ചരക്ക് ലോറികളും
വലിയവാഹനങ്ങൾ രാവിലെയും വൈകിട്ടും നഗരത്തിൽ പ്രവേശിക്കുന്നതിന് നിയന്ത്രണം ഏർപ്പെടുത്തണമെന്ന ആവശ്യം ശക്തമാകുന്നു. ചിന്നകടയിലാണ് ഏറ്റവും കൂടുതൽ ഗതാഗതകുരുക്ക് അനുഭവപ്പെടുന്നത്. ദേശിയപാത 66ൽ കാവനാട് മുതൽ മേവറം വരെ രൂക്ഷമായ ഗതാഗതകുരുക്കാണ് അനുഭവപ്പെടുന്നത്.
തിരക്കേറുന്ന സമയങ്ങളിൽ ഗതാഗതം നിയന്ത്രിക്കാൻ ട്രാഫിക്ക് പൊലീസ് ഏറെ പണിപ്പെടുകയാണ്‌. റോഡിന് ഇരുവശത്തും അലക്ഷ്യമായി വാഹനങ്ങൾ പാർക്ക് ചെയ്യുന്നതും കുരുക്കിന് കാരണമാകുന്നുണ്ട്. നോ പാർക്കിങ് ബോർഡുകൾ സ്ഥാപിച്ചതിന് തൊട്ടുതാഴെപോലും വാഹനങ്ങൾ നിർത്തിയിടുകയാണ്. കാറുകളാണ് കൂടതലും. ട്രാഫിക് പോലിസ് പിഴ ചുമത്തുന്നുണ്ടെങ്കിലും നിയമലംഘനം തുടരുകയാണ്. മഴക്കാലത്ത് റോഡുകളിൽ രൂപപ്പെടുന്ന വെള്ളകെട്ട് കാരണം വാഹനങ്ങൾക്ക് വേഗം കുറച്ചേ പോകാൻ സാധിക്കുകയുള്ളൂ.കൊല്ലം കളക്ടറേറ്റിന് മുന്നിൽ ട്രാഫിക്ക് സിഗ്നൽ സംവിധാനം ഏർപ്പെടുത്തണമെന്നും തിരക്കേറുന്ന സമയങ്ങളിൽ കൂടുതൽ ട്രാഫിക്ക് പൊലീസുകാരെ നിയമിക്കണമെന്നും ആവശ്യമുയരുകയാണ്‌. നഗരത്തിലെ ഗതാഗത കുരുക്കിന് ശാശ്വത പരിഹാരമുണ്ടാക്കണമെന്ന ആവശ്യം ശക്തമാകുകയാണ്.
@ കൊല്ലം നഗരത്തിൽ
അപകടങ്ങൾ ക്ഷണിച്ചു വരുത്തുന്ന അനധികൃത പാർക്കിങ്. നഗരത്തിൽ സർവീസ് നടത്തുന്ന പ്രൈവറ്റ് ബസ്സുകളും കെഎസ്ആർടിസി ബസുകളും ഒരു പോലെ നിയമലംഘനം നടത്തുമ്പോൾ നോക്ക് കുത്തിയാവുകയാണ് നിയമസംവിധാനങ്ങൾ. ബസ് സ്റ്റോപ്പുകളിൽ ബസുകൾ
ഒതുക്കി നിർത്തി യാത്രക്കാരുടെ കയറ്റുവാനും ഇറക്കുവാനും മതിയായ സൗകര്യം ഉണ്ടായിട്ടുപോലും റോഡിന്റെ മദ്ധ്യത്തിൽ തന്നെ ബസ്സ് നിർത്തി ആളുകളെ കയറ്റുകയും ഇറക്കുകയുമാണ് പ്രൈവറ്റ് ബസ്സുകാരും കെഎസ്ആർടിസി ബസ്സുകാരും ചെയ്യുന്നത്. നഗരത്തിലെ മിക്ക ബസ് സ്റ്റോപ്പുകളിലും ഇത് തന്നെയാണ് അവസ്ഥ. ചിലയിടങ്ങളിൽ ബസ് ഷെൽട്ടറുകൾ ഇല്ലാത്തതിന്റെ പേരിൽ ബസുകൾ ഒതുക്കി നിർത്താതെ യാത്രക്കാരെ കയറ്റുകയും ഇറക്കുകയും ചെയ്യുന്നുണ്ട്. ഇതും പല സ്ഥലങ്ങളിൽ ഗതാഗത തടസത്തിന് കാരണമാകുന്നു.
കൂടാതെ റോഡിൽ ഗതാഗത തടസ്സം ഉണ്ടാവുകയും കാൽനടയാത്രക്കാർക്ക് അപകടം ഉണ്ടാവുകയും ചെയ്യുന്നു.
ഇതിനെതിരെ സിറ്റി ട്രാഫിക് പോലീസ് അധികാരികൾ വേണ്ട നടപടികൾ എത്രയും പെട്ടന്ന് എടുക്കണമെന്ന ആവശ്യം ശക്തമാകുകയാണ്.
@ നിയമലംഘനം പോലിസിന്റെ മുന്നിലും
ചിന്നകട ബസ് വേയിൽ
കെ എസ് ആർ ടി സി
പൂർണ്ണമായും ചില അവസരങ്ങളിൽ പ്രെവറ്റ് ബസ്സും, ചിന്നക്കട പോസ്റ്റ്‌ ഓഫിസിന് മുന്നിലുള്ള ബസ്സ് വേയിൽ നിർത്താതെ റോഡിൻ്റെ മധ്യഭാഗത്ത് നിർത്തി ആളെ കയറ്റുകയും ഇറക്കുകയും ചെയ്യുകയാണ് ഫാസ്റ്റ് പാസഞ്ചർ സൂപ്പർ ഫാസ്റ്റ് ബസുകൾ ദേശിയപാതയിൽ തന്നെയാണ് നിർത്തി ആളിനെ കയറ്റിയിറക്കുന്നത്. ഇത് മൂലം
പിന്നിൽ വരുന്ന വാഹനങ്ങൾ മേൽ പറഞ്ഞ ബസ്സുകൾ ആളെകയറ്റി തിരുന്ന സമയം വരെ ബസിന്റെ
പുറകിൽ നിർത്തേണ്ടി വരുന്നു ഇത് മൂലം പലപ്പോഴും രൂക്ഷമായ.ഗതാഗതകുരുക്കാണ് ഇവിടെ ഉണ്ടാകുന്നത്.
ഫോട്ടോ: ക്യു എസ് റോഡിൽ ശങ്കേഴ്സ് ഹോസ്പിറ്റൽ ജംഗ്ഷനു മുന്നിൽ റോഡിന്റെ മധ്യഭാഗത്ത് നിർത്തി ആളിനെ കയറ്റുന്ന പ്രൈവറ്റ് ബസ്.
No comments:
Post a Comment