ഏഴ് വൈദ്യുതി തൂണുകൾ നിലംപൊത്തി
ചാത്തന്നൂർ: കഴിഞ്ഞ അർദ്ധരാത്രിയിലുണ്ടായ ശക്തമായ കാറ്റിലും മഴയിലും മരം കടപുഴകി വീണു. വൈദ്യുതിലൈനിന് മുകളിലൂടെ മരം വീണതിനാൽ ഏഴ് വൈദ്യുതി തൂണുകൾ നിലം പതിച്ചു. വൈദ്യുതി ലൈനുകൾ പൊട്ടുകയും ചെയ്തു.
ചാത്തന്നൂർ താഴം ആനന്ദ ഗിരി സുബ്രഹ്മണ്യസ്വാമി ക്ഷേത്രത്തിന് സമീപമാണ് മരം വീണത്. രാത്രി പന്ത്രണ്ടരയോടെയാണ് പോസ്റ്റുകൾ വിണതും കമ്പികൾ പൊട്ടിയതും. അതിനാൽ അപകടം ഒഴിവായി. നാട്ടുകാർ അറിയിച്ചതിനെ തുടർന്ന്‌വൈദ്യുതി ബോർഡ്‌ ജീവനക്കാർ എത്തി വൈദ്യുതിവിതരണം വിച്ഛേദിച്ചു.
സമീപത്തെ പുരയിടത്തിൽ നിന്നും മണ്ണെടുത്തതാണ് മരം കടപുഴകി വീഴാൻ കാരണമായതെന്നും മണ്ണെടുപ്പു മൂലം ഇനിയും മരങ്ങൾ നിലംപതിക്കാൻ സാധ്യതയുണ്ടെന്നും പരിസരവാസികൾ കുറ്റപ്പെടുത്തി.
നിർമ്മാണം നടന്നുകൊണ്ടിരിക്കുന്ന ദേശീയ പാതയാകെ വെള്ളക്കെട്ടായി മാറി. നിർമ്മാണ പ്രവർത്തനങ്ങൾ ഇഴഞ്ഞുനീങ്ങുന്നതിനാൽ ഓട നിർമ്മാണം എങ്ങുമെത്തിയില്ല. ഇതാണ് റോഡിലും പരിസരത്തെ വീടുകളിലും വെള്ളം കയറാനും തങ്ങി നില്ക്കാനും ഇടയാക്കിയിരിക്കുന്നത്. വെള്ളക്കെട്ടിലെ കുഴികളിൽ വീണ് അപകടം സംഭവിക്കുന്നത്പതിനായി. കഴിഞ്ഞ രാത്രി പന്ത്രണ്ടുമണിയോടെ ചാത്തന്നൂർ തിരു മുക്കിന് സമീപം റോഡിലെ കുഴിയിൽ വീണ് ബൈക്ക് യാത്രക്കാരായ രണ്ട് പേർക്ക് പരിക്കേറ്റു. അല്പ സമയത്തിനകം അതേ കുഴിയിൽ മറ്റൊരു ബൈക്ക് യാത്രക്കാരനും വീണു.
No comments:
Post a Comment