ഹർഷയുടെ മരണത്തിന് കാരണക്കാരായവരെ നിയമത്തിന് മുന്നിൽ കൊണ്ട് വരണം - ബി.ബി.ഗോപകുമാർ

ഹർഷയുടെ മരണത്തിന് കാരണക്കാരായവരെ നിയമത്തിന് മുന്നിൽ കൊണ്ട് വരണം - ബി.ബി.ഗോപകുമാർ 

ചാത്തന്നൂർ : സത്യസന്ധമായ അന്വേഷണം നടത്തി ഹർഷയുടെ മരണത്തിന് കാരണക്കാരായവരെ നിയമത്തിന് മുന്നിൽ കൊണ്ട് വരണമെന്ന് ബിജെപി ജില്ലാ പ്രസിഡന്റ്‌ ബി.ബി. ഗോപകുമാർ ആവശ്യപ്പെട്ടു. ബിജെപിയുടെ നേതൃത്വത്തിൽ അഷ്ടമുടി സഹകരണ ആശുപത്രിയിലേക്ക് നടത്തിയ പ്രതിക്ഷേധ മാർച് ഉത്ഘാടനം ചെയ്തു കൊണ്ട് സംസാരിക്കുകയായിരുന്നു. സുഖപ്രസവത്തിനായി ആശുപത്രിയിൽ എത്തിയ യുവതിയെ പെട്ടന്ന് തന്നെ ഓപ്പറേഷന് വിധേയമാക്കുകയും തുടർന്ന് അടുത്തുള്ള ആശുപത്രിയിലേക്ക് കൊണ്ട് പോകുകയും മരണം സംഭവിക്കുകയും ചെയ്തത് ഗുരുതരമായ വീഴ്ചയാണ് നടന്നിരിക്കുന്നത്. പ്രസവ സമയത്ത് സീനിയർ ഡോക്ടർമാരും ശിശുരോഗവിദഗ്ദരും ആശുപത്രിയിൽ ഉണ്ടായിരുന്നില്ല ശിശുരോഗവിദഗ്ദൻ ഇല്ലാത്തത് കൊണ്ടാണ് വർഷയുടെ കുഞ്ഞിനെ  അടുത്തുള്ള മറ്റൊരു സഹകരണആശുപത്രിയിലേക്ക് കൊണ്ട് പോയത് ഡോക്ടർ ഇല്ലാഞ്ഞത് കൊണ്ടാണ്. ഹർഷയുടെ സ്ഥിതി ഗുരുതരമായിട്ടും മറ്റ് ആശുപത്രിയിൽ എത്തിക്കാൻ വൈകി ഐ സി യു ആംബുലൻസ് എത്തിക്കാൻ ആശുപത്രി അധികൃതർ തയ്യാറായില്ല ബന്ധുക്കൾ ആണ് മറ്റൊരു ആംബുലൻസ് റെഡിയാക്കി എൻ എസ് ആശുപത്രിയിലേക്ക് മാറ്റിയത് ഇതെല്ലാം ഗുരുതര വീഴ്ചയാണ് അത് കൊണ്ട് തന്നെ മെഡിക്കൽ ബോർഡ് രൂപീകരിച്ചു കൊണ്ട് അന്വേഷണം നടത്തണമെന്ന് ബി. ബി. ഗോപകുമാർ ആവശ്യപ്പെട്ടു. ചാത്തന്നൂർ മണ്ഡലം പ്രസിഡന്റ്‌ ശ്യംപ്രവീൺ,കിളികൊല്ലൂർ മണ്ഡലം പ്രസിഡന്റ്‌ ഹരീഷ് തെക്കടം, 

ഇരവിപുരം മണ്ഡലം ജനറൽ സെക്രട്ടറി രഞ്ജിത് എന്നിവർ സംസാരിച്ചു