പച്ചക്കറി വില കുത്തനെ ഉയരുന്നു വിപണിയിൽ ഇടപെടാതെ സർക്കാർ സംവിധാനങ്ങൾ.

കൊല്ലം : പച്ചക്കറി വില കുത്തനെ ഉയരുന്നു വിപണിയിൽ ഇടപെടാതെ സർക്കാർ സംവിധാനങ്ങൾ. ഏറ്റവും കൂടുതൽ വില വർദ്ധിച്ചത് മുരിങ്ങക്കയ്ക്കാണ്. 80 രൂപയിൽ നിന്നു 200 രൂപയിലേക്കെത്തി. ഇപ്പോൾ ഉത്തരേന്ത്യൻ സംസ്ഥാനങ്ങളിൽ നിന്നുമുള്ല മുരിങ്ങയാണ് കൂടുതലായും കിട്ടുന്നത്. തണുപ്പ് തുടങ്ങിയാൽ ഇതിന്റെയും വരവ് കുറയും. നാടൻ മുരിങ്ങക്ക എത്തിത്തുടങ്ങിയാൽ കയറിയതുപോലെ വില താഴും. ചെറിയ സവാളയുടെ വില കിലോഗ്രാമിനു 40 രൂപയും പൂനെയിൽ നിന്നെത്തിക്കുന്ന വലുപ്പമുള്ല സവാളയുടെ വില 80 രൂപയുമാണ്. ഉയർന്ന വില കൊടുത്താലും നല്ല സ‌വാള കിട്ടാനുമില്ല. ഇഞ്ചിവില നൂറു കടന്നു. കഴിഞ്ഞമാസം ആദ്യം 40 രൂപയുണ്ടായിരുന്ന ബീറ്റ്റൂട്ടിന് 60-70 രൂപയാണു വില. ബീറ്റ്റൂട്ടിന് ഇത്രയും വില കൂടുന്നത് ഇതാദ്യമാണ്. 55 രൂപയായിരുന്ന തേങ്ങയ്ക്ക് ഇപ്പോൾ 64 രൂപയായി. തേങ്ങാവില കൂടിയത്തോടെ വെളിച്ചെണ്ണയുടെ വിലയും കൂടുന്നുണ്ട്. കാബേജ്, വെണ്ടയ്ക്ക, തക്കാളി, കോവയ്ക്ക, ബീൻസ്, പയർ, മത്തങ്ങ, പടവലം എന്നിവയ്ക്ക് മൊത്തവിപണിയിൽ കാര്യമായ തോതിൽ വില വർദ്ധിച്ചിട്ടില്ലങ്കിലും ചെറുകിട വ്യാപാരികൾ തോന്നിയ വിലയാണ് ഈടാക്കുന്നത്.

@ മഴ വില്ലനായി

കേരളത്തിലേക്ക് പച്ചക്കറികൾ എത്തുന്ന തമിഴ്‌നാട്ടിലും കർണാടകയിലും കാലം തെറ്റി പെയ്ത മഴയാണ് റെക്കോഡ് വിലക്കയറ്റത്തിനു കാരണമായതെന്ന് പച്ചക്കറി 

വ്യാപാരികൾ പറയുന്നു. പല പച്ചക്കറികൾക്കും ഒരാഴ്ചകൊണ്ട് 10 മുതൽ 50 രൂപവരെയാണ് വർദ്ധിച്ചത്. മണ്ഡലകാലമായതിനാൽ ഇത് അയ്യപ്പ തീർത്ഥാടകർക്കും വൻ തിരിച്ചടിയായി. മണ്ഡല മകരവിളക്കു കാലത്ത് സാധാരണ പച്ചക്കറികൾക്ക് വില ഉയരാറുണ്ടെങ്കിലും ഇത്രയും ഉയരുന്നത് സമീപകാലത്ത് ആദ്യമാണ്. ഓണക്കാലത്തിനു സമാനമായ വില വർദ്ധനവാണ് ഇപ്പോൾ ഉണ്ടായിരിക്കുന്നത്. 

@  ഏത്തപ്പഴ വിലയും മുകളിലേക്ക്

ഏത്തപ്പഴത്തിൻറെ വിലയും ഉയരുകയാണ്. വില കിലോഗ്രാമിന് 70 - 75 - 80 രൂപവരെയാണ് നിലവിൽ വിപണി വില. 45- 50 രൂപയായിരുന്നു അടുത്തിടെ വില പെ

പെട്ടെന്നാണ് വില ഉയർന്നത്. പഴത്തിനൊപ്പം പച്ചക്കായയുടെ വിലയും ഉയർന്നിട്ടുണ്ട്. 35 രൂപയിൽ നിന്ന് 50 രൂപയിലെത്തി.

@ പച്ചക്കറി വില നിലവാരം 

സവാള വലുത് 69

ചുവന്നുള്ളി 69 

ഇഞ്ചി 95-100

ബീൻസ് 60

വെണ്ട 50

കാരറ്റ് 98

ബീറ്റ്റൂട്ട് 80

തക്കാളി 60

പച്ചമുളക് -87

അമരക്ക -79

പാവയ്ക്ക 70

കാബേജ് 53

കോവയ്ക്ക 66