ഭാരതീയ വിശ്വാസമനുസരിച്ചു ലോകത്തിന്റെ പിതാവ് പരമേശ്വരനും മാതാവ് പാർവ്വതി ദേവിയുമാണ് ഓരോ ശിവക്ഷേത്രത്തിലും പ്രതേക പ്രതിഷ്ഠ കൂടാതെ തന്നെ ശിവലിoഗ പ്രതിക്ഷ്ഠയുടെ പിറക് വശത്തായി പാർവതി സാന്നിധ്യം ഉണ്ട് അത് കൊണ്ടാണ് ശിവക്ഷേത്രത്തിന്റെ ശ്രീകോവിലുകളിൽ പിൻവിളക്ക് തെളിയിക്കുന്നത് പ്രദക്ഷിണത്തിനിടെ ശ്രീകോവിലിന്റെ പിറക് വശത്ത് എത്തുമ്പോൾ പാർവതി സമേതനായ പരമേശ്വരനെ സംഘൽപ്പിച്ച് വേണം തൊഴുവാൻ.
ജ്യോതിഷത്തിൽ ജാതകന്റെ പിതൃകാരകത്വം സൂര്യനും മാതൃകാരകത്വം ചന്ദ്രനുമാണ് നൽകിയിരിക്കുന്നത്. അത് കൊണ്ട് കൂടിയാണ് പ്രപഞ്ചമാതാവായ ദേവിക്ക് മാതൃഭാവത്തിൽ അനുഗ്രഹവും കാരുണ്യവും ചൊരിയുന്ന അമ്മയ്ക്ക് മാതൃകാരകനായ ചന്ദ്രനെ സാക്ഷിയാക്കി പൊങ്കാല സമർപ്പിക്കുന്നത്. ആത്മ നിവേദനമാണ് ഓരോ പൊങ്കാലയുടെയും സാംഗത്യവും സാരവും സമർപ്പണം മന:ശുദ്ധിയോടെ ആയിരുന്നാൽ ഏതു സമർപ്പണവും അമ്മയ്ക്കുള്ള പൊങ്കാലയായി മാറും ഒരിത്തിരി ദാഹജലത്തിനായി ദാഹിച്ചുവലഞ്ഞയാൾക്ക് അത് മൃഗമോ പക്ഷിയോ ഏതുമായി കൊള്ളട്ടെ നൽകുന്നത് സമഭാവനയോടെയും ഈശ്വരാർപ്പണ ബോധത്തോടെയും ആയാൽ അതെല്ലാം ഈശ്വരനുള്ള സമർപ്പണമായി മാറും ഇ അർത്ഥത്തിൽ വേണം ചന്ദ്രപൊങ്കാലയും സമർപ്പണം ചെയ്യേണ്ടത് പ്രപഞ്ചത്തിലെ ഓരോ ജീവജാലങ്ങളിലും മൂന്ന് ഗുണങ്ങളാണ് കാണുന്നത് സ്വാതികം, രാജസം, താമസം, ഓരോരുത്തരിലും ഇ മൂന്ന് ഗുണങ്ങളും അടങ്ങിയിരിക്കുന്നു. പൊങ്കാലയ്ക്കായി ഒരുക്കുന്ന അടുപ്പ് കല്ലുകൾ നമ്മളിലുള്ള മൂന്ന് ഗുണങ്ങളാണെന്ന് കരുതണം ത്രിഗുണങ്ങളായ കല്ല് കൊണ്ടുണ്ടാക്കിയ അടുപ്പിൽ വയ്ക്കുന്ന മൺകലം നമ്മുടെ ശരീരമാണ് ഏത് നിമിഷവും വീണുടയാവുന്ന മൺകുടം നശ്വരമായ നമ്മുടെ ശരീരമാണെന്ന ബോധം വന്നാൽ ശരീരത്തിന്റെ ആരോഗ്യം സൗന്ദര്യം ബലം അത് മൂലമുണ്ടാകുന്ന അഹങ്കാരം എന്നിവയിൽ നിന്നെല്ലാം മോചനമാകും ത്രിഗുണങ്ങളാണ് ശരീരത്തിലിരിക്കുന്ന ജീവാത്മാവിനെ കൊണ്ട് ഓരോരോ കർമ്മവും ചെയ്യിച്ചു അതിലും അതിന്റെ ഫലത്തിലും അർപ്പിച്ചു കൊണ്ട് അഭിമാനം, അഹങ്കാരം തുടങ്ങിയവ ജനിപ്പിക്കുന്നത്.
നാം ചെയ്ത പുണ്യപാപങ്ങളാക്കുന്ന കർമ്മങ്ങളാണ് അടുപ്പിൽ എരിക്കാനുള്ള വിറക് ആകുന്നത് ഇ വിറകിൽ ഭക്തിയാകുന്ന അഗ്നി പകരണം പുണ്യത്തെയും പാപത്തെയും അതിലൂടെ ആർജിച്ച സകല ഫലങ്ങളെയും ഭക്തിയാകുന്ന അഗ്നി കൊണ്ട് എരിച്ചു ഭസ്മനക്കുന്നതോടെ ഓരോ ഭക്തനും മോഷത്തിലേക്കുള്ള വഴി ഒരുക്കുകയാണ് ചെയ്യുന്നത്. കലത്തിൽ നിറയ്ക്കുന്ന ജലം ജീവാത്മാവും ഒപ്പം പകരുന്ന ഉണക്കലരി പ്രാരാബ്ദ കർമ്മവും ശർക്കരയും മറ്റും അനുസാരികളും ഇ ജന്മത്തിൽ ആർജിച്ച വാസനകളും ആണെന്ന് ഉറപ്പിക്കുക ആളിയെരിയുന്ന ഭക്തിയുടെ അഗ്നിയിൽ ഇവ ഒന്നാകെ തിളച്ചു പവിത്രീകരിക്കപ്പെടും പാലാഴി മഥനത്തിനൊടുവിൽ അമൃതം നിറഞ്ഞ കുംഭo ചോദിച്ചത് പോലെ സമർപ്പണ ബുദ്ധിയോടുള്ള ഭക്തിയിൽ പാകപ്പെട്ട മനസും ശരീരവുമായി അമ്മയ്ക്ക് പൊങ്കാല നിവേദിക്കുകയാണ് വേണ്ടത്.
അനവധി കൈകളും രക്തം ഈറ്റുവീഴുന്ന നീളമേറിയ നാവും ചുവന്ന അഗ്നിയുടെ നിറവും കൈകളിലെല്ലാം ആയുധങ്ങളുമായി ആകാശതുല്യമായ കേശഭാരം അഴിച്ചുവച്ചു ഭീകരരൂപീയായി അമ്മ നിൽക്കുന്നത് ദുഷ്ടരുടെ മുന്നിൽ മാത്രമാണ് നിഷ്കളങ്ക മനസോടെ മുന്നിലെത്തുന്നവർക്ക് മാതൃ സ്വരൂപണിയാണ് അമ്മ. വിദ്യാപ്രധാനിയുമാണ് കാളി. ഒരു കൈകുഞ്ഞിനോളം നിഷ്കളങ്ക മനസോടെ സ്വയം ഒരു കൈകുഞ്ഞാണ് എന്ന ഭാവനയോടെ ഭദ്രകാളി ക്ഷേത്രത്തിലെത്തി തൊഴുതു പ്രാർത്തിച്ചാൽ നേടാനാകാത്തതായി ഒന്നുമില്ല പ്രാർത്ഥന നിഷ്കളങ്കമായിരിക്കണം എന്നത് ഏറെ പ്രധാനവുമാണ്. ഇത്തരം മനസോടെ ബാഹ്യ -ആഭ്യന്തര - ശരീര - മന -ശരീര - ആഹാര - ആഹാര്യ - ചിന്ത ശുദ്ധികളോടെ ഏറ്റവും ശുദ്ധവും പവിത്രവുമായ ദ്രവ്യങ്ങൾ ഉപയോഗിച്ച് ചന്ദ്രപൊങ്കാല സമർപ്പിക്കുമ്പോഴാണ് അത് ആത്മസമർപ്പണമാകുന്നത് ദേവിക്കും അത് വഴി സകല ദേവതമാർക്കും പ്രിയങ്കമാകുന്നതും ആത്മസമർപ്പണമാണ്.
No comments:
Post a Comment