മുണ്ടയ്ക്കൽ പാപനാശം കടപ്പുറത്ത് ബലിതർപ്പണത്തിനായി ആയിരങ്ങളെത്തി

കൊട്ടിയം : മുണ്ടയ്ക്കൽ പാപനാശം കടപ്പുറത്ത് ബലിതർപ്പണത്തിനായി ആയിരങ്ങളെത്തി. തന്ത്രി തടത്തിൽ മഠo ടി.കെ.ചന്ദ്രശേഖര സ്വാമിയുടെ മുഖ്യകാർമികത്വത്തിലാണ് പിതൃതർപ്പണ ചടങ്ങുകൾ നടന്നത്.പതിനഞ്ചോളം തന്ത്രിമാർ കാർമികരായി. ബലിതർപ്പണത്തിനെത്തിയവർക്ക് പിതൃക്കളെ സ്മരിക്കു, വൃക്ഷതൈ നടു എന്ന സന്ദേശവുമായി വനം വകുപ്പിൽ നിന്നുള്ള പതിനയ്യായിരത്തോളം വൃക്ഷ തൈകളും, ലക്ഷമിതരു തൈകകളും ,ഔഷധ കാപ്പിയുംവിതരണം ചെയ്തു.ഉണ്ണി ശാന്തിയുടെ നേതൃത്വത്തിൽ തിലഹവന ഹോമവും നടന്നു. ബലിതർപ്പണം കഴിഞ്ഞ് കുളിക്കാനുള്ള സൗകര്യം, ഡോക്ടർമാരുടെയും, ആംബുലൻസിൻ്റെയും സേവനവും, പൊലീസ്, ഫയർഫോഴ്‌സ് മുങ്ങൽ വിദഗ്ദർ എന്നിവരുടെ സേവനവും ലഭ്യമാക്കിയിരുന്നു. മുണ്ടക്കൽ പാപനാശം ഗുരുദേവമന്ദിരംകമ്മറ്റിയുടെ നേതൃത്വത്തിലാണ് ചടങ്ങുകൾ സംഘടിപ്പിച്ചത്.

പരവൂർ: പരവൂർ കോങ്ങാൽ പനമൂട് കുടുംബ മഹാദേവ ക്ഷേത്രയോഗത്തിന്റെ നേതൃത്വത്തിൽ പനമുട്ടിൽ കടപ്പുറത്ത് കർക്കിടക വാവ് ബലിയർപ്പിക്കുവാൻ ആയിര കണക്കിനാളുകളെത്തി. 

 പുലർച്ചെ 4.30 മുതൽ ഉച്ചയ്ക്ക് 12.30 വരെ നടന്ന ബലിതർപ്പണ ചടങ്ങുകളിൽ പങ്കെടുക്കാനെത്തിയവർക്കായി  വിപുലമായ സൗകര്യങ്ങളാണ് ഒരുക്കിയിരുന്നത്.

ഒരേ സമയം  ആയിരത്തി ഒരുന്നൂറ് 

പേർക്ക് ബലി തർപ്പണത്തിന് സൗകര്യ പ്രദമായ രീതിയിൽ പന്തൽ ഉൾപ്പെടെയുള്ള സൗകര്യങ്ങളും, തിലഹോമം നടത്തുവാനുള്ള പൂജാ സംവിധാനവും സജ്ജമാക്കിയിരുന്നു.. പൂർണ്ണമായും ഹരിത ചട്ടം പാലിച്ചുകൊണ്ടാണ് ക്ഷേത്ര പരിസരത്തും, പനമുട്ടിൽ കടപ്പുറത്തും ബലിതർപ്പണ ചടങ്ങുകൾ നടന്നത്.  സി. സി. റ്റി. വി ഉൾപ്പെടെയുള്ള സുരക്ഷാ ക്രമീകരണങ്ങളും ഒരുക്കിയിരുന്നു. സേവഭാരതി പരവൂർ മുൻസിപ്പാലിറ്റി, പോലീസ്, ഫയർഫോഴ്സ്, എക്സൈസ്, കെ എസ്. ആർ. റ്റി സി, കെ. എസ്. ഇ ബി, ആരോഗ്യം, വിനോദസഞ്ചാരം, തുടങ്ങിയ വകുപ്പുകളുടെ സേവനവും ലഭ്യമായിരുന്നു. . ചേർത്തല ബിജു ജലാധരന്റെ മുഖ്യകാർമ്മികത്വത്തിൽ

എഴുപതോളം  വരുന്ന കർമ്മികർ ബലിതർപ്പണത്തിന് നേതൃത്വം നൽകി..   

മയ്യനാട്: താന്നി സ്വർഗപു രം ദേവീക്ഷേത്ര ഭരണ സമിതിയുടെ നേതൃത്വത്തിൽ താന്നി കടപ്പുറത്ത് ബലിതർപ്പണ ചടങ്ങുകൾ നടന്നു. .തിങ്കളാഴ്ച വെളുപ്പിന് മൂന്നു മണി മുതലാണ് ബലിതർപ്പണ ചടങ്ങുകൾ ആരംഭിച്ചത്. പുലർച്ചേ തന്നെ നിരവധി പേർ ബലിയർപ്പിക്കാനെത്തിയിരുന്നു.ക്ഷേത്രം മേൽശാന്തി അനിൽകുമാർ മുഖ്യകാർമികത്വത്തിലാണ് ചടങ്ങുകൾ നടന്നത്..750 പേർക്ക് ഒരേ സമയം ബലിതർപ്പണം നടത്തുന്നതിനായുള്ള സംവിധാനമാണ് ഇവിടെ ഒരുക്കിയിരുന്നത്..തിലഹവനം നടത്തുവാനുള്ള സൗകര്യവുമുണ്ടായിരുന്നു. പൊലീസ്, ഫയർഫോഴ്സ്, കോർപ്പറേഷൻ, നീന്തൽ വിദഗ്ദർ, ആംബുലൻസ് എന്നിവയുടെ സേവനവും,  കുടിവെള്ളം, വെളിച്ചം, വാഹന പാർക്കിംഗ് എന്നിവയും സജ്ജമാക്കിയിരുന്നു.   

ചിത്രം. മുണ്ടക്കൽ പാപനാശനം കടപ്പുറത്ത് പിതൃതർപ്പണത്തിനെത്തിയവർ