അപകടാവസ്ഥയിലായി പഞ്ചായത്ത്‌ കമ്മ്യുണിറ്റി ഹാൾ പൊളിച്ചു നീക്കണമെന്ന ആവശ്യം ശക്തമാകുന്നു

ചാത്തന്നൂർ: അപകടാവസ്ഥയിലായി പഞ്ചായത്ത്‌ കമ്മ്യുണിറ്റി ഹാൾ പൊളിച്ചു നീക്കണമെന്ന ആവശ്യം ശക്തമാകുന്നു.

ശ്രീഭൂതനാഥക്ഷേത്രത്തിന് സമീപം 

ചാത്തന്നൂർ ഗ്രാമപഞ്ചായത്ത്‌ ലക്ഷങ്ങൾ ചിലവഴിച്ചു നിർമ്മിച്ച കമ്മ്യുണിറ്റി ഹാൾ ആണ് കാലപഴക്കവും സംരക്ഷണം ഇല്ലാതെയും നശിക്കുന്നത്.

പൂർണ്ണമായും അപകടാവസ്ഥയിലായ കെട്ടിടം പോളിച്ചു മാറ്റി പുതിയ കെട്ടിടം പണിയണമെന്ന ആവശ്യമാണ് ശക്തമാകുന്നത്.അഡ്വ. ആർ. ഗോവിന്ദൻ എക്സ് എം എൽ എ പഞ്ചായത്ത്‌ പ്രസിഡന്റ്‌ ആയിരുന്നപ്പോൾ പഞ്ചായത്തിനായി കമ്മ്യുണിറ്റി ഹാൾ പണിഞ്ഞത്.തുടക്ക സമയത്ത്  പഞ്ചായത്തിനു നല്ലൊരു വരുമാനമാർഗമായിരുന്നു. സ്വകാര്യ ഹാളുകളെക്കാൾ വാടക കുറവായതിനാൽ പഞ്ചായത്ത് കമ്മ്യൂണിറ്റി ഹാൾ പൊതു ജനങ്ങൾക്ക് 

ഏറെ പ്രയോജനകരവുമായിരുന്നു.മാറി മാറി വന്ന ഭരണസമിതികൾ കമ്മ്യുണിറ്റി ഹാൾ സമയാസമയം അറ്റകുറ്റ പണികൾ നടത്താത്ത് മൂലം കെട്ടിടം നശിക്കുകയും ഇപ്പോൾ പൂർണ്ണമായും അപകടാവസ്ഥയിലായി.പൊതുജനങ്ങൾക്ക് വാടകയ്ക്ക് കൊടുക്കുന്നത് നിർത്തിയത് മൂലം പഞ്ചായത്ത്‌ അധികൃതർ ആദ്യം 

അംഗൻവാടിയും പിന്നാലെ  ആയുർവേദ ആശുപത്രിയും ഇ കെട്ടിടത്തിലേക്ക് മാറ്റി.അതോടെ കമ്മ്യുണിറ്റി ഹാൾ പൊതുജനങ്ങൾക്ക് അന്യമായി പഞ്ചായത്തിന്റെ ചണ്ടി ഡിപ്പോയായി മാറി.ഇപ്പോൾ കുടുംബശ്രീയുടെ വാർഡ്‌ തല മീറ്റിംഗുകളും പഠനക്ലാസുകളും 

മറ്റുമാണ് ഇവിടെ നടക്കുന്നത്.

@  കെട്ടിടം അപകടാവസ്ഥയിലായിട്ടും അധികൃതർ ഉറങ്ങി തന്നെ 

സമയാസമയം അറ്റകുറ്റപണികൾ നടത്താത്തത് മൂലം 

ചുമരുകൾക്ക് വിള്ളൽ വീണും, മുൻഭാഗം തകർന്നും, സിമന്റ് പാളികൾ 

അടർന്ന് വീണുമുള്ള പഴഞ്ചൻ കെട്ടിടം നാടിനെയും നാട്ടുകാരെയും ആശങ്കയിലാഴ്ത്തുന്നു.ഇവിടെ കുടുംബശ്രീപരിപാടികൾക്കും ട്രയിനിo ഗിനുമായി എത്തുന്നവർ ആശങ്കയിലാണ്. പിഞ്ചു കുഞ്ഞുങ്ങൾ പഠിക്കുന്ന അംഗനവാടിയുടെ റൂമുകളുടെയും ആയുർവേദ ആശുപത്രിയുടെ റൂമുകളുടെയും ഭിത്തികൾ വിള്ളൽ വീണ് അപകടാവസ്ഥയിലാണ്.ആഡിറ്റോറിയത്തിന്റെ ഷീറ്റിട്ട

മേൽക്കൂര പലയിടത്തും വിള്ളൽ വീണ നിലയിലാണുള്ളത്.പഞ്ചായത്ത്‌ പ്രസിഡന്റ്‌ അടക്കമുള്ള അധികാരികൾ പലതവണ ഇവിടെ വന്ന് പോയിട്ടും കെട്ടിടത്തിന്റെ ശോചനീയവസ്ഥ അറിഞ്ഞ മട്ടില്ല. അടിയന്തിരമായി കെട്ടിടം പുനർനിർമ്മാണം നടത്തി ജനങ്ങൾക്ക് ഉപയോഗപ്രദമാക്കണമെന്ന ആവശ്യം ശക്തമാണ്.