നിയമ വിരുദ്ധ കെട്ടിട നികുതിപരവൂർ നഗരസഭാ സൂപ്രണ്ടിന്15000 രൂപ പിഴ ശിക്ഷ വിധിച്ചു

 നിയമ വിരുദ്ധ കെട്ടിട നികുതി

പരവൂർ നഗരസഭാ സൂപ്രണ്ടിന്

15000 രൂപ പിഴ ശിക്ഷ വിധിച്ചു

പരവൂർ : പരവൂർ നഗരസഭയിലെ സൂപ്രണ്ടും പബ്ലിക് ഇൻഫർമേഷൻ ഓഫീസറുമായ എസ്. ധന്യയ്ക്ക് 15000 രൂപ പിഴ ശിക്ഷ വിധിച്ചു സംസ്ഥാന വിവരാവകാശ കമ്മീഷൻ . നഗരസഭയിൽനിയമ വിരുദ്ധമായി കെട്ടിടനികുതി ഈടാക്കുകയും ഇത് സംബന്ധിച്ച് നൽകിയ പരാതികൾ യഥാസമയം പരിഹരിക്കാതിരിക്കുകയും ചെയ്തിരുന്നു. ഇത് സംബന്ധിച്ച് വിവരാവകാശ നിയമപ്രകാരമുള്ള അപേക്ഷകൾക്കും കൃത്യസമയത്ത് മറുപടി നല്കിയിരുന്നില്ല.

വിവരാവകാശനിയമപ്രകാരമുള്ള വിവരങ്ങൾ യഥാസമയം നല്കാതിരുന്നതിനാണ് സംസ്ഥാന വിവരാവകാശ കമ്മീഷൻ ശിക്ഷ വിധിച്ചത്. പിഴത്തുകകുറ്റക്കാരി ഒരു മാസത്തിനകം വിവരാവകാശകമ്മീഷന് അടയ്ക്കണം. അല്ലെങ്കിൽ നഗരസഭ സെക്രട്ടറി ഇവരുടെ ശമ്പളത്തിൽ നിന്നും പിഴത്തുക ഈടാക്കി വിവരാവകാശ കമ്മീഷനിൽ അടയ്ക്കണമെന്നുമാണ് ഉത്തരവ്.

പഴയ കെട്ടിടങ്ങൾക്കും പുതിയ കെട്ടിടങ്ങൾക്കും നിയമ വിരുദ്ധമായി ഒരേ നികുതിയാണ് പരവൂർ നഗരസഭ ഈടാക്കി കൊണ്ടിരുന്നത്. പഴയ കെട്ടിടങ്ങളോട് ചേർത്ത് പലരും പുതിയ നിർമ്മിതികൾ നടത്തുകയോ കൂട്ടി ചേർക്കലുകൾ വരുത്തുകയോ ചെയ്തിട്ടുണ്ട്. ഇത്തരം കെട്ടിടങ്ങൾക്കെല്ലാം പുതിയ നിരക്കിലുള്ള നികുതിയാണ് നഗരസഭ ഈടാക്കി കൊണ്ടിരിക്കുന്നത്. എന്നാൽ ഇത് തദ്ദേശ സ്വയം ഭരണ വകുപ്പിന്റെ ഉത്തരവിന് വിരുദ്ധമാണ്. പഴയ കെട്ടിടങ്ങൾക്ക് പഴയ നിരക്കിലും കൂട്ടിചേർത്തതോ അല്ലാത്തതോ ആയ പുതിയ നിർമ്മിതികൾക്ക് പുതിയ നിരക്കിലും നികുതി ഈടാക്കണമെന്നാണ് തദ്ദേശ സ്വയം ഭരണ വകുപ്പിന്റെ 2015-ലെഉത്തരവ്.

നിയമ വിരുദ്ധമായി നികുതി പിരിവ് നടത്തുന്നതിനെതിരെ നിരവധി കെട്ടിടം ഉടമകൾ നികുതി തിരുത്തണമെന്നാവശ്യപ്പെട്ട് പരാതികൾ നല്കിയിരുന്നു. പരാതികൾ 189 ദിവസം കഴിഞ്ഞിട്ടും പരിഗണിക്കാതിരുന്നതിനെ തുടർന്ന് വിവരാവകാശ നിയമപ്രകാരത്തിന്റെ അടിസ്ഥാനത്തിൽ 

കെട്ടിട ഉടമകൾ നികുതി തിരുത്തണമെന്നാവശ്യപ്പെട്ട് പരാതികൾ നല്കിയിരുന്നു. പരാതികൾ 189 ദിവസം കഴിഞ്ഞിട്ടും പരിഗണിക്കാതിരുന്നതിനെ തുടർന്ന് വിവരാവകാശ നിയമപ്രകാരം കാരണമന്വേഷിച്ച് അപേക്ഷനല്കി. സിറ്റിസൺ പോർട്ടലിന്റെ സാങ്കേതിക തകരാർ മൂലം അപേക്ഷ കൈകാര്യം ചെയ്യാൻ കഴിഞ്ഞില്ലെന്നായിരുന്നു മറുപടി. സിറ്റിസൺപോർട്ടലിന് സാങ്കേതികമായി ഈ കാലയളവിൽ ഒരു തകരാറും പരവൂർ നഗരസഭയിൽ സംഭവിച്ചിട്ടില്ലെന്ന് ഇൻഫർമേഷൻ കേരള മിഷൻ (ഐ കെ എം ) മറുപടി നല്കിയിരുന്നു.

സംസ്ഥാന വിവരാവകാശ കമ്മീഷന് ലഭിച്ച പരാതിയെ തുടർന്ന് നഗരസഭയോട് റിപ്പോർട്ട് തേടിയ കമ്മീഷന് സിറ്റിസൺപോർട്ടൽ കൈകാര്യം ചെയ്യുന്നതിന് ജീവനക്കാർക്ക് സാങ്കേതിക പരിജ്ഞാനം ലഭിച്ചിട്ടില്ലെന്ന വിചിത്ര മറുപടിയാണ് നല്കിയത്. ഐ കെ എം -നെ മറുപടിയിൽ കുറ്റപ്പെടുത്തിയിട്ടുമുണ്ട്. മറുപടിയിൽ തൃപ്തിവരാത്ത വിവരാവകാശ കമ്മീഷൻ നേരിട്ട് സിറ്റിംഗിന് ഹാജരാകാൻ ആവശ്യപ്പെട്ടെങ്കിലും ബന്ധപ്പെട്ട ഉദ്യോഗസ്ഥ ഹാജരായില്ല. തുടർന്നാണ് കമ്മീഷൻ അംഗം പി.ആർ. ശ്രീലത 15000 രൂപ പിഴ ശിക്ഷ വിധിച്ചത്.