പാരിപ്പള്ളിയിൽ കഞ്ചാവ് വേട്ട കഞ്ചാവ് മൊത്തകച്ചവടക്കാർ പിടിയിൽ

പാരിപ്പള്ളിയിൽ കഞ്ചാവ് വേട്ട കഞ്ചാവ് മൊത്തകച്ചവടക്കാർ പിടിയിൽ 

ചാത്തന്നൂർ: പാരിപ്പള്ളിയിൽ വൻ കഞ്ചാവ് വേട്ട മൂന്ന് പേര് അറസ്റ്റിലായി. പൂത്തൻകുളം നെടുവള്ളി ചാലിൽ രാജാലയം വീട്ടിൽ രാജേഷ് (36), പാരിപ്പള്ളി എഴിപ്പുറം പാലവിളപുത്തൻവീട്ടിൽ വിശ്വoഭരൻ മകൻ ഷിബു (44),പാരിപ്പള്ളി എഴിപ്പുറം സലാഹുദ്ധീൻ മൻസിലിൽ നവാസ് മകൻ സലാഹുദ്ധീൻ (29)എന്നിവരെയാണ് എക്സൈസ് സംഘം പിടികൂടിയത്.

15കിലോ മുന്നൂറ് ഗ്രാം കഞ്ചാവുമായാണ് ഇവരെ ചാത്തന്നൂർ എക്സൈസ് സംഘം അറസ്റ്റ് ചെയ്‍തത്.

ഇന്നലെ രാവിലെ പത്തരയോടെ പാരിപ്പള്ളി മൂക്കടയിൽ വച്ച് തിരുവനന്തപുരം ഭാഗത്ത് നിന്നും കൊല്ലം ഭാഗത്തേക്ക് മാരുതി കാറിൽ കഞ്ചാവുമായി വരവേയാണ് എക്സൈസ് സംഘം സിനിമ സ്റ്റൈലിൽ പിടികൂടിയത്.ആന്ധ്രയിൽ നിന്നും ട്രയിനിൽ കൊണ്ട് വന്ന കഞ്ചാവ്

തിരുവനന്തപുരത്ത് 

 നിന്ന് ഇടനിലക്കാരൻ വഴി വാങ്ങി 

  ഒഴിഞ്ഞ പ്രദേശത്ത് വാഹനം നിർത്തി

 ഏജന്റുമാർ മുഖേന കാറുകളിലും മറ്റും

ചെറു ഏജന്റുമാർക്ക് എത്തിച്ചു നൽകുകയാണ് 

ഇങ്ങനെ എത്തിക്കുന്ന കഞ്ചാവ് ചെറു  പാക്കറ്റുകളാക്കിയാണ് ഇവർ ആവശ്യക്കാർക്ക് കൊടുക്കുന്നത്.

കൊല്ലം ജില്ലയിലെ 

വിവിധ ഭാഗങ്ങളിലേക്ക് 

കഞ്ചാവ് എത്തിക്കുന്ന വൻസംഘത്തിലെ കണ്ണികളാണിവരെന്ന് എക്സൈസ് ഉദ്യോഗസ്ഥർ പറഞ്ഞു.

മുൻപും നിരവധി തവണ കഞ്ചാവ് കൊണ്ട് വന്ന് ആവശ്യക്കാർക്ക് കൈമാറി വരികയായിരുന്നു.

 പിടിയിലായവർ നിരവധി ക്രിമിനൽ കേസ്സുകളിൽ ഉൾപ്പെട്ടവരുമാണ് ഒന്നാം പ്രതിയായ രാജേഷ് പാരിപ്പള്ളിയിൽ ഓട്ടോ റിക്ഷ ഡ്രൈവറാണ് ഓട്ടോ റിക്ഷ ഓടുന്നതിനിടയിൽ കഞ്ചാവ് മൊത്തമായും ചില്ലറയായും വില്പന നടത്തി വരികയായിരുന്നു.

പ്രതികൾക്ക് കഞ്ചാവ് വാങ്ങാനുള്ള സാമ്പത്തിക സഹായം നൽകിയവരേയും പിടികൂടുമെന്ന് കമ്മീഷ്ണർ വ്യക്തമാക്കി. കേസിൽ ഇനിയും പ്രതികളുണ്ടെന്നും ഇവർക്കായുള്ള അന്വേഷണം ഊർജ്ജിതമാക്കിയതായും ഉദ്യോഗസ്ഥർ പറഞ്ഞു. എക്സൈസ് ഇൻസ്‌പെക്ടർ കൃഷ്ണകുമാർ, പ്രൈവന്റ്റീവ് ഓഫിസർമാരായ വിനോദ്, ശിഹാബുദ്ധീൻ, ആരോമൽ, നവാസ്, ബിജോയ്, വനിത എക്സൈസ് ഓഫിസർമാരായ ദിവ്യ, ജിഷ, റാണി സൗന്ദര്യ എന്നിവർ നേത്രത്വം നൽകി.