എൻ എസ് എസ് ചാത്തന്നൂർ യൂണിയനിൽ നടന്നു വരുന്ന രാമായണമേളയോടനുബന്ധിച്ച് എൻ എസ്.എസ് താലൂക്ക് യൂണിയൻ ആഡിറ്റോറിയത്തിൽ രാമായണ സദസ്സ് സംഘടിപ്പിച്ചു

ചാത്തന്നൂർ: എൻ എസ് എസ് ചാത്തന്നൂർ യൂണിയനിൽ നടന്നു വരുന്ന രാമായണമേളയോടനുബന്ധിച്ച് എൻ എസ്.എസ് താലൂക്ക് യൂണിയൻ ആഡിറ്റോറിയത്തിൽ  രാമായണ സദസ്സ് സംഘടിപ്പിച്ചു.  ആചാര്യ സ്‌മൃതി  മണ്ഡപത്തിൽ ഭദ്രദീപം തെളിയിച്ച് സമാരംഭിച്ച സദസ്സ് യൂണിയൻ പ്രസിഡന്റ് ചാത്തന്നൂർ മുരളിയുടെ അധ്യക്ഷതയിൽ ആരംഭിച്ചു. കെൽ മുൻ മാനേജിംഗ് ഡയറക്ടർ കുരുമ്പോലിൽ ടി.കെ .ശ്രീകുമാർ രാമായണത്തെ ആസ്പദമാക്കി ആധുനിക കാലഘട്ടവും, അവിടെ രാമായണത്തിന്റെ പ്രസക്തിയും ആധുനിക ശാസ്ത്രത്തിനേയും വിശകലനം ചെയ്ത് രാമായണ സദസിന് നേതൃത്വം നൽകി.ചടങ്ങിൽ യൂണിയൻ വൈസ് പ്രസിഡന്റ് പരവൂർ മോഹൻദാസ്,യൂണിയൻ സെക്രട്ടറി ടി. അരവിന്ദാക്ഷൻപിള്ള, യൂണിയൻ കമ്മിറ്റി അംഗങ്ങൾ, എൻ എസ് എസ് പ്രതിനിധിസഭാ അംഗങ്ങൾ, വനിത യൂണിയൻ പ്രസിഡന്റ് ബി. ആർ സുജ, വനിതാ യൂണിയൻ ഭാരവാഹികൾ,  എം.എസ്.എസ്. എസ് മേഖലാ കോഡിനേറ്റേർസ്,  കരയോഗ- വനിതാ സമാജം ഭാരവാഹികൾ, ആധ്യാത്മിക പഠന കേന്ദ്രം വിദ്യാർത്ഥികൾ- അധ്യാപകർ,  ബാലസമാജം പ്രവർത്തകർ, എൻ എസ് എസ് ആർട്സ് കോളജ് പ്രിൻസിപ്പൽ ഡോ.രാമചന്ദ്രൻ പിള്ള, അധ്യാപകർ എന്നിവർ പങ്കെടുത്തു. തുടർന്ന് കുട്ടികൾക്കും, വനിതകൾക്കുമായി രാമായണത്തെ ആസ്പദമാക്കി പ്രശ്നോത്തരി,പാരായണം, പ്രഭാഷണം, എന്നീ മത്സരങ്ങൾ നടന്നു.

ഫോട്ടോ:എൻ എസ് എസ് താലൂക്ക് യൂണിയൻ പ്രസിഡന്റ്‌ ചാത്തന്നൂർ മുരളി ഉത്ഘാടനം ചെയ്യുന്നു.