പരിശോധനകളെയെല്ലാം മറികടന്ന് ജില്ലയിലേക്ക് വ്യാജഭക്ഷ്യ എണ്ണ എണ്ണയൊഴുകുന്നു.

പരിശോധനകളെയെല്ലാം മറികടന്ന് ജില്ലയിലേക്ക് വ്യാജഭക്ഷ്യ എണ്ണ എണ്ണയൊഴുകുന്നു.

@ വ്യാജഎണ്ണ 

സംഭരണം ഓണ വിപണി ലക്ഷ്യമിട്ട് 

കൊല്ലം : പരിശോധനകളെയെല്ലാം മറികടന്ന് പാചകത്തിനായി വ്യാജഭക്ഷ്യ എണ്ണയൊഴുകുന്നു. ഓണം മുന്നിൽ കണ്ട് കൊണ്ട് ജില്ലയിലെ വിവിധ ഭാഗങ്ങളിലെ ഗോഡൗണുകളിലാണ്

വ്യാജഭക്ഷ്യ എണ്ണ സംഭരിക്കുന്നത്.

പരിശോധനയിൽ പോലും കണ്ടെത്താനാവാത്ത മായം കലർത്തി കൊള്ളലാഭത്തിനായി നടത്തുന്ന കച്ചവടച്ചതി കണ്ടെത്താൻ

നമ്മുടെ നാട്ടിൽ സംവിധാനങ്ങളുമില്ല. തമിഴ്നാട്ടിൽ നിന്നും വരാൻ പോകുന്ന ഓണം സീസൺ ലക്ഷ്യമിട്ട് ദിനവും ആയിരകണക്കിന് ലിറ്റർ എണ്ണയാണ് ഗോഡൗണുകളിൽ എത്തുന്നത്.

തമിഴ് നാട്ടിൽ നിന്നും 

കിലോയ്ക്ക് 85 രൂപയുള്ള കൃത്രിമ എണ്ണ കൊണ്ട് വന്ന് വെളിച്ചെണ്ണയിൽ കലർത്തിയാണ് വിൽക്കുന്നത്.

കൃത്രിമ എണ്ണയിൽ 20 ശതമാനം മാത്രം വെളിച്ചെണ്ണ കലർത്തി വിൽക്കുന്നതാകട്ടെ കിലോയ്ക്ക്

120 മുതൽ 150 രൂപയ്ക്കും. പരിശോധിച്ചാലും പോലും കണ്ടെത്താൻ കഴിയാത്ത എണ്ണയാണ് വെളിച്ചെണ്ണയിൽ ചേർക്കുന്നതെന്നാണു കച്ചവടക്കാർ പറയുന്നത്.  പ്രത്യേകിച്ച് മണമോ രുചിയോ ഇല്ലാത്ത വ്യാജഎണ്ണയിലേക്ക് 

 കൊപ്ര ചിപ്സ് ചേർത്ത് ഇളക്കുകയോ ഇരുപത് ശതമാനം നല്ല വെളിച്ചെണ്ണ കലർത്തുകയോ ചെയ്താൽ യഥാർഥ വെളിച്ചെണ്ണയുടെ മണവും നിറവും കിട്ടുമത്രേ. ലാബ് പരിശോധനയിൽ പോലും തട്ടിപ്പ് കണ്ടെത്താനാകില്ലെന്നും കച്ചവടക്കാർ പറയുന്നു. കൊളളലാഭം മാത്രം ലക്ഷ്യമിട്ടാണ് വെളിച്ചെണ്ണ വിപണിയിലെ കച്ചവടക്കാർ  വ്യാജനെ ആശ്രയിക്കുന്നത്. ആട്ടിയെടുക്കുന്ന നല്ല 

വെളിച്ചെണ്ണ ഒരു കിലോ ഇരുന്നൂറ് രൂപയ്ക്ക് മുകളിലാണ് വിലയെങ്കിൽ

വ്യാജ എണ്ണയുടെ വില 80-85 രൂപയാണ്

അതായത് വെളിച്ചെണ്ണയെന്ന പേരിൽ പാക്ക് ചെയ്ത് വിവിധ ബ്രാന്റുകളിൽ 

വിപണിയിലിറക്കിയാൽ കിലോ ഒന്നിന് കിട്ടുന്ന ലാഭം 40മുതൽ 80 രൂപയിലേറെയാണ്.വെളിച്ചെണ്ണയിൽ മാത്രമല്ല. നല്ലെണ്ണയിലും, സൂര്യകാന്തി എണ്ണയിലും വ്യാജ എണ്ണ 

ചേർത്തുളള ഈ തട്ടിപ്പ് വ്യാപകമാണ്. ജില്ലയിൽ പ്രചാരത്തിലുളള ഏറിയ പങ്ക് പാക്കറ്റ് എണ്ണയിലും ഈ കൃത്രിമം നടക്കുന്നുണ്ടെന്നും കച്ചവടക്കാർ പറയുന്നു.

@ വെളിച്ചെണ്ണ വിപണിയിൽ നിരവധി രൂപത്തിലും ഭാവത്തിലും വ്യാജ എണ്ണ

ജനങ്ങളുടെ വെളിച്ചെണ്ണ പ്രിയം മുതലെടുപ്പ് നടത്തി കവറിലും കുപ്പിയിലും പ്രമുഖ ബ്രാന്റുകളുടെ പേരുകളിലും വിപണിയിൽ വ്യാജൻ ഉണ്ടെന്ന് കച്ചവടക്കാർ തന്നെ സമ്മതിക്കുന്നു. പൊരിപ്പ് കടകളിലേക്കും പലഹാരശാലകളിലുമാണ് വ്യാജഎണ്ണ വൻതോതിൽ വിറ്റഴിക്കുന്നത്. ഓണവിപണിയിൽ കച്ചവടത്തിനായി പ്രമുഖ ബ്രാന്റുകൾ തന്നെ വ്യാജനെയിറക്കുമെന്ന് കച്ചവടക്കാർ പറയുന്നു.ലക്ഷകണക്കിന് ലിറ്റർ വ്യാജഎണ്ണ ഇതിനായി ജില്ലയിലെത്തി കഴിഞ്ഞു ഇതിന്റെ വിതരണവും തുടങ്ങി കഴിഞ്ഞു.

@ കടകളിൽ ഭഷ്യ സുരക്ഷാവകുപ്പിന്റെ പരിശോധനയില്ലാത്തതാണ് വ്യാജ എണ്ണ കൂടുതലായി വിൽക്കുന്നതിന്റെ കാരണം. ജില്ലയിലെ ചെക്ക് പോസ്റ്റുകൾ വഴിയാണ് യാതൊരു രേഖകളും ഇല്ലാതെ വ്യാജ എണ്ണ കടത്തുന്നത്. കച്ചവടക്കാർ ലാഭം ലക്ഷ്യമിട്ട് കച്ചവടം ചെയ്യുമ്പോൾ പരിശോധനയിലൂടെ ഗുരുതരമായ ആരോഗ്യപ്രശ്നം സൃഷ്ടിക്കുന്ന വ്യാജഎണ്ണയ്ക്ക് തടയിടാൻ  സർക്കാർ സംവിധാനത്തിനും 

ഭഷ്യസുരക്ഷാവകുപ്പിനും കഴിയുന്നില്ല.