കൊല്ലം തുറമുഖത്ത് ഇമിഗ്രേഷൻ ചെക്ക് പോസ്റ്റിന് സംസ്ഥാന സർക്കാർ അടിസ്ഥാന സൗകര്യങ്ങൾ ഒരുക്കിയാൽ ഇമിഗ്രേഷൻ ചെക്ക് പോസ്റ്റിന് അംഗീകൃത ചെക്ക് പോസ്റ്റിന്റെ പദവി നൽകി പ്രവർത്തനം ആരംഭിക്കും -നിത്യാനന്ദ റായി

കൊല്ലം തുറമുഖത്ത് ഇമിഗ്രേഷൻ ചെക്ക് പോസ്റ്റിന് സംസ്ഥാന 

സർക്കാർ അടിസ്ഥാന സൗകര്യങ്ങൾ  ഒരുക്കിയാൽ ഇമിഗ്രേഷൻ ചെക്ക് പോസ്റ്റിന് അംഗീകൃത ചെക്ക് പോസ്റ്റിന്റെ പദവി നൽകി പ്രവർത്തനം ആരംഭിക്കും -

നിത്യാനന്ദ റായി 

കൊല്ലം : കൊല്ലം തുറമുഖത്ത് ഇമിഗ്രേഷൻ ചെക്ക് പോസ്റ്റ് സ്ഥാപിക്കുന്നതിന് ആവശ്യമായ അടിസ്ഥാന സൗകര്യങ്ങളും മാനവ വിഭവശേഷിയും സംസ്ഥാന സർക്കാർ ഒരുക്കുന്ന മുറക്ക് ഇമിഗ്രേഷൻ ചെക്ക് പോസ്റ്റിന് അംഗീകൃത ചെക്ക് പോസ്റ്റിന്റെ പദവി നൽകി പ്രവർത്തനം ആരംഭിക്കുമെന്ന് കേന്ദ്ര ആഭ്യന്തര സഹ മന്ത്രി നിത്യാനന്ദറായി ലോകസഭയിൽ അറിയിച്ചു. ഒരു ചെക്ക് പോസ്റ്റ് അംഗീകൃത ചെക്ക് പോസ്റ്റ് ആയി പ്രഖ്യാപിക്കുന്നത് ഒരു തുടർ നടപടിയാണ് . നിലവിലെ നിബന്ധനകൾ പ്രകാരമുള്ള സൗകര്യങ്ങൾ സംസ്ഥാന സർക്കാർ ഒരുക്കിയാൽ ബന്ധപ്പെട്ടവരുമായി കൂടിയാലോചിച്ച് ഇമിഗ്രേഷൻ ചെക്ക് പോസ്റ്റിന് അംഗീകാരം നൽകും . 

കൊല്ലം തുറമുഖത്ത് ഇമിഗ്രേഷൻ ചെക്ക് പോസ്റ്റ് ആരംഭിക്കുന്നതിന് ആവശ്യമായ മാനഭവിഭവശേഷി തിട്ടപ്പെടുത്തി

സംസ്ഥാന സർക്കാരിനെ 

അറിയിച്ചിട്ടുണ്ട്. പൊതുവായ മേൽനോട്ടത്തിന് രണ്ട് സബ് ഇൻസ്പെക്ടർ , കൗണ്ടർ ഡ്യൂട്ടിക്ക്  എട്ടു സബ്ഇൻസ്പെക്ടർമാർ , കൗണ്ടർ നിയന്ത്രണത്തിന് നാല് കോൺസ്റ്റബിൾ എന്നിവരുടെ സേവനം ആവശ്യപ്പെട്ടിരുന്നു.

അടിസ്ഥാന സൗകര്യമായി ആവശ്യപ്പെട്ടത് എത്തിച്ചേരുന്ന യാത്രക്കാർക്കായി നാല് കൗണ്ടർ യാത്ര പോകുന്നവർക്കായി നാല് കൗണ്ടർ എന്നിവയും യാത്രക്കാരുടെ വർധന അനുസരിച്ചും വിമാനത്തിന്റെ ശേഷി അനുസരിച്ചും കൂടുതൽ കൗണ്ടറുകൾ,

12 x 10 അടി വിസ്തീർണ്ണമുള്ള കമ്പ്യൂട്ടർ സെർവർ റൂം, സ്റ്റാഫ് റൂം, ശുചിമുറി സൗകര്യതോടുകൂടി 15 x 12 അടി വിസ്തീർണ്ണമുള്ള ഡിറ്റൻഷൻ റൂം, ഇമിഗ്രേഷൻ ഓഫീസ് 15 x 12 അടി, ഇമിഗ്രേഷൻ ബാക്ക് റൂം ഓപ്പറേഷൻ 20 x 15 അടി , പരിശീലനം, വിശ്രമം മീറ്റിംഗ് എന്നിവയ്ക്കുള്ള വിവിധ ആവശ്യങ്ങൾക്കുള്ള 15 X 15 അടി വിസ്തീർണ്ണം ഉള്ള മുറി, റിക്കാർഡ് റൂം 10 X 10 അടി , യുപിഎസ് റൂം 5 X 8 അടി, ഇമിഗ്രേഷൻ കൗണ്ടറിൽ മുന്നിൽ യാത്രക്കാർക്ക് വരി നിൽക്കാനുള്ള സൗകര്യം, ഇമിഗ്രേഷൻ സ്ഥലത്ത് യാത്രക്കാർക്ക് ശുചിമുറി സൗകര്യം, ഓഫീസുകളുടെ പ്രവർത്തനത്തിനുള്ള ഫർണിച്ചറുകളും , സർവ്വവർ റൂം ഇമിഗ്രേഷൻ ഓഫീസ് എന്നിവിടങ്ങളിൽ തടസ്സം കൂടാതെയുള്ള വൈദ്യുതി വിതരണം, ഇൻറർകോം സൗകര്യം എന്നിവയാണ്. ഒപ്പം തന്നെ 

ജീവനക്കാർക്ക് താമസിക്കാനുള്ള കോർട്ടേഴ്സ് നിർമ്മിക്കുകയോ അല്ലാത്തപക്ഷം താമസത്തിനായി വാടക കെട്ടിടം എടുത്ത് നൽകുകയോ ചെയ്യേണ്ടതാണ് .എന്നാൽ നാളിതുവരെയായി ഫെസിലിറ്റേഷൻ സെൻറർ കേരള മാരിടൈം ബോർഡ് റെഗുലേറ്ററി ഏജൻസിക്ക് കൈമാറിയിട്ടില്ല. പോർട്ട് ഗേറ്റ് കോംപ്ലക്സിലാണ് എമിഗ്രേഷൻ കൗണ്ടർ, യാത്രക്കാർക്ക് വരി നിൽക്കാനുള്ള സ്ഥലം, ശുചിമുറി, ഇതര സൗകര്യങ്ങൾ എന്നിവ ഒരുക്കിയിരിക്കുന്നത്.കൊല്ലം തുറമുഖ അധികാരികൾ നാല് സിസിടിവി ക്യാമറകളാണ് തുറമുഖ സ്ഥലത്ത് സ്ഥാപിച്ചിട്ടുള്ളത്. അഞ്ച് സിസിടിവി ക്യാമറകൾ കൂടി സ്ഥാപിക്കണം. യാത്രക്കാർക്ക് വരാനും പോകാനും കപ്പൽ ജീവനക്കാർക്കും തുറമുഖ ജീവനക്കാർക്കും ആയി ഒരു ഗേറ്റ് ആണ് നിലവിലുള്ളത്. സുരക്ഷാക്രമീകരണത്തിന്റെ ഭാഗമായി കൂടുതൽ ഗേറ്റുകൾ ആവശ്യമാണ്. 11 ഏക്കർ സ്ഥലത്തിൻറെ സുരക്ഷയ്ക്കായി നിരായുധരായ രണ്ട് ജീവനക്കാർ മാത്രമാണ് കൊല്ലം തുറമുഖത്ത് ഉള്ളത്. സുരക്ഷ വർധിപ്പിക്കണം. കൊല്ലം തുറമുഖത്തിന്റെ സംരക്ഷണ ചുമതല സംസ്ഥാന ഇൻഡസ്ട്രിയൽ സെക്യൂരിറ്റി ഫോഴ്സിന് നൽകണമെന്ന ആവശ്യത്തിന് നാളിതുവരെ കേരള സർക്കാർ അന്തിമ തീരുമാനം അറിയിച്ചിട്ടില്ല. അന്താരാഷ്ട്ര കപ്പലുകൾക്ക് സേവനം നൽകാൻ തക്കവിധം കൊല്ലം തുറമുഖത്തിന്റെ സംരക്ഷണം സിഐഎസ്എഫ് , കേരള പോലീസ്, സംസ്ഥാന ഇൻഡസ്ട്രിയൽ സെക്യൂരിറ്റി ഫോഴ്സ് എന്നീ ഏതെങ്കിലും സേനകൾക്ക് കൈമാറണമെന്നും കേന്ദ്രസർക്കാർ സംസ്ഥാന സർക്കാരിനെ അറിയിച്ചിട്ടുണ്ടെന്നും 

 കേന്ദ്ര ആഭ്യന്തര സഹമന്ത്രി ലോകസഭയിൽ പറഞ്ഞു.

@ പോർട്ടിൽ സുരക്ഷാ ക്രമീകരണങ്ങൾ ഒരുക്കുന്നതിൽ സംസ്ഥാന സർക്കാർ മെല്ലെപോക്ക് നയമാണ് സ്വീകരിക്കുന്നതെന്ന് ബിജെപി ജില്ലാ പ്രസിഡന്റ്‌ ബി. ബി. ഗോപകുമാർ പറഞ്ഞു. പൊതു നിബന്ധനകൾ പ്രകാരമുള്ള സൗകര്യങ്ങൾ ഒരുക്കാൻ സംസ്ഥാന സർക്കാരിൻറെ ഭാഗത്തുനിന്ന് ഉണ്ടായിരിക്കുന്ന ഗുരുതര മായ കാലതാമസം മൂലം കൊല്ലം തുറമുഖത്തിന്റെ വികസനം വഴിമുട്ടിയിരിക്കുകയാണ്. എമിഗ്രേഷൻ ചെക്ക് പോസ്റ്റ് അംഗീകരിക്കുവാൻ നിബന്ധനപ്രകാരമുള്ള സൗകര്യങ്ങൾ ഒരുക്കാൻ സംസ്ഥാന സർക്കാർ തയ്യാറാകണമെന്നും ബിജെപി കൊല്ലം ജില്ലാ പ്രസിഡന്റ്‌ ബി. ബി ഗോപകുമാർ പറഞ്ഞു.