തെരുവ് നായകളും പേപ്പട്ടിയും ജനം ഭീതിയിൽ
ചാത്തന്നൂർ: ചാത്തന്നൂർ കെ എസ്സ് ആർ ടി സി ഡിപ്പോയിലും പരിസരത്തും പേപ്പട്ടിയും തെരുവ് നായ ശല്യവും ജനം ഭീതിയിൽ.ഇന്നലെ രാവിലെ 11മണിയോടെയാണ് ട്രഷറിയ്ക്ക് വേണ്ടി പണിയുന്ന കെട്ടിടത്തിലെ അന്യസംസ്ഥാന തൊഴിലാളിയെ പേപ്പട്ടി
കടിച്ചതിന് ശേഷം കെ എസ് ആർ ടി സി ഡിപ്പോയിലെ തെരുവ് നായ്കളെ കടിച്ചത് ഇതിനിടെ ഡിപ്പോയിലെ വർക്ക്‌ഷോപ്പിലേക്ക് ഓടികയറി ജീവനക്കാരെ കടിക്കാൻ ശ്രമിക്കുന്നതിനിടെ പേപ്പട്ടിയാണെന്ന് മനസിലാക്കിയ നാട്ടുകാർ പിന്നാല വന്ന് തല്ലികൊല്ലുകയായിരുന്നു. നിരവധി തെരുവ് നായ്ക്കൾക്കും വളർത്ത് മൃഗങ്ങൾക്കും കടിയേറ്റു.മുൻപും നിരവധി തവണ തെരുവ് നായ്ക്കളുടെയും പേപ്പട്ടിയുടെയും
ആക്രമണത്തിൽ നിരവധി പേർക്ക് കടിയേൽക്കുകയും വളർത്ത് മൃഗങ്ങൾ പേയിളകി മരിക്കുകയും ചെയ്തിട്ടും അധികൃതർക്ക് നിസംഗതയാണ് എന്നാണ് നാട്ടുകാരുടെ പരാതി.നിയമസാങ്കേതികത്വത്തിന്റെ പേരിലാണ് അധികൃതർ യാതൊരു നടപടിയും കൈകൊള്ളാത്തത്.പലയിടത്തും ഭീഷണിയുയർത്തുന്ന പേപ്പട്ടികളെ കൊല്ലുന്നതിനോ പേപിഷ ബാധയേറ്റ വളർത്തു മൃഗങ്ങളെ ഇല്ലായ്മ ചെയ്യുന്നതിനോ യാതൊരു നടപടിയും സർക്കാർ ഭാഗത്ത് നിന്നും ഉണ്ടാവുന്നില്ല.പേ പിടിച്ച മൃഗങ്ങൾ സ്വയം ചാവുമെന്നും അത് വരെ പരിപാലിക്കണമെന്നുമാണ് മൃഗ. സംരക്ഷണ വകുപ്പ് അധികൃതർ പറയുന്നത്.എന്നാൽ പേ പിടിച്ചു അലഞ്ഞു തിരിഞ്ഞു നടക്കുന്ന നായ്ക്കളെയും മൃഗങ്ങളെയും ആരാണ് സംരക്ഷിക്കേണ്ടത് എന്നാണ് നാട്ടുകാർ ചോദിക്കുന്നത്.കെ എസ് ആർ ടി സി ഡിപ്പോയ്ക്കുള്ളിലെ പത്തോളം വരുന്ന തെരുവ് നായ്ക്കൾക്ക് ഇന്നലെ കടിയേറ്റിട്ടും ഡിപ്പോ അധികൃതർ യാതൊരു നടപടിയും സ്വീകരിക്കാതെ മൗനം പാലിക്കുകയാണ് പഞ്ചായത്തിന്റെയോ മൃഗ സംരക്ഷണവകുപ്പിന്റെയോ അധികൃതർ തിരിഞ്ഞു നോക്കിയിട്ടില്ല എന്ന് ജീവനക്കാർ ആരോപിക്കുന്നു
നിരവധി തെരുവ് നായ്ക്കൾക്ക് പേപ്പടിയുടെ കടിയേറ്റിട്ടും അധികൃതർ ശ്രദ്ധിച്ചില്ലെങ്കിൽ യാത്രക്കാർക്കും ജീവനക്കാർക്കും ഭീഷണിയാകുമെന്ന് തൊഴിലാളികൾ ആരോപിക്കുന്നു.
തെരുവ് നായ ശല്യം രൂക്ഷമായതിനാൽ നിരവധി തവണ കെ എസ് ടി ഇ എസ് (ബി എം എസ്.) നേതൃത്വത്തിൽ കെ എസ് ആർ ടി സി അധികൃതർക്ക് പരാതി സമർപ്പിച്ചെങ്കിലും നാളിതുവരെ നടപടി സ്വീകരിച്ചിട്ടില്ല അടിയന്തിരമായി കെ എസ് ആർ ടി സി ഡിപ്പോയിലെ തെരുവ് നായ ശല്യത്തിന് പരിഹാരം ഉണ്ടാക്കി ഡിപ്പോയിലെ ജീവനകാർക്കും യാത്രകാർക്കും സുരക്ഷിതത്വം ഉറപ്പാക്കണമെന്ന് ബി എം എസ് തൊഴിലാളികൾ ആവശ്യപ്പെട്ടു.
No comments:
Post a Comment