ശ്രീഭൂതനാഥക്ഷേത്ര ഐതിഹ്യം

@ ദക്ഷിണകേരളത്തിലെ  

പ്രധാന ശാസ്താക്ഷേത്രങ്ങളിൽ ഒന്നാണ്

അതിപുരാതനമായ ചാത്തന്നൂർ ശ്രീഭൂതനാഥ ക്ഷേത്രം 

പരബ്രഹ്മസ്വരൂപനായ ഭഗവാൻ ശ്രീഭൂതനാഥനാണ്  പ്രധാന പ്രതിഷ്ഠ.

തുല്യ പ്രാധാന്യമായി പരമാത്മാവും മൃത്യുവിജയിയുമായ പരമേശ്വരനും ഭദ്രകാളിയും ശങ്കരനാരായണ സ്വാമിയും, നാഗദൈവങ്ങളും ഉപദൈവങ്ങളും കുടികൊള്ളുന്നു. മേലൂട്ട് ക്ഷേത്രത്തിൽ ശ്രീഭൂതനാഥനും  സമീപമായി കിഴക്ക് 

പടിഞ്ഞാറ് ദർശനമായി ശങ്കരനാരായണ സ്വാമിയും

കീഴൂട്ട് ക്ഷേത്രത്തിൽ പരമശിവനും കിഴക്കോട്ടു ദർശനമായി വാഴുമ്പോൾ കീഴൂട്ട് ക്ഷേത്രത്തിന് സമീപമായി വടക്ക് ദർശനമായി ഭദ്രകാളിയും  കീഴൂട്ട് ക്ഷേത്രത്തിന് മുൻപിലായി പടിഞ്ഞാറ് ദർശനമായി നാഗദൈവങ്ങളും ഭക്തർക്ക്‌ അനുഗ്രഹം ചൊരിഞ്ഞു വാഴുകയാണ്.

@ ഐതിഹ്യം

 മഹർഷിവര്യന്മാരുടെയും യോഗീശ്വരന്മാരുടെയും തപോഭൂമി ആയിരുന്ന ഇവിടെ ഒരു യോഗീശ്വരൻ ഇ ഘോരവനപ്രാദേശത്ത് തപസ് ചെയ്തിരുന്നതായും വന്യമൃഗങ്ങളുടെ ശല്യം നിമിത്തം തപസ് അനുഷ്ഠിക്കുന്നതിൽ ഭംഗം വരരുത് എന്ന് ഇഷ്ടദേവനോട്‌ 

 പ്രാർത്ഥന നടത്തുകയും ഇഷ്ടദേവൻ മൂന്ന് ലോകവും നിറഞ്ഞു അബും വില്ലും ധരിച്ച രൂപത്തിൽ പ്രത്യക്ഷപ്പെട്ടു സ്വയം ഭൂവായി എന്നാണ് ഐതിഹ്യം തുടർന്ന്

യോഗീശ്വരൻ പ്രതിക്ഷ്ട നടത്തി ആരാധിക്കുകയായിരുന്നു ആ പ്രതിഷ്ഠയാണ് ശ്രീഭൂതനാഥൻ "വേട്ടയ്ക്ക് ഒരു മകന്റെ പ്രതിഷ്ഠയാണ് ഇപ്പോൾ ആരാധിക്കുന്നത്. യോഗീശ്വരൻ തപസ് അനുഷ്ഠിച്ച സ്ഥലത്താണ് ഇപ്പോഴത്തെ മേലൂട്ട് ക്ഷേത്രവും ശ്രീകോവിലും സ്ഥിതി ചെയ്യുന്നത്. കാലങ്ങൾ കഴിഞ്ഞു തലമുറകൾക്കിപ്പുറം 

ഇവിടെ താമസിച്ചിരുന്ന ബ്രാഹ്‌മണർ ആരാധനയ്ക്കായി അവരുടെ കുലദൈവമായ ശങ്കരനാരായണനെ കൂടി ശ്രീഭൂതനാഥക്ഷേത്രത്തിന് സമീപമായി പടിഞ്ഞാറ് ദർശനമുള്ള 

 ശങ്കരനാരായണസ്വാമിയുടെ പ്രതിഷ്ഠ നടത്തിയെന്നും ശിവപ്രതിഷ്ഠയെന്നും രണ്ട് അഭിപ്രായമുയർന്നപ്പോൾ നടത്തിയ ദേവപ്രശ്നത്തിൽ

ശങ്കരനാരായണസ്വാമിയാണെന്ന് തെളിയുകയും അങ്ങനെ ശങ്കരനാരായണസ്വാമിയുടെ പ്രതിക്ഷ്ഠ നടത്തുകയായിരുന്നു. ശിവന്റെയും ഭദ്രകാളിയുടെയും സാന്നിധ്യമുണ്ട് എന്ന് ദേവപ്രശ്നത്തിൽ തെളിഞ്ഞതിനെ തുടർന്ന് ശ്രീഭൂതനാഥന് വടക്ക് ഭാഗത്ത് താഴ്ന്ന പ്രദേശത്ത് ശിവക്ഷേത്രവും ശ്രീഭൂതനാഥന് സമീപമായി ഭദ്രകാളിയെയും പ്രതിഷ്ടിക്കുകയായിരുന്നു. തുടർന്ന് ഇപ്പോഴത്തെ ഭരണസമിതി ഭദ്രകാളി ക്ഷേത്രത്തിന് സ്ഥലം വാങ്ങി ശിവക്ഷേത്രത്തിന് സമീപമായി വടക്ക് ദർശനമായി പ്രതിഷ്ടിക്കുകയായിരുന്നു. ശിവക്ഷേത്രത്തിന് അഭിമുഖമായി നാഗദൈവങ്ങൾ പടിഞ്ഞാറ് ദർശനമായി കുടികൊള്ളുകയാണ്.