മത്സ്യ വാഹനങ്ങൾ കൂട്ടിയിടിച്ച് മറിഞ്ഞു :മത്സ്യ വ്യാപാരി മരിച്ചു

 മത്സ്യ വാഹനങ്ങൾ കൂട്ടിയിടിച്ച് 

മറിഞ്ഞു :മത്സ്യ വ്യാപാരി മരിച്ചു

ചാത്തന്നൂർ : ദേശീയ പാതയിൽ കല്ലുവാതുക്കൽ പഞ്ചായത്ത് ഹൈങ്കുളിന് സമീപം മത്സ്യം കയറ്റിപ്പോയ വാഹനങ്ങൾ കൂട്ടിയിടിച്ച് ഒരു വാഹനം മറിഞ്ഞു. മറിഞ്ഞ വാഹനത്തിലെ ഒരു യാത്രക്കാരൻ മരിച്ചു. കരുനാഗപ്പള്ളികുലശേഖരപുരം തടായിൽ പടി റ്റതിൽ വീട്ടിൽ അബദ്ദുൽ അസീസാ (45) ണ് മരിച്ചത്. ഇരുവാഹനങ്ങളിലെയും 

ഡ്രൈവർമാരെ പരിക്കുകളോടെ പാരിപ്പള്ളി ഗവ. മെഡിക്കൽ കോളേജ് ആശുപത്രിയിൽ പ്രവേശിപ്പിച്ചു.

പുലർച്ചേ അഞ്ചരയോടെയായിരുന്നു അപകടം. കൊല്ലത്തുനിന്നും തിരുവനന്തപുരം ഭാഗത്തേയ്ക്ക് പോവുകയായിരുന്ന മീൻ കയറ്റിയ ഗുഡ്സ് വാനും എതിരെ വന്ന വിഴിഞ്ഞത്തു നിന്നും കരുനാഗപ്പള്ളിയിലേയ്ക്ക് പോയ എയ്സ് മിനി ഗുഡ്സ് വാനും കൂട്ടിയിടിക്കുകയായിരുന്നു. ഇടിയുടെ ആഘാതത്തിൽ മിനി ഗുഡ്സ് വാൻ മറിഞ്ഞു. അതിലുണ്ടായിരുന്ന അബ്ദുൽ അസീസ് വാഹനത്തിനടിയിൽപ്പെട്ടു പോയി. പാരിപ്പള്ളി, ചാത്തന്നൂർ എന്നിവിടങ്ങളിൽ നിന്നും പോലീസും പരവൂർ ഫയർ സ്റ്റേഷനിലെ സിവിൽ ഡിഫൻസ് അംഗങ്ങളും സ്ഥലത്തെത്തിയാണ് രക്ഷാപ്രവർത്തനം നടത്തിയത് .

വണ്ടി ഉയർത്തി അസീസിനെ പുറത്തെടുത്ത് പാരിപ്പള്ളി ഗവ. മെഡിക്കൽകോളേജിലെത്തിച്ചെങ്കിലും മരണം സംഭവിച്ചിരുന്നു. തലയ്ക്ക് ഏറ്റ പരിക്കാണ് മരണകാരണമായതു്. അപകടത്തെ തുടർന്ന് ഏറെ നേരം ദേശീയ പാതയിലെ ഗതാഗതം സ്തംഭിച്ചു. മറിഞ്ഞ വാഹനം മാറ്റിയ ശേഷമാണ് ഗതാഗതം പുനസ്ഥാപിച്ചത്.

കരുനാഗപ്പള്ളി പുതിയകാവ് മാർക്കറ്റിലെ മത്സ്യ വ്യാപാരിയായിരുന്നു മരിച്ച അബ്ദുൽ അസീസ് വിഴിഞ്ഞത്തു പോയി മത്സ്യവുമെടുത്ത് മടങ്ങുമ്പോഴായിരുന്നു അപകടം. ഭാര്യ സബിയത്ത് . മക്കൾ : സുമയ്യ, സുറുമി . മരുമക്കൾ: ഷാനവാസ്, ഷാൻ. പാരിപ്പള്ളി പോലീസ് കേസ്സെടുത്തു.