ഹൈന്ദവ ആചാരനുഷ്ടാങ്ങൾ ഏകീകൃതമാക്കാനും സംഘടനയെ ശക്തമാക്കാനും എൻ എസ് എസ് നേത്രത്വയോഗം തീരുമാനിച്ചു.

ചാത്തന്നൂർ: ഹൈന്ദവ ആചാരനുഷ്ടാങ്ങൾ ഏകീകൃതമാക്കാനും സംഘടനയെ ശക്തമാക്കാനും എൻ എസ് എസ് നേത്രത്വയോഗം തീരുമാനിച്ചു.

 ചാത്തന്നൂർ താലൂക്ക് എൻ.എസ്.എസ് കരയോഗ യൂണിയനിലെ 80 കരയോഗങ്ങളുടെയും, വനിതാസമാജങ്ങളുടെയും പ്രസിഡന്റ് സെക്രട്ടറിമാരെ പങ്കെടുപ്പിച്ചുകൊണ്ടുള്ള താലൂക്ക് തല ഔദ്യോഗിക ഭാരവാഹികളുടെ നേതൃയോഗമാണ് തീരുമാനമെടുത്തത്. ഇന്നലെ 

രാവിലെ 10 ന് ആചാര്യസ്മൃതിമണ്ഡപത്തിലും,ചട്ടമ്പിസ്വാമിസ്മൃതിമണ്ഡലത്തിലും,ഭദ്രദീപം തെളിയിച്ച് പുഷ്പാർച്ചനയോടെ യൂണിയൻ പ്രസിഡന്റ് ചാത്തന്നൂർമുരളിയുടെ അധ്യക്ഷതയിൽ നേതൃയോഗം ആരംഭിച്ചു. യോഗത്തിലാണ് 

വിവാഹ മരണാനന്തരചടങ്ങുകൾ താലൂക്ക് തലത്തി ഏകീകരണ സ്വഭാവത്തിൽ 80 കരയോഗങ്ങളിലും നടത്തുന്നതിനും അതിന് ജൂൺമാസം കരയോഗ സന്ദർശനം നടത്തി കരയോഗ അംഗങ്ങളുടെ അഭിപ്രായം കൂടി ഉൾപ്പെടുത്തി പ്രിന്റ് ചെയ്ത്  ഓരോ കരയോഗത്തിനും നൽകുവാനും യോഗം തീരുമാനിച്ചു. കൂടാതെ മംഗളകർമ്മങ്ങളിൽ ചടങ്ങ് തുടങ്ങുന്നതിനുമുമ്പ് ആചാര്യന്റെ ഫോട്ടോ വേദിയിൽ വച്ച് മാലചാർത്തി പുഷ്പാർച്ചന നടത്തുന്നതിനും തീരുമാനിച്ചു. കോവിഡ് 19 മൂലം കഴിഞ്ഞ രണ്ടര  വർഷക്കാലമായി സംഘടനാപ്രവർത്തനത്തിൽ ഉണ്ടായ കാര്യക്ഷമത കുറവ് മാറ്റിയെടുത്ത് കരയോഗ-വനിതാസമാജം - ബാലസമാജം ഭരണ സമിതികളിൽ കാലാവധി കഴിഞ്ഞ് പുനസംഘടിപ്പിച്ച് കരയോഗ തലത്തിൽ സംഘടനാപ്രവർത്തനം കാര്യക്ഷമമാക്കാനും, അതുവഴി താലൂക്ക് വനിതാ യൂണിയൻ, ബാലസമാജ യൂണിയൻ പുന സംഘടിപ്പിക്കാനും തീരുമാനിച്ചു.ഓരോ വിഭാഗത്തിന്റെയും വാർഷികകണക്കുകൾ ആഡിറ്റ് ചെയ്യുന്നതിനും കരയോഗങ്ങളിൽ പ്രവർത്തിക്കുന്ന 413 വനിതാ സ്വയംസഹായ സംഘങ്ങളുടെ തെരഞ്ഞെടുപ്പ് നടത്താനും അവരുടെ കണക്കുകൾ മെയ് മാസം ആഡിറ്റ് ചെയ്ത് പൂർത്തീകരിക്കുന്നതിനും വനിതാ സ്വയം സഹായ സംഘത്തിലെ വനിതകളിൽ തൊഴിൽ സംരംഭങ്ങൾ ആരംഭിക്കാൻ താല്പര്യം ഉള്ളവരെ കണ്ടെത്തി പുരുഷന്മാരുടെയും വനിതകളുടെയും സംരംഭകത്വ ഗ്രൂപ്പുകൾ വഴി വിവിധ ചെറുകിട വ്യവസായങ്ങൾ ആരംഭിച്ച് സാമ്പത്തിക നേട്ടമുണ്ടാക്കി സാമ്പത്തികഭദ്രത സമുദായങ്ങൾക്കിടയിൽ കൈവരിക്കുന്നതിനും ഉള്ള പദ്ധതികൾ നടപ്പിലാക്കാൻ തീരുമാനിച്ചു. യൂണിയൻ വൈസ് പ്രസിഡന്റ്‌ പരവൂർ മോഹൻദാസ് സ്വാഗതം പറഞ്ഞ യോഗത്തിൽ യൂണിയൻ സെക്രട്ടറി റ്റി. അരവിന്ദാക്ഷൻ പിള്ള സംഘടനാ കാര്യങ്ങൾ വിശദീകരിക്കുകയും എൻ.എസ്.എസ് ഇൻസ്പെക്ടർ എസ്. ശ്രീജിത്ത് യോഗത്തിന് കൃതജ്ഞത പറയുകയും ചെയ്തു യോഗത്തിൽ യൂണിയൻ ഭരണസമിതി അംഗങ്ങൾ, എൻ.എസ്.എസ് പ്രതിനിധിസഭാ അംഗങ്ങൾ, എം. എസ്. എസ്.എസ് കോഡിനേറ്റേഴ്‌സ് , എല്ലാ കരയോഗ-വനിതാ സമാജങ്ങളിൽ നിന്നും പ്രസിഡന്റ്, സെക്രട്ടറിമാർ എന്നിവർ പങ്കെടുത്തു.

ഫോട്ടോ:എൻ എസ് എസ് താലൂക്ക് യൂണിയൻ നേത്രത്വ യോഗം യൂണിയൻ പ്രസിഡന്റ്‌ ചാത്തന്നൂർ മുരളി ഉത്ഘാടനം ചെയ്യുന്നു