@ എങ്ങനെ ശേഖരിക്കും വീടുകളിലെ മെഡിക്കൽ മാലിന്യം
കൊല്ലം : വീടുകളിൽനിന്ന് ബയോമെഡിക്കൽ മാലിന്യം ശേഖരിച്ച് സംസ്കരിക്കാൻ പദ്ധതിയില്ലാത്തത് മൂലം തെരുവോരങ്ങളിൽ മെഡിക്കൽ മാലിന്യം കുന്ന് കൂടുന്നു. ഗുരുതരമായ ആരോഗ്യഭീഷണി ഉയർത്തുന്ന ഇൻസുലീൻ സിറിഞ്ചു അടക്കമുള്ള മെഡിക്കൽ മാലിന്യമാണ് റോഡ് സൈഡിൽ ഉപേക്ഷിക്കുന്നത്.
നിലവിൽ സിറിഞ്ച്, കോട്ടൺ, ഡയപ്പർ, സാനിറ്ററി നാപ്കിൻ എന്നിവ പ്ലാസ്റ്റിക് മാലിന്യത്തിനൊപ്പമാണ് വീടുകളിൽനിന്ന് ഒഴിവാക്കുന്നത്. വീട്ടുവളപ്പിൽ കത്തിക്കുന്നവരുമുണ്ട്. കിടപ്പുരോഗികളുള്ള വീടുകളിലും ഫ്ളാറ്റുകളിലും മെഡിക്കൽ മാലിന്യം ശേഖരിക്കാൻ നിലവിൽ ശാസ്ത്രീയമായ സംവിധാനവും ഇല്ല
മെഡിക്കൽ മാലിന്യങ്ങൾ നിശ്ചിത സമയത്തിൽ കൂടുതൽ ശേഖരിച്ചുവെക്കാൻ സാധിക്കില്ല എന്ന്
മാത്രമല്ല തദ്ദേശ സ്വയം ഭരണ സ്ഥാപനങ്ങളിൽ നിലവിൽ ഇത്തരം സംഭരണ സംവിധാനങ്ങളുമില്ല.
ഹരിതസേന വഴി മെഡിക്കൽ മാലിന്യം ശേഖരിച്ചാൽ തന്നെ ശേഖരിക്കുന്ന മാലിന്യം താത്‌കാലികമായി എവിടെ സൂക്ഷിക്കുമെന്നകാര്യത്തിൽ വ്യക്തതവേണമെന്നാണ് തദേശസ്വയം ഭരണ സ്ഥാപനങ്ങളുടെ ആവശ്യം.
മെഡിക്കൽ മാലിന്യം സംമ്പരിക്കാനും സംസ്കരണം നടത്തുവാനും
സംവിധാനം വേണമെന്നാണ്
തദേശസ്വയം ഭരണ സ്ഥാപനങ്ങളുടെ
ആവശ്യം. എല്ലാ ദിവസവും മാലിന്യമെടുത്ത് ശേഖരണകേന്ദ്രങ്ങളിൽ എത്തിക്കുന്നതിനും പ്രായോഗിക ബുദ്ധിമുട്ടുകളുണ്ട്. അങ്ങനെ ശേഖരിച്ചാൽ തന്നെ ഇതിന് പ്രത്യേക ഫീസ് ഈടാക്കണോ എന്നതിലും സർക്കാർ നിർദേശം വന്നിട്ടില്ല. അത് കൊണ്ട് തന്നെ മെഡിക്കൽ മാ
ലിന്യം സംഭരിക്കാൻ തദേശ സ്വയം ഭരണ സ്ഥാപനങ്ങൾ മുന്നോട്ട് വരുന്നതുമില്ല.മെഡിക്കൽ മാലിന്യം സംഭരിച്ചാൽ തന്നെ
പ്രത്യേകം യൂസർ ഫീ പിരിക്കാമെന്ന നിലപാടാണ് തദേശ സ്വയം ഭരണസ്ഥാപനങ്ങൾക്കുള്ളത്.
മെഡിക്കൽ മാലിന്യം സംസ്കരിക്കാനുള്ള ആധുനിക പ്ലാന്റുകൾ ജില്ലകൾ തോറും ഉണ്ടാക്കണമെന്ന ആവശ്യമാണ് ഉയരുന്നത്.
No comments:
Post a Comment