നിറയെ വാഗ്ദാനങ്ങളുമായി പരവൂർ നഗരസഭയുടെ ബഡ്ജറ്റ്
പരവൂര്‍ : നിറയെ വാഗ്ദാനങ്ങളുമായി പ പരവൂര്‍ നഗരസഭയുടെ 2022-2023 വർ‍ഷത്തെ ബജറ്റ് അവതരിപ്പിച്ചു.
നഗരസഭ ചെയർ പേഴ്സൺ പി. ശ്രീജയുടെ അധ്യക്ഷതയിൽ
നഗരസഭ വൈസ് ചെയർമാൻ എ.സഫർകയാൽ അവതരിപ്പിച്ചു. 543747393 രൂപ വരവും 466612765 രൂപ ചെലവും 77134628 രൂപ നീക്കിയിരുപ്പും പ്രതീക്ഷിക്കുന്ന ബജറ്റാണ് ഇന്നലെ നഗരസഭ കോണ്‍ഫറ
ന്‍സ് ഹാളില്‍ അവതരിപ്പിച്ചത്. ബജറ്റുമായി ബന്ധപ്പെട്ട ചര്‍ച്ച ഇന്ന് (വ്യാഴം) രാവിലെ 10 മണിക്ക് നടക്കുമെന്ന് നഗരസഭ ചെയര്‍പേഴ്സണ്‍ പി.ശ്രീജ അറിയിച്ചു.
ഉന്നത വിദ്യാഭ്യാസം നടത്തുന്ന മത്സ്യ തൊഴിലാളികളുടെ മക്കൾക്ക് ലാപ്ടോപ്, പരവൂർ കായൽ, ഇടവ നടയറ കായൽ വരെ ടിഎസ് കനാൽവഴി പൊതു-സ്വകാര്യ പങ്കാളിത്തത്തോടെ ഹൗസ് ബോട്ട് സംവിധാനം, സെപ്റ്റേജ് ട്രീറ്റ്മെന്റ് പ്ലാന്റ്, പൊഴിക്കര ചീപ്പുപാലത്തിന് സമീപത്തെ മണൽത്തിട്ട നീക്കം ചെയ്യുന്നതിന് നടപടി സ്വീകരിക്കും. പുത്തൻകടവ് മുതൽ കാപ്പിൽപാലം വരെ ഇടവ നടയറകായലിന് സമാന്തരമായി തൂക്കുപാലം നിർമിക്കും. കോളനികളുടെ അവസ്ഥ പഠനവിധേയമാക്കുകയും ക്ഷേമകാര്യ കമ്മിറ്റികൾ രൂപവൽകരിക്കുകയും ചെയ്യും. ടൗൺഹാളിന് വസ്തു വാങ്ങൽ, താലൂക്ക് ആശുപത്രിയിൽ സൗജന്യ ഡയാലിസിസ്, ആശുപത്രിയിലേക്ക് പുതിയ ട്രാൻസ്‌ഫോമറും മറ്റ് സൗകര്യങ്ങളും ഒപ്പം പുതിയ ജനറേറ്ററും, നഗരസഭാതലത്തിൽ ക്ഷീരസംഘം രൂപീകരിക്കൽ, പാലിയേറ്റീവ് കെയർ പദ്ധതി, എല്ലാവാര്‍ഡുകളും ഹരിതസമൃതിവാര്‍ഡുക്കളാക്കും, ഓണക്കാലത്തേക്ക് പൂക്കൃഷി നടത്തുക എന്നിവയാണ് പ്രധാന നിര്‍ദേശങ്ങള്‍.
No comments:
Post a Comment