മാസ്റ്റർ കണ്ണൂർ സ്വദേശിയാണ്‌. കണ്ണൂരിൽ കൈത്തറി മേഖലയിൽ മാസ്റ്റർ ആയി ജോലി ചെയ്തു വരവേ
1979ലാണ് ചാത്തന്നൂരിലെ
കാരംകോട് ചിന്റക്സിൽ മാസ്റ്ററായി മുൻ മന്ത്രി പി. രവീന്ദ്രന്റെ പ്രതേക താത്പര്യപ്രകാരം എത്തുന്നത്.തുടർന്ന് കൊല്ലത്തിന്റെ കൈത്തറി രംഗത്ത് ആയിരകണക്കിന് തൊഴിലാളികളെ തൊഴിൽ പഠിപ്പിച്ചു കൊണ്ട് കൈത്തറി രംഗത്തിന് മികച്ച സംഭാവന നൽകിയ അദ്ദേഹം തൊഴിലാളികളുടെ മാസ്റ്റർ മാറുകയായിരുന്നു മാസ്റ്റർ ആയിരിക്കുന്ന സമയത്ത് തന്നെ തൊഴിലാളികളുടെ അവകാശങ്ങൾക്ക് വേണ്ടി നിരന്തരമായ പോരാട്ടവും നടത്തിയിരുന്നു മുൻ മന്ത്രിമാരായ പി. രവീന്ദ്രൻ, സി. വി. പത്മരാജൻ, സുശീലഗോപാലൻ തുടങ്ങി
നിരവധി മന്ത്രിമാരുമായി അടുത്ത ബന്ധം പുലർത്തിയിരുന്ന മാസ്റ്റർ കൈത്തറി വ്യവസായ രംഗത്ത് തനതായ വ്യക്തിമുദ്ര പതിപ്പിച്ചു കൊണ്ട് കൈത്തറി വ്യവസായം അന്യം നിന്ന് പോകാതിരിക്കാനുള്ള അശ്രാന്ത പരിശ്രമത്തിലായിറുന്നു.ഒരു ചെറിയ കൈത്തറി സംഘത്തിന്റെ സെക്രട്ടറിയും മാസ്റ്ററുമായി ഇരുന്ന് കൊണ്ട് ജില്ലയിലെങ്ങും ഓടി നടന്ന് തൊഴിലാളികളെ പഠിപ്പിക്കുകയും സെമിനാറുകളിൽ ക്ലാസ് എടുക്കുമായിരുന്നു. വ്യവസായ വകുപ്പിൽ നിന്നും എത്തുന്ന
ഉദ്യോഗസ്ഥരുടെ മുഖത്ത് നോക്കി
തറികളുടെ ഹൃദയമിടിപ്പ് അറിഞ്ഞിട്ടുണ്ടോ, ആ ശബ്ദം കേട്ടിട്ടുണ്ടോ ? കേൾക്കാത്തവർ
ഞങ്ങളെ ഭരിക്കാൻ വരരുത്
എന്ന് മുഖത്ത് നോക്കി പറഞ്ഞിരുന്ന മാസ്റ്റർ തറികളുടെ ഹൃദയമിടിപ്പാണ്കൈ ത്തറി വസ്ത്രത്തിലേക്ക് പകർത്തുന്നത് എന്ന് ഉദ്യോഗസ്ഥരെ പറഞ്ഞു പഠിപ്പിച്ച മാസ്റ്ററുടെ ശിഷ്യഗണത്തിൽ വ്യവസായ വകുപ്പിലെ ഉദ്യോഗസ്ഥരും ഉണ്ടായിരുന്നു.കൈത്തറി വ്യവസായത്തെ സംരക്ഷിക്കാൻ ജീവിതം ഒഴിഞ്ഞു വച്ച മാസ്റ്റർ യാത്രയാകുമ്പോൾ പുതിയൊരു തലമുറയിന്നി ഇ രംഗത്തില്ലായെന്ന സത്യം ഉൾകൊണ്ട് മുന്നേറാൻ ശ്രമിക്കുകയാണ് ചിൻ്റക്സിലെ തൊഴിലാളികൾ.
No comments:
Post a Comment