പ്രതിനിധികൾ വിമർശനവുമായി
പാരമ്പരാഗത സിപിഐക്കാർ.
കാര്യസാധനത്തിനായി
മറ്റ് പാർട്ടികളിൽ നിന്നും വന്നവർ അകത്തും പാരമ്പരാഗത സിപിഐ കുടുംബങ്ങൾ പുറത്തുമെന്ന്
ആരോപണമുയർത്തി പ്രതിനിധികൾ.
ഗ്രൂപ്പ്‌ ചർച്ചയിലാണ് സിപിഐയിലെ പ്രതിനിധികൾ വെറും ആൾക്കൂട്ടമെന്ന ആരോപണമുയർത്തി നെടുങ്ങോലത്ത് നിന്നുള്ള പ്രതിനിധികൾ രംഗതെത്തിയത്. കമ്മ്യുണിസ്റ്റ് പാരമ്പര്യമുള്ളവർ പാർട്ടി വിടേണ്ട അവസ്ഥയിലാണ് മണ്ഡലം സമ്മേളന പ്രതിനിധികളായി എത്തിയവരുടെ രാക്ഷ്ട്രീയ പാരമ്പര്യം പരിശോധന നടത്താൻ നേതാക്കൾ തയ്യാറാകണമെന്നും നെടുങ്ങോലത്തു നിന്നുള്ള പ്രതിനിധി രൂക്ഷമായി വിമർശിച്ചു. പ്രതിനിധികളെ കുത്തികയറ്റി മണ്ഡലം പിടിക്കാൻ ഇരുപക്ഷവും ശ്രമങ്ങൾ നടത്തവേ മുതിർന്ന പാർട്ടി അംഗത്തിന്റെ ആരോപണം ഉയർന്നത്. കമ്മ്യുണിസ്റ്റ് പാരമ്പര്യം അറിയുന്നവർ ആയിരിക്കണം പാർട്ടിയെ നയിക്കേണ്ടത് ജനസേവനത്തിന് പകരം വ്യാജരസീത് അടിച്ചു പിരിക്കുന്നവർ ആയിരിക്കാരുത് പാർട്ടിയെ നയിക്കേണ്ടത് തുടങ്ങിയുള്ള ആരോപണങ്ങളുമായി പ്രതിനിധികൾ ഗ്രൂപ്പ്‌ ചർച്ചയിൽ ആഞ്ഞടിച്ചതോടെ നേതാക്കൾ പലരും പ്രതിരോധത്തിലായി.
ജി.എസ്.ജയലാലിനെതിരെ സംഘടിത ആക്രമണമാണ് കാനംപക്ഷം അഴിച്ചുവിട്ടത്ത്.ചാത്തന്നൂർ നിയോജക മണ്ഡലത്തിൽ സിപിഐയ്ക്ക് വോട്ട് കുറഞ്ഞത് ജയലാലിന്റെ പ്രവർത്തന ശൈലി കൊണ്ടാണ് എന്ന് ഭൂരിപക്ഷം പ്രതിനിധികളും ആരോപണം ഉന്നയിച്ചതോടെ ജയലാൽ എം എൽ എയുംപ്രതിരോധത്തിലായി.സ്വന്തം ബൂത്തിൽ പോലും ജയലാലിന് ലീഡ് ചെയ്യനായില്ല ന്യുനപക്ഷങ്ങൾ സംഘടിതമായി വോട്ട് ചെയ്തത് കൊണ്ടാണ് ഇക്കുറി ജയിക്കാനായത് ഇല്ലെങ്കിൽ ബിജെപിയുടെ എം എൽ എ ചാത്തന്നൂർ നിന്നും ഉണ്ടാവുമായിരുന്നുവെന്ന് പ്രതിനിധികൾ ആരോപണം ഉയർത്തി ജയലാലിനെ പ്രതിരോധത്തിലാക്കി.കൂടാതെ ആശുപത്രിയിൽ നടക്കുന്ന ബിനാമി പണ ഇടപാടുകൾ സഹിതം രേഖമൂലം പ്രതിനിധികൾ ആരോപണം ഉന്നയിച്ചതോടെ പ്രതിരോധത്തിലായ ജയലാലിനെ രക്ഷിക്കാൻ മുതിർന്ന സിപിഐ പ്രവർത്തകർ രംഗതെത്തി.
ജയലാലിനെ വൈരാഗ്യബുദ്ധിയോടെയാണ്‌ പാർട്ടിയിൽ ബ്രാഞ്ച് സെക്രട്ടറി സ്ഥാനത്തേക്ക് തരംതാഴ്ത്തിയത് എന്ന് ജയലാലിനെ അനുകൂലിക്കുന്നവർ വാദിച്ചു. വാദപ്രതിപാദങ്ങൾക്കിടയിൽ സമയത്തിന്റെ പേരിൽ ചർച്ചകൾ പിന്നീട് ആകാമെന്ന് ജില്ലാ സെക്രട്ടറി അറിയിച്ചതോടെ ഗ്രൂപ്പ്‌ ചർച്ച പൂർത്തിയാക്കി സംഘടനാ ചർച്ചയിലേക്ക് വഴിതിരിച്ചുവിട്ടു.
No comments:
Post a Comment