ദേശിയപാതയോരത്ത് അപകടഭീഷണിയുയർത്തി മുറിച്ചിട്ട മരങ്ങൾ നടപടിയെടുക്കാതെ അധികൃതർ

ചാത്തന്നൂർ: ദേശിയപാതയോരത്ത് അപകടഭീഷണിയുയർത്തി മുറിച്ചിട്ട മരങ്ങൾ നടപടിയെടുക്കാതെ അധികൃതർ. ദേശീയപാതയോരത്തും ദേശിയപാത വികസനത്തിന് വേണ്ടിയും ഏറ്റെടുത്ത സ്ഥലത്തും നിൽക്കുന്ന മുറിക്കുന്ന പടുകൂറ്റൻ മരങ്ങളാണ്  റോഡ് സൈഡിൽ കിടക്കുന്നത് ഇതിൽ തട്ടിയാണ് ചെറുതും വലുതുമായ വാഹനങ്ങൾ മറിഞ്ഞു അപകടം ഉണ്ടാവുന്നത്. മുറിക്കുന്ന മരങ്ങൾ യഥാസമയം മാറ്റാതെ റോഡ് സൈഡിൽ ഉപേക്ഷിച്ചു വീണ്ടും മരങ്ങൾ മുറിക്കുകയാണ് കരാറുകാർ ചെയ്യുന്നത്. കഴിഞ്ഞ ഒരാഴ്ചയായി നിരന്തരം അപകടങ്ങൾ ഉണ്ടായിട്ടും അധികൃതർ തിരിഞ്ഞു നോക്കിയിട്ടില്ല. ഇന്നലെ രാവിലെ ലോഡുമായി തിരുവനന്തപുരം ഭാഗത്തേക്ക് പിക്ക് അപ് വാൻ അപകടത്തിൽപ്പെട്ടതാണ് അവസാനത്തെ സംഭവം. രാത്രിയിൽ ദേശീയപാത അന്ധകാരത്തിലാണ് റോഡ് സൈഡിൽ കൂടി പോകുന്ന ഇരുചക്രവാഹന യാത്രകാർക്ക് റോഡ് സൈഡിൽ കിടക്കുന്ന മരചില്ലകൾ കാണാൻ പറ്റാതെ അപകടത്തിൽപ്പെടുകയാണ്. നാട്ടുകാർ നിരവധി പരാതികൾ ദേശീയപാത അധികൃതർക്ക്‌ നൽകിയിട്ടും നടപടിയുണ്ടാവുന്നില്ലായെന്ന് നാട്ടുകാർ ആരോപിക്കുന്നു. അടിയന്തിരമായി റോഡ് സൈഡിൽ കിടക്കുന്ന മരങ്ങൾ മാറ്റി അപകടം ഒഴിവാക്കണമെന്നാണ് നാട്ടുകാരുടെ ആവശ്യം.

ഫോട്ടോ: അപകടത്തിൽപ്പെട്ട പിക് അപ് വാൻ

ഫോട്ടോ: മരചില്ലകൾ റോഡിൽ കിടക്കുന്നു