കമ്പടികളി പുറ്റിങ്ങലമ്മയുടെ ആചാരനുഷ്ടാങ്ങളിൽ പ്രധാനം

ലോകത്ത് ഏതൊരു ജനതയ്ക്കും സ്വന്തമെന്ന് അവകാശപ്പെടാവുന്ന പൗരാണികമായ കലാരൂപ പാരമ്പര്യമുണ്ട് . മനുഷ്യകുലത്തിന്റെ ഏതൊരു കലയും അനേകം നൂറ്റാണ്ടുകളിലൂടെ പൂർവികർ ചിട്ടപ്പെടുത്തിയതാണവ.അത് പോലെ

പരവൂരിന് സ്വന്തമെന്ന് അവകാശപ്പെടാവുന്ന ഗോത്ര കലാരൂപമാണ് കമ്പടികളി. ഒരേസമയം ഈശ്വര പൂജയും ജീവിത ആവിഷ്കാരവുമാണ് കമ്പടികളി. പരവൂരിലെ ക്ഷേത്രങ്ങളിലെ ആചാരനഷ്ടാനങ്ങളിൽ പ്രഥമസ്ഥാനമാണ് കമ്പടികളിക്ക് പുറ്റിങ്ങൽ ദേവി ക്ഷേത്രത്തിലും തൃക്കൊടിയേറ്റ് കർമ്മം നടന്നതിനെ തുടർന്ന് ആദ്യം നടന്ന കലാരൂപം കമ്പടികളിയാണ് അത് കൊണ്ട് തന്നെ 

പരവൂരിലെ പ്രാദേശിക കലാരൂപങ്ങളിൽ  പ്രഥമസ്ഥാനിയം കമ്പടികളിയാണ്‌ കോലാട്ടം എന്ന് പൂർവ്വ നാമത്തിൽ അറിയപ്പെട്ടിരുന്ന 

കമ്പടികളി ക്ഷേത്രങ്ങളിൽ ഉത്സവസമയത്ത് അവതരിപ്പിക്കുന്ന ദേവകലയാക്കി മാറി.

കൈത്തലങ്ങൾ കൂട്ടിയിടിച്ചു ശബ്ദമുണ്ടാക്കി വട്ടം ചുറ്റി കളിച്ച പ്രാചീന മനുഷ്യന്റെ അടുത്ത കണ്ട് പിടിത്തമായ കോൽക്കളി ലക്ഷകണക്കിന് വർഷങ്ങളെ അതിജീവിച്ചു ഇന്നും നിലനിൽക്കുന്നു.

പ്രതേകമായ ഒരു താളവാദ്യത്തിന്റെ സഹായമില്ലാതെ കമ്പുകൾ തട്ടികൂട്ടുന്നതിനിടയിൽ ഒഴിഞ്ഞും തിരിഞ്ഞും കുമ്പിട്ടും നൃത്തഭംഗി കലർത്താം. പുരുഷന്മാർക്കും സ്ത്രീകൾക്കും പ്രതേകമായും ഇടകലർന്നും കളിക്കാം. രാത്രിയും പകലും കളിക്കാം വേഷമുട്ടും അല്ലാതെയും കളിക്കാം.

പരവൂരിൽ ക്ഷേത്ര സംമ്പന്ധമായ ഒരു കലാപ്രകടനമെന്ന നിലയിൽ എല്ലാ കരകളിലും ഇത് വ്യാപിച്ചിരുന്നു.

പരവൂരിലെ മിക്കവാറും എല്ലാ കവികളും കമ്പടിപാട്ടുകൾ രചിച്ചിരുന്നു.അതനുസരിച്ചു കമ്പടികളിച്ച പ്രശസ്തരായ നിരവധി കലാകാരന്മാർ ഇവിടെയുണ്ടായിരുന്നു.

അതിൽ പ്രഥമ സ്ഥാനമാണ് 

പടിഞ്ഞാറ്റേ വീട്ടിൽ ശങ്കരനാരായണപിള്ളയും അദ്ദേഹത്തിന്റെ അനുജൻ പപ്പുപിള്ളയും. ഇവർ 

നിർമ്മിച്ച പാലാഴിമഥനവും സ്യമന്തകവും അതിന്റെ സാഹിത്യഗുണത്താൽ മെച്ചപ്പെട്ടവയാണ്. പരവൂരിലെ ആദ്യകാല കൃതികളിലെ ഗാനങ്ങൾ പലയിടങ്ങളിലും പ്രചരിച്ചിരുന്നു.

കുറുമണ്ടൽ കളരിയിൽ കാത്തോടി അയ്യപ്പൻ മൂപ്പർ ആദ്യകാല കമ്പടി കളിക്കാരിൽ പ്രശസ്തമായിരുന്നു. ഇദ്ദേഹം സംസ്‌കൃതഭാഷയിൽ പ്രാവിണ്യം നേടിയിരുന്നു.ഇദ്ദേഹത്തിന്റെ പുത്രൻ കൈതവിള കുറുമണ്ടൽ വീട്ടിൽ ഗോവിന്ദൻ മൂപ്പർ 77 വർഷം മുൻപ് തെക്കുംഭാഗം, കോങ്ങാൽ, പൊഴിക്കര,

കുറുമണ്ടൽ പ്രദേശങ്ങളിൽ ഭജനസമിതികൾ സംഘടിപ്പിച്ചിരുന്നതും. ഇദ്ദേഹത്തിന്റെ കുടുംബത്തിൽപ്പെട്ട തെക്കുംഭാഗം പനവിളവീട്ടിൽ നാണുവാശാൻ എന്ന് അറിയപ്പെട്ടിരുന്ന 

നാണുമൂപ്പർ  ധാരാളം കമ്പടിപാട്ടുകളും ഭജനപാട്ടുകളും എഴുതിയിരുന്നു. അവ ഇപ്പോഴും പ്രചാരത്തിലിരിക്കുന്നു.

കഥകളി വിദഗ്ദനും ആചാര്യനുമായിരുന്ന കൂനയിൽ കൊക്കാട്ട് നാരായണപിള്ള (1900-1970)പരവൂരിലെ കമ്പടികളിയിൽ പല പരിഷകാരങ്ങളും വരുത്തി അദ്ദേഹം ഒരു കമ്പടികളി ഭജനസമിതി രൂപീകരിക്കുകയും പരിഷകരിച്ച കമ്പടികളി പ്രകടനം പലയിടത്തും പ്രദർശിപ്പിക്കുകയും ചെയ്തു.ഇതേ സമയം തന്നെ നിരവധി കമ്പടി സമിതികൾ പരവൂരിൽ ഉണ്ടായിരുന്നു അതിൽ ഇന്നും നിലനിന്ന് പോകുന്ന കമ്പടികളി സമിതിയാണ് ചിറക്കര ഈശ്വരനാശാൻ നേതൃത്വം കൊടുത്തിരുന്ന കുറവന്റഴികം കാടിയാതി മഠം കേന്ദ്രീകരിച്ചുള്ള കമ്പടിസംഘം ഈശ്വരാനാശന് ശേഷം ബാബുവാശാനും ശേഷം ഇപ്പോഴത്തെ ഊരാളി മൂപ്പൻ മാധവനാശാൻ നേതൃത്വം കൊടുക്കുന്ന കുറവന്റെഴികം കാടിയാതി മഠത്തിന്റെ ഇപ്പോഴത്തെ പ്രസിഡന്റ്‌ സജി. വി. എസും സെക്രട്ടറി ഷിജുദേവനുമാണ്. ഇപ്പോൾ പരവൂരിലെ പല ക്ഷേത്രത്തിലും ഉത്സവത്തോടനുമ്പന്ധിച്ചു കമ്പടികളി നടത്തി വരുന്നു. ക്ഷേത്രങ്ങളിലെ ആചാരനുഷ്ടാങ്ങളിൽ പ്രഥമ സ്ഥാനം ഇപ്പോഴും കമ്പടികളിക്കു തന്നെയാണ്.

കാവുകളിലും അമ്പലങ്ങളിലും അനുഷ്ഠിച്ചു പോയിരുന്ന അനുഷ്ഠാനകലാരൂപമാണ് കമ്പടികളി. കണക്കനുസരിച്ചുള്ള പാട്ടും താളവും ചുവടുകളും ഒക്കെയുള്ള കമ്പടികളി അങ്ങേയറ്റം ശാസ്ത്രീയമായ കലാരൂപമാണ്.

ഫോട്ടോ: