ശിവഗിരി ശാരദാ പ്രതിഷ്ഠയുടെ പശ്ചാത്തലം.

ശിവഗിരി ശാരദാ പ്രതിഷ്ഠയുടെ പശ്ചാത്തലം.

കേരളത്തിനകത്തും പുറത്തുമായി ഏകദേശം എഴുപത്തി ഒമ്പതോളം പ്രതിഷ്ഠകള്‍ ശ്രീ നാരായണ ഗുരുദേവന്‍ നേരിട്ടും, ശിഷ്യ പ്രമുഖര്‍ വഴിയും നടത്തിയിട്ടുണ്ട്. എന്നിരുന്നാലും ഗുരു സ്വന്തം ഇഷ്ടപ്രകാരം സ്ഥാപിച്ചത് പ്രധാനമായും മൂന്നെന്നമാണ്. മറ്റുള്ളതെല്ലാം അതതു പ്രദേശത്തുള്ളവരുടെ ആവശ്യപ്രകാരം നിര്‍വഹിച്ചു കൊടുത്തിട്ടുള്ളതാണ്. സ്വേച്ഛപ്രകാരം സ്ഥാപിച്ചത്, 1888 ലെ അരുവിപ്പുറം ശിവപ്രതിഷ്ഠ, 1912 ലെ ശിവഗിരി ശാരദാ മഠം, 1913 ലെ ആലുവ അദ്വൈതാശ്രമം എന്നിവയാണ്, ക്ഷേത്രം, മഠം, ആശ്രമം എന്നീ മൂന്നും ആത്മീയ വികാസത്തിന്‍റെ മൂന്നു തലങ്ങളെ കുറിക്കുന്നു.

1087 മേടമാസത്തിലെ ചൈത്രപൗര്‍ണമിയിലായിരുന്നു ഗുരുദേവന്‍ വിദ്യാദേവതയായ ശാരദാംബയെ പ്രതിഷ്ഠിച്ചത്. പ്രസ്തുത ആഘോഷത്തെപ്പറ്റി മഹാകവി കുമാരനാശാന്‍ വിവേകോദയത്തില്‍ ഇപ്രകാരം എഴുതി: “..... മലവെള്ളം പോലെ വന്നുകൂടിയ ജനപ്രവാഹംകൊണ്ട് ആ പ്രദേശം മുഴുവന്‍ നിറഞ്ഞു. ജനങ്ങളുടെ ഉത്സാഹവും തിരക്കും അവര്‍ണനീയമായിരുന്നു... വെള്ള വസ്ത്രങ്ങള്‍ ധരിച്ച് പുരുഷാരങ്ങള്‍ കൂട്ടം കൂട്ടമായി കുന്നിന്‍റെ ചരിവുകളിലും താഴ്വാരങ്ങളിലും സഞ്ചരിച്ചുകൊണ്ടിരിക്കുന്ന ഭംഗി ദൂരെനിന്ന് നോക്കിയാല്‍ പശ്ചിമഘട്ടപാര്‍ശ്വങ്ങളില്‍ ശരല്‍ക്കാലത്തുള്ള മേഘങ്ങളുടെ വിലാസത്തെ ആരും ഓര്‍ത്തുപോകുമായിരുന്നു‘വിദ്യകൊണ്ട് പ്രബുദ്ധരാകുക’ എന്ന ഗുരുവാണി ഉള്‍ക്കൊള്ളുന്ന സന്ദേശം തന്നെയാണ് ശിവഗിരി ശാരദാപ്രതിഷ്ഠയുടെ ആത്യന്തിക ലക്ഷ്യവും.

ശാരദാ മoത്തിന്റെ നിർമാണ മേൽനോട്ടം ശങ്കരാനന്ദ സ്വാമികൾക്കായിരുന്നു. അനുഗ്രഹങ്ങൾ ചൊരിഞ്ഞ് വർത്തിക്കുന്ന ശാരദ ക്ഷേത്രത്തിൽ താന്ത്രിക പൂജാ ചടങ്ങുകൾക്ക് പ്രാധാന്യമില്ല, ഭക്തർക്ക് സ്തോത്രങ്ങൾ ചൊല്ലി ആരാധിക്കാം.. ജനനീ നവരത്ന മഞ്ജരി ഗുരു ഇതോടനുബന്ധിച്ചാണ് രചിച്ചത് എന്നു വിശ്വസിക്കുന്നു.

വെള്ളിത്താമരയിൽ ഉപവിഷ്ടയായ ശാരദാ ദേവി, നാലു കൈകളുള്ള ദേവിയുടെ വലതു മുകളിലായുള്ള കൈയ്യിൽ തത്തയും, താഴത്തെ കൈയിൽ ചിന്മുദ്രയും ഇടതുമുകളിലെ കൈയ്യിൽ അമ്യതകലവും താഴെ പുസ്തകവും ഉള്ളതായി സങ്കൽപ്പിക്കപ്പെട്ടിരിക്കുന്നു.

പുസ്തകം -ധർമ്മത്തെയും ;കലശം-അർഥത്തെ ( ധനത്തെയും) ;ശുകം -കമത്തെയും;ചിന്മുദ്ര - മോക്ഷത്തെയും സൂചിപ്പിക്കുന്നു. 

ധർമ്മ ,അർഥ, കാമ, മോക്ഷം സാർഥകം. 

"വീണാ വാദന കൗശലാശയശയlശ്യാനന്ദസന്ദായി നീ "എന്ന് ഭദ്രകാള്യഷ്ടകത്തിൽ പറയുന്നതും ശാരദാദേവിയെയാണ്. 

ശിവഗിരി മഠത്തിന് ഏറ്റവും ആദ്യം സംഭാവന കൊടുത്തത് ചാവറകോട്ട് കൊച്ചുചെറുക്കന്‍ വൈദ്യരാണ്. നേത്രചികിത്സാരംഗത്ത് ഏറെപേരെടുത്തിരുന്ന വൈദ്യനായിരുന്നു കൊച്ചുചെറുക്കന്‍ വൈദ്യര്‍. ഇംഗ്ലണ്ടില്‍ നിന്ന് ഡോക്ടര്‍മാര്‍ വന്ന് ചികിത്സിച്ചിട്ടുപോലും ഭേദമാകാതിരുന്ന ചിത്രമെഴുത്തു തമ്പുരാന്റെ നേത്രരോഗം കൊട്ടാരത്തില്‍ താമസിച്ച് വൈദ്യര്‍ കാതം ചെയ്തും തിമിരംമുറിച്ചും നേരെയാക്കിയിട്ടുണ്ട്. ആരില്‍ നിന്നും ചികിത്സാ പ്രതിഫലം വാങ്ങിയിരുന്ന ആളല്ലായിരുന്നു കൊച്ചുചെറുക്കന്‍ വൈദ്യര്‍. അദ്ദേഹം അയ്യായിരം ഏക്കറോളം വരുന്ന ഭൂസ്വത്തിന്റെ ഉടമയായിരുന്നു. അതില്‍ നിന്നാണ് ശിവഗിരി മഠത്തിലേക്ക് തന്റെ സംഭാവന നല്‍കിയത്. ഗുരുദേവന്റെ സമാധിമണ്ഡപം സ്ഥിതിചെയ്യുന്ന സ്ഥലം നല്‍കിയത് കൊച്ചാപ്പി വൈദ്യരാണ്. കൊച്ചുചെറുക്കന്‍ വൈദ്യര്‍ കഴിഞ്ഞാല്‍ മഠത്തിന് സംഭാവന നല്‍കിയവരില്‍ രണ്ടാമത്തെയാള്‍ വൈദ്യപണ്ഡിതനും കവിയും വാഗ്മിയുമായിരുന്ന മട്ടാഞ്ചേരി ഗോവിന്ദന്‍ വൈദ്യരാണ്. 

കൊല്ലം പ്രാക്കുളത്തു മംഗലശ്ശേരിയിൽ ആർ .ഗോവിന്ദൻ ചാന്നാർ ഗുരുദേവന്റെ ഒരു ഗൃഹസ്ഥ ശിഷ്യൻ ആയിരുന്നു .ഗുരുദേവനെ ഈശ്വരൻ ആയി കരുതി ആരാധിച്ച , കഠിനാധ്വാനി ..കയർ , കൊപ്ര ,അവയുടെ അനുബന്ധ വ്യവസായങ്ങൾ വിപുലമായ രീതിയിൽ നടത്തി വലിയ ധനവാൻ ആയി ചാന്നാർ .ആ പ്രദേശത്തെ ഏറ്റവും വലിയ ഭൂവുടമയും അദ്ദേഹം ആയിരുന്നു . ഗുരുദേവനും , അനുചരൻ മാരും പല പ്രാവശ്യം താമസിച്ച തറവാട് ആണ് മംഗലശ്ശേരി .മൂന്നു വശവും കായലായ പ്രാക്കുളത്തു ഗുരുദേവനു കുളിക്കാൻ വേണ്ടിമാത്രം രണ്ടു കുളങ്ങൾ ചാന്നാർ നിർമ്മിച്ചു . ഗുരുദേവനും സഹായികൾക്കും താമസിക്കാൻ വേണ്ടി ഒരു വലിയ കെട്ടിടം നിർമ്മിച്ചു കുമാര മംഗലം എന്നു പേരും ഇട്ടു . യോഗത്തിൻറെ വിശേഷാൽ സമ്മേളനത്തിൽ പങ്കെടുക്കാൻ എത്തിയവർ എല്ലാം അവിടെയാണ് താമസിച്ചത് . ശിവഗിരിയിലെ ശാരദാ വിഗ്രഹം വാർപ്പിച്ചത് ചാന്നാർ ആണ് .ആദ്യം വാർപ്പിച്ചത് ശരി ആയില്ല എന്നും വീണ്ടും വാർപ്പിക്കുക ആണ് ഉണ്ടായതെന്നും പറയപ്പെടുന്നു . യോഗത്തിനും ശിവഗിരിക്കും ചാന്നാർ വാരിക്കോരി കൊടുത്തു .

ഗോവിന്ദൻ ചാന്നാർക്കു ഒരു മകൾ മാത്രമേ ഉണ്ടായിരുന്നുള്ളൂ ..കാർത്യായനി ...കാർത്യായനിയുടെ കല്യാണത്തിനു ഗുരുദേവനെ ശിവഗിരിയിൽ നിന്നും പ്രത്യേക ബോട്ടു മാർഗം മംഗലശ്ശേരി യിൽ കൊണ്ടു വന്നു .സ്വാമി ബോട്ടിൽ നിന്നിറങ്ങുന്ന സമയം രാത്രി ആയതിനാൽ അവിടെ നിന്നും വീടുവരെ യുള്ള ഒരു കിലോ മീറ്ററിൽ അധികം ദൂരം ശരറാന്തലുകൾ കെട്ടി തൂക്കിയിരുന്നു . കല്യാണ ദിവസം കേരളത്തിലെ , സമുദായനേതാക്കളെയും, സ്വാമി ഭക്തരെയും , മറ്റു വിശിഷ്ട അതിഥി കളെ ക്കൊണ്ടും മംഗലശ്ശേരി തറവാടു മുഴുവൻ നിറഞ്ഞു . തൃപ്പാദങ്ങൾ തന്നെ ആണ് വധൂവരന്മാർക്കു വരണമാല്യം എടുത്തു കൊടുത്തത് . സദ്യക്കു ഒരാൾക്കു രണ്ടില ഇട്ടിരുന്നു .ചോറും കറികളും ഒരു ഇലയിൽ, വിവിധ പലഹാരങ്ങൾ രണ്ടാമത്തെ ഇലയിൽ. കല്യാണത്തിന്റെ ധൂർത്ത് ഒന്നും ഗുരുദേവനു ഇഷ്ടപ്പെട്ടില്ല .

ശിവഗിരി മഠത്തിലെ ചിലവുകൾക്കായി സ്ഥിരമായ ഒരു വരുമാന മാർഗ്ഗം വേണം എന്നു ഗുരുദേവൻ ആഗ്രഹിക്കുന്നതു മനസ്സിലാക്കിയ ചാന്നാർ ..ആയിരം രൂപാ കൊടുത്തു .1908  ൽ ആയിരുന്നു ഇത് .ഈ തുക ഉപയോഗിച്ച് ശിവഗിരിയോടു ചേർന്ന ഒരു സ്ഥലം, സ്വാമിയുടെ പേരില് വാങ്ങി ..പ്രമാണം തയ്യാറാക്കിയ സമയം അതിന്റെ അവസാന ഭാഗത്ത്‌ ഗുരുദേവൻ വളരെ നിർബന്ധിച്ചു ഒരു കാര്യം എഴുതി ചേർത്തു .

--ജീവിത സായാന്ഹത്തിൽ മംഗലശ്ശേരി ഗോവിന്ദൻ ചാന്നാർക്കു ..ശിവഗിരി മഠത്തിൽ നിന്നും പ്രതിമാസം15 രൂപാ സഹായ ധനം നല്കണം, സൗജന്യ ഭക്ഷണവും താമസസൌകര്യവും നല്കി സഹായിക്കണം എന്നും എഴുതി ചേർത്തു . പ്രമാണം വായിച്ചു കേട്ടപ്പോൾ കോടീശ്വരൻ ആയ ചാന്നാർ ആ വ്യവസ്ഥ ചേർക്കരുതെന്നു അപേക്ഷിച്ചു ,നിർബന്ധിച്ചു ..അവസാനം തൃപ്പാദങ്ങളുടെ കൽപ്പനക്കു വഴങ്ങി ആ വ്യവസ്ഥയോടെ പ്രമാണം രജിസ്റ്റർ ചെയ്തു .

1914 ൽ ഒന്നാം ലോക മഹായുദ്ധം പൊട്ടി പുറപ്പെട്ടു ..യുദ്ധം മുറുകിയപ്പോൾ കപ്പലുകളുടെ വരവും പോക്കും നിലച്ചു . ലക്ഷ ക്കണക്കിനു രൂപയുടെ സാധനങ്ങൾ വർഷങ്ങളോളo കെട്ടി കിടന്നു .എല്ലാം നശിച്ചു ..കൊപ്രയും ,കയറും എല്ലാം , എല്ലാം .എന്നിട്ടും തന്റെ തൊഴിലാളികൾക്കും ആശ്രിതർക്കും സഹായം എത്തിക്കാൻ ചാന്നാർ ശ്രമിച്ചു .നാലഞ്ചു വര്ഷം നീണ്ടു നിന്ന പ്രതിസന്ധി തരണം ചെയ്യാൻ അദ്ദേഹത്തിനു കഴിഞ്ഞില്ല .ഇതിനിടക്ക് വേറൊരു പ്രതിസന്ധിയും ഉണ്ടായി 

ഗോവിന്ദൻ ചാന്നാരുടെ മൂത്ത സഹോദര പുത്രൻ ആയ പപ്പുവിനെ ഇംഗ്ലണ്ടിൽ അയച്ചു പഠിപ്പിക്കാൻ അന്നത്തെ ക്യയ് ലോണ്‍ ബാങ്ക് ഗ്രൂപ്പിൽ പെട്ട മാമച്ചൻ എന്നോരാളോടു 18000 രൂപ വാങ്ങിയിരുന്നു .ഗോവിന്ദൻ ചാന്നാരുടെ വസ്തുവകകൾ ഈടു കൊടുത്താണ് ആ തുക എടുത്തത്‌ .തവണ അടക്കാൻ ചാന്നാർക്കു കഴിഞ്ഞില്ല ..മുതലും പലിശയും വളരെ അധികം കൂടി .. ഇതിനിടയിൽ ഏക മകൾ കാര്ത്ത്യായനി മരിച്ചു ..പിറ്റേ വർഷം അദ്ദേഹത്തിന്റെ ഭാര്യയും മരിച്ചു ...ചാന്നാർ ആ തളർന്നു ...തകർന്നു ...ഒന്നിലും ഒരു ശ്രദ്ധയും ഇല്ലാതായി..ബാദ്ധ്യതകൾ പെരുകി വസ്തു വകകൾ ഓരോന്നായി , ജപ്തി ചെയ്യപ്പെട്ടു .

പ്രയാസങ്ങൾ സഹിക്കാൻ വയ്യാതു വന്നപ്പോൾ ശിവഗിരിയിൽ ചെന്നു ..സ്വാമിയെ കണ്ടു ..തൃപ്പാദങ്ങൾ ചാന്നാരെ ആശ്വസിപ്പിച്ചു . മംഗലശ്ശേരി ചാന്നാരുടെ ആകെ ആശ്രയം ശിവഗിരി മഠം ആയി ..താൻ വേണ്ട എന്നു പറഞ്ഞിട്ടും , തന്റെ സുരക്ഷയെ ക്കരുതി ഗുരുദേവൻ ആ പ്രമാണത്തിൽ എഴുതി ചേർത്ത വ്യവസ്ഥകൾ അപ്പോൾ ചാന്നാർ ഓർമ്മിച്ചു ..അത്ഭുതം കൂറി .വളരെ നാൾ ശിവഗിരി മഠത്തിൽ കഴിഞ്ഞ ചാന്നാർ ഒരു വീഴ്ചയെ തുടർന്നു കൊല്ലം ജില്ലാ ആശുപത്രിയിൽ പ്രവേശിപ്പിക്കപ്പെട്ടു .പിന്നീടു അദ്ദേഹം ശിവഗിരിയിലേക്കു മടങ്ങിയില്ല ..പ്രാക്കുളത്തു തന്നേ കഴിഞ്ഞു ..ഒരു നേരത്തേ ഭക്ഷണത്തിനു വേണ്ടി തോളിൽ മാറാപ്പുമായി ഓരോ വീട്ടിലും ചാന്നാർ കയറി ഇറങ്ങി .1951 ..ആഗസ്റ്റു 16 നു ഉറങ്ങാൻ കിടന്ന ചാന്നാർ പിന്നെ ഉണർന്നില്ല .

*അമ്പത്തൊന്നെഴുത്താകും ഗൃഹത്തിങ്ക-*

*ലിമ്പമോടെ വസിക്കും മഹേശ്വരീ*,

*തുമ്പമെല്ലാമകറ്റിത്തരുന്നൊരെന്‍*

*തമ്പുരാട്ടീ! സരസ്വതീ!* *പാഹിമാം*

ശാരദാ പ്രതിഷ്ഠാ വേളയില്‍ ശ്രീനാരായണ ഗുരുദേവന്റെ നിര്‍ദ്ദേശമനുസരിച്ച്‌ അന്ന്‌ അവിടെച്ചൊല്ലിയ ‘ശാരദാസ്തവ’ത്തിലെ വരികളാണിത്‌.

ഇതിനു ശ്രീ ശാരദാകര്‍ണ്ണാമൃതം എന്ന് കൂടെ പേരുണ്ടോ...സ്വാമി ശിവപ്രസാദ് രചിച്ചത്.. 

ശാരദ മഠത്തിൽ പ്രതിഷ്ഠിച്ച  ഗുരുവിന്റെ മനസ്സിലുള്ള വിഗ്രഹം പണിത വ്യക്തി ഒരു അപരിചിതൻ ആണ്  

അതിനു ശേഷം അജ്ഞാതൻ അപ്രത്യക്ഷനായി. 

ശാരദാ പ്രതിഷ്ഠ കഴിഞ്ഞപ്പോള്‍ ഗുരുദേവന്‍ മൂര്‍ക്കോത്ത് കുമാരനോട് പറഞ്ഞു. 'പഴയ സമ്പ്രദായത്തില്‍ പണം ചെലവഴിച്ച് ചെയ്തുണ്ടാക്കേണ്ട കാര്യമില്ല. ഉത്സവത്തിനും കരിമരുന്നിനും മറ്റും പണം ചെലവഴിക്കരുത്. ക്ഷേത്രത്തില്‍ ജനങ്ങള്‍ക്ക് സുഖത്തില്‍ വന്നിരിക്കാനും പ്രസംഗിക്കാനും മറ്റും ഏര്‍പ്പാടുകളുള്ള വിശാലമായ മുറികളാണ് വേണ്ടത്. ക്ഷേത്രങ്ങളോട് സംബന്ധിച്ച് വിദ്യാശാലകളും തോട്ടങ്ങളും ഉണ്ടായിരിക്കണം. കുട്ടികളെ പലതരം വ്യവസായങ്ങള്‍ ശീലിപ്പിക്കാനുള്ള ഏര്‍പ്പാടുകളും ക്ഷേത്രത്തോട് സംബന്ധിച്ച് ഉണ്ടായിരിക്കേണ്ടതാണ്. ജനങ്ങളില്‍ നിന്ന് വഴിപാടായി ക്ഷേത്രത്തില്‍ കിട്ടുന്ന പണം സാധുക്കളായ ജനങ്ങള്‍ക്കുതന്നെ പ്രയോജനകരമായ വിധത്തില്‍ ചെലവഴിക്കുകയാണ് വേണ്ടത്.

1908- ചിങമാസത്തിൽ ഗുരുദേവന്റെ ജന്മദിനത്തിൽ ശാരദാമoത്തിനുള്ള ശിലാസ്ഥാപനം നടന്നു. അപ്പോൾത്തന്നെ പണിയും തുടങ്ങി. ആ സമയത്ത് ശാരദാദേവിയെ സ്തുതിക്കുന്നതിനു വേണ്ടി ആശാൻ രചിച്ചതാണ് എട്ടു ശ്ലോകങ്ങളുള്ള ശാരദാഷ്ടകം എന്ന കവിത.പ്രതിഷ്ഠ കമ്മറ്റിയുടെ ചെയർമാൻ ഡോ.പൽപ്പു ആയി നു 'അദ്ദേഹം 14000/- രൂപ പിരിച്ച് ഭംഗിയായി കാര്യങ്ങൾ ചെയ്തു.

1912- മേടം 19, 20', 21- തിയതികളിൽ യോഗത്തിന്റെ ഒമ്പതാം വാർഷികം ഭംഗിയായി ആഘോഷിച്ച അവസരത്തിൽ 1912-മെയ് 1 വെളുപ്പിന് 2 മണിക്ക് ശാരദാ പ്രതിഷ്ഠഗുരുദേവൻ നിർവ്വഹിച്ചത്. ആശാൻ അപ്പോൾ ശാരദാഷ്ടകംച്ചൊല്ലി.അന്നത്തേ വിശേഷങ്ങൾ ,ആഘോഷങ്ങൾ, ജന ബാഹുല്യം എന്നിവയെ പറ്റി ആശാൻ വിവേകോദയത്തിൽ എഴുതിയിരുന്നു.

    ശാരദാ പ്രതിഷ്ഠാ സംബന്ധിച്ച എല്ലാ വിജയങ്ങളുടെയും ശില്പി ഡോ: പാൽപ്പു ആയിരുന്നു.പ്രതിഷ്ഠാദിനം ഡോക്ടറുടെ പുത്രിമാരായ ആനന്ദലക്ഷമിയും ദാക്ഷായണിയും വീണക്കച്ചേരി നടത്തി.

  അറിവാണ് ഇനശ്വരൻ എന്ന സങ്കൽപ്പമാണ് ഗുരുവിനിറ്റേവും പഥ്യമായി തോന്നിയിട്ടുള്ളതും. വിദ്യകൊണ്ട് സ്വതന്ത്രരാകുവിൻ എന്ന മഹാ സന്ദേശം തന്റെ അനുയായികൾക്ക നൽകിയ മഹാഗുരുസരസ്വതീദേവിക്കുള്ള ആരാധനാ സമ്പ്രദായത്തിലും ഏർപ്പെടുത്തിയ നൂതന ത്വം ശ്രദ്ധേയമാണ്. നിവേദ്യമോ, നിത്യപൂജയോ, ക്ഷേത്രസാധാരണമായ മറ്റു ചടങ്ങുകളോ ശാരദാമoത്തിലില്ല.

ഭക്തജനങ്ങൾക്ക് കീർത്തനങ്ങൾ ച്ചൊല്ലി ധ്യാനിക്കുവാനുള്ള ഏർപ്പാടു മാത്രമേ അവിടെയുള്ളു.

ക്ഷേത്ര നിർമ്മിതിയിലും സ്വാമിക്കുണ്ടായിരുന്ന പുതിയ അഭിപ്രായങ്ങൾ ഇവിടെ പാലിക്കപെട്ടിരുന്നു.

ആകെ അടച്ചു കെട്ടി കാറ്റും വെളിച്ചവും കടക്കാതെ ദുർഗന്ധം വമിക്കുന്ന ക്ഷേത്രങ്ങൾക്ക് പകരം 'അതി മനോഹരമായ വർണ്ണക്കണ്ണാടികൾ ഉള്ള ജനലുകളാലും മിനുസമുള്ള ഇഷ്ടികകളാലും വളരെ ഭംഗിയും വൃത്തിയും ഉള്ള എട്ടു കോൺ ആകൃത്തിയിൽ ശോഭിക്കുന്ന ക്ഷേത്രത്തിൽ താമരയിൽ ഇരുന്നരുള്ളുന്ന നിലയിലാണ് ശാരദാദേവിയുടെ പ്രതിഷ്ഠാ നടത്തിയത്.

  NB :ശാരദാ പ്രതിഷ്ഠയ്ക്ക് മുമ്പായ് ഗുരുദേവൻ ശിവഗിരിയിൽ ഒരു ശിവ പ്രതിഷ്ഠ നടത്തിയിരുന്നു' അത് ശിവഗിരി പ്രസ്ഥാനത്തിന്റെ ആരംഭകാലത്താണ്.ശിവനെ സങ്കൽപ്പിച്ച് ശൂലമാണ് പ്രതിഷ്ഠിച്ചത്.ശാരദമ്Oo നിൽക്കുന്ന സ്ഥാനത്ത് പനമ്പു തട്ടിക്കൊണ്ട് ഉണ്ടാക്കിയ ഒരു മുറിയിലാണ് ശൂലം പ്രതിഷ്ഠിച്ചത്.പ്രതിഷ്ഠിക്കുന്ന രീതി നേരിൽ കാണുന്നതിനു വേണ്ടി അന്ന് ചിന്നാമി എന്ന പേരിൽ പ്രസിദ്ധനായ കുമാരനാശാൻ, ചൈതന്യ സ്വാമി, ശാന്ത ലിംഗസ്വാമി, മാധവാനന്ദ സ്വാമി മുതലായ സന്യാസിമാർ വന്നു വാതിലിനു നേരേ ശ്രദ്ധയോടു കൂടി നോക്കി നിന്നു.ഗുരദേവൻ ശൂലം കൈ കൊണ്ടു എടുക്കന്നത് മാത്രമേ അവർക്ക് കാണാൻ കഴിഞ്ഞുള്ളു.പ്രതിഷ്ഠാ സമയത്ത് അസഹനീയമായ ചൂട്‌ വാതിലിൽ 'കൂടി പുറത്തേയ്ക്ക് വന്നു

അതിനാൽ എല്ലാവർക്കം പുറത്തേയ്ക്ക് പോകേണ്ടിവന്നു.പ്രതിഷ്ഠ ആർക്കും കാണാൻ കഴിഞ്ഞില്ല

  NB :ഗുരുദേവന്റെ ആഗ്രഹം പ്രകാരം ശാരദാ പ്രതിമാ നിർമ്മിച്ച ആളെ പ്രതിഷ്ഠയ്ക്ക് ശേഷം കടീട്ടില്ല. എവിടെയാണ് എന്ന് അറിയുകയും ഇല്ല

   NB :സാക്ഷാൽ മൂകാംബിക ദേവി തന്നെയാണ് ശാരദാ ദേവിയെന്ന് എത്ര പേർക്ക് അറിയാം...... 

ശിവഗിരി ശാരദ പ്രതിഷ്ട നടന്ന അതെ ദിവസം തന്നെ ശങ്കരന്‍ പരദേശി സ്വാമികള്‍ ശിവഗിരിയില്‍ ഒരു ശിവ പ്രതിഷ്ട നടത്തിയിരുന്നു .ഓലകൊണ്ട് കെട്ടിമേഞ്ഞ ഒരു താല്‍ക്കാലിക സംവിധാനതിലായിരുന്നു അത് ചെയ്തിരുന്നത് .എന്നാല്‍ ഗുരു 1090 മീനം 15 നു അഞ്ചു തെങ്ങ് ജ്ഞാനെസ്വരം ക്ഷേത്ര പ്രതിഷ്ട കഴിഞ്ഞു പുറത്തേക്കു വന്നപ്പോള്‍ ഒരു ഭക്തന്‍ ശിവഗിരിയിലെ ശിവ ക്ഷേത്രത്തിനു അഗ്നിബാധ ഉണ്ടായിഎന്ന വാര്‍ത്ത‍ ഗുരുവിനെ അറിയിച്ചു .അപ്പോള്‍ ഗുരുപറഞ്ഞു  *"ശിവന്‍ ഇവിടെ ഇരിക്കട്ടെ;നാം ശിവഗിരിയിലിരിക്കാം."*അതെ ഗുരു ശിവന്‍ തന്നെ ,ശിവനായി ഗുരു ഇരിക്കുന്ന ഗിരിയാണ് ശിവഗിരി..... 🙏🙏

ഗുരു ചരണം ശരണം

ഗുരുകുലം ഗുരുദേവ ആദ്ധ്യാത്മിക പഠനകേന്ദ്രം, തൈക്കാട്ടുശ്ശേരി