@ ബി എം എസ് ജില്ലയിൽ വിശ്വകർമ്മദിനാചരണം നടത്തി.
രാഷ്ട്രത്തിന്റെ മഹത്തായ പുനർനിർമ്മാണ പ്രക്രിയയിൽ പങ്കാളിത്തം വഹിക്കുക എന്നുള്ള മഹത്തായ ലക്ഷ്യത്തോടെയുള്ള പ്രയാണത്തിൽ ഓരോ തൊഴിലാളിയുടേയും ചിന്തയിലും മനസ്സിലും പ്രവർത്തനത്തിലും സ്വപ്‌നത്തിലും ഒരു പ്രഭാപൂരിതമായ സാമൂഹ്യവ്യവസ്ഥയുണ്ടാക്കാനുള്ള പ്രവർത്തനത്തിന് വിശ്വ കർമ്മ ജയന്തി പ്രേരണാദായകമാവണമെന്ന ആഹ്വാനത്തോടെ
1955 ജൂലൈ 23 ന് ഭോപ്പാലിൽ രൂപീകരിച്ചു 70 വർഷം പിന്നിടുന്ന ബി എം എസിന്റെ നേതൃത്വത്തിൽ നടന്ന വിശ്വകർമ്മ ദിനാചരണം ജില്ലയിലെ 17മേഖല സമിതികളുടെ നേതൃത്വത്തിൽ വിപുലമായ പരിപാടികളോടെ ആഘോഷിച്ചു. മേഖലസമിതികളുടെയും പഞ്ചായത്ത്‌ യൂണിറ്റ് കമ്മിറ്റികളുടെ നേതൃത്വത്തിൽ
പ്രകടനങ്ങളും പൊതുസമ്മേളനങ്ങളും ബൈക്ക് റാലികളും നടത്തി രാവിലെ എട്ട് മണിയോടെ യൂണിറ്റ് തലങ്ങളിൽ പതാക ഉയർത്തി വിശ്വകർമ്മാവിന്റെ ഛായചിത്രത്തിൽ മാലയിട്ട് പുഷ്പാർച്ചന നടത്തി വിളക്ക് തെളിയിച്ചു കൊണ്ടാണ് പരിപാടികൾക്ക് തുടക്കമായത്. യൂണിറ്റ് തലങ്ങളിൽ പായസവിതരണവും പ്രാർത്ഥനയോഗങ്ങളും നടത്തി.ജില്ലാ സെക്രട്ടറി സനൽ പുത്തൂർ മേഖലയിൽ പങ്കെടുത്തു ജില്ലാ വൈസ് പ്രസിഡന്റ്‌ ആർ.അജയൻ കൊട്ടാരക്കര മേഖലയിലും
ഡി. എസ്. ഉണ്ണി ചാത്തന്നൂർ മേഖലയിലും
ജില്ലാ ട്രഷറർ സജീവ് കൊല്ലം ഈസ്റ്റ് മേഖലയിലും പങ്കെടുത്തു.
No comments:
Post a Comment