ചാത്തന്നൂർ: കോയിപ്പാട് ഗവ എൽ പി എസിൽ വായനോത്സവത്തിന്റെയും വിശപ്പുരഹിത വിദ്യാലയത്തിന്റെയും ഉദ്ഘാടനം ജി എസ് ജയലാൽ എം എൽ എ നിർവഹിച്ചു. 2023-24 അധ്യയന വർഷത്തെ ഒന്നാം ടേം കഴിയുമ്പോൾ ഒന്നു മുതൽ നാലു വരെ ക്ലാസുകളിലെ കുട്ടികൾ ഓരോ വിഷയങ്ങളിലും ഏത് നിലവാരത്തിൽ എത്തുമെന്നും അവയ്ക്കായി ഒരുക്കുന്ന പ്രവർത്തനങ്ങളും ഉൾപ്പെടുന്ന അക്കാദമിക മാസ്റ്റർ പ്ലാനുകളുടെ നിർവഹണോദ്ഘാടനം പഞ്ചായത്ത് പ്രസിഡണ്ട് ടി ദിജു നിർവഹിച്ചു. തുടർന്ന് അധ്യാപകർ, രക്ഷിതാക്കൾക്കളുടെയും പൊതുസമൂഹത്തിന്റെയും മുന്നിൽ പ്രവർത്തന വിശദാംശം അവതരിപ്പിച്ചു. കോയിപ്പാട് എൽ പി എസിനെ വിശപ്പില്ലാ വിദ്യാലയമാക്കിക്കൊണ്ട് മുഴുവൻ കുട്ടികൾക്കും പ്രഭാത ഭക്ഷണം ഒരുക്കാൻ സാമ്പത്തിക സഹായം നൽകുന്നത് സ്മൃതികളിൽ ചാത്തന്നൂർ എസ് എൻ കോളേജ് എന്ന പൂർവവിദ്യാർത്ഥി കൂട്ടായ്മയാണ്. വായനോത്സവത്തിന്റെ ഭാഗമായി നടക്കുന്ന പുസ്തകസമാഹരണ യജ്ഞത്തിൽ പങ്കു ചേർന്നു കൊണ്ട് വിദ്യാലയ പിന്തുണാ സമിതി അംഗം സുരേഷ് 50 ലേറെ പുസ്തകങ്ങൾ സ്കൂൾ ലൈബ്രറിക്ക് നൽകി. പരിപാടിയിൽ പ്രഥമാധ്യാപിക കനകലത എസ്, വാർഡ് മെമ്പർ ഷൈനി ജോയ് , അധ്യാപകരായ സൈജ എസ്, പ്രേമലത, നിധി കൃഷ്ണൻ, ലേജു എസ്, രാജശേഖരൻ, സ്മൃതികളിൽ ചാത്തന്നൂർ എസ് എൻ കോളേജ് പ്രതിനിധികളായ അജിൻ ജോൺസൻ, ഷിബു മനോഹർ വികസനസമിതി ചെയർമാൻ മോഹൻലാൽ എന്നിവർ നേതൃത്വം നൽകി.
ഫോട്ടോ: വിശപ്പുരഹിത വിദ്യാലയ പ്രഖ്യാപനത്തിന്റെ ഭാഗമായുള്ള ധനസഹായം "സ്മൃതികളിൽ ചാത്തന്നൂർ എസ് എൻ കോളേജ്" ചെയർപേഴ്സൺ
അജിൻ ജോൺസൻ നൽകുന്നു.
No comments:
Post a Comment