2015ൽ ഷേഖ് ഹസീന ബംഗ്ലാദേശിൽ പ്രധാനമന്ത്രിയായിരുന്നപ്പോൾ
ബംഗ്ലാദേശ് വിട്ട് അമേരിക്കയിൽ ഇദ്ദേഹം അഭയം
തേടുകയായിരുന്നു. രാഹുൽ ഗാന്ധിയുമായി സെൽഫി എടുത്ത മുഷ്
ഫികുൾ ഫസൽ അൻസാരി യുഎസ് പ്രസിഡൻറിന്റെ
ഔദ്യോഗികവസതിയായ വൈറ്റ് ഹൗസിൽ അരവിന്ദ്
കെജ്രിവാളിന്റെ അറസ്റ്റിനെതിരെ ചോദ്യം ചോദിച്ച
മാധ്യമപ്രവർത്തകൻ കൂടിയാണ്. യുഎസ് പ്രതിരോധ വകുപ്പിന്റെ
സെക്രട്ടറിയോടാണ് മോദിയെ പ്രതിരോധത്തിലാക്കാനുദ്ദേശിച്ച് മുഷ്
ഫികുൾ ഫസൽ അൻസാരി ഈ ചോദ്യം ചോദിച്ചത്.
മുഷ് ഫികുൾ ഫസൽ അൻസാരി ഖാലിദ സിയയുടെ പാർട്ടിയായ ബംഗ്ലാദേശ് നാഷണൽ പാർട്ടിയുടെ (ബിഎൻപി) പ്രതിനിധിയായാണ് വിലയിരുത്തപ്പെടുന്നത്. ഷേഖ് ഹസീനയും യുഎസും ചേർന്ന് സെൻറ് മാർട്ടിൻ ദ്വീപ് പിടിച്ചെടുക്കാൻ പോകുന്നു എന്ന ഒരു ചോദ്യം ഷേഖ് ഹസീന പ്രധാനമന്ത്രിയായിരുന്ന സമയത്ത് മുഷ് ഫികുൾ ഫസൽ അൻസാരി യുഎസ് പ്രതിരോധ വകുപ്പ് പ്രതിനിധിയോട് ചോദിച്ചത് വലിയ വിവാദമായിരുന്നു. ഷേഖ് ഹസീനയ്ക്കെതിരെ ജനങ്ങൾക്കിടയിൽ ഭീതിപരത്തും വിധം നുണകൾ പ്രചരിപ്പിക്കുകയാണ് മുഷ് ഫികുൾ ഫസൽ അൻസാരിയുടെ ലക്ഷ്യം. ഇത്തരം നുണകളാണ് ജമാ അത്തെ ഇസ്ലാമി ഉൾപ്പെടെയുള്ള ശക്തികൾ ഷേഖ് ഹസീനയ്ക്കെതിരെ കലാപം ഉണ്ടാക്കുന്നതിന് ഒരു കാരണം. ഈ മാധ്യമപ്രവർത്തകനൊപ്പമാണ് രാഹുൽ ഗാന്ധി യുഎസിൽ സൗഹൃദം പങ്കുവെച്ചതെന്നതിനർത്ഥം ഇന്ത്യാവിരുദ്ധ ശക്തികളുമായി രാഹുൽ ഗാന്ധി കൈകോർക്കുന്നു എന്ന് തന്നെയാണ്.
യുഎസിലെ ജനപ്രതിനിധിയും പാകിസ്ഥാൻ രഹസ്യപങ്കാളിയുമായി ഇൽഹാൻ ഒമറിനെയും രാഹുൽ ഗാന്ധി കണ്ടിരുന്നു. പാകിസ്ഥാൻ്റെ നിർദേശപ്രകാരം പാക് അധീന കശ്മീർ സന്ദർശിച്ച് ഇന്ത്യയിൽ വലിയ കോളിളക്കമുണ്ടാക്കിയ ഇന്ത്യാ വിരുദ്ധ
നേതാവാണ് ഇൽഹാൻ ഒമർ. മുസ്ലിം ബ്രദർഹുഡ് എന്ന തീവ്രവാദി സംഘടനയുടെയും പാകിസ്ഥാൻ ചാരസംഘടനയായ ഐഎസ് ഐയുടെയും അടുത്തയാളാണ് ഇൽഹാൻ ഒമർ.ഖലിസ്ഥാൻ വാദികളെ ആഹ്ളാദിപ്പിക്കുന്ന തരത്തിൽ ഇന്ത്യയിൽ സിഖുകാർക്ക് തലപ്പാവും ഖഡയും (പരമ്പരാഗത വള) ധരിച്ച് ഗുരുദ്വാരകളിൽ പോകാൻ കഴിയുന്നില്ലെന്ന നുണ രാഹുൽ ഗാന്ധി യുഎസിൽ പ്രചരിപ്പിച്ചതിന് പിന്നിലെ ലക്ഷ്യം ഖലിസ്ഥാൻ വാദികളെ കലാപത്തിന് പ്രേരിപ്പിക്കുക എന്നത് തന്നെയാണ്. മോദി സർക്കാരിനെ അട്ടിമറിക്കാൻ ഉതകുന്ന വിധത്തിൽ ഒരു കലാപം സൃഷ്ടിക്കാൻ രാജ്യവിരുദ്ധ ശക്തികളെ പ്രേരിപ്പിക്കുക തന്നെയായിരുന്നു രാഹുൽ ഗാന്ധിയുടെ യുഎസ് സന്ദർശനത്തിന്റെ ലക്ഷ്യം.
No comments:
Post a Comment