മുൻ മന്ത്രി പി.രവീന്ദ്രനെ തള്ളി ഇടത് മുന്നണി

ഹൈസ്കൂളിന് പേരിടീൽ 

മുൻ മന്ത്രി പി.രവീന്ദ്രനെ തള്ളി ഇടത് മുന്നണി 

ചാത്തന്നൂർ: കല്ലുവാതുക്കൽ പഞ്ചായത്ത് ഹൈസ്കൂളിന് മുൻ മന്ത്രി പി. രവീന്ദ്രന്റെ പേരിടുന്നതിൽ എതിർപ്പുമായി ഇടത് ഗ്രാമപഞ്ചായത്ത് അംഗങ്ങൾ. മുൻമന്ത്രി പി. രവീന്ദ്രന്റെ പേരിടണമെന്നുള്ള ജില്ലാ പഞ്ചായത്തിന്റെ നിർദ്ദേശം കല്ലുവാതുക്കൽ ഗ്രാമപഞ്ചായത്ത്‌ യോഗത്തിൽ ചർച്ച ചെയ്യുമ്പോൾ ആണ് ഇടത് മുന്നണിയിലെ സിപിഎം സിപിഐ അംഗങ്ങൾ ശക്തമായ എതിർപ്പ് ഉയർത്തി രംഗതെത്തിയത്.

ദീർഘകാലം ചാത്തന്നൂർ എം എൽ എയും മന്ത്രിയുമായിരുന്ന പീ രവീന്ദ്രന്റെ പേരിടുന്നതിന് മുഖ്യമന്ത്രിയ്ക്കും വിദ്യാഭ്യാസ മന്ത്രിയ്ക്കും നാട്ടുകാർ നിവേദനം നൽകിയിരുന്നു ഇതിന്റെ അടിസ്ഥാനത്തിൽ നടന്ന ചർച്ചയിലാണ് ഇടത് മുന്നണിയുടെ ജനപ്രതിനിധികൾ എതിർത്തത്.കല്ലുവാതുക്കൽ പഞ്ചായത്ത്‌ ഹൈസ്കൂളിന്റെ വികസനത്തിന് നിർണ്ണായക പങ്കു വഹിച്ചിട്ടുള്ള സിപിഐയുടെ തലമുതിർന്ന നേതാവിന്റെ പേര് കൊടുക്കുന്നതിൽ എതിർത്തതിൽ മുൻപന്തിയിൽ സിപിഐയുടെ പാർലമെന്ററി പാർട്ടി ലീഡർ കൂടിയായ വേളമാനൂർ നിന്നുള്ള അംഗമായ ചന്ദ്രിക എതിർത്തത് സിപിഐ കേന്ദ്രങ്ങളിൽ അമ്പരപ്പുണ്ടായിരിക്കുകയാണ് മറ്റ് സിപിഐ അംഗങ്ങൾ ഒന്നും മിണ്ടാതെ ചർച്ചയിൽ പങ്കെടുക്കാൻ മാറി നിന്നപ്പോൾ സിപിഎം അംഗങ്ങൾ ഒറ്റ കെട്ടായി നിർദ്ദേശത്തെ എതിർക്കുകയായിരുന്നു.മുഖ്യമന്ത്രിയുടെയും വിദ്യാഭ്യാസ മന്ത്രിയുടെയും നിർദ്ദേശപ്രകാരം 

പൊതു വിദ്യാഭ്യാസ സെക്രട്ടറി കൊല്ലം ഡി ഡി ഒ യ്ക്ക് നിർ ദേശം നൽകി ജില്ലാ പഞ്ചായത്ത് അനുകൂല തീരുമാനം നൽകിയ നിർദേശം കല്ലുവാതുക്കൽ ഗ്രാമപഞ്ചായത്ത്‌ കമ്മിറ്റി ഏകപക്ഷിയ തീരുമാനത്തിൽ തള്ളി എല്ലാ അംഗങ്ങളും നിർദ്ദേശത്തെ എതിർത്തതോടെ ഇപ്പോഴത്തെ പേര് നിലനിർത്തണമെന്ന പഞ്ചായത്ത്‌ പ്രസിഡന്റ്‌ എസ്. സുധീപയുടെ നിർദ്ദേശം പഞ്ചായത്ത്‌ കമ്മിറ്റി അംഗീകരിക്കുകയായിരുന്നു.