ദേശിയപാതയുടെ നിർമ്മാണപ്രവർത്തനത്തിന്റെ മറവിൽ പാറയും മണ്ണും കടത്തുന്നു.

ദേശിയപാതയുടെ നിർമ്മാണപ്രവർത്തനത്തിന്റെ മറവിൽ പാറയും മണ്ണും കടത്തുന്നു.

ചാത്തന്നൂർ: ദേശിയപാതയ്ക്കായി സ്ഥലമെടുത്ത സർക്കാർ ഭൂമിയിൽ നിന്നും അനധികൃതമായി പാറകടത്ത്.

സ്പിന്നിംഗ് മില്ലിൽ നിന്നും കൺസ്ട്രക്ഷൻ ആക്കാദമിയ്ക്ക് വേണ്ടി സർക്കാർ വ്യവസായ വകുപ്പിന് കൈമാറിയ ഭൂമിയിലുള്ള മതിൽ പൊളിക്കുന്നതിന്റെ മറവിലാണ് പാറയും മണ്ണും കടത്തുന്നത്. സർക്കാർ ഭൂമിയിൽ നിന്നും പാറയും മണ്ണും കടത്തുന്നതിന് നിയമപരമായ എല്ലാ നടപടികളും ഉണ്ടെന്നിരിക്കെയാണ് പാറ കടത്തുന്നത്. ദേശിയപാതയ്ക്കായി സ്ഥലം ഏറ്റെടുത്ത സ്ഥലത്തെ പാറ ഉപയോഗിച്ച് 

വീണ്ടും ബാക്കിയുള്ള സ്ഥലത്ത് 

മതിൽ കെട്ടുന്നതിന് ഉപയോഗിക്കാമെന്നിരിക്കെ നൂറ്ക ണക്കിന് ലോഡ് പാറയും മണ്ണുമാണ് അനധികൃതമായി കടത്തുന്നത് എന്ന് നാട്ടുകാർ ആരോപിക്കുന്നു. അടിയന്തിരമായി യാതൊരു പാസും ഒന്നും ഇല്ലാതെ അധികൃതരുടെ ഒത്താശയോടെയാണ് പാറയും മണ്ണും കടത്തുന്നത്. രാത്രിയെന്നോ പകലെന്നോ ഇല്ലാതെയാണ് സർക്കാർ ഭൂമിയിൽ നിന്നും മണ്ണുംപാറയും കടത്തുന്നത്. പോലീസും റവന്യു അധികൃതരും ഇടപെട്ട് ഇത്തരത്തിൽ നിയമവിരുദ്ധമായി കടത്തുന്ന പാറയും മണ്ണും പിടിച്ചെടുക്കണമെന്നാണ് നാട്ടുകാരുടെ ആവശ്യം.