്ഷ്യപ്പെടുത്തുന്നു.

@ എവിടെ ചെന്നാലും ടോക്കൺ സെക്യുരിറ്റിയുടെ അനൗൺസ്മെന്റ് നോക്കിയിരുന്നില്ലെങ്കിൽ ചികിത്സയില്ല ആദ്യം ഘട്ടം ഒ. പി ടോക്കൺ എടുത്തു ഒ. പി ടിക്കറ്റ് എടുത്തു അകത്തു കയറിയാൽ ഓരോ ഡിപ്പാർട്ട് മെന്റിലും ടോക്കൺ ഉണ്ട് ആ ടോക്കൺ കിട്ടി വെളിയിൽ കാത്തിരിക്കണം ഇവിടെയും രോഗികൾ സെക്യുരിറ്റിയുടെ കനിവിനായി കാത്തിരിക്കണം ടോക്കൺ ഉണ്ടെങ്കിലും സെക്യുരിറ്റിയുടെ പേര് വിളിക്ക് അനുസരിച്ചാണ് പ്രവേശനം വിളിക്കുന്ന സമയത്ത് രോഗിയില്ലെങ്കിൽ പിന്നെ മണിക്കൂറുകൾ ചിലവഴിക്കണം എന്ന് രോഗികൾ പറയുന്നു.

മനുഷ്യസഹജമായ പ്രേരണയാൽ സേവനപ്രവർത്തനവുമായി മുന്നോട്ട് പോകുന്ന പ്രസ്ഥാനമാണ് സേവഭാരതി

പരവൂർ:  മനുഷ്യസഹജമായ പ്രേരണയാൽ സേവനപ്രവർത്തനവുമായി മുന്നോട്ട് പോകുന്ന പ്രസ്ഥാനമാണ്  സേവഭാരതിയെന്ന് 

മുതിർന്ന ആർ എസ് എസ് പ്രചാരകൻ സേതുമാധവൻ പറഞ്ഞു. സേവാഭാരതി പരവൂരിൽ നിർദ്ധനാരായ കുടുംബത്തിന് നൽകിയ വീടിന്റെ താക്കോൽ ദാനകർമ്മം നടത്തികൊണ്ട്

സംസാരിക്കുകയായിരുന്നു. ഓരോ വ്യക്തിയും സ്വന്തം കുടുംബത്തെ സംരഷിക്കുന്നതിനോടൊപ്പം സമൂഹത്തിൽ വേദനയും കഷ്ടപ്പാടും അനുഭവിക്കുന്നവർക്ക്‌ താങ്ങായും തണലായും മാറണം. ഒരു തുണ്ട് ഭൂമിയ്ക്കായും തലചായ്ക്കാൻ ഒരു വീടിനായും ജനങ്ങൾ സർക്കാരിന് മുന്നിൽ യാചിക്കുമ്പോൾ ലക്ഷകണക്കിന് ജനങ്ങളെ. കുടിയിറക്കുന്ന കെ റെയിൽ പോലുള്ള പദ്ധതിയുമായി സംസ്ഥാന സർക്കാർ മുന്നോട്ട് പോകുന്നത് അംഗീകരിക്കാനാകില്ല.വീടുകളുടെ പൂട്ട് പൊളിച്ചും വസ്തുക്കളിൽ പോലീസിനെ ഉപയോഗിച്ച് അതിക്രമിച്ചു കയറിയാണ് കെ റെയിൽ പദ്ധതിയ്ക്ക് വേണ്ടി പോലിസ് കല്ലിടുന്നത്. പ്രളയബാധിതർക്ക്‌ കൊടുത്ത വാഗ്ദാനങ്ങൾ പാലിക്കാൻ നാളിതുവരെ സർക്കാർ സംവിധാനങ്ങൾക്കായിട്ടില്ല പ്രളയത്തിൽ വീട് നഷ്ടപ്പെട്ട ഒരു ഗ്രാമത്തിലെ 17കുടുംബങ്ങൾക്ക് സേവാഭാരതി വീട് വച്ച് നൽകി

അവിടെയും ജനങ്ങൾക്ക്‌ കൊടുത്ത വാഗ്ദാനങ്ങൾ പാലിക്കാൻ സേവാഭാരതിയ്ക്ക് കഴിഞ്ഞിട്ടുണ്ട് ദുരന്തഭൂമിയിൽ മനുഷ്യസഹജമായ പ്രേരണയാൽ സേവനപാത ഉൾക്കൊണ്ട്‌ ജനങ്ങളാൽ ഈശ്വരരൂപം പൂണ്ട പ്രസ്ഥാനമാണ് സേവഭാരതിയെന്ന് അദ്ദേഹം പറഞ്ഞു. സേവാഭാരതി പരവൂർ മുൻസിപ്പൽ സമിതി പ്രസിഡന്റ്‌ അശോക് കുമാർ അധ്യക്ഷത വഹിച്ചു, രാക്ഷ്ട്രീയ സ്വയം സേവകസംഘം പ്രാന്തിയ സഹ വ്യവസ്ഥ പ്രമുഖ് രാജൻകരൂർ മുഖ്യപ്രഭാഷണം നടത്തി, സേവഭാരതി ജില്ലാ ഉപാധ്യഷൻ കേണൽ ഡിന്നി, ബിജെപി ജില്ലാ പ്രസിഡന്റ്‌ ബി. ബി. ഗോപകുമാർ, ബിജെപി മുൻസിപ്പൽ പാർലമെന്ററി പാർട്ടി ലീഡർ സ്വർണ്ണമ്മ സുരേഷ് എന്നിവർ ആശംസകൾ അർപ്പിച്ചു അഖിലൻ. എസ്. ബി സ്വാഗതവും എസ്. ശ്രീലാസ് നന്ദിയും പറഞ്ഞു.

ഫോട്ടോ:

പരവൂർ സേവാഭാരതി അഭിമാനം

പരവൂർ:  ഗോപി - കൃഷ്ണമ്മ ദമ്പതികൾക്കായി പരവൂർ സേവഭാരതി നിർമ്മിച്ചു നൽകിയ വീടിന്റെ താക്കോൽ

ഇന്നലെ രാവിലെ 9.15ന് 

കൃഷ്ണമ്മയും ഗോപിയും ചേർന്ന് മുതിർന്ന സംഘപ്രചാരകൻ 

സേതുമാധവന്റെ കൈയിൽ നിന്നും ഏറ്റുവാങ്ങി ഗൃഹപ്രവേശനം നടത്തി.

നിർദ്ധനരായ 

കൂനയിൽ ക്ലാവറതൊടിയിൽ ഗോപി കൃഷ്ണമ്മ ദമ്പതികളുടെ  ദയനീയാവസ്ഥയ്ക്ക് പരിഹാരമായി ഒരു കിടപ്പാടമെന്ന സ്വപ്നമാണ് സേവാഭാരതി സാക്ഷാത്കരിച്ചു നൽകിയിരിക്കുന്നത്.

ഗൃഹനാഥനായ ഗോപി

അസുഖബാധിതനായി ജോലിക്ക് പോകുവാൻ വയ്യാതായതോടെ കൃഷ്ണമ്മ ആക്രിപറക്കിയാണ് കുടുംബം പോറ്റി വന്നത് സർക്കാർ സംവിധാനത്തിൽ അനുവദിച്ച വീടിന്റെ നിർമ്മാണം പൂർത്തിയാക്കാൻ കഴിഞ്ഞതുമില്ല ഇതിനെ തുടർന്ന്

പരവൂർ സേവാഭാരതിയാണ് ഇവരുടെ വീടെന്ന സ്വപ്നം സാക്ഷാത്കരിക്കാൻ മുന്നിട്ട് ഇറങ്ങിയത്.ആറ് മാസം തികയുന്നതിന് മുൻപ് വീടിന്റെ പണി പൂർത്തിയാക്കി കൊറോണ പ്രതിസന്ധിയെല്ലാം മറികടന്നു കൊണ്ടാണ് സേവാഭാരതി വീട് നിർമ്മാണം പൂർത്തിയാക്കിയത്. കൊറോണ പ്രതിസന്ധിയിൽ സർക്കാർ സംവിധാനം പൂർണ്ണമായും പരാജയപ്പെട്ടപ്പോൾ എല്ലാ. സംവിധാനങ്ങളും ഒരുക്കി കൊണ്ടാണ് സേവാഭാരതി പരവൂരിൽ സേവനപ്രവർത്തന രംഗതെത്തിയത്. ആരോഗ്യപ്രവർത്തകരെ സഹായിക്കാൻ ആംബുലൻസ് സർവീസ് ഒരുക്കി കൊറോണ ബാധിതർക്ക് താങ്ങായും തണലായും മാറി മൃതദേഹങ്ങൾ സംസ്കാരം നടത്തി നെടുങ്ങോലം ബി. ആർ ആശുപത്രിയുമായി ചേർന്ന് വീട് വീടാന്തരം കൊറോണ ടെസ്റ്റുകൾ സൗജന്യമായി നടത്തി മാതൃകയായി മാറി പരവൂർ മുൻസിപ്പൽ മേഖലയിൽ കൊറോണ വിമുക്തമാക്കുന്നതിൽ മുഖ്യ പങ്കുവഹിച്ച സേവഭാരതി ഇപ്പോൾ നിർദ്ധന കുടുംബത്തിന് വീട് വച്ച് നൽകി കൊണ്ട് സേവനപാതയിൽ മുന്നോട്ടു പോകുകയാണ്‌.വീടിന്റെ താക്കോൽ ഏറ്റുവാങ്ങിയതിന് ശേഷം കൃഷ്ണമ്മ കണ്ണീരോടെയാണ് സേവാഭാരതിയോട് നന്ദിപറഞ്ഞത്.

 

നിബന്ധനകൾ കർശനം പെറ്റ് ഷോപ്പുകൾ പ്രതിസന്ധിയിൽ

നിബന്ധനകൾ കർശനം 

പെറ്റ് ഷോപ്പുകൾ പ്രതിസന്ധിയിൽ 

  

കൊല്ലം : വളർത്തു മൃഗങ്ങളെയും പക്ഷികളെയും വിൽക്കുന്ന പെറ്റ് ഷോപ്പുകളുടെ പ്രവർത്തനത്തിന്

മൃഗസംരക്ഷണ വകുപ്പിന്റെ പരിശോധനകൾ നടത്തി 

ലൈസൻസ് നിർബന്ധമാക്കി നിബന്ധനകൾ കർശനമാക്കിയതോടെ

പെറ്റ് ഷോപ്പുകൾ പ്രതിസന്ധിയിലായി.

 വളർത്ത് മൃഗങ്ങളെ വില്പന നടത്തുന്ന കേന്ദ്രങ്ങളിൽ  മൃഗസംരക്ഷണ വകുപ്പിന്റെ പരിശോധനകൾ തുടങ്ങി കഴിഞ്ഞു. പെറ്റ്‌ ഷോപ്പുകൾ പ്രൊഫഷണലാക്കുന്നതിനും മൃഗങ്ങളുടെ സംരക്ഷണം ഉറപ്പാക്കുന്നതിനുമായി ഏർപ്പെടുത്തിയ നിബന്ധനകളാണ് സാധാരണക്കാരായ കച്ചവടക്കാർക്കാണ് ബാധ്യതയായത്.

ജില്ലയിൽ ഏറ്റവും അധികം കടകൾ പ്രവർത്തിക്കുന്നത് ചെറുകിടമേഖലയിലാണ്. കൊവിഡ് പ്രതിസന്ധിയിൽ തൊഴിൽ നഷ്ടപ്പെട്ട ധാരാളം ചെറുപ്പക്കാരാണ് ഈ മേഖലയിലേക്ക് കടന്നുവന്നത്. വർഷംതോറും നികുതിയടക്കം വിവിധയിനങ്ങളിലായി ഇരുപതിനായിരത്തിലധികം രൂപയാണ് കടയുടമകൾ സർക്കാരിലേക്ക് അടയ്ക്കുന്നത്. ഇതിനു പുറമേയാണ് പുതിയ ചട്ടത്തിൽ പറയുന്ന ലൈസൻസ് ഫീസും വന്നിരിക്കുന്നത്.

അലങ്കാരമത്സ്യങ്ങളെ വളർത്തുന്നതിന് ഫിഷറീസ് വകുപ്പിൽനിന്ന് അനുമതി വാങ്ങണം. മൃഗങ്ങളെയും പക്ഷികളെയും വില്പന നടത്തുന്നതിന് 5000 രൂപയാണ് ലൈസൻസ് ഫീസ്. നിയമത്തിൽ പറയുന്ന തരത്തിലുള്ള അടിസ്ഥാന സൗകര്യങ്ങൾ ഒരുക്കാൻ ലക്ഷങ്ങളുടെ ചെലവുവരുമെന്നാണ് ഉടമകൾ പറയുന്നത്. കടകളിൽ കേന്ദ്ര സർക്കാർ ഏർപ്പെടുത്തിയ നിയമം സംസ്ഥാന സർക്കാർ അതേപടി നടപ്പാക്കിയാൽ ഭൂരിഭാഗം കടകളും പൂട്ടേണ്ടിവരുമെന്ന്‌ ഈ മേഖലയിൽ പ്രവർത്തിക്കുന്നവർ പറയുന്നു.

നായകളുടെ പ്രജനന, വിൽപ്പന സംരംഭങ്ങൾ, പെറ്റ് ഷോപ്പുകൾ, അലങ്കാര മത്സ്യഷോപ്പുകൾ എന്നിവയുടെ പ്രവർത്തനത്തിന് കർശന നിയന്ത്രണം ഏർപ്പെടുത്തുന്നതാണ് പുതിയ ചട്ടങ്ങൾ. മൃഗക്ഷേമം ഉറപ്പാക്കാനും ശാസ്ത്രീയ രീതികൾ പിന്തുടരാനും ലക്ഷ്യമിട്ടാണ് പുതിയ നിയന്ത്രണങ്ങളെങ്കിലും ഇവ എങ്ങനെ നടപ്പാക്കുമെന്നത് വെല്ലുവിളിയാണ്.

@ പ്രധാന നിബന്ധനകൾ

കുട്ടികൾക്ക് വളർത്തുമൃഗങ്ങളെ വിൽക്കരുത്

മൂന്നുമാസം കൂടുമ്പോൽ വെറ്ററിനറി ഡോക്ടറുടെ പരിശോധന സർട്ടിഫിക്കറ്റ് ഹാജരാക്കണം

രോഗബാധയുള്ള പക്ഷികളെയും മൃഗങ്ങളെയും പ്രത്യേക സംവിധാനത്തിൽ പാർപ്പിക്കണം

പക്ഷികൾക്ക് കൂടുകളിൽ വിശാലമായി പറന്നുനടക്കാനും ഇരിക്കാനും സൗകര്യമൊരുക്കണം

തിരിച്ചറിയുന്നതിനായി നായ്ക്കൾക്ക് മൈക്രോ ചിപ്പ് ഘടിപ്പിക്കണം

രാത്രിയിൽ കടകൾ അടച്ചതിനുശേഷവും പരിചാരകർ നിർബന്ധം

കടയിലെ മൃഗങ്ങളുടെ എണ്ണവും വിലയും പ്രദർശിപ്പിക്കണം

പരവൂർ റെയിൽവേ സ്റ്റേഷൻ ലഹരിസംഘത്തിന്റെ ഇടത്താവളം

പരവൂർ റെയിൽവേ സ്റ്റേഷൻ ലഹരിസംഘത്തിന്റെ ഇടത്താവളം

പരവൂർ : പരവൂർ റെയിൽവേ സ്റ്റേഷൻ ലഹരിസംഘത്തിന്റെ ഇടത്താവളമായി മാറുന്നു. പരവൂർ റെയിൽവേ സ്റ്റേഷൻ 

കേന്ദ്രമാക്കി വൻതോതിൽ മയക്കുമരുന്ന് കച്ചവടമാണ് ദിനംപ്രതി നടക്കുന്നത്. ട്രയിൻ വഴി പരവൂരിൽ എത്തുന്ന മയക്കുമരുന്ന് വെളിയിൽ കാത്ത് നിൽക്കുന്ന ഏജന്റുമാർക്ക്‌ കൈമാറി അത് വൻകിട കച്ചവടക്കാരുടെ കൈകളിലേക്കും ചെറുകിടകച്ചവടക്കാർക്കും കൈമാറുകയാണ്. വർക്കല റെയിൽവേ സ്റ്റേഷനിൽ പോലിസും റെയിൽവേ പോലീസും പരിശോധന കർശനമാക്കിയതോടെയാണ് മയക്കുമരുന്ന് സംഘങ്ങൾ തീരദേശ റെയിൽവേ സ്റ്റേഷൻ കേന്ദ്രീകരിച്ചു മയക്കുമരുന്ന് ശ്രംഖല വിപുലമാക്കിയിരിക്കുന്നത്.

സന്ധ്യയായി കഴിഞ്ഞാൽ ആളൊഴിഞ്ഞ പരവൂർ റെയിൽവേ സ്റ്റേഷൻ യുവാക്കളുടെ വിഹാര കേന്ദ്രമാണ്.

വൈകുന്നേരം ആകുന്നതോടെ  മുന്തിയ ഇനം കാറുകളിൽ വരുന്ന യുവാക്കൾ പരിസരത്ത് തമ്പടിക്കുകയാണ് ഇവർ മയക്കുമരുന്നുമായാണ് 

മടക്കം.തീരദേശ മേഖലയിൽ 

പോലീസിന്റെ പരിശോധനയില്ലാത്തത് മൂലം  ഇത്തരം സംഘങ്ങൾക്ക് അഴിഞ്ഞാടാൻ അനുകൂല സാഹചര്യമായി.വർക്കല, കോവളം തുടങ്ങിയ ടൂറിസ്റ്റ് കേന്ദ്രങ്ങളിലേക്ക് തീരദേശം വഴി മയക്കുമരുന്ന് എത്തിക്കുന്ന സംഘങ്ങൾ ഇപ്പോൾ പരവൂർ കേന്ദ്രമാക്കിയാണ് പ്രവർത്തിക്കുകന്നത് എന്ന് കേരള പോലീസിന്റെ ഇന്റലിജൻസ് വൃത്തങ്ങൾ പോലീസിനും എക്സൈസിനും റിപ്പോർട്ട് നൽകിയിട്ടും പോലിസും എക്സൈസും യാതൊരു പരിശോധനയും നടത്തിയിട്ടില്ല.കൂടാതെ റെയിൽവേ സ്റ്റേഷൻ പരിസരത്തു തമ്പടിക്കുന്ന സാമൂഹ്യവിരുദ്ധരുടെ 

പരസ്യ മദ്യപാനവുമുണ്ട് 

ഒഴിഞ്ഞ മദ്യക്കുപ്പികളും ഭക്ഷണ അവശിഷ്ടങ്ങളും സ്റ്റേഷൻ പരിസരത്ത് ചിതറിക്കിടക്കുന്നു. മറ്റ് ലഹരി പദാർത്ഥങ്ങളുടെ ഒഴിഞ്ഞ പായ്ക്കറ്റുകളും സിറിഞ്ചുകളും നിരവധി കാണാം. മിക്കവാറും ദിവസങ്ങളിൽ ഇവിടെ നിന്നും വളരെ ഉച്ചത്തിൽ ആക്രോശവും ബഹളവും കേൾക്കാറുണ്ടെന്ന് പ്രദേശവാസികൾ പറയുന്നു. ഭയമുള്ളതിനാൽ ഇടപെടാറില്ല. വരുന്നവരുടെ പക്കൽ മാരാകായുധങ്ങളുമുണ്ടെന്നാണ് നാട്ടുകാർ പറയുന്നത്.

പോലീസിൽ പലവട്ടം ഇത്തരം സംഘങ്ങളെ കുറിച്ച് നാട്ടുകാർ സൂചനകൾ നൽകിയിട്ടുണ്ടെങ്കിലും ഇടപെടൽ ഉണ്ടാകുന്നില്ലെന്നാണ് ആക്ഷേപം

നോമ്പുകാലത്തിന് ഉണർവേകി പഴംവിപണി; വിലയിലും വർധന

പഴം വിപണി ഉണർന്നു വില കുതിക്കുന്നു നിയന്ത്രിക്കാൻ സർക്കാർ സംവിധാനമില്ല.

കൊല്ലം:  വിഷുവിന്റെയും വ്രതശുദ്ധിയുടെയും  ഈസ്റ്ററിന്റെയും നാളുകൾ പഴവിപണിയെ കൂടുതൽ സജീവമാക്കിയെങ്കിലും ദിനംപ്രതി ഉയരുന്ന വിലനിലവാരം വിപണിയെ പിന്നോട്ടടിക്കുന്നു. നാടൻ ഇനങ്ങളും വിദേശത്തുനിന്നെത്തിയ ഉണക്കിയ പഴങ്ങളുമാണ് നോമ്പുകാലത്ത് പ്രീയം 

ദാഹവും ക്ഷീണവും മാറ്റുന്ന തണ്ണിമത്തനും കരിക്കിനും പ്രിയം കൂടിയതോടെ വില നിലവാരവും തോന്നുംപടിയായി.

നോമ്പുകാലത്തുണ്ടാകുന്ന സ്വഭാവിക വിലവർധന പഴവിപണിയെ അല്പം പിറകോട്ടടിച്ചെങ്കിലും വിഷുവും ഈസ്റ്ററുമെല്ലാം പടിവാതിൽക്കൽ എത്തിയതോടെ വില കുതിക്കുകയാണ് ഒപ്പം കച്ചവടക്കാർ തോന്നുംപടി വില്പനയും തുടങ്ങി. സാധാരണഗതിയിൽ 

രാവിലെയും വെയിലാറുന്ന വൈകുന്നേരങ്ങളിലുമാണ് പഴവിപണിയിൽ തിരക്കേറുന്നത്.ഇപ്പോൾ വൈകുന്നേരങ്ങളിലെ മഴ മൂലം കച്ചവടം മന്ദഗതിയിലായതായി കച്ചവടക്കാർ പറയുന്നു.

@ പഴ വർഗ്ഗങ്ങൾ ഉപയോഗിച്ചുള്ള 

നോമ്പുതുറ സാധാരണക്കാരന് അന്യമാകുന്നു.

നോമ്പുകാലത്ത്‌ ഒഴിച്ചുകൂടാനാവാത്തതാണ് പഴവർഗങ്ങൾ. ദിവസേനയുള്ള നോമ്പുതുറക്കൽ ചടങ്ങുകളിൽ പഴങ്ങളാണ് കൂടുതലും ഉൾപ്പെടുത്തുന്നത്. എന്നാൽ ദിനംപ്രതിയുണ്ടാകുന്ന വിലവർധന സാധാരണക്കാരന് പഴവർഗ്ഗങ്ങൾ ഉപയോഗിച്ചുള്ള നോബ് തുറ അന്യമാകുകയാണ്  ഇത്തവണ 

ഇത്തവണ 10 മുതൽ 30 രൂപ വരെയാണ് വില കൂടിയിരിക്കുന്നത് യാതൊരു മാന:ദണ്ടവും പാലിക്കാതെയാണ് കച്ചവടക്കാർ വില കൂട്ടുന്നത്.

80 രൂപയുണ്ടായിരുന്ന നാരങ്ങ കിലോയ്ക്ക് ഇപ്പോൾ 100 ന് മുകളിൽ കച്ചവടക്കാരുടെ ഇഷ്ടം പോലെ കൂട്ടുകയും കുറയ്ക്കുകയും ചെയ്യുന്നു.

70 രൂപയുണ്ടായിരുന്ന കറുത്ത മുന്തിരിക്ക് വില 80 ആയി. ആപ്പിൾ ഒന്നാം തരത്തിന് ഫ്രാൻസിൽ നിന്നുള്ള തിന്  220 രൂപയാണ്. ഇറ്റലിയിൽ നിന്നുള്ള രണ്ടാംതരത്തിന് 180-200 രൂപയും. പച്ച ആപ്പിളിന് 220-240 രൂപയും 

മാതളങ്ങ  വില 150 ൽ നിന്ന് 180 ലേക്കെത്തി. 60 രൂപയുണ്ടായിരുന്ന കൈതച്ചക്കയ്ക്ക് 80 രൂപയായും ഏത്തപ്പഴത്തിന് 10 രൂപ വർധിച്ച് 70 രൂപയുമായി.120 രൂപ മുതലാണ് മുസംബിയുടെ വില.കിവിപ്പഴം നാല് എണ്ണമുള്ള പാക്കറ്റ് 120രൂപയുമാണ്.

@ തണ്ണിമത്തനാണ് താരം 

ചൂടുസമയത്ത് 

പഴവിപണിയിൽ താരം തണ്ണിമത്തനാണ്.

ചൂട്. കുറഞ്ഞു 

മഴ പെയ്തിട്ടും വില കൂടി തന്നെ. ഇളംപച്ച നിറത്തിലുള്ള തണ്ണിമത്തൻ മുതൽ സ്വർണനിറത്തിലുള്ള തണ്ണിമത്തൻ വരെ ഇന്ന് വിപണിയിൽ സുലഭമാണ്. നോമ്പ് തുറക്കുന്ന ചടങ്ങിലും തണ്ണിമത്തനാണ് കൂടുതലും ഉൾപ്പെടുത്തുന്നത്. ചൂടിൽനിന്ന് ആശ്വാസമേകാൻ തണ്ണിമത്തൻ ജ്യൂസിനും വിപണിയിൽ പ്രിയമേറിയിട്ടുണ്ട് ഇതെല്ലാം കൊണ്ട് തന്നെ തണ്ണിമത്തന്റെ വിലയും വർധിച്ചിട്ടുണ്ട്. വലിയ തണ്ണിമത്തന്റെത്‌ 18 ൽനിന്ന് 24 ലേക്കും ചെറുത് 15 ൽ നിന്ന് 20 ലേക്കും വില ഉയർന്നു, ഒറഞ്ചിന് വില കുറഞ്ഞുവെങ്കിലും ഇപ്പോൾ വരവ് കുറഞ്ഞത് മൂലം കിട്ടാനില്ല, വെളുത്ത മുന്തിരി കിലോ 100-120രൂപയും കറുത്ത മുന്തിരി 100രൂപയുമാണ്.

@ വിദേശികളാണ് താരം.

ഒരുകാലത്ത് നഗരഗ്രാമ വിത്യാസമില്ലാതെ 

നാടൻ പഴങ്ങളാണ് ഏറ്റവും കൂടുതൽ വിറ്റിരുന്നത്. എന്നാൽ ഇന്ന് നാടൻപഴങ്ങൾ കുറവാണെന്ന് വ്യാപാരികൾ പറയുന്നു.മാങ്ങ പോലും അന്യസംസ്ഥാനത്ത് നിന്നുമാണ് എത്തുന്നത്.മാമ്പഴക്കാലമായിട്ടും 

കേരളത്തിന് പുറത്തുനിന്നെത്തുന്നതിനാൽ

മാമ്പഴങ്ങളുടെ വില കൂടാൻ കാരണമാകുന്നു. കിലോയ്ക്ക് 100 രൂപ മുതലുള്ള മാങ്ങകളാണ് വിപണിയിലുള്ളത്.സപ്പോട്ട എന്ന പേരുള്ള വെളിയിൽ നിന്നും വരുന്ന മാങ്ങയ്ക്ക് 120, കിളിച്ചുണ്ടൻ 100, പഞ്ചവർണ്ണൻ 120 എനിങ്ങനെയാണ്. നാട്ടിലെങ്ങും മാബഴകാലമായിട്ടും വിപണിയിൽ നാടൻ മാങ്ങ എത്തുന്നില്ല എന്ന് കച്ചവടക്കാർ പറയുന്നു.

പഴവർഗങ്ങളുടെ വില ഇനിയും ഉയരുമെന്നാണ് വ്യാപാരികളുടെ അഭിപ്രായം. വില വർധിച്ചെങ്കിലും ആവശ്യക്കാരുടെ എണ്ണത്തിൽ കുറവുണ്ടാകുന്നില്ലെന്ന്‌ വ്യാപാരികൾ പറയുന്നു.

വിദേശത്ത് പഠനം പൂർത്തിയാക്കി ഹൗസ് സർജൻസി ചെയ്യാത്ത ഡോക്ടർമാർ കേരളത്തിലെ സ്വകാര്യ സഹകരണ ആശുപത്രികളിൽ ജോലി ചെയ്യുന്നതായി പരാതി.

വിദേശത്ത് പഠനം പൂർത്തിയാക്കി 

ഹൗസ് സർജൻസി ചെയ്യാത്ത ഡോക്ടർമാർ കേരളത്തിലെ സ്വകാര്യ സഹകരണ ആശുപത്രികളിൽ ജോലി ചെയ്യുന്നതായി പരാതി.

കൊല്ലം:വിദേശത്ത് പഠനം പൂർത്തിയാക്കി ഹൗസ് സർജൻസി ചെയ്യാത്ത ഡോക്ടർമാർ കേരളത്തിലെ സ്വകാര്യ സഹകരണ ആശുപത്രികളിൽ ജോലി ചെയ്യുന്നതായി പരാതി ഉയരുന്നു. കൊറോണയെ തുടർന്ന് വിദേശ രാജ്യങ്ങളിൽ നിന്നും പഠിത്തം പൂർത്തിയാക്കി ഹൗസ് സർജൻസി ചെയ്യാതെ വന്നവരും ഓൺലൈൻ വഴി കോഴ്സ് പൂർത്തിയാക്കി ഓൺലൈൻ വഴി പരീക്ഷ എഴുതിയവരുമാണ് സഹകരണ സ്വകാര്യ ആശുപത്രികളെ സ്വാദീനിച്ചു കൊണ്ട്  ഹൗസ് സർജൻസി ചെയ്യുന്നത്.  മേവറത്തെ സഹകരണആശുപത്രിയിൽ ഇത്തരത്തിൽ നാല് പേരോളം 

ജോലി ചെയ്യുന്നുണ്ട് നാല് പേരും ചൈനയിലെ മെഡിക്കൽ കോളേജിൽ ബിരുദം പൂർത്തിയാക്കി കൊറോണ സമയത്ത് നാട്ടിൽ എത്തിയവരാണ്. ഇത്തരത്തിൽ മറ്റ് സ്വകാര്യ മെഡിക്കൽ കോളേജുകളിലും സഹകരണ സ്വകാര്യ ആശുപത്രികളിലും ജോലി ചെയ്യുന്നുണ്ട്. അടുത്തിടെ ഉക്രൈനിൽ നിന്നും വന്നവരും ഓൺലൈൻ ക്ലാസുകൾ കൂടാതെ ആശുപത്രികളിൽ ഡോക്ടർമാർക്കൊപ്പം പ്രാക്ടീസ് ചെയ്യുന്നുണ്ട് ആശുപത്രി ജീവനക്കാർ സാക്ഷ്യപ്പെടുത്തുന്നു.പലരും വിദേശത്ത് നിന്ന് ഡിഗ്രി എടുത്തു ഇന്ത്യയിൽ എത്തുമ്പോൾ ചെയ്യുന്ന ഫോറിൻ മെഡിക്കൽ ഗ്രാഡ്ജുവേറ്റ് പരീക്ഷ പോലും പാസായിട്ടില്ല എന്ന് ഇ ആശുപത്രികളിലെ സ്റ്റാഫുകൾ സാക്ഷ്യപ്പെടുത്തുന്നു. പഠിക്കുന്ന മെഡിക്കൽ കോളേജുകളിലും അതാത് രാജ്യങ്ങളിലെ മെഡിക്കൽ കോളേജുകളിലും ഹൗസ് സർജൻസി ചെയ്യണമെന്നിരിക്കെ എല്ലാ നിയമങ്ങളും കാറ്റിൽ പറത്തി ആശുപത്രി മാനേജുമെന്റുകൾ ഹൗസ് സർജൻസിയുടെ പേരിലും പ്രാക്ടീസ് എന്ന പേരിലും ഇത്തരത്തിൽ ഡോക്ടർമാരെ നിയോഗിച്ചിരിക്കുന്നത് ഇതിനെതിരെ അന്വേഷണം നടത്തി ആശുപത്രി മാനേജ് മെന്റുകളുടെ വഴി വിട്ട പ്രവർത്തികൾക്കെതിരെ നടപടി വേണമെന്നാണ് രോഗികളുടെയും ജനങ്ങളുടെയും ആവശ്യം.

ജന്മഭൂമി വാർഷിക വരിസംഖ്യാ ചടങ്ങുകൾക്ക് തുടക്കമായി

ജന്മഭൂമി വാർഷിക വരിസംഖ്യാ ചടങ്ങുകൾക്ക് തുടക്കമായി

ചാത്തന്നൂർ: ജന്മഭൂമി വാർഷിക വരിസംഖ്യാ ചടങ്ങുകൾക്ക് തുടക്കമായി ചാത്തന്നൂർ ശ്രീഭൂതനാഥക്ഷേത്രം മേൽശാന്തി ജയപ്രകാശ് പോറ്റിയെ രാക്ഷ്ട്രീയ സ്വയം സേവക സംഘം പ്രാന്തിയ സഹ വ്യവസ്ഥ പ്രമുഖ് രാജൻകരൂർ അംഗമാക്കി കൊണ്ട്

വാർഷിക വരിസംഖ്യാ ചേർക്കുന്ന ചടങ്ങുകൾക്ക്‌ തുടക്കമിട്ടു. ക്ഷേത്ര ഭരണ സമിതി അംഗം ചാത്തന്നൂർ സുരേഷ്,ക്ഷേത്ര കാര്യദർശി ഗോപാലകൃഷ്ണൻ എന്നിവർ സന്നിഹതാരായിരുന്നു.

ഫോട്ടോ:ചാത്തന്നൂർ ശ്രീഭൂതനാഥക്ഷേത്രം മേൽശാന്തി ജയപ്രകാശ് പോറ്റിയെ രാക്ഷ്ട്രീയ സ്വയം സേവക സംഘം പ്രാന്തിയ സഹ വ്യവസ്ഥ പ്രമുഖ് രാജൻകരൂർ അംഗമാക്കുന്നു 

ഗോപി - കൃഷ്ണമ്മ ദമ്പതികൾക്കായി സേവഭാരതി നിർമ്മിച്ചു നൽകിയ വീടിന്റെ നിർമ്മാണം പൂർത്തിയായി

ഗോപി - കൃഷ്ണമ്മ ദമ്പതികൾക്കായി സേവഭാരതി നിർമ്മിച്ചു നൽകിയ വീടിന്റെ നിർമ്മാണം പൂർത്തിയായി

പരവൂർ: ഗോപി - കൃഷ്ണമ്മ ദമ്പതികൾക്കായി സേവഭാരതി നിർമ്മിച്ചു നൽകിയ വീടിന്റെ നിർമ്മാണം പൂർത്തിയായി. നിർദ്ധനരായ 

കൂനയിൽ ക്ലാവറതൊടിയിൽ ഗോപി കൃഷ്ണമ്മ ദമ്പതികളുടെ  ദയനീയാവസ്ഥയ്ക്ക് പരിഹാരമായി ഒരു കിടപ്പാടമെന്ന സ്വപ്നമാണ് സേവാഭാരതി സാക്ഷാത്കരിച്ചു നൽകിയിരിക്കുന്നത്.

ഗൃഹനാഥനായ ഗോപി

അസുഖബാധിതനായി ജോലിക്ക് പോകുവാൻ വയ്യാതായതോടെ കൃഷ്ണമ്മ ആക്രിപറക്കിയാണ് കുടുംബം പോറ്റി വന്നത് സർക്കാർ സംവിധാനത്തിൽ അനുവദിച്ച വീടിന്റെ നിർമ്മാണം പൂർത്തിയാക്കാൻ കഴിഞ്ഞതുമില്ല ഇതിനെ തുടർന്ന്

പരവൂർ സേവാഭാരതി  നിർമ്മിച്ച് നൽകുന്ന വീടിൻറ താക്കോൽ ദാനം

18ന് രാവിലെ 9.15am  രാഷ്ട്രീയ സ്വയം സേവകസംഘം

 അഖിലഭാരതീയ കാര്യകാര്യസദസ്യൻ

എസ് .സേതുമാധവൻ താക്കോൽദാനകർമ്മം നിർവഹിക്കും

ഫോട്ടോ:സേവഭാരതി നിർമ്മിച്ചു നൽകിയ വീടിന് മുന്നിൽ ഗോപി -കൃഷ്ണമ്മ ദമ്പതികൾ

ഫോട്ടോ:പഴയ വീട് 

വിഷുവിനെ വർവേൽക്കാൻ നാടും നഗരവും തിരക്കിലമർന്നു

വിഷുവിനെ വർവേൽക്കാൻ 

നാടും നഗരവും തിരക്കിലമർന്നു 

കൊല്ലം: വിഷുക്കണിയൊരുക്കാൻ രണ്ടു പകൽ മാത്രം ബാക്കി നിൽക്കെ നഗരം തിക്കിലും തിരക്കിലും മുങ്ങി. അപ്രതീക്ഷിതമായി കിട്ടിയ മഴ വിഷുപുലരിയെ തണുപ്പിക്കുമെങ്കിലും വിലക്കയറ്റം വിഷുവിന്റെ സന്തോഷം കെടുത്തുന്നുമുണ്ട്. വിഷു വിപണിയ്ക്കായി സർക്കാർ സംവിധാനത്തിൽ സ്റ്റാളുകളും മേളകളും ഒരുക്കിയിട്ടില്ല. വിപണിയിലെ വിലകയറ്റം പിടിച്ചു നിർത്താൻ സർക്കാർ ഒന്നും തന്നെ ചെയ്യുന്നുമില്ല.കണിവെള്ളരിക്ക് പൊള്ളുന്ന വിലയാണ്. പ്രധാന ആകർഷണമായ കണി വെള്ളരി മാർക്കറ്റിൽ എത്തി തുടങ്ങി.

കണിവെള്ളരി 30 മുതൽ 60രൂപ വരെയാണ് ഇന്നലെ വിപണിയിലെ വില  കിലോഗ്രാമിന് 40 രൂപയായിരുന്നു.

ഇന്ന് വില ഇതിലും ഉയരാൻ സാധ്യതയുണ്ട്. പച്ചക്കറി വിപണിയിലും പൊള്ളും വിലയാണ്. വിപണിയിൽ ഇടപെടാൻ സംസ്ഥാന സർക്കാർ തയ്യാറല്ലാത്തത് മൂലം വില കുതിക്കുകയാണ്. കിലോഗ്രാമിന് 40–60 രൂപയാണ് പ്രധാനപ്പെട്ട പച്ചക്കറികളുടെ ശരാശരി വിലയെങ്കിൽ ചെറുനാരങ്ങയ്ക്ക് റെക്കോർഡ് വിലയാണ്. ചില്ലറ വിപണിയിൽ കിലോഗ്രാമിന് 180 രൂപ. ആന്ധ്രയിൽ നിന്ന് ആവശ്യത്തിനു നാരങ്ങ എത്താത്തതാണ് വില ഇത്രയുമധികം കൂടാൻ കാരണമെന്നു വ്യാപാരികൾ പറയുന്നു. വിഷുവും ഈസ്റ്ററും അടുത്തടുത്തു വരുന്നതിനാൽ വ്യാഴാഴ്ച വിപണി സജീവമാകുന്ന പ്രതീക്ഷയാണെന്ന് കച്ചവടക്കാർ പറയുന്നു. സമൃദ്ധിയുടേയും ഐശ്വര്യത്തിന്റേയും വിഷു ഇത്തവണ കർഷകരേയും കടാക്ഷിച്ചില്ല.

ഇത്തവണത്തെ വിഷു ജൈവപച്ചക്കറി സ്പെഷ്യൽ എന്നതാണ് സദ്യവട്ടങ്ങളുടെ സവിശേഷത. ജൈവപച്ചക്കറികൾക്ക് വിപണിയിൽ വൻ സ്വീകരണമാണ് ലഭിച്ചിരിക്കുന്നത്. കുടുംബശ്രീയുടെ 

വിഷുചന്തയിൽ വീടുകളിൽ നിന്നും കൊണ്ട് വരുന്ന 

ജൈവ പച്ചക്കറികൾ മാത്രമാണ് വിൽക്കുന്നത്. പച്ചക്കറി കിറ്റും ഇവിടെ ലഭിക്കും. നിയന്ത്രിതാതീതമായ വിലയാണ് പച്ചക്കറികൾക്കെന്നതിനാൽ വൻതിരക്കാണ് ഇവിടെ. കൂടാതെ നഗരത്തിന്റെ പല ഭാഗങ്ങളിലായും റസിഡൻസ് അസോസിയേഷനുകളുടെയും കുടുംബശ്രീ യൂണിറ്റുകളുടെയും നേതൃത്വത്തിൽ ആരംഭിച്ച ജൈവപച്ചക്കറി വിൽപ്പനയും ഈ വിഷുവിന് നാട്ടുകാർക്ക് ആശ്വാസകരമാണ്. എത്രയായാലും തമിഴ്നാടിന്റെ കനിവില്ലാതെ വിഷു ആഘോഷമില്ല എന്ന് വേണമെങ്കിൽ പറയാം.കണിവെള്ളരി മുതൽ കണികൊന്ന വരെ തമിഴ്നാട്ടിൽ നിന്ന് വരണം. വസ്ത്രവിപണിയിൽ 

ആശ്വാസമായി തെരുവോരകച്ചവടം

പതിവുപോലെ നഗരത്തിലെ വലിയ വലിയ തുണിക്കടകളിലെ തിരക്കിനെ വെല്ലുന്നതാണ് തെരുവോര വിപണിയിൽ. വിലവർധനവിൽ നിന്നും സാധാരണക്കാരന് ആശ്വാസമാകുന്നതാണ് തെരുവോര തുണി കച്ചവടം എന്ന് ഉപഭോക്താക്കൾ പറയുന്നു. കൂടാതെ 

വസ്ത്ര വിപണിയെ ഉഷാറാക്കാൻ നഗരത്തിൽ വിവിധ തുണികടകളിൽ 

വസ്ത്രമേളകളും ഒരുക്കിയിരിക്കുന്നു. സ്വർണ്ണകടകളിലും തിരക്ക്‌ വർദ്ധിച്ചിട്ടുണ്ട്. പ്രതീക്ഷിക്കാതെ എത്തിയ മഴ വില്ലനായപ്പോൾ വിഷുവിന് കൊന്നപ്പൂ കണികാണാൻ കിട്ടുമോയെന്ന സംശയവും ബാക്കിയാണ്. മിക്കയിടത്തും കൊന്ന നേരത്തേതന്നെ പൂത്തുലഞ്ഞു തുടങ്ങിയെങ്കിലും മഴ പൂക്കളെ വീഴ്ത്തിക്കളഞ്ഞു . നാളെയാണ് മാർക്കറ്റിൽ പൂവ് എത്തുക.

@വിഷുസദ്യയും പ്രഥമനും തയ്യാർ

വിവിധ തരം വിഭവങ്ങളുമായി വിഷുസദ്യയൊരുക്കി വിഷുവിനെ സ്വാഗതം ചെയ്യാനൊരുങ്ങുകയാണ്  ഹോട്ടലുകാർ ഒപ്പം കാറ്ററിങ് സർവീസുകാരും ഉണ്ട്. ഒരു പ്രമുഖ ഹോട്ടലിൽ പാലട പ്രഥമനുമടക്കം 

  24 ഇനം വിഭവങ്ങളുമായാണ് വിഷു സദ്യ ഒരുക്കിയിരിക്കുന്നത്.

 ഇതിനായുള്ള ബുക്കിങ് രണ്ടു ദിവസം മുൻപേ  തുടങ്ങി കഴിഞ്ഞു.ഓണക്കാലത്തെ അത്ര ബുക്കിങ് വിഷുവിന് ഉണ്ടാകാറില്ലെങ്കിലും വിഷുത്തലേന്നു കൂടുതൽ ഓർഡറുകൾ വരുമെന്ന പ്രതീക്ഷയിലാണെന്നു

@ പടക്കമില്ലാതെ എന്ത് വിഷു

നഗരത്തിൽ പടക്ക കച്ചവടം പൊടിപൊടിക്കുകയാണ്.

സാധാരണക്കാരന് താങ്ങാവുന്നതിലും മേലെയാണ്  പടക്കത്തിന്റെയും 

വില. എന്നാലും പടക്കമില്ലാതെ എന്താഘോഷമാണ് എന്നാണ് ആൾക്കാർ ചോദിക്കുന്നത്.

വിഷു സീസണിൽ അരലക്ഷത്തോളം രൂപയുടെ കച്ചവട നടക്കാറുള്ളതെന്ന് ചെറുകിട വിൽപ്പനക്കാർ പറയുന്നു.കമ്പിത്തിരി, മത്താപ്പൂ, പടക്കം തുടങ്ങി എല്ലാ വസ്തുക്കൾക്കും 20% വില കൂടി. ദീപാവലിക്കു ശേഷമുണ്ടായ വിലക്കയറ്റമാണ് ഇതെന്നു വ്യാപാരികൾ പറയുന്നു. കമ്പിത്തിരിയുടെ 10 എണ്ണത്തിന്റെ സാധാരണ പാക്കറ്റിന് കഴിഞ്ഞ തവണത്തെക്കാളും 5 രൂപ കൂടി. അഞ്ചു പാക്കറ്റിന്റെ ഒരു സെറ്റിന് കഴിഞ്ഞ തവണ 150 രൂപയായിരുന്നത് ഇപ്പോൾ 175 രൂപയായി. കഴിഞ്ഞ വർഷം 50 രൂപ കൊടുത്തു വാങ്ങിയ ജെയിന്റ് പാളി പടക്കത്തിന് ഇത്തവണ 60 രൂപ കൊടുക്കണം. കഴിഞ്ഞ തവണ കച്ചവടം കുറവായതിനാൽ ഭൂരിഭാഗം വ്യാപാരികളും ഇത്തവണ സ്റ്റോക്ക് കുറച്ചു. പടക്ക നിർമാണം വൻതോതിൽ നടക്കുന്ന ശിവകാശിയിൽ സമരം നടക്കുന്നതിനാൽ പുതിയ വിസ്മയങ്ങളൊന്നും തന്നെ വിപണിയിൽ എത്തിയിട്ടില്ലെന്നു കച്ചവടക്കാർ പറഞ്ഞു.

@ ഗതാഗതകുരുക്കിൽ വലയുകയാണ് നഗരത്തിലെത്തുന്നവർ.

ബീച്ച് റോഡ് അടച്ചിട്ടിരിക്കുന്നത് മൂലം

ഗതാഗതകുരുക്കിൽ കുടുങ്ങിയിരിക്കുകയാണ്.

ഈ ഭാഗത്തേക്കുള്ള ഗതാഗതം പൂർണ്ണമായും ഒഴിവാക്കിയതു കാരണം നഗരത്തിലെ മറ്റെല്ലാ റോഡുകളിലും ഗതാഗതക്കുരുക്കാണ്. വാഹനങ്ങൾ പാർക്കുചെയ്യാൻ സൗകര്യമില്ലാതെ ആളുകൾ നട്ടംതിരിയുമ്പോൾ വാഹനതിരക്കിൽ ഒന്നും ചെയ്യാനാവാതെ നിസഹായരാകുകയാണ് ട്രാഫിക് പൊലീസ്. മഴ ചതിച്ചില്ലെങ്കിൽ ഇത്തവണത്തെയും വിഷു കെങ്കേമമാക്കാം എന്ന പ്രതീക്ഷയിലാണ് ജനങ്ങൾ.

കായലിൽ ജലനിരപ്പ് ഉയർന്നു വീടുകളിൽ വെള്ളം കയറി

കായലിൽ ജലനിരപ്പ് ഉയർന്നു വീടുകളിൽ വെള്ളം കയറി 

കൊട്ടിയം: പരവൂർ കായലിൽ ജലനിരപ്പ് ക്രമാതീതമായി ഉയർന്നതിനെ തുടർന്ന് മയ്യനാട് മുക്കം, താന്നി ഭാഗങ്ങളിൽ നിരവധി വീടുകളിൽ വെള്ളം കയറി. കഴിഞ്ഞ രണ്ടു ദിവസങ്ങളിലായി പെയ്ത മഴയിൽ കിഴക്കൻ മേഖലയിൽ നിന്നും ഒഴുകിയെത്തിയ വെള്ളമാണ് കായലിൽ വെള്ളപ്പൊക്കത്തിനും വീടുകളിൽ വെള്ളം കയറാനും ഇടയാക്കിയത്. മുക്കം ലക്ഷമിപുരം തോപ്പിൽ സിംസൻ എന്നയാൾ ഉണക്കി വിൽപ്പനയ്ക്കായി സൂക്ഷിച്ചിരുന്ന ഒന്നര ലക്ഷത്തോളം രൂപയുടെ ഉണക്ക മൽസ്യം നശിച്ചു. ജോസ്, സാമുവൽ, ജോർജ്, ജെറോം, അഗസ്റ്റിൻ, സുനിൽ, വിനോദ് എന്നിവരുടെ വീടു കളിലാണ് വെള്ളം കയറിയത്.ജെ റോമിന്റെ വീട്ടു സാധനങ്ങൾ നശിച്ചു. മയ്യനാട്ഗ്രാമ പഞ്ചായത്ത് അംഗം ലീനാ ലോറൻസ് അറിയിച്ചതനുസരിച്ച് മയ്യനാട് വില്ലേജ് ഓഫീസറുടെ നേതൃത്വത്തിലുള്ള സംഘം സ്ഥലത്തെത്തി നാശനഷ്ടങ്ങൾ വിലയിരുത്തി.  

@ പുനർനിർമാണം നടക്കുന്ന പരവൂർ പൊഴിക്കര ചീപ്പിന്റെ ഷട്ടറുകൾ അടഞ്ഞുകിടന്നതും, കായലിൽ മണ്ണു കയറി നിറഞ്ഞതും, കടലിലേക്ക് വെള്ളം ഒഴുകി പോകുകയും കയറുകയും ചെയ്യുന്ന ഭാഗത്ത് മണ്ണ് കയറി കര രൂപപ്പെട്ടതുമാണ് പരവൂർ കായലിൽ വെള്ളപ്പൊക്കത്തിന് കാരണമായത്. ഇത്തിക്കരയാറ്റിൽ നിന്നും വെള്ളം ക്രമാതീതമായി കായലിൽ വന്നിറങ്ങിയതും ഒരു കാരണമായി. കായലിന് അരികിലെ വീടുകളിൽ വെള്ളം കയറുന്നതറിഞ്ഞ് സ്ഥലത്തെത്തിയ കൊല്ലം തഹസീൽദാർ ശശിധരൻ പിളള, പരവൂർ വില്ലേജ് ഓഫീസർ ലിജു എന്നിവരുടെ നേതൃത്വത്തിലുള്ള റവന്യൂ സംഘം സ്ഥലത്തെത്തുകയും ഇറിഗേഷൻ വകുപ്പ് അധികൃതരെ വിവരം അറിയിക്കുകയും ചെയ്തു.വിവരമറിഞ്ഞ് സ്ഥലത്തെത്തിയ ഇറിഗേഷൻ വകുപ്പ് അസി. എക്സിക്യൂട്ടീവ് എഞ്ചിനിയർ ഗിരി ലാൽ, അസി.എഞ്ചിനിയർ ശ്രീലാൽ എന്നിവരുടെ നേതൃത്വത്തിലുള്ള സംഘം പൊഴിക്കര ചീപ്പിന്റെ മൂന്ന് ഷട്ടറുകൾ എടുത്തു മാറ്റുകയും മണ്ണുമാന്തിയന്ത്രം ഉപയോഗിച്ച് കായൽ വെള്ളം ചീപ്പ് വഴി കടലിലേക്ക് ഒഴുകുന്ന ഭാഗത്തെ മണ്ണ് നീക്കം ചെയ്യുവാൻ നടപടികൾ സ്വീകരിക്കുകയും ചെയ്തു. തഹസീൽദാർ ശശിധരൻ പിള്ള സ്ഥലത്ത് ക്യാമ്പ് ചെയ്താണ് പ്രവർത്തനങ്ങൾക്ക് നേതൃത്വം നൽകുന്നത്.

നാല് മുഖ്യ ഗോപുരങ്ങൾ ഉള്ള ആയിരം വർഷം പഴക്കമുള്ള ചിദംബര ക്ഷേത്രത്തെ കുറിച്ച്

✨️**നാല് മുഖ്യ ഗോപുരങ്ങൾ ഉള്ള 

ആയിരം വർഷം പഴക്കമുള്ള 

ചിദംബര ക്ഷേത്രത്തെ കുറിച്ച്**✨️

,

ചിദംബര രഹസ്യം:പതിനെട്ട് വർഷത്തെ ഗവേഷണത്തിനു ശേഷം, ശാസ്ത്രഞ്ജന്മാർ നടരാജന്റെ കാലിലെ തള്ളവിരൽ ഭൂമിയുടെ കാന്തിക രേഖയുടെ മദ്ധ്യത്തിലാണെന്ന് കണ്ടെത്തി.

തിരുമൂലാര് എന്ന തമിഴ് പണ്ഡിതൻ ഇതു അയ്യായിരം വർഷങ്ങൾക്കു മുമ്പ് തെളിയിച്ചിരുന്നു. അദ്ദേഹത്തിന്റെ തിരുമന്ദിരം എന്ന ഗ്രന്ഥം ശാസ്ത്ര ലോകത്തിനു അത്ഭുതകരമായ ഒരു വഴികാട്ടിയാണ്. 

അദ്ദേഹത്തിന്റെ പഠനങ്ങൾ മനസ്സിലാക്കാൻ നമുക്ക് നൂറുകണക്കിന് വർഷങ്ങൾ വേണ്ടിവരും.ചിദംബരം ക്ഷേത്രത്തിന്റെ പ്രത്യേകതകൾ -ചിദംബരം ക്ഷേത്രം ഭൂമിയുടെ കാന്തിക രേഖയുടെ മധ്യത്തിലാണ്‌.

പഞ്ചഭൂത ക്ഷേത്രങ്ങളിൽ ചിദംബരം ആകാശത്തെയും, കാളഹസ്തി വായുവിനെയും, കാഞ്ചി ഏകാംബരേശ്വര ക്ഷേത്രം ഭൂമിയെയും പ്രതിനിധീകരിക്കുന്നു.

 ഈ മൂന്നു ക്ഷേത്രങ്ങളും ഒരു നേർ രേഖയിൽ 79 ഡിഗ്രി 41 മിനിറ്റ് ലാണ്. ഇതു തികച്ചും അത്ഭുതകരമാണ്.ചിദംബരം ക്ഷേത്രത്തിന് ഒമ്പതു പ്രവേശന ദ്വാരങ്ങളുണ്ട്. മനുഷ്യ ശരീരത്തിലെ ഒമ്പതു ദ്വാരങ്ങള് പോലെ.

ക്ഷേത്രത്തിന്റെ മേല്ക്കൂര പൊതിഞ്ഞിരിക്കുന്നത്‌ 21600 സ്വര്ണ്ണ തകിടുകള് കൊണ്ടാണ്. ഇത് മനുഷ്യന് ഓരോ ദിവസവും ചെയ്യുന്ന 21600 ശ്വാസോസ്ച്വാസത്തിന്റെ എണ്ണമാണ് ( 15x 60x24 =21600).

ഈ 21600 സ്വര്ണ്ണ തകിടുകള് ഗോപുരത്തില് ഉറപ്പിച്ചിരിക്കുന്നത് 72000 സ്വര്ണ്ണ ആണികള് കൊണ്ടാണ്. ഇതു മനുഷ്യ ശരീരത്തിലെ ആകെ നാഡികൾക്ക് തുല്യമാണ്.

തിരുമൂലാര് പറയുന്നത് മനുഷ്യന് ശിവലിംഗത്തിന്റെ ആകൃതിയെ പ്രതിനിധീകരിക്കുന്നു. അത് ചിദംബരത്തെയും, സദാശിവത്തേയും, ശിവ താണ്ഡവത്തേയും പ്രതിനിധീകരിക്കുന്നു.

പൊന്നമ്പലം അല്പം ഇടത്തേക്ക് ചരിഞ്ഞാണ് വച്ചിരിക്കുന്നത്. ഇതു നമ്മുടെ ഹൃദയത്തെ പ്രതിനിധീകരിക്കുന്നു. ഇവിടെ എത്താൻ പഞ്ചാക്ഷര പടികൾ എന്ന അഞ്ചു പടികൾ കയറണം. 

ശി,വാ, യ, ന, മ ആണ് പഞ്ചാക്ഷര മന്ത്രം.കനക സ്തംഭം സ്ഥാപിച്ചിരിക്കുന്ന നാലു തൂണുകൾ നാലു വേദങ്ങളാണ്.പൊന്നമ്പലത്തില് 28 സ്തംഭങ്ങൾ ഉണ്ട്. 

ഇവ 28 അഹംകളെയും 28വിധം ശൈവ ആരാധനയ്ക്കുള്ള വഴികളെയും പ്രതിനിധീകരിക്കുന്നു. ഈ സ്തംഭങ്ങൾ 64+64 തട്ടു തുലാങ്ങളെ താങ്ങിനിർത്തുന്നു.

 ഈ തുലാങ്ങള് 64 കലകളാണ്. കുറുകെയുള്ള തുലാങ്ങൾ മനുഷ്യശരീരത്തിലെ രക്തക്കുഴലുകളുടെ എണ്ണത്തിനു തുല്യം.

സ്വർണ്ണ മേല്ക്കൂരയിലെ ഒമ്പതു കലശങ്ങൾ നവവിധമായ ശക്തി / ചൈതന്യങ്ങളെ പ്രതിനിധീകരിക്കുന്നു. അർദ്ധ മണ്ഡപത്തിലെ ആറു സ്തംഭങ്ങൾ ആറു ശാസ്ത്രങ്ങളാണ്.

മണ്ഡപത്തിനടുത്തുള്ള 18 സ്തംഭങ്ങൾ 18 പുരാണങ്ങളാണ്.നടരാജനൃത്തത്തെ “പ്രാപഞ്ചിക നൃത്തം” എന്നാണ് പടിഞ്ഞാറൻ ശാസ്ത്രഗവേഷകർ വിശേഷിപ്പിക്കുന്നത്.

ഇന്ന് ശാസ്ത്രം മുന്നോട്ടുവയ്ക്കുന്ന ഗവേഷണ നിരീക്ഷണങ്ങൾ എല്ലാംതന്നെ ഹൈന്ദവ വിശ്വാസത്തിൽ ആയിരക്കണക്കിന് വർഷം മുമ്പേയുണ്ടായിരുന്നു.

,

ഓം നമ: ശിവായ,,,🔥🕉️🔱🚩

പരിഹാരം കാണാനാവാത്ത പ്രശ്നങ്ങളും, പരിഹരിക്കുവാൻ ആളില്ലാതെയും" പാരിപ്പളളി മെഡിക്കൽ കോളേജ്‌.

"പരിഹാരം കാണാനാവാത്ത  

പ്രശ്നങ്ങളും, പരിഹരിക്കുവാൻ ആളില്ലാതെയും" പാരിപ്പളളി മെഡിക്കൽ കോളേജ്‌.

@ മെഡിക്കൽ കോളേജ് 

എച്ച് എം സി  പുനഃസംഘടിപ്പിക്കണം.

ചാത്തന്നൂർ : കേരളത്തിലെ മികച്ച മെഡിക്കൽ കോളേജായി ഉയർത്തികൊണ്ടു വരുവാൻ അടിസ്ഥാന സൗകര്യങ്ങളായ സ്ഥലവും കെട്ടിടങ്ങളുമുള്ള പാരിപ്പളളി മെഡിക്കൽ കോളേജിന്റെ ശോചനീയാവസ്ഥയ്ക്ക് പരിഹാരം കാണണമെന്ന ആവശ്യം ശക്തമാകുന്നു. 

ഇ എസ് ഐ കോർപ്പറേഷന്റെ കീഴിലായിരുന്നു മെഡിക്കൽ കോളേജ് സംസ്‌ഥാന സർക്കാർ ഏറ്റെടുത്ത് സർക്കാർ മെഡിക്കൽ കോളേജായി ഉയർത്തിയതോടെ 

കൊല്ലം ജില്ലയുടെയും സമീപ പ്രദേശങ്ങളിലിലെയും സാധാരണക്കാരുടെ 

പ്രതീക്ഷയായിരുന്ന പാരിപ്പളളി മെഡിക്കൽ കോളേജിന്

ഒരു താലൂക്ക് ആശുപത്രിയുടെ നിലവാരം പോലും പുലർത്താൻ കഴിയുന്നില്ലന്ന് വ്യാപകമായി ആക്ഷേപമുണ്ട്.

സംസ്‌ഥാന ബഡ്ജറ്റിൽ പോലും പാരിപ്പളളി മെഡിക്കൽ കോളേജിന് അപര്യാപ്തമായ തുക മാത്രമാണ് നീക്കിവെച്ചിട്ടുള്ളത്.

കോടികൾ  ചിലവഴിച്ച് 

കെട്ടിട സൗകര്യങ്ങളും മറ്റ് അടിസ്ഥാന സൗകര്യങ്ങളും ഒരുക്കിയെങ്കിലും സർക്കാർ 

മെഡിക്കൽ കോളേജ് പ്രവർത്തനം പൂർണ്ണമാക്കു വാനുള്ള  ന്യൂറോ സർജറി, ന്യൂറോളജി, യൂറോളജി, തുടങ്ങിയ 

വിഭാഗങ്ങൾ ഒന്നും തന്നെ ആരംഭിച്ചിട്ടില്ലാത്തത് കൊണ്ട് 

സാധാരണക്കാർക്ക് യാതൊരു പ്രയോജനവും ലഭിക്കുന്നില്ല. 

ദേശീയപാതയോട് ചേർന്ന് സ്ഥിതിചെയ്യുന്ന മെഡിക്കൽ കോളേജിൽ റോഡ് അപകടങ്ങൾ പറ്റിയും, മറ്റ് അത്യാഹിതങ്ങൾ സംഭവിച്ചും ദിനംപ്രതി നിരവധി പേരാണ് എത്തുന്നത് ഇവിടെ സ്കാനിങ് , ന്യൂറോ ഡോക്ടറുടെയും അഭാവം മൂലം റഫർ ചെയ്തു തിരുവനന്തപുരം മെഡിക്കൽ കോളേജിലേക്ക് വിടുകയാണ് പതിവ് ഇത് വഴി പാരിപ്പളളി മെഡിക്കൽ കോളേജിന് റഫറൻസ് ആശുപത്രി എന്ന ആക്ഷേപവുമുണ്ട്.

കൊട്ടിഘോഷിച്ച് ഉദ്ഘാടനം ചെയ്ത കാത്ത് ലാബ് സേവനം പോലും ഇന്നും രോഗികൾക്ക് അന്യമാണ് 2500 ഒ പി വരെ ഉണ്ടായിരുന്ന മെഡിക്കൽ കോളജിൽ സ്‌പെഷ്യലിറ്റി കേഡറുകളുടെ കുറവ് മൂലം ഒ പി ഗണ്യമായി കുറഞ്ഞു.

ഇവിടെ കൊവിഡ് ഐസ്വലേഷനും ,ഐ സി യു വുമാണ് മികച്ച രീതിയിൽ പ്രവർത്തിക്കുന്നത്.

ഹൗസ് കീപ്പിംഗ് വിഭാഗത്തിന്റെ പ്രവർത്തന വീഴ്ച മൂലം മെഡിക്കൽ കോളേജ് പരിസരം വൃത്തിഹീനമായ അന്തരീക്ഷത്തിലാണ് .മെഡിക്കൽ കോളേജ് കെട്ടിടങ്ങളുടെ ചുവര് വരെ പാഴ് മരങ്ങൾ വളർന്ന് പന്തലിച്ച് കാട് മൂടി കിടക്കുന്നു. ഇതൊക്കെ ശ്രദ്ധിക്കേണ്ടുന്ന മെഡിക്കൽ കോളേജ് ഹെൽത്ത് മാനേജ്‌മെന്റ് കമ്മിറ്റി യോഗം ചേർന്നിട്ട് വർഷങ്ങളായി.

രാഷ്ട്രീയ പാർട്ടി നോമിനികളെ തീരുമാനിച്ചു 

ഹെൽത്ത് മാനേജ്‌മെന്റ് കമ്മിറ്റിയിൽ ഉൾപ്പെടുത്താൻ  രാഷ്ട്രീയ പാർട്ടികളിൽ തുടരുന്ന  തർക്കം മൂലമാണ് കമ്മിറ്റി പുനസംഘിപ്പി ക്കുവാൻ സാധിക്കാത്ത 

തെന്നും ആക്ഷേപമുണ്ട്.

മെഡിക്കൽ കൗൺസിൽ ഓഫ് ഇന്ത്യ ഓരോ വർഷവും അഫിലിയേഷൻ പുതുക്കുമ്പോൾ കണ്ടെത്തുന്ന ന്യൂനതകൾ ഉടൻ പരിഹരിക്കാം എന്ന സത്യവാങ്മൂലം നൽകുന്നതല്ലാതെ.അധികൃതർ യാതൊരു പരിഹാര നടപടികളും സ്വീകരിക്കാറില്ല.

ട്രയിനേജ് സൗകര്യങ്ങളുടെ അപര്യാപ്തത മൂലം മലിനജലം  പ്രദേശവാസികൾ ക്ക്  നിത്യ ദുരിതമായി മാറിയിരിക്കുന്നു. ഇത്‌ 

സംബന്ധിച്ചും പ്രദേശ വാസികളുടെ നിരവധി പരാതി കൾക്ക് പരിഹാരമില്ലാത്ത അവസ്ഥയാണ്. 

മെഡിക്കൽ കോളേജിലെ ഹെൽത്ത് മാനേജ്‌മെന്റ് കമ്മിറ്റി അടിയന്തരമായി പുനസംഘിപ്പിച്ച്‌ പാരിപ്പളളി മെഡിക്കൽ കോളേജിന്റെ ശോചനീയാവസ്ഥ പരിഹരിക്കുവാൻ ജനകീയ നേതൃത്വം  ഉണ്ടാവണമെന്ന ആവശ്യം ശക്തമാണ്.