ചില മനുഷ്യരുണ്ട്, അവരെ നമുക്ക് മാർജ്ജാരജന്മങ്ങൾ എന്നു വിളിക്കാം

ചില മനുഷ്യരുണ്ട്, അവരെ നമുക്ക് മാർജ്ജാരജന്മങ്ങൾ എന്നു വിളിക്കാം ....... കാരണം ഒരു പൂച്ച എലിയെ തട്ടിക്കളിക്കും പോലെ മനുഷ്യ ജന്മങ്ങളെ തട്ടിക്കളിക്കുന്നവർ.........

       മറ്റുള്ളവരുടെ നിഷ്കളങ്കത മുതലെടുക്കുന്നവരാണ് ഇക്കൂട്ടർ !!! സ്നേഹമെന്ന നാട്യത്തിലൂടെ മുതലെടുപ്പ് നടത്തുന്നവർ.......

       അവർക്കുള്ളത് വെറും സ്വാർത്ഥ താല്പര്യങ്ങളാണെന്നത് മറ്റു പാവപ്പെട്ടവർ ഒരിക്കലും തിരിച്ചറിയുന്നില്ല എന്നതാണ് ഇവരുടെ വിജയവും....... ഒരാളിൽ മുതലെടുപ്പ് കഴിഞ്ഞാൽ അവരെ നിഷ്ക്കരുണം തള്ളിക്കളഞ്ഞ് അടുത്ത ഇരയെ തേടിപോകുന്ന ഉള്ളിൽ മനസാക്ഷി വറ്റി വരണ്ട മാർജ്ജാര വംശജർ .......

        അവർ തങ്ങളുടെ ഇരയെ പെട്ടന്നു കൈവിട്ടു കളയാതെ മാക്സിമം പ്രയോജനപ്പെടുത്താൻ ശ്രമിക്കുന്നവരാണ്........ ഇക്കൂട്ടരിൽ നിന്നു രക്ഷപ്പെടാൻ ശ്രമിച്ചാലും വല നെയ്ത് ഇരിക്കുന്ന ചിലന്തിയെ പോലെ ആ വലയ്ള്ളിൽ നിന്നു രക്ഷപ്പെട്ടു പോകാതിരിക്കാൻ മാക്സിമം ശ്രമിക്കും... കൈയ്യിൽ നിന്നും പോകും എന്നു മനസ്സിലാകുമ്പോൾ കൂടുതൽ പഞ്ചാരവാക്കുകളുമായി തന്നിൽ തന്നെ കെട്ടിയിടാൻ ശ്രമിക്കുന്നതോടൊപ്പം മറ്റി രകളേയും വലയ്ക്കുള്ളിലാക്കും.......

       ഇത്തരക്കാരിൽ നിന്നും രക്ഷനേടാൻ ഏറ്റവും നല്ല ആയുധം മൗനമാണ് .....!!! അവരുമായി ഒരു സംസാരത്തിനുള്ള അവസരം കൊടുക്കാതെ മാറി മാറി പോകുക ...... കാരണം അവരെ കേൾക്കാൻ നിങ്ങൾ പോയാൽ പല നുണകൾ വീണ്ടും വീണ്ടും പറഞ്ഞു അവർ നിങ്ങളെ കെട്ടിയിടും ...... ഈ വലകളിൽ വീണു പോകുന്നവരുടെ മനസ്സ് മാർജ്ജാരൻ്റെ കൈകളിൽ അകപ്പെട്ട എലിയുടേതാകും !!! രക്ഷപ്പെട്ടു പോകുകയും വേണം, എന്നാൽ ആ വഴികൾ അടയ്ക്കപ്പെടുകയും ചെയ്യും, പ്രാണവേദനയോടെ എന്തു ചെയ്യണം, ഏതു ചെയ്യണം എന്നറിയാതെ കളിപ്പാട്ടം പോലെ തളർന്നു വീണു കൊടുക്കേണ്ടി വരും.......

        നിങ്ങൾ അകപ്പെട്ടിരിക്കുന്നത് ഇത്തരം മാർജ്ജാര വംശകൻ്റെ അടുത്താണെന്നു ഉറപ്പായാൽ പിന്നൊന്നും ചിന്തിക്കാൻ നില്ക്കരുത്, രക്ഷപ്പെട്ടോണം അതിനായി നിങ്ങൾ മുറിവുകൾ കൂടുതൽ ഏല്ക്കാത്ത മാർഗ്ഗമായ മൗനം, അവോയ്ഡ് തുടങ്ങിയ സുരക്ഷിതമായ മാർഗ്ഗങ്ങൾ തിരഞ്ഞെടുക്കണം...... ഇന്നത്തെ കാലഘട്ടം എന്നല്ല, എല്ലാ കാലഘട്ടത്തിലും ഇത്തരം ആൾക്കാർ ഉണ്ടാകും.!!! എപ്പോഴും സുരക്ഷിതരായി ഇരിക്കാൻ മറക്കാതിരിക്കുക ......