Friday, 2 October 2026
തട്ടുകടകൾക്ക് കേന്ദ്രീകരിച്ച് ഭക്ഷ്യ സുരക്ഷാ പരിശോധന
പോളച്ചിറ ഏലായിൽ നെൽകൃഷിയ്ക്കായി ചിറക്കര ഗ്രാമപഞ്ചായത്ത്
ചാത്തന്നൂർ :കൊല്ലം ജില്ലയിലെ ഏറ്റവും വലിയ പുഞ്ചപാടമായ ചിറക്കരഗ്രാമപഞ്ചായത്തിലെ
പോളച്ചിറയിൽ വർഷങ്ങൾക്ക് ശേഷം വീണ്ടും നെൽകൃഷിയിലേക്ക്.
ചിറക്കര ബ്രാൻഡ് അരി അടക്കം വിപണിയിൽ എത്തിക്കണം എന്ന ഉദ്ദേശത്തോട് കൂടിയാണ് ഗ്രാമപഞ്ചായത്ത് സമിതി നെൽകൃഷിയ്ക്കായി
തയ്യാറെടുപ്പ്.നടത്തുന്നത്.
വരും വർഷങ്ങളിൽ ഒരു മീനും ഒരു നെല്ലും പദ്ധതി അടക്കം നടപ്പിലാക്കും
പോളച്ചിറ ഏലയുടെ വികസനസമിതി പൊതുയോഗം 8ന്
രാവിലെ10:30ന് ചിറക്കര പഞ്ചായത്ത് ഓഫീസിൽ നടക്കും മുഴുവൻ കർഷകരും പങ്കെടുക്കണമെന്ന്
പോളച്ചിറ പാടശേഖരസമിതി ഭാരവാഹികൾ ചിറക്കര ഗ്രാമപഞ്ചായത്ത് പ്രസിഡന്റ്‌, കൃഷിഓഫീസർ തുടങ്ങിയവർ അറിയിച്ചു
കേന്ദ്രസർക്കാർ ഫണ്ട് ഉപയോഗിച്ച് പാരിപ്പള്ളി മെഡിക്കൽ കോളജിൽ നിർമ്മിക്കുന്ന ക്രിട്ടിക്കൽ കെയർ ബ്ലോക്ക് നിർമാണം പൂർത്തിയായി
ക്രിട്ടിക്കൽ കെയർ ബ്ലോക്ക് നിർമാണം
പൂർത്തിയായി. മെഡിക്കൽ എക്യുപെന്റ്സ് എത്തി തുടങ്ങിയിരിക്കുന്നു. കെട്ടിടനിർമ്മാണം പൂർത്തിയായി എങ്കിലും അനുബന്ധമായുള്ള നിർമ്മാണപ്രവർത്തികൾ ബാക്കിയാണ്.
പ്രധാനമന്ത്രി ആയുഷ്മാൻ ഭാരത് ഹെൽത്ത് ഇൻഫ്രാസ്ട്രക്ചർ മിഷന്റെ കീഴിൽ മൂന്ന് ലെവൽ ഐ സി യുവിൽ
50 കിടക്കകളുള്ള പുതിയ കെട്ടിടമാണ് നിർമ്മിച്ചിരിക്കുന്നത്.എങ്കിലും ആദ്യം 24കിടക്കകൾ ആണ് ഉണ്ടാവുക
4250 ചതുരശ്രമീറ്റർ വിസ്‌തൃതിയിൽ നിർമ്മിച്ച കെട്ടിടത്തിന് 23.75 കോടി രൂപയാണ് അനുവദിച്ചത് എങ്കിലും ഇതിൽ നിന്നും തുക വെട്ടികുറച്ചത് നിർമ്മാണപ്രവർത്തികളുടെ മെല്ലെപോക്കിന് കാരണമായിട്ടുണ്ട്.
സംസ്ഥാന സർക്കാർ ഏജൻസിയായ
കിറ്റ്കോയുടെ നേതൃത്വത്തിലാണ് നിർമ്മാണപ്രവർത്തികൾ പൂർത്തീകരിച്ചിരിക്കുന്നത്
നാഷണൽ ഹെൽത്ത് മിഷൻ്റെ വിദഗ്ധസംഘത്തിന്റെ
പരിശോധനകൾക്കായി കാത്തിരിക്കുകയാണ് മെഡിക്കൽ കോളേജ് അധികൃതർ.കേരളത്തിലെ മികച്ച മെഡിക്കൽ കോളേജായി ഉയർത്തിക്കൊണ്ടുവരാൻ അടിസ്ഥാനസൗകര്യങ്ങളായ സ്ഥലവും കെട്ടിടങ്ങളുമുള്ള പാരിപ്പള്ളി മെഡിക്കൽ കോളജിൻ്റെ നിലവിലെ പോരായ്മകൾക്ക് ക്രിട്ടിക്കൽ കെയർ ബ്ലോക്ക് വരുന്നതോടെ ഒരു പരിധിവരെ പരിഹാരമാകുമായി മാറും
@ നിലവിലുള്ള മെഡിക്കൽ കോളേജ് ആശുപത്രിയുമായി ഏതൊക്കെ സേവനങ്ങൾ പങ്കിടാം എന്നുള്ള ആലോചകൾ നടന്ന് വരികയാണ് എന്ന് മെഡിക്കൽ കോളേജ് സൂപ്രണ്ട് ഡോ.ആഷ പറഞ്ഞു.ഐസിയു, എച്ച്ഡിയു, ഐസൊലേഷൻ, എമർജൻസി, ഡയാലിസിസ്, സ്പെഷ്യാലിറ്റി കെയർ എന്നിവയും കൃട്ടിക്കൽ കെയർ യൂണിറ്റിൽ ഉണ്ട്. നിലവിലുള്ള
ശേഷി നിലനിർത്തിക്കൊണ്ട് ബ്ലോക്ക്
മെഡിക്കൽ കോളേജ് ആശുപത്രിയുമായി ബന്ധപ്പെട്ടിരിക്കുമെന്ന് ഡോക്ടർ ആഷ കേരളകൗമുദിയോട് പറഞ്ഞു.
അടിയന്തര സേവനങ്ങൾക്കായുള്ള
നിലവിലുള്ള ഓപ്പറേഷൻ തിയേറ്ററുകൾ,ലബോറട്ടറി;
രക്തബാങ്ക്, ഫാർമസി,നിലവിലുള്ള ഐ സി.
യുകൾ എന്നിവ കൃട്ടിക്കൽ
കെയർ യൂണിറ്റുമായി ബന്ധിപ്പിക്കും മെഡിക്കൽ കോളേജിൽ
ഗുരുതരാവസ്ഥയിലുള്ള രോഗികൾക്ക് ഇവിടെ സേവനം നൽകും.കൃട്ടിക്കൽ
കെയർ ആശുപത്രിയുടെ ക്ലിനിക്കൽ പ്രോഗ്രാം അനുസരിച്ച് മൊത്തം ശേഷി ഐസിയു, എച്ച്ഡിയു, എമർജൻസി, ഐസൊലേഷൻ, ഡയാലിസിസ്, പീഡിയാട്രിക്, മെറ്റേണൽ, മറ്റ് സ്പെഷ്യലിസ്റ്റ് സേവനങ്ങൾ ലഭ്യമാണ്
@ കിടക്കകളും വേർതിരിച്ചിട്ടുണ്ട്
എച്ച്ഡിയു, സ്റ്റെപ്പ്-ഡൗൺ പരിചരണത്തിനായി
തീവ്രപരിചരണ വിഭാഗ കിടക്കകളും
ഹൈ ഡിപൻഡൻസി യൂണിറ്റ് കിടക്കകൾ
അടിയന്തര, പുനർ-ഉത്തേജന കിടക്കകൾ
സ്റ്റെപ്പ്-ഡൗൺ അല്ലെങ്കിൽ മോണിറ്റേർഡ്-കെയർ കിടക്കകൾ. എന്നിങ്ങനെ കിടക്കകളെ വേർതിരിച്ചിട്ടുണ്ട്.കൂടാതെ
ഡയാലിസിസ് കിടക്കകൾ,
പീഡിയാട്രിക് ഗുരുതര പരിചരണം;
മാതൃ ഗുരുതര പരിചരണം,
ട്രോമ അല്ലെങ്കിൽ ശസ്ത്രക്രിയാ ഗുരുതര പരിചരണത്തിനായി ക്ലിനിക്കൽ ക്ലസ്റ്ററുകളായി കിടക്കകൾ പൊതുവെ നന്നായി ക്രമീകരിച്ചിരിക്കുമെന്നും ഉദ്യോഗസ്ഥർ പറഞ്ഞു.
കൂടാതെ ഐസൊലേഷൻ മുറികളും കെട്ടിടത്തിലുണ്ട്.പോയിന്റ്-ഓഫ്-കെയർ ലബോറട്ടറി സേവനങ്ങൾ;
സ്റ്റാഫ് സപ്പോർട്ട് ഏരിയകൾ,
വൃത്തിയുള്ള യൂട്ടിലിറ്റി മുറികൾ,ഉപകരണ സംഭരണത്തിന് ആവശ്യമായ സംവിധാനം
പ്രതേക കാത്തിരിപ്പ് മേഖലകളും ഉണ്ട്.
@ ബെഡുകൾക്ക് അനുസരിച്ചുള്ള സ്റ്റാഫ് പാറ്റേൺ കൂടാതെ വിവിധ സെക്ഷനുകളിലായി 24മണിക്കൂറും സ്പെഷ്യലിറ്റി ഡോക്ടർമാരുടെ സേവനം ലഭ്യമാകും മൂന്ന് ഷിഫ്റ്റുകളിലായി 15 സ്പെഷ്യലിറ്റി ഡോക്ടർമാർ സേവനത്തിലുണ്ടാകും കൂടാതെ
മെഡിക്കൽ കോളേജിലെ തന്നെ
മറ്റ് ഡോക്ടർമാരും ഇവർക്കൊപ്പം ഉണ്ടായിരിക്കും ഒരു ബഡിൽ മൂന്ന് നേഴ്സിംഗ് സ്റ്റാഫുകൾ മൂന്ന് ഷിഫ്റ്റിൽ ജോലി ചെയ്യും കൂടാതെ മറ്റ് നേഴ്സിംഗ് സ്റ്റാഫുകളും ടെക്നീഷ്യൻസ് അടക്കമുള്ളവർ ക്‌ളീനിംഗ് സ്റ്റാഫുകൾ അടക്കം നൂറ്റിയൻപത്
സ്റ്റാഫുകളെയാണ് കൃട്ടിക്കൽ കെയർ യൂണിറ്റിൽ പ്രതീക്ഷിക്കുന്നത്.
ഫോട്ടോ :നിർമ്മാണം പൂർത്തിയായ കൃട്ടിക്കൽ കെയർ യൂണിറ്റ് കെട്ടിടം
ഫോട്ടോ :ഡോക്ടർ ആഷ.
വയലിൽ ഭഗവതി ക്ഷേത്രത്തിൽ മോക്ഷണം
ചാത്തന്നൂർ : ഏറം വയലിൽ
ഭഗവതി ക്ഷേത്രത്തിൽ വഞ്ചികൾ തകർത്ത് മോക്ഷണം. സർപ്പകാവിലെ വിളക്കുകളും ചെമ്പ് പാത്രങ്ങളും കൂട്ടിവച്ചുവെങ്കിലും കൊണ്ട് പോകാനായില്ല. ക്ഷേത്രത്തിന് വെളിയിലെ സർപ്പകാവിലാണ് മോക്ഷണം നടന്നത് ക്ഷേത്രത്തിന്റെ മതിൽകെട്ടിനുള്ളിൽ കയറിയില്ല
രാവിലെ ജീവനക്കാർ ക്ഷേത്രത്തിൽ എത്തിയപ്പോഴാണ് മോഷണം നടന്നത് അറിഞ്ഞത്. തുടർന്ന് ചാത്തന്നൂർ പോലീസിൽ പരാതി നൽകി പോലിസ് എത്തി തെളിവുകൾ ശേഖരിച്ചു കേസെടുത്തു.
വീട് ഇടിഞ്ഞുവീണു കുടുംബം തലനാരിഴയ്ക്ക് രക്ഷപ്പെട്ടു
തലനാരിഴയ്ക്ക് രക്ഷപ്പെട്ടു
കൊട്ടിയം :വീട് ഇടിഞ്ഞുവീണു കുടുംബം
രക്ഷപ്പെട്ടത് തലനാരിഴയ്ക്ക്.
മയ്യനാട് അമ്മാച്ചൻ മുക്കിൽ മൂലവട്ടം തൊടിയിൽ വാടകയ്ക്ക് താമസിക്കുന്ന കലാവതി എന്ന വയോധികയും കുടുംബവും താമസിച്ചിരുന്ന വീടാണ് ഇടിഞ്ഞു വീണത്.
ഈ സമയം വീടിനുള്ളിൽ ഉണ്ടായിരുന്നവർ
പുറത്തായിരുന്നത് മൂലമാണ് അപകടം ഒഴിവായത്. കലാവതിയും
വികലാംഗനായ മകൻ ശ്യാം.ജി യും , ഇവരുടെ ബന്ധുവായ അച്ഛനും അമ്മയും ഉപേക്ഷിച്ച എട്ടുവയസ്സുകാരി ദയയും, മാതാപിതാക്കൾ മരണപ്പെട്ട 15 വയസ്സുകാരൻ അലനുമാണ് ഇവിടെ താമസിച്ചു വന്നത്.വയോധികയായ കലാവതി വീട്ടുജോലിക്ക് പോയാണ് കുടുംബം കഴിയുന്നത്. വികലാംഗനായ മകന് ജോലിക്ക് പോകാൻ കഴിയില്ല. കലാപതിയുടെ സഹോദരിയുടെ മകളുടെ മകളാണ് ഇവർക്കൊപ്പം ഉള്ള ദയ. മൂന്നു വയസ്സുള്ളപ്പോൾ ദയയെ അമ്മയും അച്ഛനും ഉപേക്ഷിച്ച് പോയതാണ്. ആരും ഏറ്റെടുക്കാൻ ഇല്ലാത്ത പെൺകുട്ടിയെ കലാവതി ഏറ്റെടുക്കുകയായിരുന്നു. പിന്നീട് കലാവതിയുടെ സഹോദരിയുടെയും ഭർത്താവിന്റെ മരണശേഷം അവരുടെ ഏക മകനെയും ഏറ്റെടുത്തു. സ്വന്തമായി ഒരു തുണ്ട് ഭൂമി പോലും ഇല്ലാത്ത ഇവർ വർഷങ്ങളായി ഇടിഞ്ഞു പൊളിഞ്ഞു വീഴാറായ ഈ വാടകവീട്ടിൽ താമസിച്ചു വരികയായിരുന്നു. കൊല്ലം അഞ്ചാലുംമൂട് സ്വദേശിയുടെതാണ് ഈ വീട് . ഈ വീടിന്റെ ബാക്കിയുള്ള ഭാഗവും ഏത് നിമിക്ഷവും തകർന്ന് വീഴാവുന്ന അവസ്ഥയിലാണ്
ഇവരോട് ഇവിടെ നിന്നും മാറാൻ ഉടമ ഒരു വർഷം മുമ്പേ ഇവരോട് പറഞ്ഞിരുന്നു. പക്ഷേ പോകാൻ മറ്റൊരു ഇടമില്ലാത്തത് കാരണം ഇവർ ഇവിടെ തന്നെ തുടരുകയായിരുന്നു. കുഞ്ഞുദയയുടെയും അലന്റെയും പുസ്തകങ്ങളും ബാഗും വസ്ത്രങ്ങളും മടക്കം മണ്ണിന്റെ അടിയിലായി. പെട്ടെന്നൊരു വീട്ടിലേക്ക് മാറാൻ യാതൊരു വഴിയുമില്ല. ഇനിയെന്തു ചെയ്യണമെന്നറിയാതെ പൊളിഞ്ഞുവീണ വീടിനു വെളിയിൽ നിസ്സഹായതയോടെ നിൽക്കുകയാണ് ഈ വീട്ടിലെ നാലുപേരും .
ഫോട്ടോ:അമ്മയും മക്കളും
ചാണകക്കുഴിയിൽ വീണ് പ്രസവിച്ച പശുവിനെയും കിടാവിനെയും അഗ്നിരക്ഷാസേന രക്ഷപ്പെടുത്തി
ചാത്തന്നൂർ: ചാണകക്കുഴിയിൽ വീണ് പ്രസവിച്ച പശുവിനെയും കിടാവിനെയും അഗ്നിരക്ഷാസേന രക്ഷപ്പെടുത്തി. പാമ്പുറം 'രാജു നിവാസി'ൽ ഡോ. രമയുടെ വീടിനുപിന്നിലെ ചാണകവും വെള്ളവും നിറഞ്ഞ കുഴിയിലാണ് പൂർണ്ണഗർഭിണിയായ പശു പ്രസവ വെപ്രാളത്തിനിടയിൽ വീണത്.
വിവരമറിഞ്ഞെത്തിയ സേനാംഗങ്ങൾ കയറിന്റെ സഹായത്തോടെ കുഴിയിലിറങ്ങി ആദ്യം പശുകുട്ടിയെ പുറത്തെടുത്തു. ഹൃദയമിടിപ്പ് നിലച്ച നിലയിലായിരുന്ന കിടാവിന് കൃത്രിമശ്വാസോച്ഛ്വാസം (സി.പി.ആർ.) നൽകി ജീവൻ തിരികെപ്പിടിക്കുകയായിരുന്നു. തുടർന്ന് ഹിറ്റാച്ചി ഉപയോഗിച്ച് കുഴിയുടെ വശം ഇടിച്ച് പശുവിനെയും പരിക്കേൽക്കാതെ സുരക്ഷിതമായി പുറത്തെത്തിച്ച് ഉടമസ്ഥർക്ക് കൈമാറി.
സീനിയർ ഫയർ ആൻഡ് റെസ്ക്യൂ ഓഫീസർ അനീഷ്, സേനാംഗങ്ങളായ വിശാഖ്, പ്രശോഭ്, ആദർശ്, മനോജ് എന്നിവർ ചേർന്നാണ് രക്ഷാപ്രവർത്തനം നടത്തിയത്.
Subscribe to:
Posts (Atom)