വിദ്യാലയങ്ങൾതുറന്നതോടെ യാത്ര ദുരിതത്തിലായി ഗ്രാമീണ മേഖലകളിലെ വിദ്യാർഥികൾ.

പരവൂർ : വിദ്യാലയങ്ങൾ

തുറന്നതോടെ യാത്ര ദുരിതത്തിലായി ഗ്രാമീണ മേഖലകളിലെ വിദ്യാർഥികൾ.

ചിറക്കര പഞ്ചായത്തിലെ 

 വിവിധ ഭാഗങ്ങളിലാണ് യാത്രാക്ലേശം രൂക്ഷമായത് ബസുകൾ ഇല്ലാത്തതിനാൽ വിദ്യാർഥികൾ സ്കൂളുകളിലേക്കും തിരിച്ച് വീട്ടിലും എത്താൻ ഏറെ വൈകുന്നതായി രക്ഷിതാക്കൾ പറയുന്നു. ഗ്രാമീണ മേഖലകളിൽ നിന്ന് നഗരങ്ങളിലെ വിദ്യാഭ്യാസ സ്ഥാപനങ്ങളിലേക്ക് പോകുന്ന വിദ്യാർഥികളാണ് ബസില്ലാത്തതിനാൽ പ്രയാസപ്പെടുന്നത്.

ചിറക്കര പഞ്ചായത്തിലെ 

 നൂറുകണക്കിന് വിദ്യാർഥികൾ

കൊല്ലം, കൊട്ടിയം, ആറ്റിങ്ങൽ തുടങ്ങിയ സ്ഥലങ്ങളിലെ കോളേജുകളിലും

ചാത്തന്നൂർ, നെടുങ്ങോലം പരവൂർ 

പാരിപ്പള്ളി തുടങ്ങിയ സ്ഥലങ്ങളിലെ 

വിദ്യാഭ്യാസ സ്ഥാപനങ്ങളിലാണ് പഠിക്കുന്നത്. ദിവസേന പോയി വരുന്ന ഇവർ അതിരാവിലെ വീട്ടിൽ നിന്നിറങ്ങിയാൽ സന്ധ്യ കഴിഞ്ഞാണ് തിരിച്ചെത്തുന്നത്. ഇതു വീട്ടുകാരെയും 

അധ്യാപകരെയും ഒരേപോലെ ആശങ്കയിലാഴ്ത്തുന്നു.

കെ എസ് ആർ ടി സി 

ബസ് ഇല്ല ഉള്ളതോ നിർത്തി

പൊതുവേ ബസ് സൗകര്യം കുറവുള്ള

ചിറക്കര പഞ്ചായത്തുകാർ ആശ്രയിക്കുന്നത് പ്രൈവറ്റ് ബസുകളെയാണ് 

 വിവിധ ഭാഗങ്ങളിൽ നിന്നുള്ള പ്രൈവറ്റ് ബസുകൾ പലതും 

കൊവിഡിനെ തുടർന്നു പല ബസുകളും സർവീസ് നിർത്തിയിരുന്നു. ചുരുങ്ങിയ ബസുകൾ മാത്രമാണ് ഈ റൂട്ടിൽ സർവീസ് നടത്തുന്നത് അത് കൊണ്ട് തന്നെ ചിറക്കര പഞ്ചായത്തിൽ 

നിന്നുള്ള യാത്ര  ക്ലേശകരമാണ്.

@ പൂതക്കുളത്തുകാർ നടന്ന് മടുത്തു.

പൂതക്കുളത്ത് നിന്നും വിദ്യാർത്ഥികൾ നടക്കുകയാണ് ബസ് സർവീസ് സമയാസമയം ഉള്ളത് പരവൂർ -ചാത്തന്നൂർ റോഡിൽ മാത്രമാണ്

പൂതക്കുളം പഞ്ചായത്തിലെ 

 ഉൾപ്രദേശങ്ങളിൽ കെഎസ്ആർടിസി ബസുകൾ ഇല്ലാത്തതും 

 സ്വകാര്യ-  ബസുകളുടെ സർവീസുകൾ കുറവായതും വിദ്യാർഥികൾ ഉൾപ്പെടെയുള്ള യാത്രക്കാരെ ബാധിക്കുന്നു. ഈ പ്രദേശങ്ങളിലേക്ക് കെഎസ്ആർസി-സ്വകാര്യ ബസുകൾ അനുവദിക്കാൻ ആവശ്യമായ നടപടി വേണമെന്നു ആവശ്യപ്പെട്ട് കലക്ടർ, ആർടിഒ ഉൾപ്പെടെയുള്ളവർക്കു

വർഷാ വർഷം നിവേദനം നൽകിയിട്ടും സർക്കാർ സംവിധാനം അനങ്ങാപാറ നയത്തിലാണ് എല്ലാം അറിയുന്ന എം എൽ എ അടക്കമുള്ള ജനപ്രതിനിധികൾ ഇതൊന്നും കണ്ടിട്ടും കേട്ടിട്ടും ഇല്ല.കലയ്‌ക്കോട് നെല്ലേറ്റിൽ ഊന്നിൻമൂട്, പൂതക്കുളം വിവിധ സ്ഥലങ്ങളിലേക്ക് 

 നേരത്തെ സർവീസ് നടത്തിയിരുന്ന സ്വകാര്യ ബസുകൾ ഓട്ടം നിർത്തിയതോടെതാണ് യാത്രദുരിതം ഉണ്ടാവാൻ കാരണം.

പൂതക്കുളം ഗവ.ഹയർ സെക്കൻഡറി സ്കൂൾ, ചെമ്പകശേരി ഹയർ സെക്കന്ററി എന്നിവടങ്ങളിൽ നിന്നും യാത്ര ദുരിതം മൂലം വിദ്യാർത്ഥികൾ ഇവിടേക്ക് വരാൻ മടിക്കുകയാണ് 

ബസിന്റെ ചവിടുപ്പടിയിൽ നിന്നാണ് വിദ്യാർഥിനികൾ ഉൾപ്പെടെയുള്ളവർ യാത്ര ചെയ്യുന്നത്. ഇതു അപകടത്തിനിടയാക്കുമെന്ന ആശങ്കയുണ്ട്.കൊറോണയ്ക്ക് മുൻപ് സർവീസ് നടത്തിയ ബസുകൾ പുന:സ്ഥാപിച്ചു കൊണ്ടും കെ. എസ് ആർ ടി സി ബസുകൾ സ്കൂൾ സമയത്ത് കൂടുതലായി സർവീസ് നടത്തിയും വിദ്യാർത്ഥികളുടെ യാത്ര ദുരിതത്തിന് പരിഹാരം ഉണ്ടാക്കണമെന്ന ആവശ്യം ശക്തമാണ്.