ട്രോളിങ് നിരോധനം അവസാനിക്കാൻ മണിക്കൂറുകൾ മാത്രം ശേഷിക്കെ മത്സ്യത്തൊഴിലാളികൾ കടലിൽ പോകാനുള്ള മുന്നൊരുക്കങ്ങൾ ആരംഭിച്ചു

കൊല്ലം: ട്രോളിങ് നിരോധനം അവസാനിക്കാൻ മണിക്കൂറുകൾ മാത്രം ശേഷിക്കെ മത്സ്യത്തൊഴിലാളികൾ കടലിൽ പോകാനുള്ള മുന്നൊരുക്കങ്ങൾ ആരംഭിച്ചു. ജൂൺ ഒൻപതിന് തുടങ്ങിയ നിരോധനം ഇന്ന് അർധരാത്രിയിലാണ് അവസാനിക്കുക. 52 ദിവസത്തെ ട്രോളിംഗ് നിരോധനത്തിന് ശേഷം മത്സ്യബന്ധന ബോട്ടുകൾ ഇന്ന്അ ർദ്ധരാത്രി മുതൽ കടലിൽ പോകും. അയ്യായിരത്തോളം യന്ത്രവൽകൃത യാനങ്ങളാണ് സംസ്ഥാനത്ത് ആകെ ഉള്ളത്.  ബോട്ടുകളുടെ അറ്റകുറ്റപ്പണികൾ തീർത്തും, വലകൾ നിർമിച്ചും തീരദേശം ഒരുങ്ങിക്കഴിഞ്ഞു. നാളെ അർധരാത്രിയോടെ ട്രോളിങ് നിരോധനം അവസാനിക്കും. കടലിൽ പോകാനാവശ്യമായ ഐസ് കട്ടകൾ ചാക്കിലാക്കി ബോട്ടുകളിൽ സൂക്ഷിക്കാൻ തുടങ്ങിയിട്ടുണ്ട്. തീരദേശവും മത്സ്യത്തൊഴിലാളികളും ആവേശത്തിലാണ്. പുതിയ വലകൾ നെയ്യലും ലോഡിങ് ഉപകരണങ്ങളുടെ പെയിന്റിങ് ജോലികളും പുരോഗമിക്കുകയാണ്. പ്ലാസ്റ്റിക് റോപ്പും ഉരുക്കു മണികളും ഉപയോഗിച്ചുള്ള വലകളാണ് കൂടുതലായി ഉണ്ടാക്കുന്നത്. ട്രോളിങ് കഴിയുമ്പോൾ ലഭിക്കുമെന്നു പ്രതീക്ഷിക്കുന്ന കരിക്കാടി ചെമ്മീനിനും കണവയ്ക്കുമായെല്ലാം പ്രത്യേക വലകളും ഒരുക്കുന്നുണ്ട്. ട്രോളിങ് നിരോധന കാലഘട്ടത്തിൽ മഴ കൂടിയും കുറഞ്ഞും നിന്നത് മത്സ്യത്തിന്റെ ലഭ്യതയെ ബാധിക്കുമൊ എന്ന മത്സ്യത്തൊഴിലാളികൾക്കുണ്ട്.ആധാരം പണയംവച്ചും സ്വർണവായ്പയെടുത്തും കമ്മീഷൻ ഏജന്റുമാരിൽനിന്ന് മുൻകൂർ തുക വാങ്ങിയുമാണ് മത്സ്യബന്ധന ബോട്ടുകൾ ഒരുക്കി മൽസ്യത്തൊഴിലാളികൾ പുതിയ സീസണിൽ കാത്തിരിക്കുന്നത്.

ട്രോളിങ് നിരോധനം കഴിഞ്ഞ് ബോട്ടുകൾ

കടലിൽ പോകുന്നതോടെ പരമ്പരാഗത

മത്സ്യത്തൊഴിലാളികളാണ് വീണ്ടും

കഷ്ടത്തിലാവുന്നത്. കാരണം തീരദേശങ്ങളിൽ മീൻ ഓരോ വർഷവും കുറയുകയാണ്. ബോട്ടുള്ളവർ സമയമെടുത്ത് മറ്റു സംസ്ഥാനങ്ങളുടെ തീരത്തടക്കം ചെന്ന് മീൻ പിടിക്കുമ്പോൾ പരമ്പരാഗത മത്സ്യത്തൊഴിലാളികൾക്ക് അധികം ദൂരം പോകാൻ കഴിയില്ല. ഒരു ദിവസം കടലിൽ പോകാൻ 25000 രൂപയുടെ അടുത്താണ് സാധാരണ വള്ളങ്ങളുടെ ചെലവ്. നാലുദിവസം

പോയി വരുമ്പോഴേക്ക് അത് ഒരു ലക്ഷം രൂപയാകും മീൻ ലഭിക്കാതെ പോയാൽ കുടുംബങ്ങൾ എല്ലാം പട്ടിണിയാകുമെന്ന് മത്സ്യ തൊഴിലാളികൾ പറയുന്നു.

@ ട്രോളിംഗ് നിരോധനം ഇന്ന് രാത്രി അവസാനിക്കുമ്പോൾ കടലിലേക്ക് പോകാൻ അൻപത് ശതമാനം ബോട്ടുകൾ മാത്രം. സംസ്ഥാനത്ത് 3600 മത്സ്യബന്ധന ബോട്ടുകൾ ഉണ്ടെങ്കിലും ഇതിൽ പകുതി മാത്രമേ നാളെ കടലിലേക്ക് പുറപ്പെടുകയുള്ളൂ. കാരണം വർഷത്തിൽ ബോട്ടുകൾക്ക് നടത്തേണ്ട അറ്റകുറ്റപണികൾ പണമില്ലാത്തതിനാൽ ആരും നടത്തിയിട്ടില്ല. ഡീസലിന്റെ വില കുതിച്ച് കയറിയതും ബോട്ടുകാർക്ക് വിനയായി. വീടിന്റെ ആധാരം പണയം വെച്ചും സ്വർണ്ണം പണയപ്പെടുത്തിയുമാണ്  കൊവിഡ് കാലത്ത് ബോട്ടുകൾ കടലിൽ ഇറക്കിയത്. ആ ബാദ്ധ്യതകൾ നിലനിൽക്കെ അടുത്ത ബാദ്ധ്യതയും കൂടി ഏൽക്കാൻ ഇവർക്ക് കെൽപ്പില്ലാത്ത സ്ഥിതിയാണ്. അതേസമയം, വർഷത്തിൽ സർക്കാരിലേക്ക് അടക്കേണ്ട നികുതി തുകയായ 26500 രൂപ പല ബോട്ടുകാർക്കും അടയ്ക്കാൻ കഴിഞ്ഞിട്ടില്ല. ഇത് അടച്ചെങ്കിൽ മാത്രമേ അധികാരികൾ ബോട്ട് കുടലിൽ ഇറക്കുകയുള്ളൂ. മറ്റു സംസ്ഥാനങ്ങളിൽ ഈ നികുതി 3000 രൂപ മാത്രമാണ്. പണം അടച്ചില്ലെങ്കിൽ രജിസ്ട്രേഷൻ റദ്ദ് ചെയ്യുമെന്നാണ് അധികാരികൾ അറിയിച്ചിരിക്കുന്നത്.