ചാത്തന്നൂർ : ഇളംതെന്നലോ ചാറ്റല്‍ മഴയോ ഉണ്ടാകരുതെന്നാണ് ചിറക്കരയിലെ പതിനായിരത്തോളം
വരുന്ന ഉപഭോക്താക്കളുടെ പ്രാര്‍ഥന. കാറ്റോ മഴക്കാറോ എത്തിയാല്‍ വൈദ്യുതി മുടക്കം ഇവിടെ പതിവാണ്. ഇതിനൊപ്പം വൈദ്യുതി ജീവനക്കാരുടെ അലംഭാവം കൂടിയാകുമ്പോള്‍ അപ്രഖ്യാപിത പവര്‍കട്ട് മണിക്കൂറുകള്‍ നീളും. അപ്രഖ്യാപിത പവര്‍കട്ടും വൈദ്യുതിമുടക്കവും ഒഴിവാക്കാന്‍ നടപടി സ്വീകരിക്കണമെന്ന് കാട്ടി നിരവധി ഉപഭോക്താക്കള്‍ സെക്ഷന്‍ അധികൃതര്‍ക്ക് പരാതി നല്‍കിയിട്ടും ഒരു പ്രയോജനവുമില്ല. കാറ്റും മഴയും ഉണ്ടാകുന്ന ഘട്ടങ്ങളില്‍ മരങ്ങള്‍ക്കും തെങ്ങുകള്‍ക്കും മുകളില്‍ വീഴുന്ന വൈദ്യുതിലൈനുകള്‍ മാറ്റുന്ന ജോലികളും മറ്റ് അറ്റകുറ്റപ്പണികളും യഥാസമയം പൂര്‍ത്തീകരിക്കാന്‍ കഴിയാതെ വരുന്നു. ചിലപ്പോള്‍ മഴക്കാറ് കാണുമ്പോള്‍ തന്നെ കെ എസ് ഇ ബി ചിറക്കരയിലേക്കുള്ള
മെയിന്‍ ഫീഡര്‍ ഓഫ് ചെയ്യുന്നതോടെ സെക്ഷന്‍ പരിധി മുഴുവന്‍ ഇരുട്ടിലാകും. ചാത്തന്നൂർ ഇലക്ട്രിക്കല്‍ സെക്ഷന്‍ ഓഫീസിലെ ജീവനക്കാരുടെ നിരുത്തരവാദപരമായ പ്രവര്‍ത്തനവും അപ്രഖ്യാപിത വൈദ്യുതി തടസത്തിന് ഇടയാക്കുന്നുണ്ട്.
No comments:
Post a Comment