ബലിതർപ്പണത്തിന് എത്തിയവർക്ക് പ്രഭാതഭക്ഷണവും ചുക്ക് കാപ്പിയും സേവാഭാരതി പ്രവർത്തകർ തയ്യാറാക്കി നൽകിയിരുന്നു.പ്രതികൂല കാലാവസ്ഥയെല്ലാം അവഗണിച്ചു കൊണ്ട് കഴിഞ്ഞ ദിവസം വാവ് തുടങ്ങിയപ്പോൾ മുതൽ ഇന്നലെ രാത്രി 11മണിവരെയും സേവാഭാരതിയുടെ ആംബുലൻസും മെഡിക്കൽ വിഭാഗവും നൂറ് കണക്കിന് വരുന്ന സേവഭാരതി പ്രവർത്തകരും പൂർണ്ണസജ്ജമായി നിലകൊണ്ടു. പരവൂരിലെ ട്രാഫിക് നിയന്ത്രിക്കാൻ പോലീസിനെ സഹായിക്കുകയും ഒരു ഘട്ടത്തിൽ ട്രാഫിക് നിയന്ത്രണവും ഏറ്റെടുത്ത് കൊണ്ട് ഭക്തജനങ്ങൾക്ക് വഴികാട്ടിയായി സേവാഭാരതി മാറിയപ്പോൾ എണ്ണത്തിൽ കുറവായിരുന്ന നിയമപാലകർക്ക് വളരെ ആശ്വാസമായി മാറി. പരവൂർ ജംഗഷൻ മുതൽ പൊഴിക്കര പനമൂട്ടിൽ വരെ ആറ് ഹെല്പ് ഡെസ്ക്കുകളാണ് സേവഭാരതി തയ്യാറാക്കിയിരുന്നത് ഇവിടങ്ങളിലെല്ലാം കുടിവെള്ളവും ചുക്ക് കാപ്പിയും വിതരണം ചെയ്തു. പ്രായമായവരെ ബലിയിടാൻ സഹായിക്കാൻ പ്രതേക സംഘം തന്നെ രൂപീകരിച്ചു കൊണ്ട് ബലിതർപ്പണ സ്ഥലങ്ങളിൽ ഉണ്ടായിരുന്നു. സേവഭാരതിയുടെ സേവനങ്ങൾക്ക് ക്ഷേത്രങ്ങളുടെ ഭാരവാഹികൾ നന്ദി പറഞ്ഞു കൊണ്ട് സേവഭാരതിപ്രവർത്തകർക്ക് പനമൂട്ടിൽ മഹാദേവക്ഷേത്രത്തിൽ പ്രതേക പൂജകളും നടത്തിയിരുന്നു.
ഫോട്ടോ:സേവാഭാരതി പ്രവർത്തകർ സേവനപ്രവർത്തങ്ങൾക്ക് ശേഷം പനമൂട്ടിൽ ക്ഷേത്രത്തിൽ ഫോട്ടോസെക്ഷനിൽ.
No comments:
Post a Comment