കേന്ദ്രസർക്കാർ ഫണ്ടിൽ ചാത്തന്നൂർ തിരുമുക്ക്പരവൂർ-പാരിപ്പള്ളി റോഡിന്റെ പുനർനിർമാണപ്രവർത്തനം തുടങ്ങി.

ചാത്തന്നൂർ: കേന്ദ്രസർക്കാർ ഫണ്ടിൽ 

ചാത്തന്നൂർ തിരുമുക്ക്

പരവൂർ-പാരിപ്പള്ളി റോഡിന്റെ പുനർനിർമാണപ്രവർത്തനം തുടങ്ങി.

കേന്ദ്രസർക്കാർ റോഡ് ഫണ്ടിൽ ഉൾപ്പെടുത്തി 22.2 കോടി രൂപ ചെലവഴിച്ചാണ് നിർമാണപ്രവർത്തനം നടത്തുന്നത്. ദേശീയപാത നിർമാണവിഭാഗത്തിന്റെ മേൽനോട്ടത്തിലാണ് നിർമ്മാണപ്രവർത്തികൾ നടക്കുന്നത്.

 ഒൻപതുമാസത്തെ കരാർ കാലാവധിയാണുള്ളത്. കരാർ പ്രകാരം അടുത്ത വർഷം മാർച്ചിൽ നിർമാണം പൂർത്തീകരിക്കും.പൊതുമരാമത്ത് ചാത്തന്നൂർ റോഡ് സെക്ഷന്റെ അധീനതയിലുള്ള റോഡ് പുനർനിർമാണ

പ്രവർത്തനങ്ങൾക്കായാണ്

ദേശീയപാത വിഭാഗം ഏറ്റെടുത്തിരിക്കുന്നത്. 

ചാത്തന്നൂർ തിരുമുക്കുമുതൽ പൊഴിക്കരക്ഷേത്രംവരെയുള്ള 9.2 കിലോമീറ്ററും പരവൂർ ജങ്ഷനിൽനിന്ന് പാരിപ്പള്ളിവരെയുള്ള 10.25 കിലോമീറ്റർ

റോഡുമാണ് കരാർപ്രകാരം

പുനർനിർമിക്കുന്നത്. ഇതുമായി

ബന്ധപ്പെട്ട് ഓടയുടെയും

കലുങ്കുകളുടെയും

നിർമാണ പ്രവർത്തനങ്ങളാണ് തുടങ്ങിയത്. ബി എം ആൻഡ് ബി സി

ടാറിങ്ങാണ് പ്രധാനമായും

റോഡുപണിയിൽ

ഉൾപ്പെടുത്തിയിരിക്കുന്നത്. കൂടാതെ

പ്രധാന ജങ്ഷനുകളിലും വെള്ളകെട്ടുള്ള പ്രദേശങ്ങളിലും ഇന്റർലോക്ക് 

കട്ട പാകലും ഷോൾഡർ

കോൺക്രീറ്റും നടത്തും.

റോഡിന്റെ ലെവൽസ് പ്രിപ്പറേഷൻ വർക്ക് നടന്നുകഴിഞ്ഞാലുടൻ റോഡുപണിയും തുടങ്ങും. റോഡ് വീതികൂട്ടൽ ഇല്ലാത്തതിനാൽ നിലവിലുള്ള വീതി കണക്കാക്കിയാണ് ഓടനിർമാണം നടക്കുന്നത്. റോഡ് കൈയേറ്റവുമായി ബന്ധപ്പെട്ട് പരാതികൾ ഒന്നുംതന്നെ ഇതുവരെ ലഭിച്ചിട്ടില്ലെന്നും അതിനാൽ മറ്റ് തടസ്സങ്ങളില്ലാതെയാണ് ഓടനിർമാണം പുരോഗമിക്കുന്നതെന്നും ദേശീയപാത വിഭാഗം അധികൃതർ പറഞ്ഞു.

@ റോഡ് നിർമ്മാണത്തിന് തടസമായി പാഴ്മരങ്ങളും കെ. എസ് ഇ ബിയും പോസ്റ്റുകളും ജലഅതോറിറ്റിയുടെ പഴയ പൈപ്പുകളും 

ചാത്തന്നൂർ - പരവൂർ - പാരിപ്പള്ളി റോഡിൽ വ്യാപകമായി വസ്തു കൈയ്യേറിയിട്ടുണ്ടെന്ന് റവന്യു അധികാരികൾ തന്നെ സമ്മതിക്കുകയാണ്.നിരവധി പാഴ്മരങ്ങളും നൂറ്റാണ്ടുകൾ പഴക്കമുള്ള മരങ്ങളും ഉണ്ട് ഇതെല്ലാം തന്നെ റോഡ് വികസനത്തിന് തടസമാണ്. പല മരങ്ങളും റോഡ് സൈഡിൽ തന്നെയാണ് നിൽക്കുന്നത്.റോഡ് നിർമ്മാണത്തിന് ഭീഷണിയാണ്. വൈദ്യുതി ബോർഡിന്റെ പോസ്റ്റുകളും ട്രാൻസ്ഫോർമറും കൂടാതെ അടിക്കടി പൊട്ടുന്ന 

ജപ്പാൻ കുടിവെള്ള പദ്ധതിയുടെ പൈപ്പുകളും ഇ റോഡിൽ കൂടി പോയിട്ടുണ്ട് പൈപ്പുകൾ നിരന്തരം പൊട്ടുന്നത് പതിവായി മാറിയിട്ടുണ്ട്.റോഡിന് പല സ്ഥലങ്ങളിലും പല വീതിയിയാണ് ഉള്ളത്.പലയിടത്തും സർവ്വേ നടത്തി പൊതുമരാമത്ത് വകുപ്പിന്റെ സ്ഥലങ്ങൾ തിരിച്ചു പിടിച്ചു റോഡിന് വീതി കൂട്ടണമെന്ന ആവശ്യം ശക്തമാണ്.നിലവിലുള്ള റോഡിന്റെ വീതിയനുസരിച്ച് നിർമ്മാണപ്രവർത്തി നടക്കുമ്പോൾ ആശാസ്ത്രിയമായിരിക്കും എന്നാണ് ഇ രംഗത്തെ വിദഗ്ദർ ചൂണ്ടികാട്ടുന്നത്.കയ്യേറ്റങ്ങൾ ഒഴിപ്പിച്ചു കൊണ്ട് ശാസ്ത്രിയമായി റോഡ് നിർമ്മിക്കണമെന്ന ആവശ്യമാണ് ശക്തമാകുന്നത്.