ചാത്തന്നൂർ : ദേശീയപാത നിർമ്മാണവുമായി ബന്ധപ്പെട്ട് ഒരു വർഷത്തിലധികമായി ജപ്പാൻ കുടിവെള്ള പദ്ധതിയുടെ
പൈപ്പ് ലൈൻ സ്ഥാപിക്കുന്നതിന് വേണ്ടി വെട്ടിപ്പൊളിച്ച് നിർമ്മാണപ്രവർത്തികൾ പൂർത്തിയാക്കാതെ തകർന്ന് കിടക്കുന്ന
ജെ എസ് എം ജംഗഷൻ
കോഷ്ണകാവ് റോഡ് ഗതാഗത യോഗ്യമാക്കണമെന്ന ആവശ്യം ശക്തമാകുന്നു.കൊല്ലം -തിരുവനന്തപുരം ദേശിയപാതയിൽ നിന്നും
കോഷ്ണകാവ് ക്ഷേത്രം, ജയന്തി കോളനി, മലയാറ്റികോണം, ഇടനാട്, മരക്കുളം, കവണ പള്ളി കോളനി എന്നീ പ്രദേശങ്ങളിലേക്കുള്ള പ്രധാന റോഡാണിത്. ദേശിയപാത നിർമ്മാണവുമായി ബന്ധപ്പെട്ട് ജലഅതോറിറ്റി ജപ്പാൻ കുടിവെള്ള പദ്ധതിയുടെ പൈപ്പ് സ്ഥാപിക്കുന്നതിന് വേണ്ടിയാണ് ഒരു റോഡ് വെട്ടിപൊളിച്ചു പൈപ്പ് സ്ഥാപിച്ചത് ആറു മാസത്തോളം റോഡിൽ പൈപ്പ് സ്ഥാപിക്കുന്ന നിർമ്മാണപ്രവർത്തികൾക്കായി റോഡ് അടച്ചിട്ടു നിർമ്മാണപ്രവർത്തികൾ പൂർത്തിയായിട്ടും റോഡിന്റെ ടാറിങ് നടപടികൾ തുടങ്ങിയിട്ടില്ല. പൊതുമരാമത്ത് വകുപ്പ് വകുപ്പ് ദേശിയപാത അതോറിറ്റിയുമായി ഇ റോഡ് നിർമ്മാണത്തിനായി കരാർ ഉണ്ടാക്കിയെങ്കിലും ദേശിയപാത കരാർ എടുത്തിട്ടുള്ള നിർമ്മാണ കമ്പനി
കരാർ പ്രകാരം പണി തുടങ്ങാത്തത് മൂലം ജനങ്ങൾ ബുദ്ധിമുട്ട് അനുഭവിക്കുകയാണ്‌.കുത്തനെയുള്ള കയറ്റമുള്ള ഇവിടെ വാഹനങ്ങൾക്ക് പോകാൻ കഴിയാത്ത വിധം തകർന്ന് കിടക്കുകയാണ്. ദേശിയപാതയുടെ
നിർമ്മാണവുമായി ബന്ധപ്പെട്ട്
പ്രധാന ജങ്ഷനുകളിലെയടക്കം ചെറുതും വലുതുമായ
പോക്കറ്റ് റോഡുകൾ മുഴുവനും തകർന്ന് സഞ്ചാരയോഗ്യമല്ലാതായി കിടക്കുകയാണ് കുത്തനെയുള്ള ഇറക്കവും കയറ്റവും ഇ റോഡുകൾ എല്ലാം അടിയന്തിരമായി അറ്റകുറ്റപണികൾ നടത്തണമെന്ന ആവശ്യം ശക്തമാകുകയാണ്‌.
ഫോട്ടോ :പൊട്ടിപൊളിഞ്ഞു കിടക്കുന്ന ജെ എസ് എം ജംഗഷൻ -കോഷ്ണകാവ് റോഡ്.
No comments:
Post a Comment