കൊല്ലം: സംസ്ഥാന ബജറ്റില്‍ കൊല്ലം കെ എസ് ആര്‍ ടി.സി ഡിപ്പോയുടെ ആധുനീകരണം ഇടം നേടിയതോടെ വികസനകുതിപ്പിന് കളമൊരുങ്ങുമെന്ന് പ്രതീക്ഷയുണ്ടായിരുന്നുവെങ്കിലും എല്ലാം അസ്മിച്ച മട്ടാണ്. സംസ്ഥാന ബജറ്റില്‍ ഗതാഗതമേഖലക്ക് അനുവദിച്ച രണ്ട് പ്രധാന അടിസ്ഥാന പദ്ധതികളിലൊന്നാണ് കൊല്ലം ഡിപ്പോ ആധുനീകരണം.അടിസ്ഥാന വികസനം എന്ന നിലയിൽ നിലവിലുള്ള പൊട്ടിപൊളിഞ്ഞ കെട്ടിടം പൊളിച്ചു മാറ്റി പുതിയത് പണിയണം നിലവിലെ കെട്ടിടത്തിന് 50 വര്‍ഷം പഴക്കമുണ്ട്. മേല്‍ക്കൂരയിലെയും ഭിത്തികളിലെയും സിമന്‍റ് പാളികള്‍ അടര്‍ന്നുവീഴുന്ന നിലയിലാണ്.നിലവിലുള്ള കെട്ടിടം പൊളിച്ചു മാറ്റി സ്ഥിതി ചെയ്യുന്ന സ്ഥലത്ത് വിവിധോദ്ദേശ്യ കെട്ടിട സമുച്ചയം നിർമ്മിക്കണം.പുതിയ ടെര്‍മിനല്‍ വരുന്നതോടെ ബസ് സ്റ്റാന്‍ഡ് പ്രവര്‍ത്തനം സുഗമമാകും എന്നാണ് എല്ലാവരുടെയും പ്രതീക്ഷ. നഗരത്തിലെ വാണിജ്യ സാധ്യതകളോടൊപ്പം ടൂറിസം പദ്ധതിയും ഉള്‍പ്പെടുത്തി വരുമാന വര്‍ദ്ധനയുണ്ടാകുന്ന വികസനമുണ്ടാകുമെന്നാണ് പ്രതീക്ഷയാണ് ഇപ്പോൾ അസ്തമിച്ചിരിക്കുന്നത്. അഷ്ടമുടിക്കായലിന്റെ തീരം ചേര്‍ന്നുള്ള ഡിപ്പോയെ ടൂറിസവുമായി കൂട്ടിയിണക്കാന്‍ എളുപ്പമാണ്. നിലവിലെ ഡിപ്പോ ഭൂമിയില്‍ പാര്‍ക്ക്, ഹോട്ടല്‍ മുറികള്‍ തുടങ്ങിയവയോടെ വിനോദസഞ്ചാരികളെ ആകര്‍ഷിക്കുന്ന ടൂറിസം ഹബ്ബാക്കി മാറ്റിയാൽ കെ എസ് ആർ ടി സിയ്ക്ക് വൻ വരുമാനം ഉണ്ടാകും. ഡിപ്പോയുടെ ആധുനീകരണം ബജറ്റില്‍ ഉള്‍പ്പെടുത്തിയെങ്കിലും ഗതാഗതവകുപ്പ് പദ്ധതി നടപ്പാക്കാനുള്ള സ്പെഷല്‍ പര്‍പ്പസ് വെഹിക്കിളിനെ നിശ്ചയിച്ചിട്ടില്ല.വിശദ രൂപരേഖ തയാറാക്കിയിട്ടില്ല. കിഫ്ബി വഴി പദ്ധതി നടപ്പാക്കുമെന്ന് മന്ത്രി അധരവ്യായാമം നടത്തിയത് അല്ലാതെ ഒരു ചെറുവിരൽ പോലും അനക്കാൻ കൊല്ലത്തിന്റെ ജനപ്രതിനിധിയ്ക്കോ കോർപ്പറേഷൻ ഭരിക്കുന്നവർക്കോ കഴിഞ്ഞിട്ടില്ല.വിനോദസഞ്ചാര, വാണിജ്യ സാധ്യതകള്‍ പ്രയോജനപ്പെടുത്തുന്നതിനൊപ്പം കെ എസ് ആര്‍ ടി സിക്ക് വന്‍തുക വരുമാനം ലഭിക്കുന്നതരത്തിലുള്ള വികസനമാണ് വേണ്ടതെന്നിരിക്കെ കായല്‍ ടൂറിസംകൂടി ലക്ഷ്യമിട്ടുള്ള ടെര്‍മിനല്‍ വേണമെന്നാണ് വര്‍ഷങ്ങളായുള്ള ആവശ്യം. ഡിപ്പോ സ്ഥിതി ചെയ്യുന്ന സ്ഥലത്ത് വാണിജ്യ കെട്ടിടസമുച്ചയം നിര്‍മ്മിക്കണം.നിലവിൽ വനിത ജീവനക്കാര്‍ക്കും യാത്രക്കാര്‍ക്കും വിശ്രമിക്കാനും പ്രാഥമികാവശ്യങ്ങള്‍ നിര്‍വഹിക്കാനുമുള്ള സൗകര്യങ്ങളില്ല. ഡിപ്പോയിൽ ഉന്നതനിലവാരത്തിലുള്ള ശൗചാലയം നിർമ്മിക്കണം കാറ്റും വെളിച്ചവും കയറുന്നതരത്തില്‍ നിലവിലുള്ളവ പുതുക്കിപ്പണിയാനുള്ള നടപടിയും അടിയന്തിരമായി പൂർത്തിയാക്കണം.
@ കെ എസ് ആർ ടി സി ഡിപ്പോയുടെ ദുരവസ്‌ഥയ്ക്ക് പരിഹാരമുണ്ടാവണം - ബിജെപി
കേരളത്തിലെ ഏറ്റവും പ്രധാനപ്പെട്ട നഗരങ്ങളിൽ ഒന്നായ കൊല്ലത്തിന്റെ ഹൃദയഭാഗത്ത് സ്ഥിതിചെയ്യുന്ന ഈ ഡിപ്പോ നഗരത്തിന്റെ ഭംഗിയെ ഇല്ലാതാക്കുന്നു. ഒപ്പം യാത്രക്കാർക്ക് ഇതുവഴി യാത്രചെയ്യുവാൻ പോലും മടിയാണ്. കൊല്ലം കെഎസ്ആർടിസി ഡിപ്പോയുടെ ദുരവസ്ഥയാണ് പൊട്ടി പൊളിഞ്ഞ കെട്ടിടം തന്നെയാണ്. ഇ പോക്ക് പോയാൽ എന്നെങ്കിലും ഇടിഞ്ഞു വീഴും എന്ന കാര്യത്തിൽ നൂറ് ശതമാനം ഉറപ്പാണ്. മഴ തകർത്തു പെയ്യുകയാണ്, വർഷങ്ങളുടെ പഴക്കമുള്ള ഈ കെട്ടിടം പാവപ്പെട്ട യാത്രക്കാരുടെ തലയിൽ ആയിരിക്കും പതിക്കുക. അന്നും ഇതേ പോലെ നോക്കുകുത്തികളായി അധികാരികൾ ഇരിക്കണം . അപകടം ഉണ്ടാകുമ്പോൾ മാത്രം മുൻനിരയിൽ വന്ന് അനുശോചനം അറിയിക്കുവാൻ മാത്രമല്ലേ എല്ലാർക്കും അറിയൂ..
കൊല്ലം നഗരവാസികളുടെയും കൊല്ലം കെഎസ്ആർടിസി ഡിപ്പോ ഉപയോഗിക്കുന്ന യാത്രക്കാരുടെയും ദീർഘനാളത്തെ ആവശ്യമായ കെഎസ്ആർടിസി ഡിപ്പോ വികസനം ബജറ്റ് പ്രഖ്യാപനത്തിൽ ഒതുങ്ങി നിൽക്കുന്നു സംസ്ഥാന ബജറ്റില്‍ കൊല്ലം കെ എസ് ആര്‍ ടി സി ഡിപ്പോയുടെ ആധുനീകരണം ഇടം നേടിയതോടെ വികസനകുതിപ്പിന് കളമൊരുങ്ങുമെന്ന് വിലയിരുത്തിയവരൊക്കെ ഇപ്പോൾ കാണാനില്ല.പല പല കാരണങ്ങളാൽ വികസനം കുരുങ്ങിക്കിടക്കുകയാണ്.
പ്രശ്നങ്ങളെല്ലാം പരിഹരിച്ചുകൊണ്ട് എത്രയും പെട്ടെന്ന് കൊല്ലം കെഎസ്ആർടിസി ഡിപ്പോ വികസനം യാഥാർഥ്യമാക്കണം. കടക്കെണിയിൽ നിൽക്കുന്ന കെഎസ്ആർടിസിയ്ക്ക് ഇത്തരത്തിലൂടെ യാത്രക്കാരെ കൂടി നഷ്ടപ്പെട്ടാൽ വളരെയധികം ബാധ്യതയായിരിക്കും ഉണ്ടാവുന്നത്-
മോൻസിദാസ് (ബിജെപി കൊല്ലം മണ്ഡലം പ്രസിഡന്റ്‌)
No comments:
Post a Comment