സ്കൂൾ പ്രവേശനോത്സവം പടിവാതിലിൽ എങ്ങുമെത്താതെ മുന്നൊരുക്കങ്ങൾ

സ്കൂൾ പ്രവേശനോത്സവം പടിവാതിലിൽ എങ്ങുമെത്താതെ മുന്നൊരുക്കങ്ങൾ 

കൊല്ലം : സ്കൂൾ തുറക്കാൻ ദിവസങ്ങൾ മാത്രമുള്ളപ്പോഴും സർക്കാർ വിദ്യാലയങ്ങളിൽ പ്രവേശനോത്സവത്തിനുള്ള ഒരുക്കങ്ങൾ എങ്ങുമെത്താത്ത അവസ്ഥയിലാണ്. കടുത്ത സാമ്പത്തിക പ്രതിസന്ധിയും ഒപ്പം സംസ്ഥാനത്ത് ഉണ്ടായ ഭരണമാറ്റവും പ്രതിസന്ധിയുടെ ആഴം കൂട്ടുന്നു ഇടതു അധ്യാപക സംഘടനകളുടെ ആധിപത്യത്തിന് തിരിച്ചടി നേരിട്ടതോടെ പല സ്കൂളുകളിലും മെല്ലെപോക്ക് നയത്തിലാണ്. ഒരു വിഭാഗം അധ്യാപകരുടെ നിസഹകരണവും പി ടി എ കമ്മിറ്റികൾ സമയബന്ധിതമായി വിളിച്ചു കൂട്ടാത്തതും സ്കൂളുകളുടെ ചുമതലയുള്ള തദേശ സ്വയം ഭരണസ്ഥാപനങ്ങളുടെ ഉത്തരവാദിത്വമില്ലായ്മയും പ്രതിസന്ധിയുടെ ആഴം കൂട്ടുന്നു. പലയിടത്തും പുതിയതായി നിർമ്മിച്ച കെട്ടിടങ്ങളുടെ പോലും നിർമാണം പൂർത്തിയായിട്ടില്ല, പലയിടത്തും അറ്റകുറ്റപണികൾ നടന്നിട്ടില്ല ഇനി ദിവസങ്ങൾ ദിവസങ്ങൾ മാത്രമുള്ളപ്പോൾ 

അറ്റകുറ്റപണികളും നിർമ്മാണപ്രവർത്തികളും പൂർത്തിയാകുകയുമില്ല എന്നിരിക്കെ 

തട്ടികൂട്ട് പ്രവേശനോത്സവം നടത്തി 

ഇപ്പോഴും കണ്ണടച്ച് ഇരുട്ടാക്കുകയാണ് സ്കൂൾ അധികൃതർ.

@ സ്കൂളുകൾക്ക് 

സുരക്ഷാ മാന:ദണ്ടങ്ങൾ നിർബന്ധമാണ് 

മുൻകാലങ്ങളിൽ നിന്നും വിഭിന്നമായി 

17 സുരക്ഷാമാനദണ്ഡങ്ങൾ പാലിച്ചാലേ സ്കൂളുകൾക്ക് ഫിറ്റ്നസ് നൽകൂ എന്നാണ് സർക്കാരിന്റെ വിദ്യാഭ്യാസ നയം എന്നിരിക്കെ ഭൂരിപക്ഷം സർക്കാർ സ്കൂളുകളും ഫിറ്റ്നസിന് അർഹതയില്ലാ എന്ന് വിദ്യഭ്യാസ വകുപ്പ് അധികൃതർ സമ്മതിക്കുന്നുണ്ട്. ഇ വർഷം മുതൽ പ്രധാനമായും രണ്ടുകാര്യങ്ങൾ ഉറപ്പാക്കിയെങ്കിലേ സ്കൂളിന് ഫിറ്റ്നസ് സർട്ടിഫിക്കറ്റ് നൽകൂ. അപകടസാധ്യതയുള്ള വൈദ്യുതിത്തൂണോ ഇലക്ട്രിക് വയറോ സ്‌കൂൾ കെട്ടിടത്തോടു ചേർന്നുണ്ടാവാൻ പാടില്ല. കൂടാതെ, ഇല്ലെന്ന് ട്രാൻസ്ഫോർമറും അധികൃതർ ഉറപ്പാക്കി കെ.എസ്.ഇ.ബി.യിൽ നിന്നും എതിർപ്പില്ലാരേഖ വാങ്ങണം. സ്കൂൾ ഫിറ്റ്നസ് കൂടാതെ ചുറ്റുമതിൽ ബലപ്പെടുത്തൽ, പാമ്പിനെ ചെറുക്കാൻ മാളങ്ങൾ അടയ്ക്കൽ തുടങ്ങിയുള്ള 

സുരക്ഷാമാനദണ്ഡങ്ങൾ കൂടി കർശനമായി പാലിച്ചിരിക്കണം.

@ ലഹരിവിരുദ്ധ ജനജാഗ്രതസമിതികൾ രൂപീകരിക്കണം 

സ്കൂൾ വിദ്യാർഥികൾക്കിടയിലെ ലഹരി ഉപയോഗം തടയുന്നതിനും വിവിധ തലങ്ങളിൽ ലഹരി വിരുദ്ധ പ്രവർത്തനങ്ങൾ ഏകോപിപ്പിക്കുന്നതിനും 

ലഹരിവിരുദ്ധ ജനജാഗ്രതസമിതികൾ രൂപീകരിക്കണമെന്നിരിക്കെ ഇതിനുള്ള നടപടികളും എങ്ങും ഇത്തിയിട്ടില്ല പലയിടത്തും പി ടി എ യോഗം പോലും വിളിച്ചുചേർത്തിട്ടില്ല ജില്ലാ പഞ്ചായത്ത് പ്രസിഡന്റ് അധ്യക്ഷനായുള്ള ജില്ലാതല സമിതിയും സ്കൂൾ തലത്തിലുള്ള സമിതികളും ഇപ്പോൾ നിർജീവാസ്ഥയിലാണ്.

 സ്‌കൂൾ തല ജനജാഗ്രത സമിതിയിൽ പി ടി എ പ്രസിഡന്റ് അധ്യക്ഷനും പ്രിൻസിപ്പാൾ/പ്രധാനാധ്യാപകൻ കൺവീനറായും പ്രവർത്തിക്കുന്നുണ്ട് ഇതെങ്കിലും കൂടണമെന്ന ആവശ്യമാണ് ശക്തമാകുന്നത്.