വനിതാ എസ്.ഐയ്ക്ക് നേരെ ആക്രമണം മദ്യപാന സംഘം അറസ്റ്റിൽ

വനിതാ എസ്.ഐയ്ക്ക് നേരെ  ആക്രമണം മദ്യപാന സംഘം അറസ്റ്റിൽ 

ചാത്തന്നൂർ: മദ്യപരുടെ ശല്യമെന്ന പരാതിയെക്കുറിച്ച് അന്വേഷിക്കാനെത്തിയ വനിതാ എസ് ഐ യ്ക്കും സി പി ഒ യ്ക്കും നേരെ ആക്രമണം നടത്തിയ മൂന്ന് പേരെ ചാത്തന്നൂർ പോലീസ് അറസ്റ്റ് ചെയ്തു.

സംഭവത്തിൽ ഇടനാട് കിഴക്കേവിള പുത്തൻ വീട്ടിൽ പൊന്നച്ചന്റെ മകൻ ബിജിൻ (22) സഹോദരങ്ങളായ ഇടനാട് 

ചരുവിള പുത്തൻ വീട്ടിൽ സത്യന്റെ മക്കൾ ഷിജു (22),ഷൈജു (24) എന്നിവരാണ് അറസ്റ്റിലായത്.

ചാത്തന്നൂർ എസ്.ഐ. ആശാ വി. രേഖ, സി പി ഒ പ്രശാന്ത് എന്നിവർക്ക് നേരെയാണ് ആക്രമണമുണ്ടായത്.

ഇന്നലെ രാത്രി ഏഴുമണിയോടെ ചാത്തന്നൂർ ഇടനാട് മലയാറ്റിക്കോണം ഭാഗത്തായിരുന്നു സംഭവം. പൊതു സ്ഥലത്തിരുന്ന് മദ്യപിക്കുകയും ബഹളമുണ്ടക്കുകയും ചെയ്യുന്നുവെന്ന 

 പരാതിയെ തുടർന്നാണ് വനിതാ എസ് ഐ അവിടെ എത്തിയത്. പരസ്യമദ്യപാനം നടത്തിയ 

പ്രതികളെ പോലീസ് സ്റ്റേഷനിലേയ്ക്ക് കൊണ്ടുപോകാൻ ശ്രമിക്കുന്നതിനിടയിലായിരുന്നു ആക്രമണം നടത്തിയത്.

തുടർന്ന് ചാത്തന്നൂർ സ്റ്റേഷനിൽ നിന്ന് കൂടുതൽ പോലീസ് എത്തി പ്രതികളെ പിടികൂടുകയായിരുന്നു. ഇവർക്കെതിെരെ വനിതാ എസ്.ഐ.യെ ആക്രമിച്ചതിനും പോലീസിന്റെ കൃത്യനിർവഹണം തടസ്സപ്പെടുത്തിയതിനും ഉൾപ്പെടെ കേസ്സ് എടുത്തിട്ടുണ്ട്.

കേസിലെ ഒന്നാം പ്രതിയായ ഷിജു പട്ടാളക്കാരനാണെന്നും ഈയാൾ ഇതേ സ്ഥലത്തു വച്ച് 2019 ലും പോലീസിന് നേരെ ആക്രമണം നടത്തിയിട്ടുള്ളതായും പോലീസ് പറഞ്ഞു.