ചിറക്കരയിൽ സിപിഎം നേതാക്കൾ തമ്മിൽ ഫേസ്ബുക് പോര്
ചിറക്കര ഗ്രാമപഞ്ചായത്തിലെ ഇപ്പോഴത്തെ സ്റ്റാന്റിംഗ് കമ്മിറ്റി ചെയർമാനും മുൻ വൈസ് പ്രസിഡന്റുമായ സുദർശനൻ പിള്ളയുടെ ഫെയ്സ് ബുക്ക്‌ ആ‍കൗണ്ടിൽ നിന്നാണ് ചിറക്കര സർവീസ് സഹകരണ ബാങ്ക് പ്രസിഡന്റും ലോക്കൽ കമ്മിറ്റി അംഗവുമായ മധുസൂദനൻപിള്ളയുടെ ഫോട്ടോ വച്ച് രൂക്ഷമായ വിമർശനം ഉയർത്തിയത്. ഇതിന് എതിരായി ഡി വൈ എഫ് ഐ നേതാക്കൾ സുദർശനൻ പിള്ളയ്ക്ക് എതിരെയും പ്രതികരിച്ചതോടെയാണ് പാർട്ടിയ്ക്കുള്ളിലുള്ള ഗ്രൂപ്പ്‌ പോര് പരസ്യമായത്. ഇതിനിടയിൽ സുദർശനൻ പിള്ളയുടെ പേരിളുള്ളത് വ്യാജ അകൗണ്ട് ആണെന്ന് ആരോപിച്ച് കൊണ്ട് സുദർശനൻപിള്ള തന്നെ പാരിപ്പള്ളി പോലീസിൽ പരാതി നൽകുകയും ചെയ്തതോടെയാണ് സംഭവം വിവാദമായത്.
രണ്ട് വർഷം മുൻപ്
ചിറക്കര വിമതൻ എന്ന ഫേസ് ബുക്ക്‌ അകം‍കൗണ്ടിലൂടെ സിപിഎം നേതാക്കൾക്ക് തലവേദന സൃഷ്ടിച്ച സൈബർ സംഘമാണ് ഇതിന് പിന്നിലെന്ന് ആരോപിച്ചു കൊണ്ടാണ് സുദർശനൻ പിള്ള പാർട്ടിയ്ക്കും പോലീസിലും പരാതി നൽകിയിരിക്കുന്നത്.സിപിഎം ലോക്കൽ സമ്മേളനത്തിൽ ഉണ്ടായ വിഭാഗിയത വീണ്ടും തലപൊക്കിയതോടെ ജില്ലാ നേതൃത്വം ഇടപെടൽ നടത്തണമെന്ന ആവശ്യവുമായി ഒരു വിഭാഗം ജില്ലാ സെക്രട്ടറിയ്ക്ക് പരാതി നൽകിയിരിക്കുകയാണ്.
No comments:
Post a Comment