ഹിന്ദുത്വമാണ് ശരി

ഒരിയ്ക്കൽ, ഹിന്ദുധർമ്മത്തെ പൊതുവെ മോശമായി കാണുന്ന ഒരു 'മതേതര' ചിന്താഗതിക്കാരിയായ ഒരു പത്രപ്രവർത്തക സ്വാമി ചിന്മയാനന്ദജിയോട് ചോദിച്ചു:

ചോദ്യം: "ഇസ്ലാമിന്റെ സ്ഥാപകൻ ആരാണ്?"

സ്വാമി -ഉത്തരം: മുഹമ്മദ് നബി.

ചോദ്യം: ക്രിസ്തുമതത്തിന്റെ സ്ഥാപകൻ ആരാണ്?

ഉത്തരം: യേശു ക്രിസ്തു.

ചോദ്യം: ഹിന്ദുമതത്തിന്റെ സ്ഥാപകൻ ആരാണ്?

സ്വാമി നിശബ്ദനായി..

പത്രപ്രവർത്തക സ്വാമിജിയ്ക്ക് ഉത്തരമില്ലെന്ന് കരുതി, തെല്ലു പരിഹാസത്തോടെ തുടർന്നു: "സ്ഥാപകനില്ല, അതിനാൽ ഹിന്ദുമതത്തിന് നാഥനില്ല. അപ്പോൾ ഹിന്ദുമതം ഒരു മതമോ ധർമ്മമോ അല്ല അല്ലേ സ്വാമിജി"

അപ്പോൾ, സ്വാമിജി പറഞ്ഞു: "നിങ്ങൾ പറഞ്ഞത് ശരിയാണ്..!!"

ഹിന്ദുത്വം നിങ്ങൾ ഉദ്ദേശിയ്ക്കുന്ന രീതിൽ ഒരു മതമല്ല. അതൊരു ശാസ്ത്രമാണ്.

അവൾക്ക് അത് മനസ്സിലായില്ല.

സ്വാമിജി അവളോട് ചില ചോദ്യങ്ങൾ കൂടി ചോദിച്ചു.

ചോദ്യം: "ഭൗതികശാസ്ത്രത്തിന്റെ സ്ഥാപകൻ ആരാണ്?"

ഉത്തരം: "ആരുമില്ല."

ചോദ്യം: രസതന്ത്രത്തിന്റെ സ്ഥാപകൻ ആരാണ്?"

ഉത്തരം: "ആരുമില്ല."

ചോദ്യം: "ജീവശാസ്ത്രത്തിന്റെ സ്ഥാപകൻ ആരാണ്?"

ഉത്തരം: "കൃത്യമായി ആരുമില്ല."

"അനേകം വ്യക്തികൾ, കാലാകാലങ്ങളിൽ, ഏതൊരു ശാസ്ത്രത്തിന്റെയും അറിവിന്റെ സമ്പത്തിന് സംഭാവന നൽകി."

സ്വാമിജി തുടർന്നു: "ഹിന്ദുധർമ്മം എന്നത് ആയിരക്കണക്കിന് വർഷങ്ങളായി വികസിപ്പിച്ചെടുത്ത, വികസിച്ചു കൊണ്ടിരിയ്ക്കുന്ന ആദിയും അന്ത്യവും എഴുതി വെയ്ക്കപ്പെടാത്ത മാനവരാശിയ്ക്കൊപ്പം തന്നെ വളർന്നു കൊണ്ടിരിയ്ക്കുന്ന ഒരു ശാസ്ത്രമാണ്, അവരുടെ സ്വന്തം ഗവേഷണങ്ങളിലൂടെയും അനുഭവങ്ങളിലൂടെയും സമൂഹത്തിന് ശരിയായ ദിശാബോധം നൽകുന്നതിനായി അനേകായിരം സന്യാസിമാരും ഋഷിമാരും അതിനു അവരുടേതായ സംഭാവന ചെയ്തിട്ടുണ്ട് ഇന്നും അത് സംഭവിച്ചു കൊണ്ടേയിരിയ്ക്കുന്നു അതിനിയും അങ്ങനെ തന്നെ തുടരുകയും ചെയ്യും."

"ഇസ്ലാമിന് ഒരു ഗ്രന്ഥമേയുള്ളു -ഖുറാൻ."

"ക്രിസ്ത്യാനിറ്റിയ്ക്ക് ഒരു പുസ്തകമേ ഉള്ളൂ -ബൈബിൾ."

"എന്നാൽ ഹിന്ദുധർമ്മത്തിന്, ഞാൻ നിങ്ങളെ ഒരു ലൈബ്രറിയിൽ കൊണ്ടു പോയി വിലപ്പെട്ട ആയിരക്കണക്കിന് പുസ്തകങ്ങളും ഗ്രന്ഥങ്ങളും കാണിയ്ക്കാം."

"കാരണം അത് ഉള്ളിൽനിന്നും ലഭിയ്ക്കുന്ന അറിവാണ്. അതിൽ നിരന്തരം അറിവിന്റെ നാമ്പുകൾ പുതിതായി പൊട്ടിമുളച്ചു കൊണ്ടേയിരിയ്ക്കുന്നു. അത് അറിവിന്റെ അന്വേഷണത്തിന്റെ മനനം ചെയ്യലിന്റെ നിലയ്ക്കാത്ത ഒരു പ്രവാഹമാണ്.. ആ അർത്ഥത്തിൽ ഹിന്ദുധർമ്മം തികച്ചും ശാസ്ത്രീയമാണ്- സനാതന ധർമ്മം- "ആദിയും അന്ത്യവും എഴുതിച്ചേർക്കാൻ കഴിയാത്ത ആകാശം പോലെയാണ്.. അതൊരു കിണർ അല്ല എന്നെങ്കിലും ആദ്യം മനസ്സിലാക്കുക..