സിപിഐ ലോക്കൽ സമ്മേളനങ്ങൾ തുടങ്ങുന്നു ചാത്തന്നൂരിൽ ചേരി തിരിഞ്ഞു ഇരുപക്ഷങ്ങളും

സിപിഐ ലോക്കൽ സമ്മേളനങ്ങൾ തുടങ്ങുന്നു ചാത്തന്നൂരിൽ ചേരി തിരിഞ്ഞു ഇരുപക്ഷങ്ങളും 

ചാത്തന്നൂർ: ബ്രാഞ്ച് സമ്മേളനങ്ങൾ പൂർത്തിയാക്കി സിപിഐ ലോക്കൽ സമ്മേളനങ്ങളിലേക്ക് നീങ്ങുമ്പോൾ ചാത്തന്നൂരിൽ വിഭാഗിയത കൂടുതൽ മറ നീക്കി പുറത്ത് വരികയാണ്. ജയലാൽ പക്ഷവും ജയലാൽ വിരുദ്ധ പക്ഷവും ആരോപണ പ്രത്യാരോപണങ്ങളുമായി പരസ്യമായി തന്നെ രംഗത്തുണ്ട്.

ആശുപത്രി കച്ചവടവുമായി ബന്ധപ്പെട്ട് 

ജയലാലിന് എതിരെ കൂടുതൽ ആരോപണങ്ങളുയർത്തി ജയലാലിന്റെ തട്ടകമായ കല്ലുവാതുക്കൽ പാരിപ്പള്ളി മേഖലയിൽ നിന്നു തന്നെയാണ് പടയൊരുക്കം നടത്തുന്നത്.

സഹകരണ സംഘത്തിന്റെ 

ഓഹരി മൂലധനം സമാഹരിക്കാൻ

നടത്തിയ വിദേശയാത്രയും 

ജയലാൽ തന്നെ  ചരട് വലിച്ചു  അനിരുദ്ധനെ ജില്ലാ സെക്രട്ടറി സ്ഥാനത്തു നിന്നു മാറ്റിയതും 

അനിരുദ്ധനെ മാറ്റുന്നതുമായി ബന്ധപ്പെട്ടു ജില്ലയിലെ  പാർട്ടിയിലുണ്ടായ പൊട്ടിത്തെറിയുടെ കനലുകളാണു വീണ്ടും ചാത്തന്നൂരിൽ തലപൊക്കുന്നത്.

പരമ്പരാഗത സിപിഐ ക്കാരെ പാർട്ടിയ്ക്ക് പുറത്ത് നിർത്തി ജയലാൽ കോക്കസ് പാർട്ടിയിൽ പിടിമുറുക്കി നിയോജക മണ്ഡലത്തിലെ കാര്യങ്ങൾ ഒന്നും തന്നെ പാർട്ടിയുമായി ചർച്ച ചെയ്യാതെ   തൻപ്രമാണിത്തമാണ് നടക്കുന്നത് എന്നും ബ്രാഞ്ച് സമ്മേളനങ്ങളിൽ ചർച്ചയായിരുന്നു.

ജയലാലിനു കോടികളുടെ മുതൽമുടക്കിനുള്ള പണം വന്ന വഴിയും ആശുപത്രിയ്ക്ക് വേണ്ടി സാമ്പത്തിക സ്രോതസ് കണ്ടെത്താൻ എംഎൽഎ സ്വീകരിച്ച വഴിവിട്ട നടപടികളും പാർട്ടി എന്ത് കൊണ്ട് അന്വേഷണം നടത്തിയില്ല എന്നാണ് അംഗങ്ങൾ ചോദിക്കുന്നത്. പാരിപ്പള്ളിയിൽ സ്വന്തമായി ലോക്കൽ കമ്മിറ്റി കെട്ടിടം നിർമ്മിക്കുന്നതിനായി പിരിച്ച പണം എവിടെ പോയി എന്ന ജയലാലിനെതിരെയുള്ള ആരോപണം പാരിപ്പള്ളി ലോക്കൽ സമ്മേളനത്തെ കാലുഷിതമാക്കും. നിയോജക മണ്ഡലത്തിലെ നിർമ്മാണപ്രവർത്തങ്ങളിൽ നടത്തിയ അഴിമതിയും ബിനാമി ഇടപാടുകളും എല്ലാം തന്നെ ചർച്ചയാക്കി ജയലാൽ നേതൃത്വം കൊടുക്കുന്ന പാർട്ടിയിലെ പ്രബലമായ വിഭാഗത്തെ ഒതുക്കാനാണ് കാനം രാജേന്ദ്രനോട്‌ അടുത്ത് നിൽക്കുന്ന നേതാക്കൾ നേതൃത്വം കൊടുക്കുന്ന ഒരു വിഭാഗം ശ്രമിക്കുന്നത്. ജയലാൽ നിലവിൽ മണ്ഡലം കമ്മിറ്റി അംഗം മാത്രമാണ് സിപിഐയിൽ പാർട്ടി നടപടിയിൽ താഴേക്ക്‌ ആ സ്ഥാനത്തിൽ നിന്നും ജില്ലാ കൗൺസിൽ സ്ഥാനത്ത് എത്താനാണ് ജയലാലിന്റെ ശ്രമം അതിന് തടയിട്ട് കൊണ്ട് ചാത്തന്നൂർ മണ്ഡലം കമ്മിറ്റി വിഭജിച്ചു കൊണ്ട് പരവൂർ - ചാത്തന്നൂർ മണ്ഡലം കമ്മിറ്റികളാക്കി നിലവിൽ ജയലാൽ പക്ഷത്തിന്റെ ആധിപത്യം അവസാനിപ്പിച്ചു കൊണ്ട് മണ്ഡലം കമ്മിറ്റികൾ സംസ്ഥാന ജില്ലാ കമ്മിറ്റികൾക്ക് വിദേയമാക്കാനാണ് സംസ്ഥാന സെക്രട്ടറി കാനം രാജേന്ദ്രന്റെ പിന്തുണയോടെ മറുപക്ഷം നീക്കം നടത്തുന്നത് എന്തിരുന്നാലും സിപിഐയുടെ ലോക്കൽ സമ്മേളനങ്ങൾ കടുത്ത വിഭാഗിയതയിലേക്ക് നിങ്ങുമെന്ന സൂചന നൽകുകയാണ്.