ഭർത്താവിനോപ്പം ബൈക്കിൽ യാത്ര ചെയ്തിരുന്ന വീട്ടമ്മയ്ക്ക് അപകടത്തിൽ ദാരുണാന്ത്യം

ചാത്തന്നൂർ: ഭർത്താവിനോപ്പം ബൈക്കിൽ യാത്ര ചെയ്തിരുന്ന വീട്ടമ്മയ്ക്ക് അപകടത്തിൽ ദാരുണാന്ത്യം. വടക്കേവിള മുളളുവിള കൊച്ചു കൂനമ്പായിക്കുളം ക്ഷേത്രത്തിനടുത്ത് 

 പ്രസാദത്തിൽ 

വീട്ടിൽ പ്രസാദിന്റെ ഭാര്യ കുഞ്ഞുമോൾ എന്ന് വിളിക്കുന്ന 

ശൈലജ പ്രസാദ് (45 )ആണ് മരിച്ചത്.

കൊല്ലം - തിരുവനന്തപുരം ദേശിയപാതയിൽ  ഇത്തിക്കര പാലത്തിന് കിഴക്ക് ഭാഗത്ത് 

ഇന്നലെ രാവിലെ 9.15ഓടെയാണ് അപകടം ഉണ്ടായത്. കൊട്ടിയം ഭാഗത്ത് നിന്നും ചാത്തന്നൂർ ഭാഗത്തേക്ക് വന്ന ബൈക്കിൽ അതേ ദിശയിൽ വന്ന കാർ ഇടിച്ചു നിലത്ത് വീണ ശൈലജയുടെ 

തലയിൽ കൂടി പിറകെ വന്ന കാർ കയറിയിറങ്ങുകയായിരുന്നു. ഷൈലജ

സംഭവസ്ഥലത്ത് തന്നെ മരിച്ചിരുന്നു.

അപകടത്തെ തുടർന്ന് 

ഒരു മണിക്കൂറോളം ദേശിയപാതയിൽ 

ഗതാഗതം സ്തംഭിച്ചു.അപകടം നടന്നയുടൻ തന്നെ നാട്ടുകാർ ശൈലജയെ റോഡിന്റെ നടക്കു നിന്നും മാറ്റി കിടത്തിയിരുന്നു പിന്നാലെ കാറിൽ വന്ന ഡോക്ടർ പരിശോധന നടത്തിയെങ്കിലും ആംബുലൻസും 

പോലിസും എത്തിയത് അര മണിക്കൂർ വൈകിട്ട് തുടർന്ന് ശൈലജയെ കൊട്ടിയം കിംസ് ആശുപത്രിയിലേക്കും അവിടെ നിന്നും പാരിപ്പള്ളി മെഡിക്കൽ കോളേജിലേക്കും മാറ്റി മൃതദേഹം പോസ്റ്റ്‌ മാർട്ടത്തിന് ശേഷം ബന്ധുക്കൾക്ക് വിട്ട് കൊടുത്തു. മക്കൾ: പ്രവീൺ, പ്രവീണ

ഭർത്താവ് ഒരാഴ്ച മുമ്പാണ് ഗൾഫിൽ നിന്നും വന്നത്.